เธสะโลนิกา เนอบ่า ต๊าบ่า 2:1 - ลีเทส่อพ๊าอาเซ เร๊อ เห่ขุทวาลู๊

¹ โป่แหว่ ครี๊พู๊ ซี๋, แว ซิหยื่อ แด๊โฉ่โล เป่ ซี เร๊อ ช๋า แบ่เจ่ เหย่ซู่ครี๊ แฮ เบ๊อะเนอ ปา อาหรี่อาแก เร๊อ เป เก่ กาโอ่ปล๊อ เต่อคยาลู เด๊อ อา โอ่ ปา อาหรี่อาแก เออเนอ แพ๊.

Eastern Kayah Shadaw Dialect

¹ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤞꤤ꤭꤮, ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤏꤢ꤮ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ ꤢ꤬ꤋꤢꤩ꤭ ꤕꤢ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤊꤢ꤬ꤥ꤬ꤕꤜꤢꤪ ꤒ꤫ꤣ꤬ꤋꤛꤢ꤭ꤜꤢꤨ꤭ ꤘꤣ ꤢ꤬ ꤥ꤬ ꤕꤢ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤖꤢꤧ꤯

เธสะโลนิกา เนอบ่า ต๊าบ่า 2:1 ပူးပေါင်းရင်းမြစ်များ

ꤗꤢ꤬ꤊꤢꤨ 13:27

โทเรอ แกแยเห่ขุ อาพู๊คู หม่าเฮ๊อ แวเออ อา เก่ นอกาแล เตเน่ว เต๊เห่ ปา เร๊อ แว เก่ นอจว๊า เหย่ซี เด๊อ เห่ขุ ลุยเหนาะ เนอปา, เหย่ซี เก่ เป๊อแถ่ จว๊า เด๊อ ม๊อด๊า แก่ช๊า โต่เด๊อ ม๊อด๊า ทือตื๊อดื่อ เนอปา เร๊อ เหย่ซี อา จว๊าเอ๊ปล๊อ แกแย เด๊อ จอแปแหร่ นว๊าเถ่ โทเฮ๊อ เหย่ซี เนอเต๊เห่ ปา. เต เฮ๊เบ่ โหง่ค๊าโข่ ก่อดุ๊ยเหมาะ

มัทธิว 24:31

จอแปแหร่ เก่ นอแฮแล เตเน่ว เต๊เห่ ปา เร๊อ อาเก่ โอ๊ พราฉว่า แถ่กวา ปา. เร๊อ อา เก่ เอ๊โอ่ปล๊อ เต่อลอ แกแย เด๊อ แบ่เจ่ นว๊าแถ่ โทเฮ๊อ เหย่ซี เร๊อ อา โอ่ แลแค เด๊อ เห่ขุ ลุยกยาลุยหน่อ เต๊เห่ปา.

ทิโมธี เนอบ่า ต๊าบ่า 4:1

ช๋า เหย่ซู่ครี๊ แฮเป๊อเฮ๊อ ฮู๊ คุ๊ยจ๊อแผ่ เตเพร เบ๊อะเนอปาเนอ, อา เก่ แฮ เมจากาคยา แกแย เซอเพร เต๊เห่ เน๊อ แกแยเซอ เต๊เห่ เนอเจ่อลอ ปา. ฮู๊เนอเรอ เด๊อ จอแปแหร่ เน๊อ เหย่ซู่ครี๊ อา เป๊เส่เง เนอ, แว ซิหยื่อ เฮ๊หม่า เฮ๊กลอแก แวโหง่ เน๊อ เน ฮู๊เออ,

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:13

เบ๊อะเป แบ่เจ่ เหย่ซู่ แฮแล เต่อ เร๊อ อาแกแย บูโพ๊ เต๊เห่ ล๊อปลี ปา เบ๊อะเนอ, แซ่ฮู๊ อู เหล่แด่ ซี เตซื๊อ เก่ โอ่ ปา แต่เหม่, โท๊โต่ แซ่ฮู๊ ซี เก่ บูโพ๊ เด๊อ เป จอแปแหร่ เร๊อ เปเพ เร๊อดื่อ เออเตเพร อาเป๊เส่เง ปาเนอ, อา เก่ เด๊อะฉว่าเด๊อะชอ เกอเร๊อดื่อ ซี ซิปล่อ อาอ๊าอาเหร่ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:19

หม่าเมเตเรอ เป ซิหยื่อ จว๊าโอ่เล เกอโป่ แหน่เจ๊อ ซี เฮ๊เนอหม่า, ซี ย๋อ โอ่ เร๊อ ซี เตหยื่อ เด๊อ อาฉว่าอาชอ อาขว่าอาคยา, เป โอ่ เร๊อ เตแม๊ชือ, เป โอ่ เร๊อ เตซิครือซิลอ, เร๊อ เบ๊อะแบ่เจ่ เหย่ซู่ครี๊ แฮ เตอเนอปาเนอ, ซี ทวาเฮ๊อ เป เหล่พย๊าแถ่โลหนิ เป ซิปล่อ เด๊อ อาเป๊เส่เง ปา เฮ๊อ.

