เธสะโลนิกา เนอบ่า ต๊าบ่า 3:1 - ลีเทส่อพ๊าอาเซ เร๊อ เห่ขุทวาลู๊

¹ เป โป่แหว่ ซี๋, เป ซิหยื่อ เฮ๊โฉ่แก ซี เด๊อ คยา ตื๊อดื่อ เนอ, แซ่ฮู๊ แบ่เจ่ อา เตซิครือมีลา เก่ โลปีชีจว๊า แพรแพร อาเงเนอ, กุยจ๊อเบ เป่ เกอ เด๊อ เปเง นี๋. โท๊โต่ ฮู๊ ซี พย๊าฉื่อ โทเฮ๊อ เตซิครือมีลา เออเนอ เร๊อ เด๊อ เตแด่หยื่อแด่แหน่ อากูเนอ, แซ่ฮู๊ อู เก่ พย๊าฉื่อ แซ่เกอดื่อ ฮู๊ ซี พย๊าฉื่อ เออเนอเนอ, กุยจ๊อเบ เป่ เกอ โป่ แลแค เด๊อ เปเง นี๋.

Eastern Kayah Shadaw Dialect

¹ ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤕꤢꤩ꤬ ꤞꤤꤛ꤫ꤢꤦ꤬ ꤟꤢꤩꤏꤥ꤬ꤊꤢꤧ꤭ ꤞꤤ꤭ ꤘꤣ ꤋꤛꤢ꤭ ꤒꤣꤧ꤬ꤘꤢꤦ꤬ ꤔꤢꤧ, ꤞꤢꤧꤟꤢꤨ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤊ꤫ꤢꤦ꤬ ꤜꤥ꤭ꤕꤣꤧ꤬ꤏꤤ꤭ꤡꤝꤢ ꤖꤚꤢꤧ꤭ꤖꤚꤢꤧ꤭ ꤢ꤬ꤑꤢꤩ꤭ꤔꤣꤧ꤬, ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤊꤣꤧ꤭ ꤘꤣ ꤕꤢꤩ꤬ꤑꤢꤩ꤭ ꤔꤤ꤮꤯ ꤓꤥ꤭ꤒꤥ꤬ ꤟꤢꤨ ꤞꤤ꤭ ꤖꤛꤢꤏꤢꤦ꤬ ꤓꤥ꤭ꤟꤣꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ ꤔꤢꤧ ꤘꤣ ꤒꤢꤩ꤬ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤢ꤬ꤊꤢꤨ꤭ꤔꤣꤧ꤬ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤖꤛꤢꤏꤢꤦ꤬ ꤞꤢꤧꤊꤣꤧ꤭ꤘꤢꤦ꤬ ꤟꤢꤨ ꤞꤤ꤭ ꤖꤛꤢꤏꤢꤦ꤬ ꤣꤧ꤭ꤔꤣꤧ꤬ꤚꤣꤧ꤬, ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤊꤣꤧ꤭ ꤕ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤕꤢꤩ꤬ꤑꤢꤩ꤭ ꤔꤤ꤮꤯

เธสะโลนิกา เนอบ่า ต๊าบ่า 3:1 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:25

โป่แหว่ ซี, กุยจ๊อเบ โต่ เป่เกอ แลแค เปเง นี๋.

โคโลสี 4:3

เด๊อ เนอเคหม่า แกแย เต๊เห่ ซิเง ครี๊ อาหรี่อาแก โต่. จอแปแหร่ ด๊อโอ๊ด๊อบี๊ เร๊อดื่อ ครี๊ อาหรี่อาแกเออ. หม่าแน๊เรอ กู๊แหน่เออ เตด๊อโอ๊ด๊อบี๊ เออเนอ อา โอ่โลแถ่ เฮ๊อ. แซ่ฮู๊ จอแปแหร่ เก่ บ๊อโม หนิเป่ เปแกล๊ เด๊อ เป เก่ แด๊โฉ่โด่แน หนิเป่ อู เร๊อ ครี๊ อาหรี่อาแก เออเนอเร๊อ, กุยจ๊อเบ เป่เกอ แลแค เด๊อ เปเง นี๋. มู๋ หนู่เคหม่า เตด๊อโอ๊ เออเนอ, อา โอ่โลแถ่ แต๋โต่, ตื๊อดื่อเรอ กู๊แหน่เออ อา โอ่โลแถ่ เฮ๊อ. เด๊อ แว โด่แน เป่ อู เน๊อ ครี๊ อาหรี่อาแก อาขว่าอาคยา, อู ด๊อตา แว เด๊อ ทอกู แพ๊.

