หม่าแน๊เรอ แบ่เจ่ อาม๊อเนอ เออเนอ, อา เก่ แฮโต่คย๊า แซ่เน๊อ เพรเอ่โห่ เตเพร แฮเนอ ปา. เบ๊อะเนอ เตอเนอ ปาเนอ, ม๊อ เก่ ครอ ตอปลอแลยอแถ่ ปา เร๊อ อา เก่ โอ่เหม่แก ปา. หมิ เก่ อือปย๊า หล่าตี๊กลิแก ลอ ต๊อเหมาะ, เล, เฉ่ เด๊อ อา โอ่ เด๊อ ม๊อเล ซีเต๊เห่ ปา. เร๊อ อา เก่ อือปย๊า หล่าตี๊กลิแก ลอ เห่ขุ เร๊อ เต เด๊อ อา โอ่ เด๊อ ลูเหน่ลู เนอเต๊เห่ ล๋อ ปลี ปา.
เปโตร เนอบ่า ต๊าบ่า 3:7 - ลีเทส่อพ๊าอาเซ เร๊อ เห่ขุทวาลู๊7 หม่าแน๊เรอ เด๊อ จอแปแหร่ เฮ๊ตา แซ่เกอคยา อา โหง่ ฮู๊ อา แบ๊แลลู่ ม๊อเล เร๊อ เห่ขุ เบ๊อะเนอ เนอเฮ๊อ อาขว่าอาคยา, ม๊อเล เร๊อ เห่ขุ เด๊อ เป แม๊เถอะ อา กู๊แหน่ เออเต๊เห่เนอ, จอแปแหร่ ปื่อหม่า โอ่โก๊ เหย่ซี เร๊อ อา เก่ เมปย๊าแก เหย่ซี เร๊อ หมิ ปา. จอแปแหร่ เก่ ปื่อหม่าโอ่โก๊ โต่ เหย่ซี เด๊อ ม๊อเนอ เบ๊อะอา เก่ เมจากาคยา เมปย๊าแก เฮ๊อ แกแย เด๊อ อา แด่หยื่อแหน่เกอ ลู โต่ เนอเต๊เห่ ปา. အခန်းကိုကြည့်ပါ။Eastern Kayah Shadaw Dialect7 ꤗꤢ꤬ꤔꤢꤧꤚꤣꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤒꤢ꤭ ꤞꤢꤧꤊꤣꤧ꤭ꤋꤛꤢ꤭ ꤢ꤬ꤍ꤫ꤥ꤬ ꤟꤢꤨ ꤢ꤬ ꤙꤢꤧꤜꤢꤧ꤬ꤜꤢꤨ ꤗꤢꤪꤜꤢꤩ꤭ ꤔꤢꤧ ꤟꤢꤩ꤬ꤋꤢꤨ꤬ ꤢ꤬ꤋꤢꤩ꤭ ꤔꤣꤧ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤗꤢꤪꤜꤢꤩ꤭ ꤔꤢꤧ ꤟꤢꤩ꤬ꤋꤢꤨ꤬ ꤘꤣ ꤕꤢꤩ꤬ ꤗꤢꤧꤓ꤫ꤣꤧ꤬ ꤢ꤬ ꤊꤢꤨꤔ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤕ꤫ꤢꤦ꤬ꤗꤢ꤬ ꤥ꤬ꤊꤥ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤗꤤ꤬ ꤕꤢ꤭꤯ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤕ꤫ꤢꤦ꤬ꤗꤢ꤬ꤥ꤬ꤊꤥ ꤒ꤫ꤥ꤬ ꤛꤢꤩ꤬ꤞꤤ꤭ ꤘꤣ ꤗ꤫ꤢꤪ꤬ꤔꤣꤧ꤭ ꤙꤣꤧ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤗꤢꤩ꤬ꤕꤛꤢꤊꤢꤧ꤭ ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤔ꤫ꤢꤧ꤬ꤊꤣꤧ꤭ ꤜꤢꤨ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ အခန်းကိုကြည့်ပါ။ |
เปโตร เนอบ่า ต๊าบ่า 3:7
31 ပူးပေါင်းရင်းမြစ်များ
“โทเรอ อา เก่ เฮ๊ติ แกแย โอ่ เด๊อ อากู๊ขุ จ๊อจิ เต๊เห่ เน๊อ, ‘เถ่จว๊า ตาพาแก เร๊อ แว, ซี หม่า แกแย เด๊อ อา พย๊าหนิ เตอิชอมู๊แหม่ เต๊เห่, จว๊าโน เกอ แลแค เด๊อ อู ตี๊หรี่แตแร โอ่หนื่ออื่อ เป่ โลเน๊มู๊แหม่รีแจ่ กู่กล๊อ เนอโตโด เร๊อ อา โลเน๊โลหน่า เนอเต๊เห่ อาเง เด๊อ เหย่ซี เก่ จว๊าโอ่ เบ๊อะหมิ เด๊อ อา ปีเป่ โตโพ๋ โต่ เนอเต๊เผ่อากู เนอ.
