เปโตร เนอบ่า ต๊าบ่า 3:18 - ลีเทส่อพ๊าอาเซ เร๊อ เห่ขุทวาลู๊

¹⁸ หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.

Eastern Kayah Shadaw Dialect

¹⁸ ꤗ꤫ꤢ꤬ꤟꤢꤩꤗꤢ꤬, ꤘꤢꤨ꤬ꤓꤢꤧ꤬ ꤟꤢꤧ꤭ꤑꤢꤩ꤭ꤕ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤢ꤬ꤊꤢꤨ꤭ ꤔꤢꤧ ꤘꤣ ꤒꤢꤩ꤬ꤞꤤꤑꤢꤩ꤭ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤗ꤫ꤢ꤬ꤘꤢꤦ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ ꤢ꤬ꤊꤢꤨ꤭ ꤔꤤ꤮꤯ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤘꤢꤦ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤔꤤ꤮ ꤢ꤬ꤗꤢꤩ꤬꤯

เปโตร เนอบ่า ต๊าบ่า 3:18 ပူးပေါင်းရင်းမြစ်များ

มัทธิว 28:20

โทเรอ อิซว๊าอี๊แส่ แลแค เหย่ซี เน๊อ อา เก่ จูเอ่ ครวาเม ลอฮู๊ แว เฮ๊ แก ซีโหง่ เนอเต๊เห่ นี๋. แว เก่ โอ่เต่อเกอ เร๊อ ซี ปว๊า โพ๊ เจ๊อ ปา, โต่ เจ๊อ เด๊อ เห่ขุ ตื๊อดื่อแก เจ๊อปา เบ่เบ่, แว เก่ โอ่ เกอ เร๊อ ดื่อซีปา.”

มัทธิว 6:13

นอจว๊าโน แต่ เป เด๊อ เตอิลออี๊โหล่ อาเกล เนอ แต่เหม่ นี๋. หม่าแน๊เรอ เมแลเปล๊กา เร๊อเป เด๊อ โลเน๊มู๊แหม่ กู่กล๊อ อา กู๊ยากู เออเนอ นี๋. (เมเตเฮ๊เรอ เทอเก่ เบ่เบ่, เตโพรเตเตอ เรอ เบ่เบ่, เตเตอเรอดุ เตอเรอทู เบ่เบ่ หม่าดื่อเฮ๊อ เนเต ตูจูเพร ตาแลเคร๊ เฮ๊อ. อาเมน.)’

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 5:23

เมเตเฮ๊เรอ, แซ่ฮู๊ แกแย ล๋อ ปลี เก่ เบ่หยื่อเบ่แหน่ อาพู๊คู ฮู๊ อู เบ่หยื่อเบ่แหน่ เพเนอ เร๊อ อา เด๊อะตา ลอ เต เมจากาคยา เด๊อ ลู กู๊ยากู. แกแย เด๊อ อา เบ่หยื่อเบ่แหน่ พู๊คู โต่ เต๊เห่เนอ, หม่าเฮ๊อ อา เบ่หยื่อเบ่แหน่ เพ เด๊อ อา นอแฮแล ลู เนอเตเพร โต่ เฮ๊อ.

ꤚꤥꤗꤢꤩ꤬ 11:36

เมเตเฮ๊เรอ, อา แบ๊แล เตล๋อ ปลี, อา แม๊ตู่หนิ เตล๋อ ปลี เร๊อ อา เตอ เรอฉว่าชอ เต๊เห่, เร๊อ เด๊อ อา แบ๊แล เตปว๋า เต๊อเจ่อ อาขว่าอาคยา, อู ถู่เซ๊แถ่หนิ เฮ๊อ จอแปแหร่ เฮ๊อ. แกแย ปว๋า เตเพร เก่ ถู่เซ๊แถ่ดื่อ จอแปแหร่ อาตูจูเพร แตแลเคร๊ นี๋. อาเมน.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

เอเฟซัส 1:17

แว กุยจ๊อเบ ตื๊อดื่อปา เด๊อ เป แบ่เจ่ เหย่ซู่ครี๊ อา จอแปแหร่, หม่าเฮ๊อ เปเพ เด๊อ อาเตอเรอดุอาเตอเรอทู อาโพร อาเตอเรอ เออเตเพร อา โอ่. เร๊อ แซ่ฮู๊ ซี เก่ ซิเงแฮ ตาเต แร๊เล๊อโป่ จอแปแหร่ อาเงเนอ, แว กุยจ๊อเบ เร๊อ จอแปแหร่ อา แหย่โยบูโพ๊ เก่ เด๊อะ ซี เตลีแมลีเพ๊, เร๊อ อา เก่ เด๊อะโล เป่ ซี เร๊อ จอแปแหร่ ปา.

