เธสะโลนิกา เนอบ่า ต๊าบ่า 2:13 - ลีเทส่อพ๊าอาเซ เร๊อ เห่ขุทวาลู๊

¹³ โป่แหว่ ซี๋, ซี หม่า แกแย เด๊อ แบ่เจ่ โมหนิเร๊อ ซีเต๊เห่ เร๊อ เป เบ่ เฮ๊บุ๊ยเฮ๊เตอเรอ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ แซ่ฮู๊ ซี เก่ พย๊าหนิ เกอ เตเมแลเปล๊กา อาเงเนอ, จอแปแหร่ นว๊าแถ่ หนื่ออื่อ โทเฮ๊อ ซี เด๊อ กูลู่เค ปาเนอ เจ๊อ เฮ๊อ. เด๊อ แหย่โยบูโพ๊ แบ่เจ่ เมบูโพ๊ เฮ๊อ ซี เร๊อ ซี หยื่อเอ่ เตหมะเตจ๊อ อาขว่าอาคยา, จอแปแหร่ เมแลเปล๊กา ซี เฮ๊อ.

Eastern Kayah Shadaw Dialect

¹³ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤙꤢꤧ꤬ꤡꤢꤩ꤬ ꤗꤥ꤬ꤚꤣꤧ ꤞꤤ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤕꤢꤩ꤬ ꤙꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤞꤤ꤭ꤑꤢꤩ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤥ꤬ꤔꤢꤩ꤬ ꤓꤥ꤭ꤟꤣꤧ ꤞꤤ꤭ ꤘꤣ ꤊꤣꤧ꤬ꤜꤢꤨꤋꤢꤩ꤭ ꤕꤢ꤬ꤔꤣꤧ꤬ ꤡꤣꤧ ꤟꤣꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ꤖꤥꤏꤣꤧꤓꤢꤧ꤬ ꤟꤣꤧ ꤞꤤ꤭ ꤔꤢꤧ ꤞꤤ꤭ ꤛ꤫ꤢꤦ꤬ꤢꤩ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤞꤤ꤭ ꤟꤣꤧ꤯

เธสะโลนิกา เนอบ่า ต๊าบ่า 2:13 ပူးပေါင်းရင်းမြစ်များ

ทิโมธี เนอบ่า ต๊าบ่า 1:9

แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:9

จอแปแหร่ นว๊าแถ่ เป เร๊อ เป เก่ ข่าเบ่ อา เตซิปล่อดุ อาเตเมจากาคยา เออเนอ หม่าโต่. เด๊อ เป แบ่เจ่ เหย่ซู่ครี๊ ขว่าคยาเรอ, อา นว๊าแถ่ เป เร๊อ เป เก่ พย๊าหนิ ลาเฮ๊อ เตเมแลเปล๊กา เออเนอแพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:4

โป่แหว่ เด๊อ จอแปแหร่ โมหนิเร๊อ ซี, เป ซิเง เร๊อ ซี หม่า แกแย เด๊อ จอแปแหร่ นว๊าแถ่หนิ ซีเต๊เห่ เฮ๊อ.

เธสะโลนิกา เนอบ่า ต๊าบ่า 1:3

โป่แหว่ ครี๊พู๊ ซี๋, เป ซิเงแถ่เบ่ ซี เบ๊อะเกเต๋ เบ่เบ่ เนอ, เป เบ่ เฮ๊บุ๊ยเฮ๊เตอเรอ เจ๊อ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ ซี เตหยื่อเตแหน่ เร๊อ ซี เตโมเร๊อ ลู เตเพร เร๊อ เตเพร เนอ, อา ดุแถ่ เร๊อ ดุแถ่ อาขว่าอาคยา, เป โตเบ่ เฮ๊บุ๊ยเฮ๊เตอเรอ แหน่ เฮ๊อ.