โครินธ์ อาเหร่อเล๊อ ต๊าบ่า 16:9

แกแย เด๊อ อา ซิเถ่ซิฮา แว เต๊เห่เนอ อา โอ่ เอ๊แหน่เจ๊อ หม่าแน๊เรอ แว จว๊า โอ่ เบ๊อะวีเอเฟซัส อากู เออเนอ อา งูดุงูชอ แหน่เจ๊อ เด๊อ แวเง เจ๊อ, เมเตเฮ๊เรอ แกแย เด๊อ อา ซิหยื่อ หนิโฮ จอแปแหร่ อาลาอาโหง่ เต๊เห่เนอ อา โอ่ เอ๊ แหน่ปาเจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:8

เมเตเฮ๊เรอ แบ่เจ่ อา เตซิครือมีลา เด๊อ ซี แด๊โฉ่โด่แน เป่ อู เออเนอ, อา โล จว๊าโต่ ตื๊อแพ๊ เด๊อ มาซิโดเนียเก่ เร๊อ อาคายาเก่กู เนอหม่าโต่. ซีมีลา เด๊อ ซี หยื่อเอ่แหน่ จอแปแหร่ อาหรี่อาแก เออเนอ, อา โลปีซี จว๊าโต่ เกอลอ เจ๊อเฮ๊อ เด๊อ เหล่โอ่ ปว๋า โต๊โผ่ เฮ๊อ. ฮู๊เนอเรอ ซี เตหยื่อ อาหรี่อาแก เออเนอ, เป โหล่ โด่แน เป่ปา อู เตเพร่ว โต่ เฮ๊อ.

เพรโด่แนพู๊ เต๊เห่ 19:20

เด๊อ จอแปแหร่ เตโพรเตเตอเรอ โอ่โลแถ่ เด๊อ แกล๊ ฮู๊เออ อาขว่าอาคยา, จอแปแหร่ อาลาอาโหง่ โลปีชี จว๊าแหล่แถ่ โป่ เร๊อ อา ดุแถ่ทูแถ่ เป่แฮ โป่ เด๊อ เง.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:17

กุยจ๊อเบ แลแค ปว๋า โตโพ๊ นี๋.

เพรโด่แนพู๊ เต๊เห่ 12:24

หม่าแน๊เร๊อ จอแปแหร่ อาลาอาโหง่เนอ, อา โลปีชีจว๊า ยา เป่แฮโป่ เด๊อ เง เร๊อ อู หยื่อเอ่ โอ่เอ๊แถ่ เร๊อ โอ่เอ๊แถ่ เจ๊อ.

ทิโมธี เนอบ่า ต๊าบ่า 2:9

แว ย๋อ แด๊โฉ่โด่แน เป่ อู เตซิครือมีลา อาขว่าอาคยาเร๊อ, แว ข่าเบ่เฮ๊อ เตจาเตจือ เร๊อ อู จอกลอหม่า เจ๊อ แว เน๊อ สู่เปลอต่อเท๊ แซ่เน๊อ แกแย เมซื๊อ เตซว๊าเตแส่ เตเพร เจ๊อ. หม่าแน๊เรอ จอแปแหร่ อาลาอาโหง่ เนอ อู จอกลอหม่าแจ่ อา โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

โป่แหว่ ซี, เด๊อ คยาเล๊อเนอ, ซี โตเบ่ โอ่เซอเพร โต เร๊อ จอแปแหร่ อาซิปล่อ ฮู๊เตเนอ, เป อิซว๊า โทเฮ๊อ ซี เฮ๊อ. เร๊อ กู๊แหน่เออ ซี โอ่เซอเพร เนอหม่า อา หม่าเฮ๊อ. กู๊แหน่เออ เป กุยซิยอ ซี เร๊อ เป ครอครวาเกอ ซีคยา เด๊อ แบ่เจ่ เหย่ซู่ อาเหล่โอ่ เนอ, ซี เก่ เม แฮเง เอ๊แถ่เอ๊แถ่ โป่ ฮู๊เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13

เบ๊อะซี หนิโฮ จอแปแหร่ อาลาอาโหง่ เด๊อ เป แด๊โฉ่ เป่ ซีเออ เบ๊อะเนอ, ซี พย๊าฉื่อ อา ฮู๊ อา โอ่ เด๊อ แกแย อา โอ่ เร๊อ อา แฮเนอ หม่าโต่. ซี พย๊าฉื่อ เจ๊อ อา ฮู๊ อา โอ่ เด๊อ จอแปแหร่ อา โอ่ เร๊อ อา แฮ เนอ เจ๊อ. ฮู๊เนอ อาขว่าอาคยา, เป เฮ๊บุ๊ยเฮ๊เตอเรอ จอแปแหร่ ปว๋า โตโพ๊ เจ๊อ. เร๊อ เตหรี่เตแก เออเนอหมา จอแปแหร่ อา เตหรี่เตแก หม่าแหน่ เจ๊อ. เร๊อ เด๊อ เตหรี่เตแก เออ อาขว่าอาคยา, จอแปแหร่ นอโอ่เซอเพร เฮ๊อ ซี ฮู๊ อาโต ลูซิปล่อ เนอเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:1

