เปโตร เนอบ่า ต๊าบ่า 1:12 - ลีเทส่อพ๊าอาเซ เร๊อ เห่ขุทวาลู๊

¹² ซี ซิเง โทเฮ๊อ เตเออเต๊เห่ เฮ๊อ. เร๊อ ซี โอ่หม่าโอ่กลอ เฮ๊อ เร๊อ เตหมะเตจ๊อ เด๊อ ซี พย๊าหนิ โทเฮ๊อ เนอเต๊เห่ หม่าแน๊เรอ ปวาโพ๊โพ๋ แว เด๊อะ ซิเหน่แถ่ คยาแซ๊ ซี เร๊อ เตหรี่เตแก เออเต๊เห่ ฮู๊เนอ แพ๊.

Eastern Kayah Shadaw Dialect

¹² ꤞꤤ꤭ ꤞꤤꤑꤢꤩ꤭ ꤓꤥ꤭ꤟꤣꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ ꤚꤣꤧ꤬ ꤞꤤ꤭ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤟꤣꤧ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤘꤣ ꤞꤤ꤭ ꤔ꤫ꤤ꤬ꤙꤢꤩ꤬ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤕꤝꤢ꤭ꤖꤥꤖꤥ꤮ ꤠꤢꤧ꤭ ꤘꤣꤧ ꤞꤤꤔ꤫ꤢꤩ꤬ꤓꤢꤧ꤬ ꤋꤛꤢ꤭ꤞꤢꤧ ꤞꤤ꤭ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤢꤨꤔꤣꤧ꤬ ꤖꤢꤧ꤯

เปโตร เนอบ่า ต๊าบ่า 1:12 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:21

ซี ซิเงเกอ เตหม่าเตเจ๊อ โต่ อาขว่าอาคยา เร๊อ, แว รา เป่ซี ฮู๊เนอ หม่าโต่. ซี ซิเงเฮ๊อ เตหมะเตจ๊อ เร๊อ แวรา เป่ ซี แพ๊. โท๊โต่ เตแลโฮแลแห่ เนอ อา แฮ โอ่ เถ่แจ่ เด๊อ เตจ๊อเตเต อากู แตแค๋โต่เนอ. ซีซิเงดื่อ เฮ๊อ.

ฟีลิปปี 3:1

แว โป่แหว่ ซี, เด๊อคยาเล๊อเนอ, แว ซิหยื่อ เฮ๊ ซี เนอ, เด๊อ ซี ทวาแถ่ เฮ๊อ เตเตอเจ๋อโต เร๊อ แบ่เจ่ ครี๊ เฮ๊อ เออเนอ, ซิครือซิลอ แลแค นี๋. แว ราจว๊า เป่ คยาแซ๊ ซี ลี เด๊อ อา แซ่เน๊อ อาเหร่อเค เต๊เห่เนอ แพ๊ หม่าแน๊เร๊อ อา ดู๊ดี๊ดู๊แด เร๊อ แว เตอเจ๋อ โต่. แว รา เออเต๊เห่ เนอหม่า แซ่ฮู๊ อา ตอกอเตเก บี๊ หนิเป่ ซีเงแพ๊.

โคโลสี 2:7

ช๊อตา แยแย แลแค ซี เตหยื่อ เด๊อ เหย่ซู่ครี๊ อากู ฮู๊ ส่อหรุ่ย ช๊อตาแย เนอ. เร๊อ ดุแถ่ แลแค เด๊อ เหย่ซู่ครี๊ อากู นี๋. ซี หยื่อเอ่ เออเนอ อา เบ่ ฉว่าชอแฮ เน๊อ ชอแฮ เป่แฮ ฮู๊ อู อิซว๊า โทเฮ๊อ ซี เนอ, เร๊อ ล๋อ จอแปแหร่ เม เป่ โทเฮ๊อ ซี เต๊เห่เนอ, ถู่เซ๊ เฮ๊บุ๊ยเฮ๊เตอเรอ แถ่ แลแค ลู นี๋.

