เปโตร เนอบ่า ต๊าบ่า 3:4 - ลีเทส่อพ๊าอาเซ เร๊อ เห่ขุทวาลู๊

⁴ เร๊อ เหย่ซี เก่ แด๊เฮอ ซี ปา เน๊อ, “ซี แบ่เจ่ เหย่ซู่ อ๊อแลแก ซี เร๊อ อา เก่ แฮ คยาแซ๊ ปา แวเฮ๊โต่? ฮู๊เนอเรอ อา โอ่โต เบ๊อะเตเออ? เปเพอเปโพ เต๊เห่ เซอลอ โทเฮ๊อ หม่าแน๊เรอ เตล๋อ ปลี เนอ, อา แซ่ลอ ปาแพ๊ เร๊อ ฮู๊ จอแปแหร่ แบ๊แลลู่ เห่ขุ มู๋หนู่เคเนอ ปาแพ๊ ว๊า.”

Eastern Kayah Shadaw Dialect

⁴ ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤘꤣꤧꤟꤣꤧ꤭ ꤞꤤ꤭ ꤕꤢ꤭ ꤔꤢꤧ, “ꤞꤤ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢꤪꤜꤢꤧ꤬ꤊꤢꤧ꤭ ꤞꤤ꤭ ꤔꤢꤧ ꤢ꤬ ꤊ꤫ꤢꤦ꤬ ꤟꤢꤧ꤭ ꤋꤛꤢ꤭ꤞꤢꤧ ꤕꤢ꤭ ꤠꤢꤧ꤭ꤟꤢꤩꤒ꤫ꤥ꤬? ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤥ꤬ꤒꤥ꤭ ꤙꤣꤧꤒꤢꤩ꤭ꤣꤧ꤭? ꤕꤢꤩ꤬ꤖꤣꤧ꤭ꤕꤢꤩ꤬ꤖꤥ꤭ ꤒꤣꤧ꤬ꤟꤢꤩ꤬ ꤞꤣꤧ꤭ꤜꤢꤪ꤭ ꤓꤥ꤭ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤔꤣꤧ꤬, ꤢ꤬ ꤞꤢꤧꤜꤢꤪ꤭ ꤕꤢ꤬ꤖꤢꤧ ꤔꤢꤧ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ꤜꤢꤨ ꤟꤢꤩ꤬ꤋꤢꤨ꤬ ꤘꤣ ꤔꤣꤧ꤬ꤋꤢꤩ꤭ꤔꤣꤧ꤬ ꤕꤢ꤬ꤖꤢꤧ ꤠꤢ꤯”

เปโตร เนอบ่า ต๊าบ่า 3:4 ပူးပေါင်းရင်းမြစ်များ

ꤜꤢꤨꤊꤢ꤬ 12:45

หม่าแน๊เรอ หลู่กู่กล๊อ เออเตเพร เก่ เฮ๊ เกอเร๊อ อาเหน่ เน๊อ, ‘พื๋อ เร๊อ แวแบ่เจ่ กาคยาหม่า อา งย๋า ลา ปา เกอเหล่,’ อา เฮ๊ เร๊อ อามืออาปอหนิ หลู่ เพรเหมาะเพรคู เต๊เห่, โทเร๊อ อา เอ่มือโอแพร๊.

มัทธิว 24:48

หม่าแน๊เรอ หลู่ เด๊อ อาแร๊โต่ เออเตเพร เนอ, อา เก่ เตเน เด๊ออาซิปล่อกู เน๊อ, ‘แวแบ่เจ่ กาคยา เหล่แพร น๊อ ล๋ายโต่,’ อาเก่เตเน เร๊อ,

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:19

หม่าเมเตเรอ เป ซิหยื่อ จว๊าโอ่เล เกอโป่ แหน่เจ๊อ ซี เฮ๊เนอหม่า, ซี ย๋อ โอ่ เร๊อ ซี เตหยื่อ เด๊อ อาฉว่าอาชอ อาขว่าอาคยา, เป โอ่ เร๊อ เตแม๊ชือ, เป โอ่ เร๊อ เตซิครือซิลอ, เร๊อ เบ๊อะแบ่เจ่ เหย่ซู่ครี๊ แฮ เตอเนอปาเนอ, ซี ทวาเฮ๊อ เป เหล่พย๊าแถ่โลหนิ เป ซิปล่อ เด๊อ อาเป๊เส่เง ปา เฮ๊อ.

