เปโตร เนอบ่า ต๊าบ่า 3:11 - ลีเทส่อพ๊าอาเซ เร๊อ เห่ขุทวาลู๊

¹¹ จอแปแหร่ เก่ เมปย๊าแก ลอ ฮู๊เออเนอ ปา อาขว่าอาคยา, ซี เนอ, ซี โตเบ่ โอ่เซอเพร ฮู๊เต เฮ๊เนอเรอ, เบ๊อะซี โอ่ป่อ แม๊ชือ จอแปแหร่ แฮ ปา เบ๊อะเนอ, ซี โต โอ่เซอเพร บูโพ๊ เนอ, ซี โต โอ่เซอเพร โต เร๊อ จอแปแหร่ อาซิปล่อ.

Eastern Kayah Shadaw Dialect

¹¹ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤜꤢꤪ꤭ ꤟꤢꤨꤣꤧ꤭ꤔꤣꤧ꤬ ꤕꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤚꤣꤧ꤬, ꤞꤤ꤭ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨꤒꤢꤩ꤭ ꤟꤢꤩꤔꤣꤧ꤬ꤚꤣꤧ꤬, ꤙꤣꤧ ꤞꤤ꤭ ꤥ꤬ꤕ꤫ꤢꤪ꤬ ꤗꤢꤧꤏꤢꤦ꤭ ꤡꤢꤪꤗꤣꤧ꤬ꤚꤢꤧ꤬ ꤟꤢꤧ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤒꤥ꤭ ꤥ꤬ꤞꤣꤧ꤭ꤖꤚꤢꤩ꤬ ꤖꤥꤏꤣꤧ ꤚꤣꤧ꤬, ꤞꤤ꤭ ꤒꤥ꤭ ꤥ꤬ꤞꤣꤧ꤭ꤖꤚꤢꤩ꤬ ꤒꤥ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬꤯

เปโตร เนอบ่า ต๊าบ่า 3:11 ပူးပေါင်းရင်းမြစ်များ

มัทธิว 8:27

อา โคเจ่ เต๊เห่ คย๊าอายื๊อ ลอปลี เร๊อ อา เฮ๊ แลแค ลู เน๊อ, “แกแย เออเตเพร หม่า แกแย เจ๊อ ฮู๊เตเต? อาเตอเรอ จว๊าดุ เจ๊อ บ๊าเนอเนอ. เก่แลเซ๊ เน๊อ เทอฮ๊าโฮ๊ หนิดา เจ๊อ ลูโหง่โหง่.”

ꤚꤥꤗꤢꤩ꤬ 13:11

ซี เบ่ โมเร๊อ อู เมเตเฮ๊เรอ กู๊แหน่ เออเนอ ซี ซิเง เร๊อ ม๊อเนอ เด๊อ อา โหล่ดุ หม่าแหน่เล๊อ เออเต๊อเจ่อเนอ อา เตเร ผื่อ แฮโต่เฮ๊อ. ก๊อถ่อมอ แลแค, อา โต โอ่เมอปาโต่ เฮ๊อ. เตเมแลเปล๊กา เป เออเนอ, อา แฮโต่ ผื่อเล๊อ เฮ๊อ เน๊อ ม๊อเนอม๊อเซ เด๊อ เป หยื่อเอ่ ลู่ เค เนอเฮ๊อ.

ꤚꤥꤗꤢꤩ꤬ 13:12

เหมาะคี๊ เตเร จว๊าตาลว๊าแก เฮ๊อ, เหมาะ เตเร บูตีลี๊ ลาเฮ๊อ. ฮู๊เนอเรอ เป เก่ แด่ตาแก ลอ เตเมมู๊แหม่ เด๊อ เป เม เด๊อ เตคี๊เกล เออเนอเต๊เห่ โป๋. เร๊อ เป เก่ กือแซ๊แถ่ แลแค เตลี อาจา ต่อเท๊ เออเต๊เห่ โป๋.

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

ฟีลิปปี 3:20

หม่าแน๊เร๊อ เปเออ เต๊เห่ เนอหม่า ม๊อขุ อา เทอพู๊เก่พู๊ เร๊อ เป ซิปล่อฉว่า โอ่ป่อแม๊ชือ เกอเร๊อ เป แบ่เจ่ เหย่ซู่ครี๊ เด๊อ อา เมแลเปล๊กา เปเออ เก่ โอ่ เด๊อ ม๊อขุ แฮแล ปา เออเนอ เตเพร เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:5

