เธสะโลนิกา เนอบ่า ต๊าบ่า 2:2 - ลีเทส่อพ๊าอาเซ เร๊อ เห่ขุทวาลู๊

² แกแย เตเพรเพร เก่ เฮ๊ ซี เร๊อ แบ่เจ่ อาม๊อเนอ แฮโต่ โทเฮ๊อ เฮ๊เนอหม่า เป กุยซิยอ ซี๋, คย๊ายื๊อ ยู งย๊า แลแค แต่เหม่ นี๋, ต๊อหร่อเซ๊ ซิอิเช แลแค แต่เหม่ นี๋. อา เก่ เฮ๊ เป่ เจ๊อ ซี เนอ, จอแปแหร่ นอเฮ๊โพร หนื่ออื่อ แว เก่หม่าโต่เรอ อู แด๊โฉ่ ซิเงโล เป่ แว ฮู๊เนอ อา เฮ๊จ๊อ เบ่เบ่, เก่หม่าโต่เรอ อา เก่ เฮ๊ แลแค เร๊อ ลี แฮโต่ เด๊อ เป โอ่ ต๊าบ่า, อา เก่ เฮ๊จ๊อ ฮู๊เนอ เบ่เบ่ หยื่อเอ่ แลแค แต่เหม่ นี๋.

Eastern Kayah Shadaw Dialect

² ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤟꤢꤩ ꤞꤤ꤭ ꤔꤢꤧ ꤙꤢꤧ꤬ꤡꤢꤩ꤬ ꤢ꤬ꤗ꤫ꤢꤪ꤬ꤔꤣꤧ꤭ ꤟꤢꤧ꤭ꤒ꤫ꤥ꤬ ꤓꤥ꤭ꤟꤣꤧ ꤟꤢꤩꤔꤣꤧ꤬ꤗꤢ꤬ ꤕꤢꤩ꤬ ꤊꤝꤤ꤭ꤞꤤꤛꤢꤪ꤬ ꤞꤤ꤭꤮, ꤋꤛꤢꤛꤢꤦ ꤛꤢꤨ꤭ꤑꤢ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤒꤣꤧ꤬ꤚꤢꤪ꤬ꤞꤢꤩ ꤞꤤꤤ꤬ꤏꤢꤩ꤭ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤢ꤬ ꤊꤢꤩ꤬ ꤟꤢꤩ ꤕ꤫ꤢꤩ꤬ ꤡꤣꤧ ꤞꤤ꤭ ꤔꤢꤧ, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤩꤖꤚꤥ꤬ ꤥ꤬ꤔꤢꤩ꤬ ꤠꤢꤧ꤭ ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤢꤨ꤭ ꤟꤢꤩꤏꤥ꤬ ꤞꤤꤑꤢꤩ꤭ꤜꤥ꤭ ꤕ꤫ꤢꤩ꤬ ꤠꤢꤧ꤭ ꤟꤢꤨꤔꤣꤧ꤬ ꤢ꤬ ꤟꤢꤩꤡꤣꤧ ꤙꤢꤩ꤬ꤙꤢꤩ꤬, ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ ꤊꤢꤩ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ ꤜꤤ꤬ ꤟꤢꤧ꤭ꤒ꤫ꤥ꤬ ꤘꤣ ꤕꤢꤩ꤬ ꤥ꤬ ꤒꤣ꤬ꤙꤢ꤬, ꤢ꤬ ꤊꤢꤩ꤬ ꤟꤢꤩꤡꤣꤧ ꤟꤢꤨꤔꤣꤧ꤬ ꤙꤢꤩ꤬ꤙꤢꤩ꤬ ꤛ꤫ꤢꤦ꤬ꤢꤩ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

เธสะโลนิกา เนอบ่า ต๊าบ่า 2:2 ပူးပေါင်းရင်းမြစ်များ

ꤗꤢ꤬ꤊꤢꤨ 13:7

เบ๊อะซี หนิโฮ อู ช๊าปายเอ่ ลู เด๊อ อาผื่อ เบ่เบ่, ซี หนิโฮ อู แด๊ เป ซี เตช๊าเตปาลู อาหรี่อาแก เด๊อ อายา เต๊เห่เนอ เบ่เบ่, ซิอิเช แลแค แต่เหม่ นี๋. เมเตเฮ๊เรอ ฮู๊เออ เต๊เห่ เนอหมา อา เบ่ ทวาแถ่ แหน่ ปา, หม่าแน๊เรอ เออเนอหม่า เห่ขุ เตเร ตื๊อดื่อ เฮ๊อเนอ หม่าล๋ายโต่.