เห่ขุทวาลู่ 19:14

ฮู๊เนอเร๊อ เพโลท เถ่จว๊า แด๊โฉ่โล เป่ อาเมเพรคูซี เด๊อ อา แฮเด๊อะม๊า โทเฮ๊อ เน๊อ อาพู๊เหมาะซี เออเต๊เห่ เน๊อ, “จอแปแหร่ ตูจูเพร เตเร เมจากาคยา ปย๊าแก ลอเฮ๊อ วี เออตีวี เฮ๊อ อาขว่าอาคยา, เมแพรมอ, เถ่ จว๊าตาพาแพรแกมอ เน๊อ วีเออ ตีวี.” หม่าแน๊เรอ อาเมเพรคูซี เต๊เห่ เตเนแพ๊ เน๊อ อา ฉู่เบ๊แลวอ เหย่ซี แพ๊.

ꤗꤢ꤬ꤊꤢꤨ 13:19

เหย่ซี โตเบ่ กุยจ๊อเบ แลแค เมเตเฮ๊เรอ, เตจาเตจือ อาม๊อเนอ เออเต๊เห่ ปา เนอ, เป๊อแถ่ เด๊อ จอแปแหร่ แบ๊แลลู่ เต โต๊กู๊แหน่ เออเนอ อา เมน๊อ ฮู๊เนอ โตโพ๋ โต่. เบ๊อะเนอเคปา เตจาเตจือ เออเนอเต๊เห่เนอ อา เก่ จาเล๊ออาโค ปา เร๊อ เด๊อคยาปา เนอ อา เก่ ทวาแถ่น๊อ ปา ฮู๊เนอ โตโพ๋ โต่ ปา.

เตเด๊อะโลแถ่ 3:14

“ราจว๊า ลีเออ เด๊อ วีเลาดีเซีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ อู เอ๊ เน๊อ, ‘อาเมน’ เออเนอ เตเพร อาโอ่. อา หม่า เพร เด๊อ อาซิปล่อจ๊อ เร๊อ อาข่าเฮ๊โล จ๊อจ๊อเตเต เออเตเพร อาโอ่. จอแปแหร่ นอแบ๊ตา แฮเง ลอ เตล๋อ ปลี เออเนอ เร๊อ อา แพ๊.

ꤗꤢ꤬ꤊꤢꤨ 10:6

หม่าแน๊เรอ เด๊อ จอแปแหร่ แบ๊แลลู่ เห่ขุ เร๊อ ม๊อขุ เบ๊อะเนอหม่า ‘จอแปแหร่ แบ๊แลดื่อ เพรเหมาะ เตเพร เร๊อ เพรคู เตเพรแพ๊.’

มัทธิว 24:28

เตซอเตหล่อ โอ่เบ๊อะเต๋ หม่า ลาแต่ โอ่ปล๊อ เบ๊อะเนอ.”

มัทธิว 16:27

เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา.

มัทธิว 16:28

แว เฮ๊ หม่าแหน่ เจ๊อ ซี, แกแย เต๊เห่เห่ เด๊อ อา ก๊อถ่อโอ่ เบ๊อะซีเกลเออ เต๊เห่เห่เนอ, เบ๊อะเหย่ซี เซอแต่ล๋าย โต่ เนอ, เหย่ซี เก่ แม๊เถอะน๊อ แลแค แกแยเห่ขุ อาพู๊คู เก่ แฮ ฮู๊ คุ๊ย เตเพรเนอ อุ้ย ปา.”

เพรโด่แนพู๊ เต๊เห่ 7:60

อา แด๊งือแล เร๊อ อา เอ๊โทแถ่ เน๊อ, “เก๋อ แบ่เจ่, ปลวาแกเหร่อ เหย่ซี เตซื๊อ นี๋” อา เฮ๊ โทเรอ อา เซอแก.

เปโตร เนอบ่า ต๊าบ่า 3:12

เร๊อ แซ่ฮู๊ จอแปแหร่ อาม๊อเนอ เก่ แฮโต่ แพรแพร อาเงเนอ, โอ่เซอเพร แร๊แร๊ แลแค. เบ๊อะเนอ เตอเนอ ปาเนอ, หมิ เก่ แกแถ่ เด๊อ ม๊อเล ปา เร๊อ อา เก่ เมปย๊าแก ลอ ม๊อเล ปา. หมิแกกู่ ซื๊อลือ อาขว่าอาคยา, ม๊อเล อาครืออาขรว่า ล๋อ ปลี เก่ จูแลพรอตา ลอ ปา.