ꤚꤥꤗꤢꤩ꤬ 9:11

เบ๊อะอาพู๊ ดีคยา เออซิเนอ โอ่เป๊เจ่แล แต่ล๋ายโต่ เบ๊อะเนอ, โทเรอ เบ๊อะอาพู๊ เออซิเนอ เม แต่ลา เตซื๊อ เร๊อ เตแร๊ ล๋ายโต่ เบ๊อะเนอ, จอแปแหร่ เฮ๊หนื่ออื่อ เหร่อ อาโหมะ เน๊อ, “อาแหว่เพร่ว เตเพร เบ่แร เป่ อาโป่ เนอเตเพร อาเตเม ปา.” แซ่ฮู๊ อู เก่ ซิเง เร๊อ จอแปแหร่ นว๊าแถ่ จู๋ ดื่อ อาซิปล่อ ฮู๊ อา เต เตเนหนื่ออื่อ โทเฮ๊อ เนอเรอ, อา เมเฮ๊อ ฮู๊ อา เต เตเนหนื่ออื่อ เออเนอ เฮ๊อ. เด๊อ แกแย เตเพรเพร เมโทเฮ๊อ เตเต๊อเจ่อเจ่อ อาขว่าอาคยาเร๊อ, อา นว๊าแถ่ ลู หม่าโต่. โท๊โต่, อา โอ่ เด๊อ จอแปแหร่ อา กู่ยากู เร๊อ อา นว๊าแถ่ เกอเร๊อ ลู แพ๊.

เพรโด่แนพู๊ เต๊เห่ 13:48

เบ๊อะแกแยยิวพู๊ หม่าโต่ เออเต๊เห่ หนิโฮน๊อ เกอ เฮ๊อ เตเออ เบ๊อะเนอ, เหย่ซี ซิครือ เร๊อ ถู่เซ๊แถ่ แบ่เจ่ อาลาอาโหง่ เออเต๊เห่ เฮ๊อ. เร๊อ แกแย เด๊อ จอแปแหร่ นว๊าแถ่เฮ๊อ เหย่ซี เด๊อ อา เก่ พย๊าหนิเกอ แหย่โยบูโพ๊เซอเพร ตูจูเพร เต๊เห่เนอ, อา ทวา กา แลแค เพรหยื่อเอ่ เต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:10

เตโม อาโหง่แลช๊า หม่าแหน่ หม่า จอแปแหร่ โม เป เร๊อ แซ่ฮู๊ เป เตซื๊อเตปล๊า ล๋อ ปลี เก่ ปลวาแก อาเงเนอ, อา นอแฮแล ข่าเซอ อาพู๊คู เด๊อเป เง. หม่าแน๊เรอ เป เตโม จอแปแหร่ เนอ อาดุ แซ่เน๊อ อาเตโม เป เออเนอ โต่.

เอเฟซัส 2:8

เมเตเฮ๊เรอ, เด๊อ ซี หยื่อเอ่ ครี๊ เร๊อ จอแปแหร่ อาบุ๊ยอาเตอเรอดุทู แหน่เจ๊อ เด๊อ ซีขุเออ อาขว่าอาคยา, อา เมแลเปล๊กา เฮ๊อ ซี เฮ๊อ. เด๊อ ซี แหน่แบ่เจ่ เร๊อดื่อ ลอ แอ๊จื๊อแอ๊เหร่ ขว่าคยา เร๊อ ซี พย๊าหนิ เตแลเปล๊กา หม่าโต่. เออ หม่า จอแปแหร่ เด๊อะตาครา แพ๊ ซี แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:19

จอแปแหร่ ย๋อ โมเร๊อ เป อาขว่าอาคยา, เป โม เกอเร๊อ ลู เตเพร เร๊อ เตเพร เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:18

เด๊อ เป หนิโฮ เตซิครือมีลา เตหมะเตจ๊อ อาขว่าอาคยาเร๊อ, จอแปแหร่ เด๊อะทวาแถ่ เฮ๊อ เป เน๊อ อาพู๊ จู๋ ดื่อ ฮู๊ อาซิปล่อ เร๊อดื่อ เนอเฮ๊อ. แซ่ฮู๊ เป เก่ ทวาแถ่ ส่อเส่ เด๊อ อาเส่เหร่อเล๊อ อู เต๊เห่ เด๊อะ เตแบ๊แล ล๋อ ปลี เออเต๊เห่ อาเกล เนอเรอ, อา เด๊อะทวาแถ่ เฮ๊อ เป เน๊อ อาพู๊ แพ๊.

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.

ꤊꤢ꤬ꤜꤢ꤬ꤒꤤ 3:1

กาลาเทียพู๊ เด๊อ อา บี่ซิปล่อสู่เทอ ซี๋ แซ่ฮู๊ ซี ซิหยื่อ หนิดา ครวาเมเกอ คยาแซ๊ คูโมเสส อา เตซว๊าเตแส่ เออเนอ เร๊อ อูเป แฮ อี๊ลอแลโฮ ซี เป? แว โด่แนโปลเพ๊ เป่โทเฮ๊อ ซี เร๊อ เหย่ซู๊ครี๊ข่าเซอ อาเหน่เด๊อ อี๊ถื่อดีเต่ลู เนอเฮ๊อ แวเฮ๋.

