เปโตร เนอบ่า ต๊าบ่า 1:19 - ลีเทส่อพ๊าอาเซ เร๊อ เห่ขุทวาลู๊

¹⁹ ฮู๊เนอเรอ เพรโพร เต๊เห่ แด๊โฉ่ โด่แนแก เตหรี่เตแก เออเต๊เห่เนอ, อา ตาเต เล๊อโป่ เจ๊อ เด๊อ เปเง เจ๊อ. ซี โต แด่ซิปล่อสู่เทอ แร๊ เตหรี่เตแก เด๊อ อาแซ่เน๊อ หมิเคว๊กอ ลีแถ่ เด๊อ เตคี๊เกล เร๊อ อาลี โต่เด๊อ เหมาะลีบู เตเมเนอ เจ๊อ. เร๊อ เหมาะลีบู แฮ เฮ๊อ เบ๊อะเนอ, เฉ่ต่อโร เนอเตเม เก่ แถ่ เด๊อ ซี ซิปล่อกู ปา.

Eastern Kayah Shadaw Dialect

¹⁹ ꤟꤢꤨꤔꤣꤧ꤬ꤚꤣꤧ꤬ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤘꤢꤧꤏꤥ꤬ꤘꤥ꤬ꤔꤢꤧ꤭ꤊꤢꤧ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤢ꤭ꤒꤢꤩ꤬ ꤜꤣꤕ꤫ꤥ꤬ ꤡꤣꤧ ꤘꤣ ꤕꤢꤩ꤬ꤑꤢꤩ꤭ ꤡꤣꤧ꤯ ꤞꤤ꤭ ꤒꤥ꤭ ꤘꤢꤧ꤬ꤞꤢꤨ꤬ꤘꤢꤧ꤬ꤞꤢꤩ ꤚꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤢ꤬ꤞꤢꤧꤔꤢꤧ ꤗꤤ꤬ꤊꤢꤪ꤭ ꤜꤤ꤭ꤓꤢꤧ꤬ ꤘꤣ ꤒꤢꤩ꤬ꤋꤤꤊꤜꤢꤩ꤭ ꤚꤣꤧ꤬ ꤢ꤬ꤜꤤ꤭ ꤒ꤫ꤥ꤬ꤘꤣ ꤗ꤫ꤢꤪ꤬ꤜꤤ꤭ꤙꤢꤨ꤭ ꤒꤣ꤬ꤗꤢꤩ꤭ꤔꤣꤧ꤬ ꤡꤣꤧ꤯ ꤚꤣꤧ꤬ ꤗ꤫ꤢꤪ꤬ꤜꤤ꤭ꤙꤢꤨ꤭ ꤟꤢꤧ꤭ ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤏꤢꤩ꤬ꤒ꤫ꤢꤪ꤬ꤚꤥ꤬ ꤔꤣꤧ꤬ꤒꤣ꤬ꤗꤢꤩ꤭ ꤊ꤫ꤢꤦ꤬ ꤓꤢꤧ꤬ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤕꤢ꤭꤯

เปโตร เนอบ่า ต๊าบ่า 1:19 ပူးပေါင်းရင်းမြစ်များ

เตเด๊อะโลแถ่ 22:16

“แว หม่า เหย่ซู่. แซ่ฮู๊ แว เก่ แด๊โฉ่ โลเป่ เพรหยื่อเอ่ตู๊หมู่ตอกล๊อ เต๊เห่ เร๊อ เตหรี่เตแก เออเต๊เห่ อาเงเนอ, แว ซูแล เป่ ซี แว เตเน่วพู๊ เฮ๊อ. แว โป่แว กลุยแล หม่า หม่าเฮ๊อ คูดาวิด อากลุยอาแล กาแล เนอ โต๊โหมะเต๊อเจ่อเฮ๊อ. แว หม่า เฉ่ต่อโหร่ เด๊อ อา ลีเตเคโรโซ เนอเตเม เฮ๊อ.”

