เธสะโลนิกา เนอบ่า ต๊าบ่า 2:15 - ลีเทส่อพ๊าอาเซ เร๊อ เห่ขุทวาลู๊

¹⁵ ฮู๊เนอเรอ โป่แหว่ ซี๋, เป อิซว๊าอี๊แส่ แด๊โฉ่โด่แน โทเป่เฮ๊อ ซี เร๊อ เป กู๊อู่กู๊เผ่ เนอเต๊เห่ เบ่เบ่, หม่าโต่เรอ เป อิซว๊าอี๊แส่ โทเป่เฮ๊อ ซี เร๊อ ลี เด๊อ เป รา จว๊า เป่ ซี เออเต๊เห่ อากูเนอ เบ่เบ่, โอ่หม่าโอ่กลอ เกอ แลแค อู เร๊อ ปื่อหม่า หนิ แร๊ เกอ แลแค อู นี๋.

Eastern Kayah Shadaw Dialect

¹⁵ ꤟꤢꤨꤔꤣꤧ꤬ꤚꤣꤧ꤬ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤓꤥ꤭ꤕ꤫ꤢꤩ꤬ꤟꤣꤧ ꤞꤤ꤭ ꤔꤢꤧ ꤕꤢꤩ꤬ ꤊꤢꤨꤢꤨ꤬ꤊꤢꤨꤖꤢ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤓꤥ꤭ꤟꤣꤧ ꤕ꤫ꤢꤩ꤬ ꤞꤤ꤭ ꤔꤢꤧ ꤜꤤ꤬ ꤘꤣ ꤕꤢꤩ꤬ ꤚꤢ꤭ ꤡꤝꤢ ꤕ꤫ꤢꤩ꤬ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤥ꤬ꤊꤜꤢꤪ꤬ꤏꤢꤪꤗꤢ꤬ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤚꤣꤧ꤬ ꤕ꤫ꤢꤦ꤬ꤗꤢ꤬ ꤚꤢꤧ ꤚꤣꤧ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤔꤤ꤮꤯

เธสะโลนิกา เนอบ่า ต๊าบ่า 2:15 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 11:2

ซี ซิเหน่แถ่เบ่ โต่ แว ปว๋า โพ๊, โท๊โต่ ซี ครวาเม ฮู๊ อู อิซว๊าแก แว เร๊อ แว อิซว๊า แฮเง เป่ ซี เนอเต๊เห่ อาขว่าอาคยา, แว ถู่เซ๊ เกอเร๊อ แหน่เจ๊อ ซี.

เธสะโลนิกา เนอบ่า ต๊าบ่า 3:6

โป่แหว่ ครี๊พู๊ ซี๋, เด๊อ แบ่เจ่ เหย่ซู่ครี๊ อามุย อากู, เป เฮ๊แก ซี โหง่ เนอ, ล๋อ โป่แหว่ เด๊อ อา เตเกลแลแบ๊ เร๊อ อา ครวาเม เกออู ฮู๊ เป เหล่โกลเม เด๊อ เป เด๊อะแก ซี เออเนอ โต่ เต๊เห่เนอ จว๊า แบ๊ซว๊า แต่ เร๊อ เหย่ซี แต่เหม่ นี๋.

เธสะโลนิกา เนอบ่า ต๊าบ่า 2:2

แกแย เตเพรเพร เก่ เฮ๊ ซี เร๊อ แบ่เจ่ อาม๊อเนอ แฮโต่ โทเฮ๊อ เฮ๊เนอหม่า เป กุยซิยอ ซี๋, คย๊ายื๊อ ยู งย๊า แลแค แต่เหม่ นี๋, ต๊อหร่อเซ๊ ซิอิเช แลแค แต่เหม่ นี๋. อา เก่ เฮ๊ เป่ เจ๊อ ซี เนอ, จอแปแหร่ นอเฮ๊โพร หนื่ออื่อ แว เก่หม่าโต่เรอ อู แด๊โฉ่ ซิเงโล เป่ แว ฮู๊เนอ อา เฮ๊จ๊อ เบ่เบ่, เก่หม่าโต่เรอ อา เก่ เฮ๊ แลแค เร๊อ ลี แฮโต่ เด๊อ เป โอ่ ต๊าบ่า, อา เก่ เฮ๊จ๊อ ฮู๊เนอ เบ่เบ่ หยื่อเอ่ แลแค แต่เหม่ นี๋.