เพรโด่แนพู๊ เต๊เห่ 15:9

จอแปแหร่ อา เตแม๊เถอะ เนอหม่า ฮู๊เตเฮ๊เรอ, แกแยยิวพู๊ เออเต๊เห่ เร๊อ แกแยยิวพู๊ หม่าโต่ เออเต๊เห่ เนอหม่า อาโค๊ เร๊อ ลู เตอเจ๋อ โต่. เด๊อ เหย่ซี หยื่อเอ่แลแค จอแปแหร่ อาขว่าอาคยา, อา ปลวาแก เหย่ซี เตซื๊อ เร๊อ อา เมโพ๊เมแปละเฮ๊อ เหย่ซี ซิปล่อ.

ꤟꤤꤙꤚꤢꤨ 1:10

โทเรอ อา เฮ๊เกอ โป่ อาพู๊คู เน๊อ, “เก๋อ แบ่เจ่, เด๊อ เตอเจ๋อ โอ่ทวาแถ่ แต่ล๋าโต่ เบ๊อะเนอ, เน แบ๊แล เร๊อดื่อ เห่ขุ, เน เตแล เร๊อดื่อ ม๊อเล เต๊เห่ เน๊อ เน กู๊ขุ.

ทิโมธี เนอบ่า ต๊าบ่า 3:15

เด๊อ เน เป๊เจ่เค เนอ, อู อิซว๊า โทเฮ๊อ เน เน๊อ ลีเทส่อพ๊า เออเนอ เฮ๊อ. แซ่ฮู๊ เน เก่ หยื่อเอ่ แบ่เจ่ เหย่ซู่ครี๊ เร๊อ เน เก่ พย๊าหนิ จอแปแหร่ อา เมแลเปล๊กา เน อาเงเนอ, ลีเทส่อพ๊าเออ เด๊อะโทเฮ๊อ เน เตลีแมลีเพ๊ เฮ๊อ.

ทิโมธี เนอบ่า ต๊าบ่า 2:15

แซ่ฮู๊ เน เก่ เมโตเมเบ่ ฮู๊ จอแปแหร่ อา เตซิหยื่อ เนอ, โท๊โต่ แซ่ฮู๊ เน เก่ แซ่เน๊อ เพรแรเต เตเพร เด๊อ อา ซิเตเร เกอเร๊อ อา เตเอ่เตแร โต่, โท๊โต่ แซ่ฮู๊ เน เก่ ทวาดื่อ แกแย เด๊อ อา อิซว๊าโต อิซว๊าเบ่ เป่ อู เน๊อ จอแปแหร่ อาลาอาโหง่ อา เตหมะเตจ๊อ เตเพร อาเงเนอ, แอ๊จื๊อ เมแร๊แร๊ เจ๊อ นี๋.

เธสะโลนิกา เนอบ่า ต๊าบ่า 2:10

แซ่ฮู๊ อา เก่ แลโฮแลแห่หนิ แกแย เด๊อ อา เตเร เซอ เด๊อ แหย่โย ตากยา เต๊เห่ อาเงเนอ, อา เก่ นอเอ่ เกอเร๊อ อา เตมู๊แหม่รีแจ่ เนอเต๊เห่ ปว๊า เต๊อเจ่อ ปา. เหย่ซี ซิครือซิลอ พย๊าฉื่อ เกออู เตหมะเตจ๊อ โต่ อาขว่าอาคยา, อา เก่ เซอ แลแค ปา. เหย่ซี เก่ พย๊าฉื่อ เฮ๊เรอ อา เก่ พย๊าหนิ แลแค เตแลเปล๊กา ปา.

ꤚꤥꤗꤢꤩ꤬ 8:33

หม่าอูเป เตเพร เตเร แฮ แด่แจ่ แกแย เด๊อ จอแปแหร่ นว๊าแถ่ เหย่ซี เออเต๊เห่ อาเตซื๊อ เป? เพร เด๊อ อา แด่จ๊อแด่เต เหย่ซี หม่า จอแปแหร่ เฮ๊อ.

