เปโตร เนอบ่า ต๊าบ่า 1:11 - ลีเทส่อพ๊าอาเซ เร๊อ เห่ขุทวาลู๊

¹¹ ฮู๊เนอเรอ จอแปแหร่ เก่ ซิครือซิลอ เอ๊โมฉื่อ ซี เด๊อ เป แบ่เจ่ เหย่ซู่ครี๊ เด๊อ อา หม่าเฮ๊อ เพรเมแลเปล๊กา เป เออเตเพร อาเทออาเก่ เด๊อ อา โอ่ ตูจูเพร แตแลเคร๊ อากู เออเนอ ปา.

Eastern Kayah Shadaw Dialect

¹¹ ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤢꤩꤗꤥ꤬ꤏꤢꤦ꤬ ꤞꤤ꤭ ꤘꤣ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤘꤣ ꤢ꤬ ꤗ꤫ꤢ꤬ꤟꤣꤧ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤘꤣ ꤢ꤬ ꤥ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯

เปโตร เนอบ่า ต๊าบ่า 1:11 ပူးပေါင်းရင်းမြစ်များ

มัทธิว 25:34

“เบ๊อะเนอปาเนอ, คุ๊ย เออเตเพร เก่ เฮ๊ แกแย เด๊อ อากู๊ขุ จ๊อทว๊า เออเต๊เห่ ปา เน๊อ, ‘แฮมอ แลแค, ซี หม่า แกแย เด๊อ อา พย๊าหนิ แวเพ จอแปแหร่ อา เตเด๊อะบุ๊ยเด๊อะเตอเรอ เต๊เห่, แฮโน พย๊าดว้า แลแค ม๊อขุ เทอเลเก่กู อาอู่เจ เต๊เหย่ เด๊อ อู ตี๊หรี่แตแร โอ่หนื่ออื่อ เป่ ซี เด๊อ เห่ขุทวาลู่ ม๊อขุทวาเซปา เนอ.

ꤛꤥ꤭ꤟꤢ꤬ 10:10

เพรเอ่โห่เนอ อา แฮเมเต เฮ๊เนอหม่า, แซ่ฮู๊ อา เก่ แฮ เอ่โห่เอ่ฮี๊ หนิ, อา เก่ แฮ เมเซอหนิ อู, อา เก่ แฮ เมปย๊าเมหลู่แก อู อาเงแพ๊. แว เน๊อ แซ่ฮู๊ อู เก่ หนิ เตเซอเพร โท๊โต่ แซ่ฮู๊ อู เตโอ่เซอเพร เก่ เล๊อบา ตาปอตาเป อาเง เนอเรอ แว แฮ แพ๊.

ꤚꤥꤗꤢꤩ꤬ 2:4

จอแปแหร่ แร๊ เด๊อ เนขุ บ๋า เต, อา แด่ทูซิปล่อ เป่ เน บ๋า เต, แด่ทูซิปล่อ เป่ เน บ๋า เต เนอ, เน แด่หยื่อโต่ แอ? แซ่ฮู๊ เน เก่ ถู่แหล่เต๊เปล่กา คยา เนซิปล่อ อาเงเนอเรอ, จอแปแหร่ แอ๊จื๊อ เด๊อะโล เป่ เน อาเตโม เตแร๊ เต๊เห่ เด๊อ เนขุ เนอหม่า, เน ซิเง ตาเต โต่ แอ?

โครินธ์ อาเหร่อเล๊อ ต๊าบ่า 15:24

โทปาเรอ, เห่ขุ เก่ ตื๊อดื่อแก ปา. เบ๊อะเนอเค ปา, ครี๊ เก่ เมเป่แก ลอ ล๋อ เพรเป๊อเต เต๊เห่, เตโพร เต๊เห่ เร๊อ เตเตอเรอฉว่าชอ เนอเต๊เห่ ปา. เร๊อ อา เก่ เด๊อะตาแก เทอเก่เออ เด๊อ เพ จอแปแหร่ อา กู๊ยากู ปา.

โครินธ์ เนอบ่า ต๊าบ่า 5:1

เปเหน่กล่อ เด๊อ อาแซ่เน๊อ หี่ เด๊อ เป โอ่ เกอเร๊อ อา เด๊อ เห่ขุ เออเตเม เนอ, ช๋า อู เมโพร๊แก เฮ๊อ อา ปา, อา ซิ เฮ๊ เฮ๊อ ช๋า เป เซอ ปาหม่า, เป ซิเง เร๊อ จอแปแหร่ เก่ เมโอ่เป่ เฮ๊อ เปหี่เซ หม่าเฮ๊อ เปเหน่กล่อ อาเซ เออเนอ เด๊อ ม๊อขุ เนอ เฮ๊อ. อา เก่ เม เร๊อ อาเหน่ เร๊อ หี่เซ หม่าเฮ๊อ เปเหน่กล่อ อาเซ เออเนอ, อา เซอแจ่ ปา โต่, อา เก่ โอ่หม่าโอ่กลอ ตูจูเพร ปา.

เอเฟซัส 3:20

ถู่เซ๊แถ่ แลแค จอแปแหร่. เด๊อ อา เตโพรเตอเรอ อาดุอาแย เออ เมเต เด๊อ เปกู อาขว่าอาคยา, อา เก่ เมเบ๊ เล๊อ เป่ เจ๊อ เป เร๊อ เป กุยแถ่ อา เนอเต๊เห่ ปา เจ๊อ. หม่าโต่เรอ, อา เก่ เมเบ๊ เล๊อ เป่ เจ๊อ เป เร๊อ เป เตเน หนื่ออื่อปา แพ๊ เนอเต๊เห่ ปา เจ๊อ.