เมเตเฮ๊เรอ เป พย๊าแฮ เป่ ซี เตซิครือมีลา เออเนอหมา ตื๊อแพ๊ เป กู๊อู่ อา เตเฮ๊เบ่ เนอหม่าโต่. เตซิครือมีลา เออเนอหมา, อาโอ่ เร๊อ อา เตอเรอฉว่าชอ, อาโอ่ เร๊อ แหย่โยบูโพ๊ แบ่เจ่, อาโอ่ เร๊อ เตหยื่อเอ่ ลอหล่าตี๊กลิ เตซิครือมีลา อา เตจ๊อเตเต เออเต๊เห่. เร๊อ เบ๊อะเป โอ่เกอ เร๊อ ซี เบ๊อะเนอ, เป หม่า แกแย ฮู๊เต เต๊เห่เนอหม่า, ซี ซิเง โทดื่อเฮ๊อ. เออเนอหมา เป โอ่เซอเพร เป่ เด๊อ ซี เหล่หนิบุ๊ย หนิเตอเรอ อาเง แพ๊.

ทิโมธี อาเหร่อเล๊อ ต๊าบ่า 3:16

เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.

ทิโมธี อาเหร่อเล๊อ ต๊าบ่า 4:12

เน หม่า แกแย พู๊เส่ อาขว่าอาคยา, นอเตเน ปีตี๊ แต่ อู เร๊อ เนเหน่ แต่เหม่ นี๋. โท๊โต่, เน เตเฮ๊เบ่เฮ๊โช เต๊เห่ เบ่เบ่, เน เมเต อิเตเต๋ เบ่เบ่, เน เตโม เบ่เบ่, เน เตหยื่อเตแหน่ เบ่เบ่, เน ซิปล่อ อา เตโพ๊แปละ เต๊เห่ เบ่เบ่, ทวาแถ่ เป่ อู เหล่แม๊บือ เด๊อ อาแร๊ เด๊อ แกแย หยื่อเอ่เต เต๊เห่ อาเง นี๋.

ทิโมธี อาเหร่อเล๊อ ต๊าบ่า 6:11

หม่าแน๊เรอ เน เร๊อ เน ทวาเฮ๊อ จอแปแหร่ อาแกแย เฮ๊อ อาขว่าอาคยา, แกล่จว๊า ตาพาแก เน๊อ ล๋อ เตเออ เต๊เห่ นี๋. แซ่ฮู๊ เน เก่ โอ่ เร๊อ เตจ๊อเตเต, เตหยื่อเอ่ จอแปแหร่, เตหยื่อเตแหน่, เตโมเตเกล, เตข่าเบ๊เต, เตซิโดซิงา ซี เต๊เห่เนอ เร๊อ แอ๊จื๊อ ครวาลือปื่อ เตเออเต๊เห่ นี๋.

ทิโมธี อาเหร่อเล๊อ ต๊าบ่า 6:3

แกแย เต๊เห่เห่ เนอ อา อิซว๊าอี๊แส่ ซื๊อ แลแค อู. เหย่ซี อาเตอิซว๊าอี๊แส่ เออเนอ, อาโต เกอ เร๊อ เป แบ่เจ่ เหย่ซู่ ครี๊ อา เตอิซว๊าอี๊แส่ เด๊อ อาหม่าอาจ๊อ เออเนอ โต่. เตอิซว๊าอี๊แส่ เด๊อ อา เก่ เมจว่า เป่ เกออู ฮู๊ จอแปแหร่ ซิหยื่อ นอ โอ่เซอเพร อู เต๊เห่เนอ เหย่ซี อิซว๊า เป่ เกออู โต่โต่.

ทิโมธี อาเหร่อเล๊อ ต๊าบ่า 6:6

หม่าแน๊เรอ, แกแย เด๊อ อา เก่ จูเอ่หยื่อเอ่ จอแปแหร่ เตเพรเพร เก่เฮ๊เนอ อา โอ่ เร๊อ เต ซิปล่อ เป่. ตื๊อเร๊อ เตแร๊ เด๊อ แหย่โย ตากยา เต๊เห่เนอ อา เก่ เมเล๊อเมบา เป่ ลู เตโอ่เซอเพร เต๊เห่ ปา.

ꤟꤤꤙꤚꤢꤨ 13:5

โอ่ตาพา แลแค เน๊อ เตโมเร๊อ รือ เต๊เห่ นี๋. ซิปล่อโป่เป่ เกอเร๊อ แลแค เร๊อ เต เด๊อ อา โอ่ เน๊อ เนเนอ เต๊เห่, เมเตเฮ๊เรอ จอแปแหร่ เฮ๊ เน๊อ, “แว แด่โอ่แก เน๊อ เน ตีกี๋ โต่, แว วีแก เร๊อ เน แตแค๋ โต่,” อา เฮ๊ ฮู๊เนอ.