ฮู๊เนอเฮ๊อ, เตเนแถ่ หนิคยาดื่อ แลแค วีโสโดม เร๊อ วีโกโมราห์ เร๊อ วี โอ่ เด๊อ อา โอ่ผื่อโอ่ว๊า เนอเต๊เห่. แกแยวีกู เบ๊อะเนอ เต๊เห่ หม่า อา เมซื๊อ แซ่เกอ ดื่อ เต ฮู๊เนอ เนอ เฮ๊อ. เหย่ซี ลือครวาเม แลแค สุ่ยหย่าเทอ เหล่โกล ซิหยื่อ มู๊แหม่ เต๊เห่. เร๊อ เมโมหนิ แลแค อาเหน่ เร๊อ เพรเหมาะเพรคู เหล่โกล มู๊แหม่รีแจ่ เต๊เห่. เหย่ซี ข่าเบ่ เตโซพ๊าโซแร เด๊อ หมิเผ่กู ตูจูเพร เออเนอหมา อา ทวาแถ่ ดื่อ เฮ๊อ อู เหล่แม๊บือ เด๊อ แกแย ล๋อ ปลี อาเง เฮ๊อ.
หม่าแน๊เรอ แกแย เด๊อ อา ซิหยื่อ ดุแหย่แถ่เซ เต๊เห่เนอ, อา แลตาโนเฮ๊อ เด๊อ เตอิลออี๊โหล่ อากูเฮ๊อ. โท๊โต่ อา แลตา โนเฮ๊อ เด๊อ เตซิหยื่อซิลอ เด๊อ อา แกเด เออเนอ เต๊เห่ อากู เน๊อ เตซิหยื่อซิลอ เด๊อ อา เมเบ่เช กาคยา เกอเร๊อ คยา ลู เออเนอ อากู เฮ๊อ. อา เตซิหยื่อซิลอ เออเนอ อา จอกลอหม่าเฮ๊อ ลู เน๊อ สู่เปลอ เฮ๊อ เร๊อ เตซิหยื่อซิลอ เออเนอ อา แฉ่ตาเฮ๊อ เหย่ซี เด๊อ เตปย๊าเตหลู่ เร๊อ เตแลโพร๊แลแพร อากู เออเนอเฮ๊อ.
เป เก่ โมเร๊อ อูโร ฮู๊เนอ เฮ๊เนอหม่า, จอแปแหร่ อาเตโม โอ่เล๊อโอ่บา เฮ๊อ เด๊อ เปกู เฮ๊อ. ฮู๊เนอเรอ ช๋า เตเมจากาคยา อาม๊อเนอ แฮโต่เฮ๊อ ปาเนอ, เป เก่ ซิปล่อคือ ซิปล่อฮา เฮ๊อ ปา, เมเตเฮ๊เรอ เป เตโอ่เซอเพร เด๊อ เห่ขุเออ เนอ, อา ย๋อ แซ่เฮ๊อ เร๊อ ครี๊ อา เตโอ่เซอเพร เฮ๊อ อาขว่าอาคยา, เป เก่ ซิปล่อคือ ซิปล่อฮา เฮ๊อ ปา.
นออิลออี๊โหล่ แต่ ซีเหน่ แต่เหม่ นี๋. แบ่เจ่ เหย่ซู่ครี๊ แฮ แต่ล๋ายโต่ เนอ, แกแย เต๊เห่ เก่ เท๊ฉื่อ จอแปแหร่ ปา. เร๊อ แกแย เด๊อ อา เท๊ฉื่อแก จอแปแหร่ เร๊อ จอแปแหร่ อา เตซว๊าเตแส่ เนอเตเพร เก่ โอ่โลแถ่ ปา. เตเออเต๊เห่ เก่ ทวาแถ่เหร่อ โทปาเรอ แบ่เจ่ เหย่ซู่ครี๊ แฮ คยาแซ๊ ปา อาม๊อเนอ เออเนอ, อา เก่ แฮ ทวาแถ่ เนอ ปา. โทเรอ จอแปแหร่ เก่ เมปย๊าปลื๊อแก แกแยมู๊แหม่ เนอเตเพร เด๊อ ปอรากยากู ปา.
เตมีเตแหม่ เด๊อ เน แม๊เถอะ โทเฮ๊อ เน๊อ โตโพ๊เคเนอ อาโอ่ โทเฮ๊อ หม่าแน๊เรอ กู๊แหน่เออ อา โอ่ ปา โต่ เนอโตโด เก่ โอ่โลแถ่ คยาแซ๊ ปา. อา โอ่ เด๊อ ครอกูดุ ครอกูแย เนอตูกู เร๊อ อา เก่ แฮเถ่ ปา. เร๊อ แบ่เจ่ เอ๊จว๊า ลู เด๊อ เตเมจากาคยา อาเหล่โอ่ เร๊อ อา เก่ เมปย๊าแก ลู ตูจูเพร ปา. เป๊อแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ล๋าย เหย่ซีมุย เด๊อ ลีเซอเพร อากู ล๋ายโต่ เต๊เห่เนอ, อา เก่ คย๊ายื๊อ ลอ แลแค เบ๊อะเหย่ซี แม๊ เตมีเตแหม่ เออโตโด อาเค เนอ ปา, เมเตเฮ๊เรอ, โตโพ๊เคเนอ เตมีเตแหม่ เออโตโด ย๊อ โอ่เซอเพร เร๊อ กู๊แหน่ เร๊อ อา โอ่ ปา โต่, หม่าแน๊เรอ อา เก่ โอ่โล คยาแซ๊ ปา อาขว่าอาคยา, เหย่ซี คย๊ายื๊อ ลอ แลแค แพ๊.
ကြော်ငြာတွေ