ꤚꤥꤗꤢꤩ꤬ 6:17

แว เฮ๊บุ๊ยเฮ๊เตอเรอ จอแปแหร่, เมเตเฮ๊เรอ, เด๊อ เหร่อ เคเนอ ซี ทวาน๊อ โทเฮ๊อ เตซื๊อ อาหลู่ โตโพ๊ หม่าแน๊เรอ กู๊แหน่เออ ซี หนิดา ลอ ซิปล่อซีเมเฮ๊อ จอแปแหร่ อา เตอิซว๊า อาเซ เด๊อ ซี พย๊าหนิ เออเนอเต๊เห่ เฮ๊อ.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤛꤥ꤭ꤟꤢ꤬ 1:1

เด๊อ จอแปแหร่ แบ๊แล แต่ล๋าย เห่ขุ โต่ เบ๊อะเนอปาเนอ, อู เอ๊ ลู เร๊อ เตลาเตโหง่ เออเตเพรเนอ, อา โอ่โทดื่อ เฮ๊อ. เตลาเตโหง่ เออเนอ อา โอ่ เกอ เร๊อ จอแปแหร่ เร๊อ เตลาเตโหง่ เออเนอหมา หม่าเฮ๊อ จอแปแหร่ เฮ๊อ.

โคโลสี 3:12

ซี หม่า จอแปแหร่ อาแกแย เด๊อ อา โพ๊แปละอาโพ๊อาแปละ เร๊อ อา โม หนิเกอเร๊อ เต๊เห่, เร๊อ อา นว๊าแถ่ หนิเกอเร๊อ เฮ๊อ ซี เฮ๊อ. ฮู๊เนอเรอ กือแซ๊แถ่ แลแค เตซิยอกล่าเบ่, เตเมแร๊เต, เตแด่หยว่า ซีซิปล่อ, เตซิโด่ซิงา เร๊อ เตแด่ทูซิปล่อ ซีเนอ เต๊เห่ นี๋.

เห่ขุทวาลู่ 1:1

เบ๊อะ จอแปแหร่ดุ แบ๊ตาลู่ เต อากูลู่เคเนอ อา แบ๊ตา หนิดื่อ ม๊อขุ เน๊อ เห่ขุ.

โครินธ์ อาเหร่อเล๊อ ต๊าบ่า 1:21

จอแปแหร่ อา เตลีแมลีเพ๊ หม่า อาดุอาแย หม่าแหน่ เจ๊อ. ฮู๊เนอเรอ แกแยเห่ขุพู๊ เออเต๊เห่ เก่ แม๊ปูซิเงเบ๊ จอแปแหร่ เน๊อ เหย่ซี เตซิคว๊าซิเง เต๊เห่เนอ, อา เบ๊แตแค๋ โต่. โท๊โต่ จอแปแหร่ ซิปล่อโอ่ เด๊อ อา เก่ เมแลเปล๊กา แกแย เด๊อ อา หยื่อเอ่ ครี๊ อา เตซิครือมีลา เด๊อ เป แด๊โฉ่โด่แน เป่ อู เออเนอ เต๊เห่ ปา. หม่าแน๊เรอ แกแย เด๊อ อา หยื่อเอ่ เตซิครือมีลา เออ โต่ เต๊เห่เนอ, อา เตเนซื๊อ แลแค เน๊อ เตเฮ๊โฉ่โด่แน เออเต๊เห่ เนอหม่า อา โอ่เล๊อโอ่กลอ แพ๊, อา เตเน แลแค ฮู๊เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:12

เมเตเฮ๊เรอ แซ่ฮู๊ ซี เก่ โอ่เซอเพรโต โอ่เซอเพรเบ่ ฮู๊ จอแปแหร่ อาซิปล่อเนอ เร๊อ เป เด๊อะอ๊าเด๊อะเหร่ ซี, เป เฮ๊เบ่โมเฮ๊เบ่แร๊ ซี, เป แฉ่ครวา ซีคยา ปว๋า เตเพร เจ๊อ. จอแปแหร่ หม่า เพร เด๊อ อา เอ๊โน ซี เด๊อ อาเทออาเก่ เร๊อ อา เตอเรอดุทู อากู เตเพรเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:7

เมเตเฮ๊เรอ จอแปแหร่ เอ๊ เป เด๊อ เป เก่ เบ่ โอ่เซอเพร เมซื๊อ เพรเหมาะเพรคู อาเงเนอ หม่าโต่. แซ่ฮู๊ เป เตก๊อถ่อโอ่แน ซีเต๊เห่ เก่ อาโพ๊อาแปละ อาเงเนอเรอ, อา เอ๊ เป แพ๊.