โป่แหว่ ซี, เป จว๊าโอ่เล เกอ ซี เนอ, อา ลอแกเด ม๊อเนอม๊อเซ หม่าโต่. อาบุ๊ยเตอเรอ โอ่แพ๊ เนอหม่า ซี ซิเง ดื่อเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:5

เมเตเฮ๊เรอ เป พย๊าแฮ เป่ ซี เตซิครือมีลา เออเนอหมา ตื๊อแพ๊ เป กู๊อู่ อา เตเฮ๊เบ่ เนอหม่าโต่. เตซิครือมีลา เออเนอหมา, อาโอ่ เร๊อ อา เตอเรอฉว่าชอ, อาโอ่ เร๊อ แหย่โยบูโพ๊ แบ่เจ่, อาโอ่ เร๊อ เตหยื่อเอ่ ลอหล่าตี๊กลิ เตซิครือมีลา อา เตจ๊อเตเต เออเต๊เห่. เร๊อ เบ๊อะเป โอ่เกอ เร๊อ ซี เบ๊อะเนอ, เป หม่า แกแย ฮู๊เต เต๊เห่เนอหม่า, ซี ซิเง โทดื่อเฮ๊อ. เออเนอหมา เป โอ่เซอเพร เป่ เด๊อ ซี เหล่หนิบุ๊ย หนิเตอเรอ อาเง แพ๊.

โครินธ์ เนอบ่า ต๊าบ่า 1:11

แซ่ฮู๊ จอแปแหร่ เก่ เมแลเปล๊กา เป เร๊อ เตฮู๊เออ เต๊เห่ อาเงเนอ, เป โหล่ เด๊อ ซี เก่ เมจว่าเกอ เป เร๊อ ซี เตกุยจ๊อเบ. แซ่ฮู๊ แกแย เก่ ถู่เซ๊ เฮ๊บุ๊ยเฮ๊เตอเรอแถ่ จอแปแหร่ เอ๊ลา ปา อาเงเนอ, จอแปแหร่ เก่ หนิดา ซี เตกุยจ๊อเบ เต๊เห่ ปา เร๊อ อา เก่ เมแลเปล๊กา เป เด๊อ เตเซอ เร๊อ อาบุ๊ยดุอาเตอเรอทู ปา.

ꤚꤥꤗꤢꤩ꤬ 15:30

โป่แหว่ ซี๋, เด๊อ เป แบ่เจ่ เหย่ซู่ครี๊ เร๊อ แหย่โยบูโพ๊ แบ่เจ่ อาเตโม อาขว่าอาคยา, แว กุยซิยอ ซี เร๊อ ซี เก่ กุยจ๊อเบ โหร่โต่เกอ เร๊อ แว ปา, เร๊อ ซี เก่ กุยจ๊อเบแถ่ เป่เกอ แว เด๊อ จอแปแหร่ อา โอ่ ปา. เร๊อ ซี เก่ กุยจ๊อเบ ลอซิปล่อเตเมลอ เป่เกอ เด๊อ แวเง ปา นี๋.

เพรโด่แนพู๊ เต๊เห่ 6:7

ฮู๊เนอเรอ จอแปแหร่ อาลาอาโหง่เออ อา โลปีชี จว๊า เร๊อ จว๊า เจ๊อ. โทเรอ เด๊อ วีเยรูซาเล็ม อากู เนอ, แกแย เด๊อ อา หยื่อเอ่แหน่เอ่รี เต๊เห่ โอ่โหร่โอ่เอ๊แถ่ เร๊อ แถ่ เจ๊อ. โท๊โต่ เพร หลู่แตเต เต๊เห่เนอ, อา หยื่อเอ่แหน่เอ่รี เอ๊ เกอ แหน่เจ๊อ.

มัทธิว 9:38

เร๊อ กุย แลแค จอแปแหร่ เด๊อ อาทวา แหล่ แบ่เจ่ เนอ เร๊อ อา เก่ ซูจว๊า เพรเก๊โบ๊ เต๊เห่ เด๊อ อาแหล่ขุ เออเนอ นี๋.”

ꤜꤢꤨꤊꤢ꤬ 10:2

อา เฮ๊ เป่ เหย่ซี เน๊อ, “เหล่เก๊โบ๊ อาเหล่โอ่ โอ่เอ๊ลา, หม่าแน๊เรอ เพรเก๊โบ๊ โอ่ปีตี๋ แหน่เจ๊อ. เร๊อ กุย แลแค แหล่แบ่เจ่ เร๊อ อา เก่ นอแฮ เพรเก๊โบ๊ เต๊เห่ เด๊อ อาแหล่ขุ เออเนอ นี๋.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.