เปโตร เนอบ่า ต๊าบ่า 3:1 - ลีเทส่อพ๊าอาเซ เร๊อ เห่ขุทวาลู๊

¹ โคแบ๊ซว๊าโม ซี๋, แว ราจว๊า โป่ ซี ลี เนอบา ต๊าบ่า. ลี เนอบ่าลอ เด๊อ แว ราจว๊า เป่ ซี เออเนอหมา, แซ่ฮู๊ ซี เก่ เตเน อาโพ๊อาแปละ เกอ แลแค อู เนอเรอ, แว แอ๊จื๊อ ถู่แร ซิเหน่แถ่ คยาแซ๊ ซี เร๊อ เต เด๊อ ซี อิซว๊าโทเฮ๊อ เนอเต๊เห่ แพ๊.

Eastern Kayah Shadaw Dialect

¹ ꤋꤥ꤭ꤙꤢꤧꤞꤝꤢꤗꤥ꤬ ꤞꤤ꤭꤮, ꤠꤢꤧ꤭ ꤚꤢ꤭ꤡꤝꤢ ꤕ꤫ꤢꤩ꤬ꤕ꤫ꤥ꤬ ꤞꤤ꤭ ꤜꤤ꤬ ꤔꤣꤧ꤭ꤙꤢ꤬ ꤒꤣ꤬ꤙꤢ꤬꤯ ꤜꤤ꤬ ꤔꤣꤧ꤭ꤙꤢ꤬ꤜꤢꤪ꤭ ꤘꤣ ꤠꤢꤧ꤭ ꤚꤢ꤭ꤡꤝꤢ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬ꤗꤢ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤒꤣꤧ꤬ꤔꤢꤩ꤬ ꤕꤜꤤ꤭ꤖꤥ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤔꤣꤧ꤬ꤚꤣꤧ꤬, ꤠꤢꤧ꤭ ꤢꤧꤡꤢꤦ ꤓꤢꤨ꤬ꤚꤢꤧ꤭ ꤞꤤꤔ꤫ꤢꤩ꤬ꤓꤢꤧ꤬ ꤋꤛꤢ꤭ꤞꤢꤧ ꤞꤤ꤭ ꤔꤢꤧ ꤒꤢꤩ꤬ ꤘꤣ ꤞꤤ꤭ ꤤ꤬ꤞꤝꤢꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

เปโตร เนอบ่า ต๊าบ่า 3:1 ပူးပေါင်းရင်းမြစ်များ

ทิโมธี เนอบ่า ต๊าบ่า 1:6

เด๊อ เน หยื่อเอ่แหน่ ตาเตแร๊ อาขว่าอาคยา, แว เด๊อะ ซิเหน่แถ่ เน เน๊อ เน เก่ นอเอ่ แฮเงลา เน เชหยู่ เออเนอ. เบ๊อะแว แด่แถ่ แว กู๊ขุ เด๊อ เนลู เบ๊อะเนอ, จอแปแหร่ เด๊อะโทเฮ๊อ เน เชหยู่ เฮ๊อ.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

ทิโมธี อาเหร่อเล๊อ ต๊าบ่า 5:22

จว๊า แด่แถ่แพรลิ่ว แต่ ซี กู๊ขุ เด๊อ อูโอ่ เตเพรเพร เด๊อ อา เก่ เม จอแปแหร่ อา เตเอ่เตแร อาเงเนอ แต่เหม่ นี๋. จว๊าโน เกอ แต่ เด๊อ อู เม เตซื๊อเตปล๊า อาเกลเนอ แต่เหม่ นี๋, โอ่โพ๊โอ่แปละดื่อ เนเต นี๋.

มัทธิว 5:8

แกแย เด๊อ อาซิปล่อ อาโพ๊อาแปละ เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ อา เก่ แม๊เถอะ ผื่อต๊อต่อ เจ๊อ อาเหน่ เร๊อ จอแปแหร่ ปา.

โครินธ์ เนอบ่า ต๊าบ่า 13:2

เบ๊อะแว แฮ โอ่เล เกอ ซี เนอโพ๊โตโพ๊ เบ๊อะเนอ, แว เด๊อะรอ หนื่ออื่อ โทเฮ๊อ แกแย เด๊อ อา เมซื๊อเต เด๊อ อาเหร่อ เนอเต๊เห่ เร๊อ ล๋อ แกแย เด๊อ อาโร เนอเต๊เห่ เฮ๊อ. กู๊แหน่เรอ แว โอ่ตาพายา เน๊อ ซี เร๊อ แว เด๊อะรอ คยาแซ๊ ซี. เร๊อ ช๋า แว แฮ คยาแซ๊ เออโต๊โผ่ ปาเนอ แว ซิโลซิยอ เกอเร๊อ ปาแหน่ เร๊อ ซี เตเพร่ว โต่ เฮ๊อ.

