เธสะโลนิกา เนอบ่า ต๊าบ่า 1:11 - ลีเทส่อพ๊าอาเซ เร๊อ เห่ขุทวาลู๊

¹¹ ฮู๊เนอเร๊อ แซ่ฮู๊ จอแปแหร่ เก่ เมจว่า ซี เร๊อ ซี เก่ โอ่เซอเพร โตเบ่เกอ เร๊อ อาเอ๊ ซี อาเงเนอ, เป กุยจ๊อเบ เป่ เด๊อ ซิเง ปว๋า โตโพ๊เจ๊อ. เป กุยจ๊อเบ เป่ โป่ เด๊อ ซิเง เร๊อ จอแปแหร่ เก่ เมเล๊อบา เป่ ซี ล๋อ ซี เตเมแร๊ เด๊อ ซี ซิหยื่อเม เนอเต๊เห่, เร๊อ เตเม เด๊อ ซี เม เร๊อ เตหยื่อ เนอเต๊เห่. เร๊อ จอแปแหร่ เก่ เม เป่ดื่อ ซี เร๊อ อา เตโพรเตเตอเรอ ปา.

Eastern Kayah Shadaw Dialect

¹¹ ꤟꤢꤨꤔꤣꤧ꤬ꤚꤣꤧ꤬ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤞꤤ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤥ꤭ꤙꤢꤩ꤬ꤊꤣꤧ꤭ ꤔꤢꤧ ꤢ꤬ꤒꤢꤩ꤬ꤢꤩ ꤞꤤ꤭ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤕꤢꤩ꤬ ꤘꤣ ꤞꤤꤑꤢꤩ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤕ꤫ꤥ꤬ ꤘꤣ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤜꤣꤙꤢ꤭ ꤕ꤫ꤢꤩ꤬ ꤞꤤ꤭ ꤜꤢꤪ꤭ ꤞꤤ꤭ ꤒꤢꤩ꤬ꤗꤢꤩ꤬ꤚꤢꤧ ꤘꤣ ꤞꤤ꤭ ꤞꤤꤛ꤫ꤢꤦ꤬ꤗꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤔꤢꤧ ꤒꤢꤩ꤬ꤗꤢꤩ꤬ ꤘꤣ ꤞꤤ꤭ ꤗꤢꤩ꤬ ꤔꤢꤧ ꤒꤢꤩ꤬ꤛ꤫ꤢꤦ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ꤘꤢꤦ꤬ ꤞꤤ꤭ ꤔꤢꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤕꤢ꤭꤯

เธสะโลนิกา เนอบ่า ต๊าบ่า 1:11 ပူးပေါင်းရင်းမြစ်များ

ฟีลิปปี 2:13

เมเตเฮ๊เรอ, แซ่ฮู๊ ซี เก่ ซิปล่อฉว่า ซิหยื่อ หนิดา ครวาเม เกอ ฮู๊ จอแปแหร่ อา เตซิหยื่อ เด๊อ อาแร๊ เต๊เห่ อาเงเนอ, อา เม เป่เฮ๊อ เต เด๊อ ซีกู ปว๋า โต๊โพ๊ เจ๊อ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

เด๊อ ซี เตหยื่อเตแหน่ อาขว่าอาคยา, ซี เมเต อาทวาอาเถ่, เด๊อ ซี เตโมเร๊อ อู อาขว่าอาคยา, ซี ครือเม เต. เร๊อ เด๊อ ซี โอ่ เร๊อ เตแม๊ชือ เด๊อ เป แบ่เจ่ เหย่ซู่ครี๊ อาโอ่ อาขว่าอาคยา, ซี แด่ทูซิปล่อเบ๊ เตเมจาเมจือ ซี เต๊เห่. เบ๊อะเป กุยจ๊อเบ เด๊อ เปเพ จอแปแหร่ โอ่ เบ๊อะเนอ, ล๋อ ซี เมเต เออเต๊เห่เนอ, เป โชตาปา เป่ปา เจ๊อ โต่ เจ๊อ.

เธสะโลนิกา เนอบ่า ต๊าบ่า 1:5

ล๋อ เตเออเต๊เห่ ข่าเฮ๊โล เร๊อ จอแปแหร่ เต เมจากาคยา เนอหม่า อาจ๊ออาเต แพ๊. ฮู๊เนอ อาขว่าอาคยา, จอแปแหร่ เก่ แด่โตแด่เบ่ เฮ๊อ ซี เร๊อ อาเทออาเก่กู ปา. ซี ข่า เบ่ เตจาเตจือ กู๊แหน่เออ เนอหม่า, เด๊อ จอแปแหร่ เทอเก่ อาเง แพ๊.

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

เธสะโลนิกา เนอบ่า ต๊าบ่า 2:14

เด๊อ เป แด๊โฉ่ เป่ ซี เตซิครือมีลา เออ ขว่าคยาเร๊อ, จอแปแหร่ เอ๊ เฮ๊อ ซี ฮู๊เนอ เฮ๊อ. เมเตเฮ๊เรอ แซ่ฮู๊ ซี เก่ พย๊าหนิ เกอ แบ่เจ่ เหย่ซู่ครี๊ อา เตเตอเรอดุเตอเรอทู เร๊อ อา เอ๊ เฮ๊อ ซี เฮ๊อ.