เอเฟซัส 4:15

หม่าแน๊เรอ, เป โต เฮ๊เบ่แหน่ เด๊อ อาจ๊ออาเต เร๊อ เตโม เออเต๊เห่. โทเรอ เด๊อ เป เม เตปว๋า เต๊อเจ่อ อากูเนอ, เป เบ่ ทวาแถ่ แซ่เกอดื่อ เร๊อ เป แบ่เจ่ ครี๊ เด๊อ อา ทวา เป่ กู่กล๊อ เออเนอ เตเพร เฮ๊อ.

ฟีลิปปี 3:8

ตื๊อเนอโท๊โต่, กู๊แหน่เออ แว ล๋อ ซิเงแฮเฮ๊อ เร๊อ ซิเงเฮ๊อ แว แบ่เจ่ เหย่ซู่ครี๊ เออเนอ อา งูดุงูชอ เล๊อปา เจ๊อ เร๊อ เตล๋อ ปลี อาขว่าอาคยา, ล๋อ เต เออเต๊เห่เนอ, แว แด่แก อา ฮู๊ เตโอ่เล๊อโอ่กลอ เต๊เห่เนอ แพ๊. เด๊อ ครี๊ อาเง อาขว่าอาคยา, แว วีแก ลอเฮ๊อ ปว๋า เต๊อเจ่อ เฮ๊อ. แซ่ฮู๊ แว เก่ พย๊าหนิ ครี๊ เร๊อ แว เก่ ทวาแถ่ เต เตอเจ๋อโต เร๊อ ครี๊ อาเงเนอ, ล๋อ เต เออเต๊เห่เนอ, แว เตเนแก อา ฮู๊ ส่อซุ๊ย เต๊เห่เนอ แพ๊.

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.

โคโลสี 3:10

เร๊อ ซี กือแซ๊แถ่เฮ๊อ เตโอ่เซอเพร อาเซ เด๊อ จอแปแหร่ แบ๊เต๊เปล่เซ เออเนอ เฮ๊อ. แซ่ฮู๊ ซี เก่ ซิเง ตาเตแร๊ อาเงเนอ, จอแปแหร่ เมทวาแถ่ แซ่แฮ เฮ๊อ ซี เน๊อ อาเหน่ เฮ๊อ.

เธสะโลนิกา เนอบ่า ต๊าบ่า 1:3

โป่แหว่ ครี๊พู๊ ซี๋, เป ซิเงแถ่เบ่ ซี เบ๊อะเกเต๋ เบ่เบ่ เนอ, เป เบ่ เฮ๊บุ๊ยเฮ๊เตอเรอ เจ๊อ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ ซี เตหยื่อเตแหน่ เร๊อ ซี เตโมเร๊อ ลู เตเพร เร๊อ เตเพร เนอ, อา ดุแถ่ เร๊อ ดุแถ่ อาขว่าอาคยา, เป โตเบ่ เฮ๊บุ๊ยเฮ๊เตอเรอ แหน่ เฮ๊อ.

ทิโมธี เนอบ่า ต๊าบ่า 4:18

แบ่เจ่ เก่ เมแลเปล๊ แว เน๊อ เตมู๊แหม่รีแจ่ ล๋อปลี เออเต๊เห่ ปา. โท๊โต่ อา เก่ พย๊ากา แว ปา เร๊อ อา เก่ ตอกอตอเก เกอเร๊อ แว เด๊อ ม๊อขุ อา เทอเลเก่กู ปา. เตลีเตเค เก่ แลเบ่ ดื่อ แบ่เจ่ เออ ตูจูเพร ตาแลเคร๊ นี๋. อาเมน.

เปโตร อาเหร่อเล๊อ ต๊าบ่า 2:2

ซี ซิเงน๊อ โทเฮ๊อ จอแปแหร่ อาบุ๊ยอาเตอเรอ เฮ๊อ. ฮู๊เนอเรอ ทวาแถ่ แซ่เกอ แลแค ฮู๊ เป๊เจ่ฮู๊ โอ่เซ เด๊อ อา ซิเอ่ซิโอ หม่าแหน่ อินู๊เทอ คูทิโมธี เนอเต๊เห่ นี๋. เด๊อ ซี ซิเอ่ซิโอ อินู๊เทอ เจ๊แร๊ ฮู๊เนอ อาขว่าอาคยา, ซี เก่ ดุแถ่เผร่แถ่ โต่เด๊อ เมแลเปล๊กา เก่ เล๊อแถ่บาแถ่ เฮ๊อปา เนอ ปา.

เปโตร เนอบ่า ต๊าบ่า 1:11

ฮู๊เนอเรอ จอแปแหร่ เก่ ซิครือซิลอ เอ๊โมฉื่อ ซี เด๊อ เป แบ่เจ่ เหย่ซู่ครี๊ เด๊อ อา หม่าเฮ๊อ เพรเมแลเปล๊กา เป เออเตเพร อาเทออาเก่ เด๊อ อา โอ่ ตูจูเพร แตแลเคร๊ อากู เออเนอ ปา.