ทิโมธี อาเหร่อเล๊อ ต๊าบ่า 6:17

เฮ๊แก เนโหง่ เน๊อ แกแย ดุแหย่แถ่เซ เด๊อ เห่ขุ เออเต๊เห่เนอ, เร๊อ เฮ๊ เหย่ซี เน๊อ พย๊าแด่ดุแถ่โล แต่ ซีเหน่ แต่เหม่, ซิเลแถ่ หนิ แต่ ซี เตดุแหย่แถ่เซ เนอเต๊เห่ แต่เหม่. เตดุแหย่แถ่เซ เออเต๊เห่เนอ, อา โอ่โล แพ๊ เตอเปลอฮู๊ ปา เร๊อ อา เก่ โอ่เหม่แก ปา เฮ๊ เหย่ซี ฮู๊เนอ นี๋. หม่าแน๊เรอ เหย่ซี โตเบ่ แม๊ชือแถ่ เด๊อ จอแปแหร่ อา โอ่. แซ่ฮู๊ เป เก่ ซิครือซิลอ อาเงเนอ, จอแปแหร่ เด๊อ ตาปอตาเป เป่ เจ๊อ เป ปว๋า โตโพ๊ เจ๊อ.

ทิโมธี เนอบ่า ต๊าบ่า 4:18

แบ่เจ่ เก่ เมแลเปล๊ แว เน๊อ เตมู๊แหม่รีแจ่ ล๋อปลี เออเต๊เห่ ปา. โท๊โต่ อา เก่ พย๊ากา แว ปา เร๊อ อา เก่ ตอกอตอเก เกอเร๊อ แว เด๊อ ม๊อขุ อา เทอเลเก่กู ปา. เตลีเตเค เก่ แลเบ่ ดื่อ แบ่เจ่ เออ ตูจูเพร ตาแลเคร๊ นี๋. อาเมน.

ทิโมธี เนอบ่า ต๊าบ่า 4:8

กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา.

ꤟꤤꤙꤚꤢꤨ 6:17

แกแย เด๊อ อา พย๊าหนิเฮ๊อ จอแปแหร่ อา เตอ๊อแล เต๊เห่เนอ, จอแปแหร่ ซิหยื่อ นอซิเง ตาเต เหย่ซี เน๊อ ฮู๊ จอแปแหร่ อ๊อแล โทเฮ๊อ เหย่ซีเนอ, อา เก่ เม เล๊อบา ฮู๊เนอ ปา, อา ถู่แหล่ เต๊เปล่โค๊ ปาโต่ อาขว่าอาคยา, เด๊อ อา เตอ๊อแล อากูเนอ, อา แบ โนป่าหนิ อาโหง่ เบ๊อะเนอ.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

เปโตร เนอบ่า ต๊าบ่า 1:5

เด๊อ เตหรี่เตแก เออ อาขว่าอาคยา, แอ๊จื๊อ แฮเง แร๊โป่ แลแค เด๊อ เง นี๋. เด๊อ ซี เตหยื่อเตแหน่ อาขุเนอ, แด่ปล๊อ เอ๊แถ่โป่ เตแด่ ซิปล่อสู่เทอ เด๊อ อาแร๊, เด๊อ เตแด่ ซิปล่อ สู่เทอ เด๊อ อาแร๊ อาขุเนอ, แด่ปล๊อ เอ๊แถ่โป่ เตซิคว๊าซิเง,

เปโตร เนอบ่า ต๊าบ่า 2:20

เด๊อ เหย่ซี ซิเง เป แบ่เจ่ เร๊อ เหย่ซู่ครี๊ เด๊อ อา เมแลเปล๊กา เป เออเตเพร อาขว่าอาคยา, เหย่ซี แลเปล๊เถ่แกเฮ๊อ เร๊อ เห่ขุ อา เตมู๊แหม่รีแจ่ เออเต๊เห่ เฮ๊อ. หม่าแน๊เรอ กู๊แหน่เออ เหย่ซี เก่ โนเม โต๊โผ่ตอตอ เต่อคย๊าแซ๊ เร๊อ เตมู๊แหม่รีแจ่ เออเต๊เห่ เฮ๊เรอ เตมู๊แหม่ เออเต๊เห่ ทวาแกเฮ๊อ ลูแบ่เจ่ เฮ๊อ. แกแย ฮู๊เนอเต๊เห่ อา เตโอ่เซอเพร เนอหม่า, อา จาเล๊อ ปา เจ๊อ เร๊อ อา เหล่โกลเลอ เนอ เจ๊อ.

เปโตร เนอบ่า ต๊าบ่า 3:18

หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.

เตเด๊อะโลแถ่ 5:10

เหย่ซี เก่ เม จอแปแหร่ อา เตเอ่เตแร อาเงเนอ, เน เด๊อะทวาแถ่ เฮ๊อ เหย่ซี เร๊อ เพรหลู่แตเต เต๊เห่ เด๊อ จอแปแหร่ อาเทออาเก่กู เฮ๊อ. เร๊อ เหย่ซี เก่ เป๊อเต เด๊อ เห่ขุเออ ปา.”