มัทธิว 25:32

แกแยปว๊าเมวเจอะ ปว๊าเต๊อเจอะ เนอ, อา เก่ แฮ โอ่ปล๊อลอ เด๊อ ลูเป๊เส่เง ปา, เร๊อ ฮู๊ เพรเกซิหมิ อาเบโค๊ เกอเร๊อ อาซิหมิ เต๊เห่ เร๊อ เป่ เต๊เห่เนอ, อา เก่ เบ โค๊ลอ แกแย เออเต๊เห่ ปา.

เอเฟซัส 1:10

ช๋า ตาโตตาเบ่ เฮ๊อ ปาเนอ, จอแปแหร่ เก่ เมเล๊อเมบาแถ่ อา เตตี๊หรี่แตแร หนื่ออื่อ เออเต๊เห่ ปา. ล๋อ เตเด๊อ อา โอ่ เด๊อ ม๊อขุ เนอเต๊เห่ เบ่เบ่, ล๋อ อา โอ่ เด๊อ เห่ขุ เออเต๊เห่ เนอเบ่เบ่, อา เก่ เมปล๊อเมจือ เต่อลอ ลู เด๊อ อา กู่กล๊อดุเล๊ออู ครี๊ เออเตเพร อาเล ปา.

ꤚꤥꤗꤢꤩ꤬ 12:1

ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ.

เห่ขุทวาลู่ 49:10

อู เก่ พย๊าตาพาแก แจ่ปา คูยูดาห์ อาเตอเรอฉว่าชอแจ่ เตเพร่ว โต่. โท๊โต่ คุ๊ยอิแท๊โบ เนอ อา เก่ โอ่หม่าโอ่กลอ เด๊อ อากลุยอาลุ๊ย เต๊เห่ อากู๊ขู่กู ปา. เน เก่ เป๊อ โต่เด๊อ เมวเจ่อ เต๊เห่ พย๊าแฮ เป่ ลู เชหยู่ ปา. เร๊อ เมวเจ่อ เต๊เห่ เก่ แด่ดุหยื่อแหน่ ลอ เน ปา.

มัทธิว 16:27

เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา.

มัทธิว 16:28

แว เฮ๊ หม่าแหน่ เจ๊อ ซี, แกแย เต๊เห่เห่ เด๊อ อา ก๊อถ่อโอ่ เบ๊อะซีเกลเออ เต๊เห่เห่เนอ, เบ๊อะเหย่ซี เซอแต่ล๋าย โต่ เนอ, เหย่ซี เก่ แม๊เถอะน๊อ แลแค แกแยเห่ขุ อาพู๊คู เก่ แฮ ฮู๊ คุ๊ย เตเพรเนอ อุ้ย ปา.”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

โป่แหว่ ซี, เด๊อ คยาเล๊อเนอ, ซี โตเบ่ โอ่เซอเพร โต เร๊อ จอแปแหร่ อาซิปล่อ ฮู๊เตเนอ, เป อิซว๊า โทเฮ๊อ ซี เฮ๊อ. เร๊อ กู๊แหน่เออ ซี โอ่เซอเพร เนอหม่า อา หม่าเฮ๊อ. กู๊แหน่เออ เป กุยซิยอ ซี เร๊อ เป ครอครวาเกอ ซีคยา เด๊อ แบ่เจ่ เหย่ซู่ อาเหล่โอ่ เนอ, ซี เก่ เม แฮเง เอ๊แถ่เอ๊แถ่ โป่ ฮู๊เนอ.

เธสะโลนิกา เนอบ่า ต๊าบ่า 1:3

โป่แหว่ ครี๊พู๊ ซี๋, เป ซิเงแถ่เบ่ ซี เบ๊อะเกเต๋ เบ่เบ่ เนอ, เป เบ่ เฮ๊บุ๊ยเฮ๊เตอเรอ เจ๊อ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ ซี เตหยื่อเตแหน่ เร๊อ ซี เตโมเร๊อ ลู เตเพร เร๊อ เตเพร เนอ, อา ดุแถ่ เร๊อ ดุแถ่ อาขว่าอาคยา, เป โตเบ่ เฮ๊บุ๊ยเฮ๊เตอเรอ แหน่ เฮ๊อ.