โครินธ์ อาเหร่อเล๊อ ต๊าบ่า 16:13

แว โป่แหว่ ซี๋, โอ่ส่าเซ แลแค ซีเหน่ ปว๋า โตโพ๊ นี๋, ก๊อถ่อ แตแนหม่า แลแค เด๊อ ซี เตหยื่อเอ่ ครี๊ เออ อากูเนอ นี๋, แด่ บื่อ เกอ แลแค ซี ซิปล่อ นี๋, แด่ฉว่าแด่ชอ แลแค ซี ซิปล่อ เด๊อ เตหยื่อ อากูเนอ นี๋.

ฟีลิปปี 4:1

ฮู๊เนอ อาขว่าอาคยา, แว โป่แหว่ ซี๋, ซี หม่า แกแย เด๊อ แว โม เกอเร๊อ เต๊เห่ เร๊อ แว ซิหนิโส่ เกอเร๊อ แหน่เจ๊อ เต๊เห่, ซี หม่า เพร เด๊อ อา เม ซิครือซิลอ แหน่เจ๊อ แว เร๊อ แว พย๊าแถ่โล่โม เกอเร๊อ แหน่เจ๊อ แวเหน่ เร๊อ ซีคยา เจ๊อ. โคแบ๊ซว๊าโม ซี๋ เออ หม่า หม่าเฮ๊อ ซี โต โอ่หม่าโอ่กลอ แลแค เด๊อ แบ่เจ่ อากู ฮู๊เตเนอ เฮ๊อ.

โครินธ์ อาเหร่อเล๊อ ต๊าบ่า 15:58

ฮู๊เนอเรอ, แว โคแบ๊ซว๊า ซี, กู๊แหน่เรอ ก๊อถ่อ แตแนแร๊ แลแค เร๊อ โอ่หม่าโอ่กลอ แลแค เด๊อ ซี เตหยื่อ อากูเนอ นี๋. เม ฉว่าฉว่า แลแค จอแปแหร่ อาเตเม ปว๋า โตโพ๊ นี๋, เมเตเฮ๊เรอ ซี เม แบ่เจ่ อาเตเม เนอ อา แกเด เด๊อ ซีเง โต่.

ꤚꤥꤗꤢꤩ꤬ 16:17

โป่แหว่ ซี, แว ซิหยื่อ แฉ่ครวา หนิ ซีคยา เน๊อ, รอ แลแค ซีเหน่ เร๊อ แกแย เด๊อ อา แฮโนเม ลูโพร๊ลูแพร เต เนอเต๊เห่ นี๋. เหย่ซี เตอิซว๊าอี๊แส่ เต๊เห่เนอ, อา อี๊หล่า จว๊า ตาพาแก แกแย เด๊อ ซีเกล เต๊เห่เห่ เร๊อ ครี๊ ปา. เหย่ซี เตอิซว๊า เต๊เห่เนอ, อา ลู โค๊ดื่อ เร๊อ ครี๊ อาหรี่อาแก เด๊อ อู อิซว๊า โทเฮ๊อ ซี เนอเต๊เห่. โอ่ตาพาแก เร๊อ เหย่ซี นี๋.

ꤛꤢꤨꤘꤢ꤬ 1:3

แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.

เธสะโลนิกา เนอบ่า ต๊าบ่า 3:14

แกแย เตเพรเพร เก่ จูเอ่ เกออู ลี เด๊อ เป ซูเป่ ซี เออต๊าบ่า อา เตอิซว๊าอี๊แส่ โต่ เฮ๊เนอหม่า, แม๊โตม๊าแก อา นี๋. แซ่ฮู๊ อา เก่ ซิเตเร แล เกอเร๊อดื่อ อาเหน่ ปาเนอ เนอ, แบ๊ซว๊า แต่ แลแค อา แต่เหม่ นี๋.

ꤒꤤꤒꤢꤨ 1:9

แซ่ฮู๊ อา เก่ เด๊อะอ๊าเด๊อะเหร่เบ๊ อู เร๊อ เตอิซว๊าอี๊แส่ เด๊อ อาโต เต๊เห่, โท๊โต่ แซ่ฮู๊ อา เก่ อิซว๊าอี๊แส่ กาคยาฉื่อแจ่ คยา แกแย เด๊อ อา เฮ๊ โตโมจู๊แก่ เตหรี่เตแก เออเต๊เห่ อาเงเนอ, อา โตเบ่ หยื่อเอ่ ปื่อหม่าปื่อกลอ หนิ แร๊ เตหรี่เตแก เด๊อ อู หยื่อเอ่เกอ อา เร๊อ ฮู๊ อู อิซว๊าอี๊แส่ โทเฮ๊อ ลู เนอเต๊เห่.