เอเฟซัส 1:5

จอแปแหร่ ล๋อ โมหนิเร๊อ เป่ อาขว่าอาคยา, เด๊อ อา แบ๊แล แต่ล๋าย เห่ขุ โต่ ปา เจ๊อ อา แด่แล โทเฮ๊อ อาซิปล่อ เร๊อ อา เก่เอ๊ พู๊ เฮ๊อ เป ฮู๊ อา พู๊อาเลอ เร๊อ อาเหน่เนอ ปา. เด๊อ อา เก่ เม ฮู๊เออ อาเงเนอ, อา เก่ นอเม บ่อทือแฮเง เร๊อ เหย่ซู่ครี๊ ปา. อา เม ฮู๊เออเนอหม่า หม่าดื่อแพ๊ จู๋ อาซิปล่อ ซิหยื่อ เมหนิเร๊อดื่อ เร๊อ อาเต เตเนหนื่ออื่อ หนิเร๊อดื่อ แพ๊.

ꤚꤥꤗꤢꤩ꤬ 8:30

โท๊โต่, แกแย เด๊อ จอแปแหร่ แด่แล หนื่ออื่อ โทเฮ๊อ อาซิปล่อ เร๊อ เหย่ซี มู๋ หนู่เค เออเต๊เห่เนอ, อา เอ๊เฮ๊อ เหย่ซี เด๊อ อา เก่ ทวาแถ่เฮ๊อ อาแกแย เฮ๊อ. โทเรอ แกแย เด๊อ อา เอ๊ เกอเร๊อ เออเต๊เห่เนอ, อา แด่จ๊อแด่เต โทเฮ๊อ เหย่ซี เฮ๊อ. โท๊โต่ แกแย เด๊อ อา แด่จ๊อแด่เต โทเฮ๊อ เออเต๊เห่เนอ, อา เด๊อะเฮ๊อ เหย่ซี เร๊อ อา เตอเรอดุเตอเรอทู เต๊เห่ เฮ๊อ.

ꤜꤢꤨꤊꤢ꤬ 12:32

“เก๋อ ซิหมิเป๊หมู่ ปีตี๊ ซี๋, ซิอิเช แต่เหม่ นี๋, เมเตเฮ๊เรอ ซีเพ ซิปล่อโอ่ เด๊อ อาเก่ เด๊อ ซี เร๊อ อาเทออาเก่ เฮ๊อ.

ฟีลิปปี 1:6

จอแปแหร่ เด๊อ อา เป๊อแถ่ ถู่แหล่ แร๊กา โทเฮ๊อ ซี ซิปล่อ เออเตเพรเนอ, แว หยื่อเอ่ ตาเต เจ๊อ เร๊อ อา เก่ เมแร๊ แฮเง ปลื๊อลา โต่เด๊อ เหย่ซู่ครี๊ อาม๊อเนอ แฮโต่ ปาเนอ โตโพ๊ ปา.

เตเด๊อะโลแถ่ 5:10

เหย่ซี เก่ เม จอแปแหร่ อา เตเอ่เตแร อาเงเนอ, เน เด๊อะทวาแถ่ เฮ๊อ เหย่ซี เร๊อ เพรหลู่แตเต เต๊เห่ เด๊อ จอแปแหร่ อาเทออาเก่กู เฮ๊อ. เร๊อ เหย่ซี เก่ เป๊อเต เด๊อ เห่ขุเออ ปา.”

เตเด๊อะโลแถ่ 3:4

“หม่าแน๊เรอ แกแย เด๊อ อา โอ่เซอเพร บูโพ๊ เร๊อ อาเห่อจา ปลีโพ๊ ลอปา เบ๊อะวีซาร์ดิส เพรหยื่อเอ่เออ ตู๊หมู่ตอกล๊อ เออเนอหม่า อา โอ่ปีตี๊ แพ๊. เหย่ซี เก่ กือแซ๊แถ่ เห่อจาบู เร๊อ อา เก่ จว๊าเต่อ เกอดื่อ เร๊อ แว ปา, เมเตเฮ๊เรอ เหย่ซี โต จว๊าเต่อเกอ แหน่ เร๊อ แว เฮ๊อ.

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

ꤟꤤꤙꤚꤢꤨ 3:1

ฮู๊เนอ อาขว่าอาคยา, โป่แหว่ ครี๊พู๊ เด๊อ จอแปแหร่ เอ๊ ซี เออเต๊เห๋ เตเน แม๊มอ แลแค เหย่ซู่ เด๊อ จอแปแหร่ นอแฮ ทวา ลู เน๊อ เพรเฮ๊โฉ่โด่แหน่ จอแปแหร่ อาลาอาโหง่ เน๊อ เพรหลู่แต กู่กล๊อดุเล๊อ เออเตเพรเนอ.