ꤟꤤꤙꤚꤢꤨ 6:9

หม่าแน๊เรอ โคแบ๊ซว๊า ซี๋, เป เฮ๊เจ๊อ ฮู๊เออ หม่าแน๊เรอ เป หยื่อเอ่เร๊อ ซี แพ๊. เป หยื่อเอ่เร๊อ หม่าแหน่ เจ๊อ เร๊อ ซี เก่ เม แพ๊ เตแร๊ เต๊เห่ ปา. เตแร๊ เออเต๊เห่เนอ, อา แฮ เด๊อ ซี พย๊าหนิเฮ๊อ เตเมแลเปล๊กา เออเนอ อา โอ่ แพ๊.

เปโตร อาเหร่อเล๊อ ต๊าบ่า 2:11

แว โคแบ๊ซว๊าโม ซี๋, เด๊อ เห่ขุเออเนอ ซี หม่า อาแซ่เน๊อ แกแย จว๊าทวา เทอโรเก่กลอพู๊ เร๊อ ซิเผระ เต๊เห่ แพ๊. แว กุยซิยอ ซี เร๊อ ซี เก่ จว๊า ตาพาแก แลแค เร๊อ ซี เหน่กล่อ อา เตซิหยื่อซิลอ มู๊แหม่ เด๊อ อาช๊าอาปา โตโมโม เกอเร๊อ ซี ซิปล่อ เออเนอเต๊เห่ นี๋.

เปโตร เนอบ่า ต๊าบ่า 3:8

โคโม ซี๋, โชตาปาแก แต่ เตเออเตอเจ๋อ แต่เหม่ นี๋. เด๊อ แบ่เจ่ อาเงเนอ, เตอเนอเนอหม่า อาแซ่เน๊อ อาหน่าตีรี๊ เร๊อ อาหน่าตีรี๊ เนอหม่า อา แซ่แพ๊ เร๊อ เตอเนอ แพ๊.

เปโตร เนอบ่า ต๊าบ่า 3:14

ฮู๊เนอเรอ โคแบ๊ซว๊าโม ซี๋, เด๊อ ซี โอ่ป่อแม๊ชือ เตเออ อาขว่าอาคยา, แซ่ฮู๊ จอแปแหร่ เก่ แม๊เถอะ แต่ ซี เร๊อ แกแย เด๊อ อา โตโพร๊วี๊ เร๊อ เตซื๊อ แต่เหม่, โทเรอ แซ่ฮู๊ อาเหล่แด่ เตซื๊อ เด๊อ ซีโอ่ เก่ โอ่ แต่เหม่, โท๊โต่ แซ่ฮู๊ ซี เก่ โอ่เปดวา เต่อเร๊อ อา ปา เนอ, แอ๊จื๊อแอ๊เหร่ ตื๊อดื่อ แลแค นี๋.

เปโตร เนอบ่า ต๊าบ่า 3:17

หม่าแน๊เรอ แว โคแบ๊ซว๊าโม ซี๋, ซี ซิเง โทเฮ๊อ เตเออเต๊เห่ เฮ๊อ. ฮู๊เนอเร๊อ แซ่ฮู๊ แกแย มู๊แหม่ เออเต๊เห่ เก่ อี๊หล่า จว๊าหนิ แต่ ซี เด๊อ อา เหล่เตเน ซื๊อ เออเต๊เห่ อากู แต่เหม่เนอ, เบ่รอเบ่เร แลแค ซีเหน่ นี๋. ซี เก่ หนิดา เหย่ซี อา โหง่ เฮ๊เนอหม่า, ซี โอ่หม่าโอ่กลอ ปา เด๊อ ซี เตหยื่อเตแหน่ อากู โต่ เฮ๊อ.

ꤛꤢꤨꤘꤢ꤬ 1:5

ซี ซิเง โทลอเฮ๊อ เตเออ ล๋อ ปลี หม่าแน๊เรอ แว ซิหยื่อ เด๊อ ซิเหน่แถ่ คยาแซ๊ เกอโป่ ซี เร๊อ เร๊อ โตโพ๊เค เนอ แบ่เจ่ เมแลเปล๊ เถ่กาโทเฮ๊อ อิสราเอล พู๊ เด๊อ อียิปต์เก่. หม่าแน๊เรอ เด๊อ คยา เนอ อา เมเซอแก ลอคยาแซ๊ ล๋อ แกแย เด๊อ อา หยื่อเอ่เกอ ลู โต่ เนอ เต๊เห่.