เธสะโลนิกา เนอบ่า ต๊าบ่า 3:17

แว หม่า คูเปาโล เร๊อ แว รา เตเฮ๊โมเฮ๊แร๊ เออเนอ เร๊อ แว กู๊ขุ เร๊อดื่อ. ลี ปว๋า ต๊าบ่า เด๊อ แว รา โทเฮ๊อ เร๊อ เด๊อ อาตื๊อดื่อ เนอ, แว รา เมม๊าเมแดแก โค๊ดื่อ ฮู๊เนอ. แว รา เมม๊าเมแดแก ฮู๊เนอ ปว๋า โตโพ๊ เจ๊อ.

ꤜꤢꤨꤊꤢ꤬ 21:9

เบ๊อะซี หนิโฮ เตช๊าเตปา เร๊อ ตอปลอ ตือซือ โอ่แถ่ เบ๊อะเนอ, คย๊ายื๊อ แต่ แลแค แต่เหม่ นี๋. เมเตเฮ๊เรอ ล๋อ เต เออเต๊เห่เนอ, อา เบ่ โอ่ทวาแถ่ เหร่อเล๊อ แหน่ปา. ตื๊อดื่อเรอ เห่ขุ ตื๊อดื่อ แฮโต่ เจ๊อ เฮ๊อเนอ หม่าล๋ายโต่.”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:15

เต เด๊อ เป เตเร เฮ๊ เป่ โป่ ซีเออ เต๊เห่เนอหม่า, แบ่เจ่ อิซว๊าอี๊แส่ เร๊อ อาเหน่ เร๊อดื่อเจ๊อ. อา เฮ๊ เนอ, ช๋า แบ่เจ่ เหย่ซู่ แฮ คยาแซ๊ เบ๊อะเนอปาเนอ, เป เด๊อ อา โอ่เซอเพร ปา เออเต๊เห่เนอ, เป กา กาแถ่เหร่อ เร๊อ แกแย เด๊อ อา หยื่อเอ่ เร๊อ อา เซอ โทเฮ๊อ เนอเต๊เห่ หม่าโต่.

โครินธ์ อาเหร่อเล๊อ ต๊าบ่า 1:8

ช๋า เป แบ่เจ่ เหย่ซู่ครี๊ แฮ อาม๊อเนอ ปา เตอเนอเนอ, แซ่ฮู๊ อู เหล่แด่ เตซื๊อ เด๊อ ซีโอ่ เก่ โอ่ ปา แต่เหม่ อาเงเนอ, แบ่เจ่ เก่ ปื่อหม่าปื่อกลอ เร๊อดื่อ ซี โต่เด๊อ อา ตื๊อดื่อ ปา.

ꤛꤥ꤭ꤟꤢ꤬ 14:1

แบ่เจ่ เหย่ซู่ เฮ๊ เหย่ซี เน๊อ, “ซิปล่อกู่ ซิปล่อแก แลแค แต่เหม่ นี๋. หยื่อเอ่ แลแค จอแปแหร่ เร๊อ หยื่อเอ่เกอ แลแค แว นี๋.

ꤜꤢꤨꤊꤢ꤬ 21:19

โอ่หม่าแตแน แลแค เร๊อ ซี เก่ เตเมแลเปล๊แก เกอเร๊อดื่อ ซีเหน่ ปา.

มัทธิว 24:24

เมเตเฮ๊เรอ เพรกลว่า แลโฮ ฮู๊ ครี๊เนอ เนอ เพรกลว่า แลโฮ ฮู๊ เพรโพร ซี เต๊เห่เนอ อา เก่ โอ่แถ่ เอ๊ลา ปา. เหย่ซี เก่ เมตาปา คย๊ายื๊อ ลออู เร๊อ อาเต เมโค๊ตีกลี๊ เป่อู เต๊เห่ ปา. อา เก่ เมแจ่ เฮ๊เนอหม่า อา ซิหยื่อ อิลออี๊โหล่ แลโฮ หนิ เจ๊อ แกแย เด๊อ จอแปแหร่ นว๊าพย๊า โทเฮ๊อ ลู เนอ เต๊เห่เจ๊อ.

เตเด๊อะโลแถ่ 19:20

อู ปื่อหนิแก เตมีเตแหม่ เนอโตโด เร๊อ อู ปื่อหนิ เต่อโหร่ เกอโป่ เร๊อ เพรโพร แลโฮ เด๊อ อา เมโล เป่ อู เตโค๊ตีกลี๊ เด๊อ เตมีเตแหม่ เนอโตโด อาเป๊เส่เง เนอเตเพร. เด๊อ อา เม โค๊ตีกลี๊ เป่ อู อาขว่าอาคยา, อา อิลออี๊โหล่ แลโฮ ลอ แกแย เด๊อ อา พย๊าหนิ เตมีเตแหม่ เนอโตโด อา เตเมม๊าเมแด เร๊อ อา จ๊อเบ ลู เนอเต๊เห่. เตมีเตแหม่ เนอโตโด เร๊อ เพรโพร เด๊อ อา อิลออี๊โหล่ แลโฮ อู เนอเตเพร ซิเนอ ลอ อู ต่าตา เซอเพร แก เหย่ซี เด๊อ หมิเผ่ เด๊อ อู ชื๊ออือ เร๊อ หย่าซู๊แบ เนอเต๊เผ่ อากู.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

