เธสะโลนิกา เนอบ่า ต๊าบ่า 1:12 - ลีเทส่อพ๊าอาเซ เร๊อ เห่ขุทวาลู๊

¹² เป กุยจ๊อเบ ฮู๊เออ เนอหม่า แซ่ฮู๊ เป แบ่เจ่ เหย่ซู่ เก่ พย๊าหนิ เตเตอเรอดุเตอเรอทู เด๊อ ซี โอ่ เร๊อ อาเก่ ถู่เซ๊แถ่หนิซี ปา. เด๊อ เป จอแปแหร่ เร๊อ เป แบ่เจ่ เหย่ซู่ครี๊ อาบุ๊ยอาเตอเรอ อาขว่าอาคยาเร๊อ, อา เก่ ทวาแถ่ ดื่อ ฮู๊เออ ปา นี๋.

Eastern Kayah Shadaw Dialect

¹² ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤟꤢꤨꤣꤧ꤭ ꤔꤣꤧ꤬ꤗꤢ꤬ ꤞꤢꤧꤟꤢꤨ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤘꤣ ꤞꤤ꤭ ꤥ꤬ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤜꤢ꤭ꤒꤢꤩ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤘꤣ ꤢ꤬ ꤥ꤬ ꤕꤢ꤭ ꤢ꤬ꤑꤢꤩ꤭ ꤔꤣꤧ꤬ꤖꤢꤧ꤯ ꤘꤣ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤘꤢꤦ꤬ ꤟꤢꤨꤣꤧ꤭ ꤕꤢ꤭ ꤔꤤ꤮꤯

เธสะโลนิกา เนอบ่า ต๊าบ่า 1:12 ပူးပေါင်းရင်းမြစ်များ

เธสะโลนิกา เนอบ่า ต๊าบ่า 1:10

ช๋า แบ่เจ่ เหย่ซู่ แฮคยาแซ๊ อาม๊อเนอ เตอเนอ ปาเนอ, อา เก่ ทวาแถ่ ดื่อ ฮู๊เนอ ปา. เบ๊อะเนอเตอเนอ ปาเนอ, แบ่เจ่ เหย่ซู่ เก่ พย๊าหนิ เตเตอเรอดุเตอเรอทู เด๊อ อา แกแย บูโพ๊ เต๊เห่ อาโอ่ ปา. เร๊อ แกแย เด๊อ อา หยื่อเอ่ ลู เต๊เห่เนอ, อา เก่ คย๊ายื๊อ ลอ ลู ปา. ฮู๊เนอเรอ ซีเออ เต๊เห่เห่ เบ่เบ่, ซี เก่ ถู่เซ๊แถ่ เต่อเกอ เด๊อ เหย่ซีเกล ปา, เมเตเฮ๊เรอ ซี ย๋อ หยื่อเอ่ โทเฮ๊อ เตซิครือมีลา เด๊อ เป แด๊โฉ่โด่แน โทเป่ เฮ๊อ ซี เนอเต๊เห่ เฮ๊อ.

เปโตร อาเหร่อเล๊อ ต๊าบ่า 4:14

เก่ ซี ข่าเบ่ เตเป๊อเจ่ออิแช๊ เด๊อ ซี ครวาเกอ ครี๊ อาคยา เก่เฮ๊เรอ ซี พย๊าหนิ เตเด๊อะบุ๊ยเด๊อะเตอเรอ, เมเตเฮ๊เรอ จอแปแหร่ อา แหย่โยบูโพ๊ เด๊อ เตอเรอดุเตอเรอทู เออเนอ, อา โอ่เต่อเกอ เร๊อ ซี เฮ๊อ.

ꤛꤥ꤭ꤟꤢ꤬ 17:10

ล๋อ อา โอ่ เร๊อ แว เต๊เห่เนอ, เนเต่ เฮ๊อ, เร๊อ ล๋อ อา โอ่ เร๊อ เน เต๊เห่เนอหม่า, แวเต่ เฮ๊อ. แว พย๊าหนิ แฮเง เตเตอเรอดุ เตอเรอทู เด๊อ เหย่ซีโอ่.

โครินธ์ เนอบ่า ต๊าบ่า 13:4

เด๊อ เตอ๊าเจ่เหร่เจ่ อาขว่าอาคยา, ครี๊ ข่าเซอ อาซิปล่อ เด๊อ อี๊ถื่อดีเต่ อาลู. หม่าแน๊เรอ กู๊แหน่เออ เด๊อ จอแปแหร่ อา เตโพร ฉว่าชอ อาขว่าอาคยา, อา เซอเพร เฮ๊อ. ฮู๊เนอเฮ๊อ เป หม่า เป อ๊าเจ่เหร่เจ่ แซ่เกอดื่อ ฮู๊เนอ หม่าแน๊เรอ เบ๊อะเป เก่ เฮ๊ เฮ๊อ ซี ปา เบ๊อะเนอ, เป เก่ เด๊อะโล เป่ ซี เร๊อ จอแปแหร่ อา เตโพร ฉว่าชอ ปา, เมเตเฮ๊เรอ เป ย๋อ ทวา เฮ๊อ เตเต๊อเจ๋อ แพ๊ เร๊อ ครี๊ เด๊อ เป เตโอ่เซอเพรกู เฮ๊อ อาขว่าอาคยา, เป เก่ เมฮู๊เนอ ปา.

