เปโตร เนอบ่า ต๊าบ่า 3:2 - ลีเทส่อพ๊าอาเซ เร๊อ เห่ขุทวาลู๊2 แว ซิปล่อโอ่ เด๊อ ซี เก่ ซิเหน่แถ่ เพรโพร บูโพ๊ เต๊เห่ อา เตเฮ๊โฉ่โด่แน หนื่ออื่อ โทเฮ๊อ เด๋อ งย๊าเค เต๊เห่, โทเรอ เป แบ่เจ่ เร๊อ เพรเม แลเปล๊กา เป เออเตเพร อาโหง่เฮ๊แก เด๊อ ซี เพรโด่แน เต๊เห่ เด๊อ โทเฮ๊อ ซี เนอเต๊เห่. အခန်းကိုကြည့်ပါ။Eastern Kayah Shadaw Dialect2 ꤠꤢꤧ꤭ ꤞꤤꤕꤜꤢꤪ꤬ꤥ꤬ ꤘꤣ ꤞꤤ꤭ ꤊ꤫ꤢꤦ꤬ ꤞꤤꤔ꤫ꤢꤩ꤬ꤓꤢꤧ꤬ ꤖꤚꤢꤩ꤬ꤖꤚꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤢꤨ꤭ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤟꤢꤩꤏꤥ꤬ꤘꤥ꤬ꤔꤢꤧ꤭ ꤥ꤬ꤔꤢꤩ꤬ ꤓꤥ꤭ꤟꤣꤧ ꤘꤣ꤮ ꤑꤢꤔꤢꤨ꤬ꤋꤢꤩ꤭ ꤒꤣꤧ꤬ꤟꤢꤩ꤬, ꤓꤥ꤭ꤚꤣꤧ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤔꤢꤧ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ ꤘꤣ ꤞꤤ꤭ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤘꤣꤧ ꤓꤥ꤭ꤟꤣꤧ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ အခန်းကိုကြည့်ပါ။ |
เปโตร เนอบ่า ต๊าบ่า 3:2
20 ပူးပေါင်းရင်းမြစ်များ
แว แด๊งือแล เด๊อ อาเป๊เส่เง เร๊อ แว เตเร จ๊อเบแถ่ ลู หม่าแน๊เรอ อา เฮ๊ แว เน๊อ, “จ๊อเบ แต่ แว แต่เหม่, แว เร๊อ เน เร๊อ เน โป่แหว่ ครี๊พู๊ ซี เต๊เห่ เนอหม่า หลู่เล๊ แซ๊ลู แพ๊. เป หม่า แกแย เต๊เห่ เด๊อ อา เด๊อะโล เป่ อู เร๊อ เหย่ซู่ อาหรี่อาแก เต๊เห่ เร๊อ ปื่อหม่าหนิ เตหมะเตจ๊อ เด๊อ เหย่ซู่ครี๊ เด๊อะโลซิเงแก เป่ เป เออเนอ. ฮู๊เนอเรอ, จ๊อเบ แต่ อู เตเพร่ว แต่เหม่, จ๊อเบ เด๊อ จอแปแหร่ เนอ. เมเตเฮ๊เรอ เตหมะเตจ๊อ เด๊อ เหย่ซู่ครี๊ เด๊อะโล เป่ เออเนอหม่า อา แซ่เฮ๊อ เร๊อ จอแปแหร่ นอเฮ๊เบ่ เพรโพร เต๊เห่เนอ เฮ๊อ.”
ซี หม่า อาแซ่เน๊อ หี่ เด๊อ อู แบ๊ อา อี๊ถื่อแก่ช๊า เร๊อ หล่อ เออเตเม เนอเฮ๊อ. เพรโด่แน เร๊อ เพรโพร เต๊เห่ เนอหม่า อาแซ่เน๊อ อู แบ๊ หี่ถื่อ อา อี๊ถื่อแก่ช๊า เออเต๊เห่เนอ เฮ๊อ. เร๊อ แบ่เจ่ เหย่ซู่ครี๊ อาแหน่แบ่เจ่ เร๊อดื่อ เออเนอหมา อาแซ่เน๊อ หี่เออ เตเม เก่กลอเก่หม่า อาเงเนอ, อา หม่า อา ทวา เพร ตาทว๊าหม่า เป่ อู เต เด๊อ อา โหล่ดุเล๊อ อู เตเพร เฮ๊อ.
ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.
หม่าแน๊เรอ เป หม่า จอแปแหร่ อาแกแย เต๊เห่. อูเป๋ เตเพร เบ่เบ่ เด๊อ อา ซิเง จอแปแหร่ เตเพรเนอ, อา ครวาหนิดา เกอดื่อ เปโหง่. หม่าแน๊เรอ จอแปแหร่ อาแกแย หม่าโต่ เต๊เห่เนอ, อา ครวา หนิดา เกอ เปโหง่ โต่. ฮู๊เนอ อาขว่าอาคยา, แกแย เด๊อ อา พย๊าหนิ แหย่โยบูโพ๊ แบ่เจ่ เด๊อ อา เฮ๊เบ่ เตหมะเตจ๊อ เออเตเพร เต๊เห่ เนอหม่า อูเป, เร๊อ แกแย เด๊อ อา พย๊าหนิ ซิปล่อ เด๊อ อา เฮ๊เบ่ แลโฮแลแห่ดื่อเง เนอโตโด เต๊เห่ เนอหม่า อูเปเนอ, เป ซิเง เบโปล แจ่ ดื่อ แพ๊.
ซิเง ซิเหน่ แลแค เร๊อ เป แบ่เจ่ เออ อา แด่ทูซิปล่อ แพ๊, อา แฮ เป่เหย่ เมเตเฮ๊เรอ แซ่ฮู๊ แกแย เต๊เห่ เก่ พย๊าหนิ เกออู เมแลเปล๊กา เออเนอเร๊อ อา ซิหยื่อ เด๊อะเป่ปา เหย่ซี อาม๊อเนอ ม๊อเซ ฮู๊เนอแพ๊. เป โป่แหว่ โคแบ๊ซว๊าโม คูเปาโล รา เป่เกอ โทเฮ๊อ ซี ฮู๊ แว เฮ๊ เป่ ซี เออเนอ เฮ๊อ. อา รา เป่เฮ๊อ ซี ฮู๊ จอแปแหร่ เด๊อะ ลู เตแจ่เตลีแม เนอเต๊เห่ เฮ๊อ.
คูเปาโล อาลี ปวาต๊าบ่าเนอ อา รา ล๊อปลี ฮู๊เออ ปว๋า โตโพ๊ เจ๊อ. เด๊อ อาเตรา อากูเนอ, เตเด๊อ อู ซิเง โปลโต่ เนอ อา โอ่ เต๊เห่, เร๊อ แกแย เด๊อ อา แจ่ลีโต่ เต๊เห่ เร๊อ อาซิปล่อ ลูโทลูแล เต๊เห่เนอ, อา พย๊าซื๊อแก อู รา เป่ ลีเออ อา โหง่แลช๊า. โท๊โต่ อา พย๊าซื๊อ เต่อเกอดื่อ ลีเทส่อพ๊า เด๊อ อาโร เต๊เห่ อา โหง่แลช๊า ฮู๊เนอเนอ. เด๊อ เหย่ซี พย๊าซื๊อ แลแค ฮู๊เนอ อาขว่าอาคยา, อา เมปย๊าแก เกอเร๊อดื่อ แลแค อาเหน่ แพ๊.
ကြော်ငြာတွေ