ꤛꤢꤨꤘꤢ꤬ 1:5

ซี ซิเง โทลอเฮ๊อ เตเออ ล๋อ ปลี หม่าแน๊เรอ แว ซิหยื่อ เด๊อ ซิเหน่แถ่ คยาแซ๊ เกอโป่ ซี เร๊อ เร๊อ โตโพ๊เค เนอ แบ่เจ่ เมแลเปล๊ เถ่กาโทเฮ๊อ อิสราเอล พู๊ เด๊อ อียิปต์เก่. หม่าแน๊เรอ เด๊อ คยา เนอ อา เมเซอแก ลอคยาแซ๊ ล๋อ แกแย เด๊อ อา หยื่อเอ่เกอ ลู โต่ เนอ เต๊เห่.

ยอห์น เนอบ่า ต๊าบ่า 1:2

เด๊อ เตหมะเตจ๊อ โอ่ แลโหล่แลแกล เด๊อ เปกู อาขว่าอาคยา, เป โม เร๊อดื่อ ซี แพ๊. เตหมะเตจ๊อ เออเนอ อา เก่ โอ่ ตื๊อดื่อ เกอดื่อ เร๊อ เป ตูจูเพร แตแลเคร๊ ปา.

เปโตร เนอบ่า ต๊าบ่า 1:13

เบ๊อะแว โอ่เซอเพรปา เบ๊อะเนอ, แว ถู่แร ซิเหน่แถ่ คยาแซ๊ ซี เร๊อ เตหรี่เตแก เออเต๊เห่ หม่า แว เตเน เน๊อ อาโต แพ๊.

ꤛꤢꤨꤘꤢ꤬ 1:17

หม่าแน๊เรอ แว โคแบ๊ซว๊า ซี๋, ซิเหน่แถ่ โต่เบ่ คยาแซ๊ แลแค เป แบ่เจ่ เหย่ซู่ครี๊ อา เพรโด่แน เต๊เห่ แด๊โฉ่โด่แน หนื่ออื่อ โทเป่เฮ๊อ ซี เนอเต๊เห่ นี๋.

ꤛꤢꤨꤘꤢ꤬ 1:3

แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.

เปโตร เนอบ่า ต๊าบ่า 3:17

หม่าแน๊เรอ แว โคแบ๊ซว๊าโม ซี๋, ซี ซิเง โทเฮ๊อ เตเออเต๊เห่ เฮ๊อ. ฮู๊เนอเร๊อ แซ่ฮู๊ แกแย มู๊แหม่ เออเต๊เห่ เก่ อี๊หล่า จว๊าหนิ แต่ ซี เด๊อ อา เหล่เตเน ซื๊อ เออเต๊เห่ อากู แต่เหม่เนอ, เบ่รอเบ่เร แลแค ซีเหน่ นี๋. ซี เก่ หนิดา เหย่ซี อา โหง่ เฮ๊เนอหม่า, ซี โอ่หม่าโอ่กลอ ปา เด๊อ ซี เตหยื่อเตแหน่ อากู โต่ เฮ๊อ.

เปโตร เนอบ่า ต๊าบ่า 3:1

โคแบ๊ซว๊าโม ซี๋, แว ราจว๊า โป่ ซี ลี เนอบา ต๊าบ่า. ลี เนอบ่าลอ เด๊อ แว ราจว๊า เป่ ซี เออเนอหมา, แซ่ฮู๊ ซี เก่ เตเน อาโพ๊อาแปละ เกอ แลแค อู เนอเรอ, แว แอ๊จื๊อ ถู่แร ซิเหน่แถ่ คยาแซ๊ ซี เร๊อ เต เด๊อ ซี อิซว๊าโทเฮ๊อ เนอเต๊เห่ แพ๊.

เปโตร เนอบ่า ต๊าบ่า 1:15

ฮู๊เนอเรอ ช๋า แว เซอโทเฮ๊อ ปาเนอ, แซ่ฮู๊ ซี เก่ ซิเหน่แถ่เบ่โต่ เตเด๊อ แว อิซว๊าแก ซี เนอเต๊เห่ ปาเนอเร๊อ กู๊แหน่เออ แว แอ๊จื๊อแอ๊เหร่ เม แหน่เจ๊อ เฮ๊อ เต เฮ๊อ.