อู ย๋อ เมจาเมจือ ซี อาขว่าอาคยาเร๊อ, แซ่ฮู๊ ซี เก่ วี๊แก แต่ ซี เตหยื่อเตแหน่ เตเพร่ว แต่เหม่เนอ, เป นอแฮ คูทิโมธี เด๊อ ซีโอ่. ซี ซิเง แร๊แร๊แจ่แจ่ เฮ๊อ เร๊อ จอแปแหร่ เตเนหนื่ออื่อ เด๊อ เป เบ่ ข่าเบ่ เตเมจาเมจือ ฮู๊เออ เต๊เห่ เนอเฮ๊อ.

เอเฟซัส 5:6

นออิลออี๊โหล่ แต่ ซีเหน่ เร๊อ แกแย เด๊อ อา เฮ๊เบ่แลโฮ เร๊อ อาโหง่แลช๊า โอ่โต่ เต๊เห่เนอ แต่เหม่ นี๋. แกแย เด๊อ อา เม เตมู๊แหม่รีแจ่ ฮู๊เนอ เต๊เห่, เร๊อ อา หนิดา เกอ อู จอแปแหร่ อาโหง่ โต่ เต๊เห่เนอ, จอแปแหร่ เก่ ซิปล่อดุ เหย่ซี ปา เร๊อ อา เก่ เมเมจากาคยาเหย่ซี ปา.

เธสะโลนิกา เนอบ่า ต๊าบ่า 2:15

ฮู๊เนอเรอ โป่แหว่ ซี๋, เป อิซว๊าอี๊แส่ แด๊โฉ่โด่แน โทเป่เฮ๊อ ซี เร๊อ เป กู๊อู่กู๊เผ่ เนอเต๊เห่ เบ่เบ่, หม่าโต่เรอ เป อิซว๊าอี๊แส่ โทเป่เฮ๊อ ซี เร๊อ ลี เด๊อ เป รา จว๊า เป่ ซี เออเต๊เห่ อากูเนอ เบ่เบ่, โอ่หม่าโอ่กลอ เกอ แลแค อู เร๊อ ปื่อหม่า หนิ แร๊ เกอ แลแค อู นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:2

เมเตเฮ๊เรอ ซี ซิเง ตาเต โทดื่อเฮ๊อ เร๊อ แบ่เจ่ แฮ อาม๊อเนอ ปาเนอ, อาแซ่เน๊อ เพรเอ่โห่ แฮ เด๊อ เหมาะคี๊เค เนอ ปา.

ꤛꤥ꤭ꤟꤢ꤬ 14:27

แว แด่แก เป่ ซี ซิปล่อ อา เตตู๊จุเตอเจ๊อ เฮ๊อ. เร๊อ แว เด๊อะ เป่ เฮ๊อ ซี แว เตตู๊จุเตอเจ๊อ เฮ๊อ. แว เด๊อะ ซี เออเนอหมา อาแซ่เน๊อ แกแย เด๊อ ซี เนอเต๊เห่ หม่าโต่. ซิปล่อกู่ ซิปล่อแก แต่ แลแค แต่เหม่. ซิอิเช แต่ แลแค แต่เหม่เหม่.

โครินธ์ อาเหร่อเล๊อ ต๊าบ่า 7:26

เมเตเฮ๊เรอ, เป ทือเค กู๊แหน่เออ, เตแป่เตเช, เตเมจาเมจือ โอ่ เน๊อ เพรหยื่อเอ่เตพู๊ เต๊เห่ อาขว่าอาคยา, แกแย เด๊อ อา โอ่ เร๊อ หี่เร๊อเพร๊ ล๋ายโต่ เต๊เห่เนอ, โอ่แฮเง ลา แลแค ฮู๊เนอหม่า อาแร๊เล๊อ แว เตเน ฮู๊เนอ.

โครินธ์ อาเหร่อเล๊อ ต๊าบ่า 14:32

แกแย เด๊อ อา ซิหยื่อ เฮ๊โพร เต เต๊เห่เนอ, อา เฮ๊โพร เบ่เบ่, อา เฮ๊โพรโต่ เบ่เบ่, อา โต ค๊อเบ๊แจ่ เร๊อ แลแค อาเหน่.