เปโตร เนอบ่า ต๊าบ่า 1:2

ซี ซิเง จอแปแหร่ เร๊อ เป แบ่เจ่ เหย่ซู่ครี๊ อาขว่าอาคยา, เตบุ๊ยเตเตอเรอ เร๊อ เตตู๊จุเตอเจ๊อ เก่ โอ่เล๊อบา เกอดื่อ เร๊อ ซี นี๋.

เปโตร เนอบ่า ต๊าบ่า 1:3

เด๊อ เหย่ซู่ครี๊ อา เตโพรเตเตอเรอ เออ อาขว่าอาคยา, เบ๊อะเป ซิเงแฮ โป่เฮ๊อ ลู เบ๊อะเนอ, แซ่ฮู๊ เป เก่ โอ่เกอ เร๊อ ซิปล่อเซอเพร, โทเร๊อ แซ่ฮู๊ เป เก่ เมเกอฮู๊ อาโต ลูซิปล่อ อาเงเนอ, อา เด๊อะตา เฮ๊อเป ล๋อ เป โหล่ เนอเต๊เห่ เฮ๊อ. เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยาเร๊อ อา เอ๊ เป่ เฮ๊อ.

เปโตร เนอบ่า ต๊าบ่า 1:8

เตเออเต๊เห่ เก่ โอ่เอ๊แถ่ เร๊อ โอ่เอ๊แถ่ เฮ๊เรอ, อา ทวาบุ๊ย ทวาเตอเรอ เด๊อ ซีเง เร๊อ ซี เก่ ซิเงแฮ ตาเตแร๊โป่ แบ่เจ่ เหย่ซู่ครี๊ ปา.

เปโตร เนอบ่า ต๊าบ่า 2:20

เด๊อ เหย่ซี ซิเง เป แบ่เจ่ เร๊อ เหย่ซู่ครี๊ เด๊อ อา เมแลเปล๊กา เป เออเตเพร อาขว่าอาคยา, เหย่ซี แลเปล๊เถ่แกเฮ๊อ เร๊อ เห่ขุ อา เตมู๊แหม่รีแจ่ เออเต๊เห่ เฮ๊อ. หม่าแน๊เรอ กู๊แหน่เออ เหย่ซี เก่ โนเม โต๊โผ่ตอตอ เต่อคย๊าแซ๊ เร๊อ เตมู๊แหม่รีแจ่ เออเต๊เห่ เฮ๊เรอ เตมู๊แหม่ เออเต๊เห่ ทวาแกเฮ๊อ ลูแบ่เจ่ เฮ๊อ. แกแย ฮู๊เนอเต๊เห่ อา เตโอ่เซอเพร เนอหม่า, อา จาเล๊อ ปา เจ๊อ เร๊อ อา เหล่โกลเลอ เนอ เจ๊อ.

ꤛꤢꤨꤘꤢ꤬ 1:25

เป เก่ แด่ดุแด่ทู โหร่ลู จอแปแหร่ โป๊! จอแปแหร่ หม่า อา โอ่ ตื๊อ อา เตเพร แพ๊. เพร เด๊อ อา เมแลเปล๊กา เป หม่า ตื๊อ อา เตเพร แพ๊. เด๊อ เหย่ซู่ครี๊ อาขว่าอาคยาเร๊อ, เตเตอเรอดุเตอเรอทู, เตลี เตเตเค อาตว่า อาแร๊, เตโพรเตเตอเรอ เร๊อ เตเตอเรอฉว่าชอ เออเต๊เห่เนอ, อา เก่ โอ่เกอดื่อ เร๊อ จอแปแหร่ เป๊อแถ่ เด๊อ เตเต๊อเจ๋อ โอ่ ทวาแถ่ ล๋ายโต่ เบ๊อะเนอ, โต่กู๊แหน่, เร๊อ ตาแฮเง ตูจูเพรเง แตแลเคร๊ นี๋, อาเมน.

เตเด๊อะโลแถ่ 1:6

โทเรอ แซ่ฮู๊ เป เก่ เม อาเพ จอแปแหร่ อา เตเอ่เตแร อาเงเนอ, เหย่ซู่ครี๊ เด๊อะทวาแถ่ เป เร๊อ เพรหลู่แตเต เต๊เห่ เด๊อ อาเทออาเก่กู. เตลีเตตาเค เร๊อ เตโพรฉว่าชอ เก่ โอ่ เกอดื่อ เร๊อ เหย่ซู่ครี๊ ตูจูเพร นี๋. อาเมน.