เปโตร อาเหร่อเล๊อ ต๊าบ่า 5:12

แว ราโผ่ เป่ แพ๊ ซี ลีเออ แพ๊. แว เด๊อะอ๊าเด๊อะเหร่ ซี, โทเรอ แว จ่าเพรอ แวซิปล่อ เร๊อ เตเออหม่า จอแปแหร่ อาบุ๊ยอาเตอเรอ หม่าแหน่ เจ๊อ. โอ่หม่าโอ่กลอ แลแค เด๊อ เตเออเนอ อากู นี๋. คูสิลาส เด๊อะ แว แด่ อา ฮู๊ แว โป่แหว่ เด๊อ อาจ๊อ เร๊อ อาโหง่เออ เตเพรเนอ, อา ราจว่า เป่เกอ แว ลีเออต๊าบ่า.

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

ꤟꤤꤙꤚꤢꤨ 13:9

นออิลออี๊โหล่ จว๊าซื๊อ แต่ ซี เน๊อ ล๋อ เตอิซว๊าอี๊แส่ เด๊อ อา โค๊คยา เนอเต๊เห่ แต่เหม่ นี๋. ครวาจว๊าเกอ แต่เหม่ นี๋. ซี ซิปล่อ เออเนอ, อา โต อ๊าฉว่าเหร่ชอแถ่ เน๊อ จอแปแหร่ อาบุ๊ยอาเตอเรอ อาคยาแพ๊. เด๊อ ซี หนิดา ครวาเมเกอ เหล่เอ่เหล่โอ อา เตซว๊าเตแส่ เต๊เห่ อาคยา เร๊อ ซี ซิปล่อ อ๊าฉว่าเหร่ชอแถ่ โต่ ฮู๊เนอ หม่าโต่. ซี หนิดา ครวาเมเกอ เตซว๊าเตแส่ อาคยา เออเนอ, อา หนิบุ๊ยหนิเตอเรอ เด๊อ ซีเง เตอเจ๋อ โต่.

ꤟꤤꤙꤚꤢꤨ 10:32

เตเนแถ่ โต่เบ่ คยาแซ๊ แลแค มู๋ หนู่เค เบ๊อะซี พย๊าหนิ โทเซตื๊อปา แพ๊ จอแปแหร่ อาเตลี เบ๊อะเนอ, ซี แม๊เถอะเบ่ เอ๊ลู เตจาเตจือ หม่าแน๊เรอ ซี แด่ทูซิปล่อเบ๊ แลแค แพ๊.

ทิโมธี เนอบ่า ต๊าบ่า 1:6

เด๊อ เน หยื่อเอ่แหน่ ตาเตแร๊ อาขว่าอาคยา, แว เด๊อะ ซิเหน่แถ่ เน เน๊อ เน เก่ นอเอ่ แฮเงลา เน เชหยู่ เออเนอ. เบ๊อะแว แด่แถ่ แว กู๊ขุ เด๊อ เนลู เบ๊อะเนอ, จอแปแหร่ เด๊อะโทเฮ๊อ เน เชหยู่ เฮ๊อ.

ทิโมธี อาเหร่อเล๊อ ต๊าบ่า 4:6

เน เก่ อิซว๊าเป่ โป่แหว่ ครี๊พู๊ เต๊เห่ เน๊อ เตเออเต๊เห่ เฮ๊เนอหม่า เน เก่ ทวาดื่อ เหย่ซู่ครี๊ เด๊อ อาหลู่เล๊ เด๊อ อา แร๊ เตเพรปา. เบ๊อะเน เมฮู๊เนอ เบ๊อะเนอ, เน เก่ โบ่ดุแถ่ หนิ เกอดื่อ เนเหน่ เน๊อ เตหมะเตจ๊อ เด๊อ เตหยื่อเตแหน่ อากู เนอเต๊เห่ เน๊อ เตอิซว๊าอี๊แส่ อาแร๊ เด๊อ เน ครวา เมเฮ๊อ เนอเต๊เห่ ปา.

เพรโด่แนพู๊ เต๊เห่ 16:5

ฮู๊เนอ อาขว่าอาคยา, เพรหยื่อเอ่ ตู๊หมู่ตอกล๊อ เต๊เห่ อา เตหยื่อเตแหน่ อาฉว่าอาชอ แฮโต่. โท๊โต่ เพรหยื่อเอ่ เต๊เห่ โอ่โหร่แถ่ เร๊อ โอ่โหร่แถ่ เจ๊อ ปว๋า เตอเนอเจ๊อ.

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.