ꤛꤥ꤭ꤟꤢ꤬ 5:39

ซี แม๊ปูซิเง แลแค ลีเทส่อพ๊า เต๊เห่ เมเตเฮ๊เรอ ซี เตเน เร๊อ ซี เก่ แม๊เถอะ ซิปล่อเซอเพร ตูจูเพร เบ๊อะลี เออเนอเต๊เห่ อากู ปา. ลีเทส่อพ๊า เออเต๊เห่ เนอหม่า อา ข่าเฮ๊โล เป่เฮ๊อ ซิปล่อ เร๊อ แวหรี่แวแก เฮ๊อ.

เตเด๊อะโลแถ่ 2:28

แว เก่ เด๊อะเกอ อา เฉ่ต่อโหร่ ปาปา.

ꤛꤥ꤭ꤟꤢ꤬ 5:35

คูยอห์น เนอ อา ลีเตเคแถ่ แซ่เร๊อ หมิเคว๊กอ เตเม เด๊อ อา แกแถ่ เนอ. ซี ซิหยื่อ อาเตลี แตแปล๊เตอเปลอ แพ๊, อาโหง่แลช๊า เนอหม่า, อา ซิเฮ๊ เร๊อ ซี ซิหยื่อ แฮ หนิดา อา เตอิซว๊า แตแปล๊เตอเปลอ แพ๊ อา ซิเฮ๊ ฮู๊เนอ.

มัทธิว 4:16

แกแย เด๊อ อา โอ่ เด๊อ เตซื๊อ อา เตคี๊ ลอ อาเล ซี๋, ซี แม๊เถอะเฮ๊อ เตลีเตเค ดุ เฮ๊อ. แกแย เด๊อ อา โอ่ เด๊อ เตเซอเตเหม่ อาคี๊เล ซี, เตลี ช๊าเตเค ตาเฮ๊อ ซี เฮ๊อ.”

ꤛꤥ꤭ꤟꤢ꤬ 8:12

แบ่เจ่ เหย่ซู่ เฮ๊ คยาแซ๊ แกแย เนอเต๊เห่ เน๊อ, “แว หม่า เห่ขุ อาเตลี. แกแย เด๊อ อา ครวา แวคยา เตเพรเพร เนอ, อา จว๊า ปา เด๊อ เตคี๊ อาเกล แตแค๋ โต่. อา เก่ พย๊าหนิ เตลี เด๊อ อา เด๊อ ลู ซิปล่อเซอเพร อาเซ เออเนอ ปา.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10

ฮู๊เนอเรอ แกแย เด๊อ อา หยื่อเอ่ จอแปแหร่ อาพู๊คู เออเต๊เห่เนอ, อา ซิเง ตาเต เจ๊อ เร๊อ จอแปแหร่ ข่าเฮ๊โล เออเนอหม่า อาโต หม่าแหน่ เจ๊อ. หม่าแน๊เรอ แกแย เด๊อ อา หยื่อเอ่ จอแปแหร่ โต่ เต๊เห่เนอ, อา เฮ๊ จอแปแหร่ เร๊อ แกแย แลโฮ, เมเตเฮ๊เรอ เด๊อ อา หยื่อเอ่ เกอ จอแปแหร่ ข่าเฮ๊โล เร๊อ อาพู๊คู อาหรี่อาแก เออเนอ โต่ อาขว่าอาคยา, อา เฮ๊ แลแค ฮู๊เนอ แพ๊.

เปโตร อาเหร่อเล๊อ ต๊าบ่า 1:10

เมแลเปล๊กา อาหรี่อาแก เออเนอ, เพรโพร เต๊เห่ แม๊ปูซิเง เร๊อ แด๊เฮอ เจแม๊ ตาเต โท เฮ๊อ. โทเร๊อ เตบุ๊ยดุเตอเรอทู อาเชหยู่ เด๊อ จอแปแหร่ เก่ เด๊อะแล ซี ปา เออเนอ, เพรโพร เต๊เห่ เฮ๊โพร หนื่ออื่อ โทเฮ๊อ อาหรี่อาแก เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 2:8

ลีเทส่อพ๊ากู เฮ๊ เน๊อ, “โมเร๊อ อูโร ฮู๊ เน โมแล เกอเร๊อ เนเหน่ เนอ,” อา เฮ๊ ฮู๊เนอ. ซี เก่ จูเอ่ หม่าแหน่ จอแปแหร่ อาเทออาเก่ อา เตซว๊าเตแส่ เออ เฮ๊เนอหม่า ซี เมโตเฮ๊อ เต เฮ๊อ.