ꤡꤛꤢꤩ꤭ꤗꤢ꤬ꤎꤣ꤬ 1:24

อา แม๊ เกอเร๊อ โท อาเหน่ เร๊อ มาโด่ เร๊อ อา เถ่จว๊า ตาพาแก เบ๊อะเนอ, ล๋อ อา แม๊เถอะ เด๊อ มาโด่กู เนอเต๊เห่, อา โชตาปาแก โตโพ๊ โชตาปา แพ๊.

ꤡꤛꤢꤩ꤭ꤗꤢ꤬ꤎꤣ꤬ 3:13

แกแย เด๊อ ซีเกล เตเพรเพร เด๊อ อา โอ่ เน๊อ อา เหล่เตเน แจ่ เร๊อ อา ซิเง ตาปลู๊ เนอหม่า อูเป? อา โตเบ่ เด๊อะโล อาเต เออเต๊เห่เนอ เน๊อ อา เตโอ่เซอเพร เด๊อ อาแร๊, โท๊โต่ อา โตเบ่ เด๊อะโล อา เมเต เออเนอ เน๊อ เด๊อ แด่หยว่า ซิปล่อ. แด่หยว่าซิปล่อ เออเนอหมา อา แฮ แฮเง เด๊อ เตเตเนแจ่ เออเนอ อา โอ่ แพ๊.

เปโตร อาเหร่อเล๊อ ต๊าบ่า 1:15

จอแปแหร่ เด๊อ อา นว๊าแถ่ ซี เออเตเพร เนอหม่า อาบูโพ๊ อาขว่าอาคยา, ซี แรเต อิเตเต๋ เบ่เบ่ เนอ, โอ่เซอเพร บูโพ๊ แลแค.

เปโตร อาเหร่อเล๊อ ต๊าบ่า 2:12

เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา.

เปโตร เนอบ่า ต๊าบ่า 1:3

เด๊อ เหย่ซู่ครี๊ อา เตโพรเตเตอเรอ เออ อาขว่าอาคยา, เบ๊อะเป ซิเงแฮ โป่เฮ๊อ ลู เบ๊อะเนอ, แซ่ฮู๊ เป เก่ โอ่เกอ เร๊อ ซิปล่อเซอเพร, โทเร๊อ แซ่ฮู๊ เป เก่ เมเกอฮู๊ อาโต ลูซิปล่อ อาเงเนอ, อา เด๊อะตา เฮ๊อเป ล๋อ เป โหล่ เนอเต๊เห่ เฮ๊อ. เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยาเร๊อ อา เอ๊ เป่ เฮ๊อ.

เปโตร เนอบ่า ต๊าบ่า 1:6

เด๊อ เตซิคว๊าซิเง อาขุเนอ, แด่ปล๊อ เอ๊แถ่โป่ เตค๊อเป่ เกอเร๊อ เหน่, เด๊อ เตค๊อเป่ เกอเร๊อ เหน่ อาขุเนอ, แด่ปล๊อ เอ๊แถ่โป่ เตแด่ทูซิปล่อ, เด๊อ เตแด่ทูซิปล่อ อาขุเนอ, แด่ปล๊อ เอ๊แถ่โป่ เตโอ่เซอเพร โตเบ่ เร๊อ จอแปแหร่,

เปโตร เนอบ่า ต๊าบ่า 3:10

หม่าแน๊เรอ แบ่เจ่ อาม๊อเนอ เออเนอ, อา เก่ แฮโต่คย๊า แซ่เน๊อ เพรเอ่โห่ เตเพร แฮเนอ ปา. เบ๊อะเนอ เตอเนอ ปาเนอ, ม๊อ เก่ ครอ ตอปลอแลยอแถ่ ปา เร๊อ อา เก่ โอ่เหม่แก ปา. หมิ เก่ อือปย๊า หล่าตี๊กลิแก ลอ ต๊อเหมาะ, เล, เฉ่ เด๊อ อา โอ่ เด๊อ ม๊อเล ซีเต๊เห่ ปา. เร๊อ อา เก่ อือปย๊า หล่าตี๊กลิแก ลอ เห่ขุ เร๊อ เต เด๊อ อา โอ่ เด๊อ ลูเหน่ลู เนอเต๊เห่ ล๋อ ปลี ปา.

เปโตร เนอบ่า ต๊าบ่า 3:12

เร๊อ แซ่ฮู๊ จอแปแหร่ อาม๊อเนอ เก่ แฮโต่ แพรแพร อาเงเนอ, โอ่เซอเพร แร๊แร๊ แลแค. เบ๊อะเนอ เตอเนอ ปาเนอ, หมิ เก่ แกแถ่ เด๊อ ม๊อเล ปา เร๊อ อา เก่ เมปย๊าแก ลอ ม๊อเล ปา. หมิแกกู่ ซื๊อลือ อาขว่าอาคยา, ม๊อเล อาครืออาขรว่า ล๋อ ปลี เก่ จูแลพรอตา ลอ ปา.