ฟีลิปปี 3:14

เด๊อ เหย่ซู่ครี๊ เม เป่ โทเฮ๊อ เด๊อ แวเง อาขว่าอาคยา, จอแปแหร่ เอ๊โน เฮ๊อ แว เด๊อ ม๊อขุ เร๊อ แว แอ๊จื๊อแอ๊เหร่ แฮเง โต่เด๊อ แว เก่ พย๊าหนิ เตเมหนิคว๊าเก่ เด๊อ ม๊อขุ เออเนอ ปา. แว แซ่เฮ๊อเร๊อ แกแย แกล่ดี๊เจ เตเพร เด๊อ อา เก่ พย๊าหนิ เกออู เตเมหนิคว๊าเก่ เร๊อ อา แกล่ แฮเง โต่เด๊อ อาตื๊อดื่อ เนอเตเพร เฮ๊อ.

เอเฟซัส 1:16

แว เฮ๊บุ๊ยเฮ๊เตอเรอ จอแปแหร่ เด๊อ ซิเงเนอ, อา แลตือเป่ปา เจ๊อ โตโพ๊ โต่. แว กุยจ๊อเบ บ๊อเกเต๊ เบ่เบ่เนอ, แว ซิเงแถ่เบ่ โต่ ซี.

เอเฟซัส 1:9

เร๊อ อา เด๊อะโล เฮ๊อ เป เร๊อ อา เตตี๊หรี่โห่ เต๊หรี่เซ๊ เออเนอเฮ๊อ. อา แด่แล โทเฮ๊อ อาซิปล่อ เด๊อ อา เก่ เมเล๊อเมบาแถ่ อา เตเต๊หรี่โห่ เต๊หรี่เซ๊ เออเนอ เร๊อ ครี๊ เฮ๊อ. เออ หม่า หม่าเฮ๊อ เด๊อ อา ซิหยื่อ เด๊อะโล เป่ เป เร๊อ อา เตเต๊หรี่โห่ เต๊หรี่เซ๊ เออเนอเฮ๊อ.

ꤚꤥꤗꤢꤩ꤬ 1:9

เบ๊อะแว กุยจ๊อเบแถ่ จอแปแหร่ เบ๊อะเนอ, แว ซิเงแถ่เบ่ ซี ปว๋า โตโพ๊ เจ๊อ. แว เม หม่าแหน่ เจ๊อ ฮู๊เออ เนอหม่า จอแปแหร่ ซิเง แพ๊. แว เม เป่ ลู เตเม เร๊อ แว ซิปล่อซีเม, เร๊อ แว ข่าเฮ๊โล เป่ อาพู๊คู แบ่เจ่ เหย่ซู่ครี๊ อา เตซิครือมีลา อาหรี่อาแก เออ อาคยา เฮ๊อ.

ꤗꤢ꤬ꤊꤢꤨ 4:28

เห่ขุ อาเด๊อะดุแถ่ หนิเร๊อดื่อ อาเต แพ๊. อาเหมาะ ต๊าหม่าแถ่ เหร่อเล๊อ โทเรอ อาแปล เถ่เนอ, เร๊อ อาเส่ บากอเนอ เด๊อ คยาเล๊อ แพ๊.

โครินธ์ อาเหร่อเล๊อ ต๊าบ่า 1:8

ช๋า เป แบ่เจ่ เหย่ซู่ครี๊ แฮ อาม๊อเนอ ปา เตอเนอเนอ, แซ่ฮู๊ อู เหล่แด่ เตซื๊อ เด๊อ ซีโอ่ เก่ โอ่ ปา แต่เหม่ อาเงเนอ, แบ่เจ่ เก่ ปื่อหม่าปื่อกลอ เร๊อดื่อ ซี โต่เด๊อ อา ตื๊อดื่อ ปา.

ꤚꤥꤗꤢꤩ꤬ 11:29

เมเตเฮ๊เรอ จอแปแหร่ เด๊อะตาครา โทเฮ๊อ เชหยู่ เออเนอ เร๊อ แกแย เด๊อ อา นว๊าแถ่ เฮ๊อ ลู เออเต๊เห่เนอ, อา เฮ๊เบ่ ฉิกย๊า กาคยา ปา อาโหง่ ตีกี๋โต่ เฮ๊อ.

ꤚꤥꤗꤢꤩ꤬ 15:14

โป่แหว่ ซี๋, แว หยื่อเอ่ ตาเต หนิ เจ๊อ ซี เร๊อ ซี โอ่เซอเพร เล๊อบา เจ๊อ เร๊อ เตตว่าเตแร๊, เร๊อ เตซิคว๊าซิเง เด๊อ อาเล๊ออาบา, เร๊อ ซี อิซว๊าอี๊แส่ แจ่ เกอเร๊อ เฮ๊อ แลแค ลู เตเพร เร๊อ เตเพร เฮ๊อ.