เพรโด่แนพู๊ เต๊เห่ 17:11

แกแยยิวพู๊ โอ่ เบ๊อะวีเบโรอา เต๊เห่เนอ อา ซิปล่อทู แม๊เถอะ ยาเล๊อ เร๊อ วีเธสะโลนิกา ซีเต๊เห่. เหย่ซี หนิดา ฉ่าเผร่ ฉ่าอ่อ แหน่เจ๊อ เตหรี่เตแก เด๊อ เตซิปล่อฉว่า อากูเจ๊อ. โทเร๊อ แซ่ฮู๊ เหย่ซี เก่ ซิเง ตาเต เร๊อ คูเปาโล อา เตเฮ๊เบ่ เออเนอหม่า, อาหม่า แอ? หม่า หม่าโต่ แอเนอ? เร๊อ อา แม๊ปูซิเง แลแค เจ๊อ ลีเทส่อพ๊า ปวาเนอเนอ ปวาเซเซ เจ๊อ.

เพรโด่แนพู๊ เต๊เห่ 15:29

เตเด๊ออาโหล่ ครวาเม เต๊เห่ หม่า แคร๋ อิเตเฮ๊เร๊อ เหล่เอ่ เด๊อ อู หลู่แถ่ เร๊อ แหย่โย เต๊เห่เนอ, เอ่ แลแค แต่เหม่, เตสุ่ย เนอหม่า เอ่ หนิ โต่โต่, เตมีเตดอ เด๊อ อู จิเซอ อา เนอหม่า เอ่ หนิ โต่โต่. โทเร๊อ จว๊าซื๊อจว๊าปล๊า แลแค แต่ เพรเหมาะเพรคู แต่เหม่. ซี เก่ รอเบ๊ แลแค เตเออเต๊เห่ เฮ๊เนอหม่า, อา เก่ แร๊ เด๊อ ซีเงปา. โอ่โมโอ่ แร๊ โอ่ฉว่าโอ่แพร แลแค ดื่อ นี๋ เหย่ซี ราจว๊า แลแค ฮู๊เนอ.

ยอห์น โซบ่า ต๊าบ่า 1:6

เหย่ซี โด่แนโล แลแค เป่ เพรหยื่อเอ่เออ ตู๊หมู่ตอกล๊อ เบ๊อะเออ เต๊เห่ เน๊อ เน เตโม อาหรี่อาแก. แซ่ฮู๊ เหย่ซี เก่ จว๊า แฮเง หนิโป่ แกล๊ เด๊อ เง ตากยาเนอ, แด่ทูซิปล่อ เร๊อ เมจว่า เป่ เหย่ซี ฮู๊ อาโต เร๊อ จอแปแหร่ อา เตซิหยื่อ เนอเต๊เห่ นี๋.

ꤟꤤꤙꤚꤢꤨ 2:2

จอแปแหร่ เด๊อะตา เปเพอเปโพ เด๊อ เหร่อเคเนอ เต๊เห่ เตหรี่เตแก เต๊อเจ่อ. เร๊อ อา เฮ๊เบ่ตา แฮเง เร๊อ ม๊อขุ เตเน่วพู๊ เต๊เห่. เร๊อ แกแย เด๊อ อา หนิโฮ เตหรี่เตแก เออเต๊เห่เนอ, อาเบ่ หนิดา ครวาเม อา. แกแย เด๊อ อา หนิดา ครวาเม เกออู โต่ เต๊เห่เนอ, จอแปแหร่ เมจากาคยาแก โทเฮ๊อ เหย่ซี ฮู๊ อา โต เร๊อ เหย่ซี เนอเฮ๊อ.