เธสะโลนิกา เนอบ่า ต๊าบ่า 3:11 - ลีเทส่อพ๊าอาเซ เร๊อ เห่ขุทวาลู๊

¹¹ เป จว๊าเฮ๊โต่ ฮู๊เออ เมเตเฮ๊เนอหม่า, เป หนิโฮ เร๊อ เด๊อ ซีเกลเนอ แกแย เตเกล เร๊อ อาเอ่อาแร เกออู เตอเจ๋อ โต่ เนอ อาโอ่ เต๊เห่. เร๊อ อา จว๊าโน เมซู๊ซ๊า เกอลอ อูโร อา เตหรี่เตแก เนอ อาโอ่ เต๊เห่, เป หนิโฮ ฮู๊เนอ.

Eastern Kayah Shadaw Dialect

¹¹ ꤕꤢꤩ꤬ ꤡꤝꤢꤟꤢꤩꤒ꤫ꤥ꤬ ꤟꤢꤨꤣꤧ꤭ ꤗꤢꤩ꤬ꤒꤢꤩ꤭ꤟꤢꤩꤔꤣꤧ꤬ꤗꤢ꤬, ꤕꤢꤩ꤬ ꤔ꤫ꤤ꤬ꤟꤥ꤭ ꤔꤢꤧ ꤘꤣ ꤞꤤ꤭ꤊꤜꤢꤩ꤭ꤔꤣꤧ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤊꤜꤢꤩ꤭ ꤚꤣꤧ꤬ ꤢ꤬ꤢꤩ꤬ꤢ꤬ꤚꤢꤧ꤬ ꤊꤣꤧ꤭ꤢꤨ꤭ ꤒꤣ꤬ꤡꤣ꤬꤮ ꤒꤥ꤬ ꤔꤣꤧ꤬ ꤢ꤬ꤥ꤬ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤢ꤬ ꤡꤝꤢꤔꤥ꤭ ꤗꤢꤩ꤬ꤞꤢꤨꤞꤢ ꤊꤣꤧ꤭ꤜꤢꤪ꤭ ꤢꤨ꤭ꤚꤥ꤬ ꤢ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤔꤣꤧ꤬ ꤢ꤬ꤥ꤬ ꤒꤣꤧ꤬ꤟꤢꤩ꤬, ꤕꤢꤩ꤬ ꤔ꤫ꤤ꤬ꤟꤥ꤭ ꤟꤢꤨꤔꤣꤧ꤬꤯

เธสะโลนิกา เนอบ่า ต๊าบ่า 3:11 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 5:13

โท๊โต่ เหย่ซี ทวาแถ่ แกแย เตเกลแลแบ๊, เมลอ ค๊าขี่, เร๊อ จว๊าเล แถ่หี่ เตเม โท เตเม. ตื๊อ อา เตเกล เออเนอ หม่าโต่, เหย่ซี โอ่โก แด๊อูแหย่โย, โป๊อูมุย, โนเมซู๊ซ๊า ดู๊แด เต่อเกอ เด๊อ อูโร เตหรี่เตแก อากู เน๊อ เฮ๊เบ่ โหง่ เด๊อ อา โต เฮ๊โต่ เต๊เห่.

เปโตร อาเหร่อเล๊อ ต๊าบ่า 4:15

ซี เก่ เมเซอ แกแย, หม่าโต่เรอ ซี เก่ เอ่โห่เอ่ฮี๊, หม่าโต่เร๊อ ซี เก่ เม เตมู๊แหม่รีแจ่, หม่าโต่เร๊อ ซี เก่ จว๊าโนเม ดู๊แด อู เก่เฮ๊เรอ ซี โตเบ่ ข่าเบ่แหน่ เตจาเตจือ เฮ๊อ. หม่าแน๊เรอ ซี เออเต๊เห่ เนอหม่า, ซี โต ข่าเบ่หนิ เตจาเตจือ เร๊อ ซี เม เตมู๊แหม่ เออเต๊เห่ อาคยา โต่.

เธสะโลนิกา เนอบ่า ต๊าบ่า 3:6

โป่แหว่ ครี๊พู๊ ซี๋, เด๊อ แบ่เจ่ เหย่ซู่ครี๊ อามุย อากู, เป เฮ๊แก ซี โหง่ เนอ, ล๋อ โป่แหว่ เด๊อ อา เตเกลแลแบ๊ เร๊อ อา ครวาเม เกออู ฮู๊ เป เหล่โกลเม เด๊อ เป เด๊อะแก ซี เออเนอ โต่ เต๊เห่เนอ จว๊า แบ๊ซว๊า แต่ เร๊อ เหย่ซี แต่เหม่ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:11

แอ๊จื๊อ โอ่เซอเพร โครเคร เพรดือ แลแค เร๊อ อู เด๊อ เตปว๋า เต๊อเจ่อ อากู นี๋. เน เตหรี่เตแก หม่าโต่ เต๊เห่เนอ, จว๊าโน เมซู๊ซ๊า เกอ แต่ อู แต่เหม่ นี๋. ฮู๊ เป แด๊โฉ่ โทเฮ๊อ ซี เนอ, แม๊ปูเอ่แม๊ปูแร เร๊อ โบ่เอ่แล เกอเร๊อดื่อ แลแค ซีเหน่ นี๋.

เอเฟซัส 4:28

แกแย เด๊อ อา เซอเพร เอ่โห่ เตเพรเนอ, เอ่โห่ เป่แฮ ปา แต่เหม่ นี๋. แซ่ฮู๊ อา เก่ เด๊อะเอ่เด๊อะโอ เบ๊เป่เกอ แกแย โซพ๊าโซแรพู๊ เต๊เห่เนอ, อา เบ่ เอ่ครือแรครือ หนิเกอดื่อ เตแร เด๊อ อา จ๊อจื้อ เต๊เห่.