เตเด๊อะโลแถ่ 1:4

แว หม่า คูยอห์น. แว ราจว๊า เป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา โอ่ เด๊อ เอเซียเก่กู เนอเต๊เห่ อาโอ่. จอแปแหร่ เด๊อ อา เซอเพร มู๋ หนู่เค, โท๊โต่ กู๊แหน่เค๋ หม่า อา เซอเพรเพร, เนอปา หม่า อา เก่ เซอเพรเพร เออเตเพร เร๊อ ซิปล่อเซอเพร โซซว๊าเตเม เด๊อ อา โอ่ เด๊อ ลู กู่แกล๊แถ่โล อาเป๊เส่เง เออเต๊เห่ อาบุ๊ยอาเตอเรอ เร๊อ อา เตโส่เตเคร เออเนอ, ซี เก่ พย๊าหนิดื่อ นี๋.

โครินธ์ เนอบ่า ต๊าบ่า 8:9

เป แบ่เจ่ เหย่ซู่ครี๊ เออเนอ อาบุ๊ยดุอาเตอเรอทู เจ๊อ บ๋า เตเนอ, ซี ซิเงดื่อ เฮ๊อ. อา โอ่ เด๊อ ม๊อขุ เบ๊อะเนอ, อา ดุแหย่แถ่เซ แหน่เจ๊อ หม่าแน๊เรอ เบ๊อะอา แฮ กลว่าอาเหน่ ฮู๊ แกแย เห่ขุพู๊ เตเพร เบ๊อะเนอ, อา เบ่แฮ ทวา เจ๊อ แกแย โซพ๊าโซแรพู๊ เตเพร เด๊อ เปเง เจ๊อ. แซ่ฮู๊ ซี เก่ ดุแหย่แถ่เซ เกออู อาเงเนอเรอ, อา เบ่แฮ ทวา เจ๊อ แกแย โซพ๊าโซแรพู๊ เตเพร ฮู๊เนอ เจ๊อ.

โครินธ์ อาเหร่อเล๊อ ต๊าบ่า 1:4

เด๊อ เหย่ซู่ครี๊ อาขว่าอาคยาเร๊อ, จอแปแหร่ เด๊อะตาเฮ๊อ ซี อาบุ๊ยอาเตอเรอ เฮ๊อ. เด๊อ อา เด๊อะ ซี ฮู๊เออ อาขว่าอาคยา, แว เฮ๊บุ๊ยเฮ๊เตอเรอ เป่ ซี จอแปแหร่ ปว๋า โตโพ๊ เจ๊อ.

ฟีลิปปี 3:9

แว เตจ๊อเตเต เออเนอ, แว ซิเลแถ่หนิ ปา เด๊อ แว หนิดา ครวาเม เกอ เตซว๊าเตแส่ อาขุ เออเนอ หม่าโต่เฮ๊อ. หม่าโต่เรอ, แว ย๋อ หยื่อเอ่เฮ๊อ ครี๊ เฮ๊อ อาขว่าอาคยา, เร๊อ แว พย๊าหนิเฮ๊อ เตจ๊อเตเต เฮ๊อ. เตจ๊อเตเต เด๊อ จอแปแหร่ เด๊อะ เออเนอหม่า อา ซิเลแถ่หนิ เด๊อ เตหยื่อเตแหน่ อาลู แพ๊.

ꤚꤥꤗꤢꤩ꤬ 1:7

โคแบ๊ซว๊าโม เด๊อ อา โอ่ เด๊อ วีโรม อากู ซี, จอแปแหร่ โม เกอเร๊อ ซี, โท๊โต่ อา เอ๊ เฮ๊อ ซี เด๊อ ซี เก่ ทวาแถ่ อาแกแย เร๊อดื่อ เฮ๊อ. แว ราจว๊า เป่ลอ ซี ลีเออต๊าบ่า. เปเพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะดื่อ ซี เตบุ๊ยเตเตอเรอ เร๊อ เตตู๊จุเตอเจ๊อ นี๋.

เห่ขุทวาลู่ 18:18

อา หม่า อา เก่ทวา หม่าแหน่ เมวเจ่อดู๋ เต๊อเจ่อ เด๊อ อา โอ่ เน๊อ เตเตอเรอฉว่าชอ เนอ ปา. เร๊อ ล๋อ เมวเจ่อ เด๊อ อา โอ่ เด๊อ เห่ขุเออ เต๊เห่ เก่ พย๊าหนิ แฮเง เกอ เตเด๊อะบุ๊ยเด๊อะเตอเรอ เน๊อ อาขว่าอาคยา ปา.

ꤒꤤꤒꤢꤨ 2:11

เมเตเฮ๊เรอ แซ่ฮู๊ จอแปแหร่ เก่ เมแลเปล๊กา แกแย เห่ขุพู๊ ล๋อปลี อาเงเนอ, อา เด๊อะโลเฮ๊อ อาบุ๊ยอาเตอเรอ เฮ๊อ.