เปโตร เนอบ่า ต๊าบ่า 1:10 - ลีเทส่อพ๊าอาเซ เร๊อ เห่ขุทวาลู๊

¹⁰ ฮู๊เนอเรอ โป่แหว่ ซี๋, แซ่ฮู๊ จอแปแหร่ อาเตเอ๊ ซี เออเนอ เร๊อ อา เตนว๊าแถ่ ซี เออ เก่ ทวาแถ่ แฮเงลา หม่าแหน่ อาเงเนอ, จ่าเพรอ แอ๊จื๊อแอ๊เหร่ เอ๊แถ่โป่ แลแค เด๊อ เง ตากยา นี๋. ซี เก่ เมฮู๊เนอ เฮ๊เรอ ซี ตอพอ แลคื๊อ ปา โตโพ๋ โต่ เฮ๊อ.

Eastern Kayah Shadaw Dialect

¹⁰ ꤟꤢꤨꤔꤣꤧ꤬ꤚꤣꤧ꤬ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤢꤩ ꤞꤤ꤭ ꤣꤧ꤭ꤔꤣꤧ꤬ ꤔꤢꤧ ꤢ꤬ ꤒꤢꤩ꤬ꤔꤝꤢꤓꤢꤧ꤬ ꤞꤤ꤭ ꤣꤧ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤟꤢꤧ꤭ꤑꤢꤩ꤭ꤜꤢ꤭ ꤗ꤫ꤢ꤬ꤔꤤꤔꤢꤧ꤬ ꤢ꤬ꤑꤢꤩ꤭ꤔꤣꤧ꤬, ꤡ꤫ꤢ꤬ꤖꤚꤣꤧ꤭ ꤢꤧꤡꤢꤦꤢꤧꤚꤢꤩ꤬ ꤢꤩꤓꤢꤧ꤬ꤕ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤑꤢꤩ꤭ ꤒꤣ꤬ꤊꤛꤢ꤭ ꤔꤤ꤮꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤞꤤ꤭ ꤒꤣꤧ꤬ꤖꤢꤪ꤭ ꤜꤣꤧ꤬ꤋꤢꤦ ꤕꤢ꤬ ꤒꤣ꤬ꤖꤥ꤮ ꤒꤥ꤬ ꤟꤣꤧ꤯

เปโตร เนอบ่า ต๊าบ่า 1:10 ပူးပေါင်းရင်းမြစ်များ

มัทธิว 22:14

“เมเตเฮ๊เรอ จอแปแหร่เหม่แฮ โร๊ลู แกแย ตื๊อดื่อเรอ อา นว๊าแถ่ ปีตี๊แพ๊ อู แพ๊.”

ꤚꤥꤗꤢꤩ꤬ 11:29

เมเตเฮ๊เรอ จอแปแหร่ เด๊อะตาครา โทเฮ๊อ เชหยู่ เออเนอ เร๊อ แกแย เด๊อ อา นว๊าแถ่ เฮ๊อ ลู เออเต๊เห่เนอ, อา เฮ๊เบ่ ฉิกย๊า กาคยา ปา อาโหง่ ตีกี๋โต่ เฮ๊อ.

ทิโมธี เนอบ่า ต๊าบ่า 2:19

หม่าแน๊เรอ อู เม โกโยแจ่ เน๊อ จอแปแหร่ อา เตแก่ช๊า อาหม่าอากลอ เออเนอ โต่. เด๊อ เตแก่ช๊า เออ อาโอ่เนอ อู ราโอ่ เน๊อ, “แบ่เจ่ ซิเง เกอเร๊อดื่อ อาแกแย” เร๊อ “แกแย ปว๋า เตเพร เด๊อ อา เฮ๊ เร๊อ แว หม่า แบ่เจ่ อาแกแย เต๊เห่เนอหม่า, อา โตเบ่ ตีรี๊ จว๊าโค๊แก อาเหน่ เร๊อ เตซื๊อ เออเนอ.”

ꤟꤤꤙꤚꤢꤨ 6:11

เป เตซิหยื่อ หม่า ฮู๊เออ แซ่ฮู๊ เตแร๊ เด๊อ ซี ซิปล่อทู โอ่ป่อแม๊ชือ เต๊เห่ เก่ เล๊อแถ่บาแถ่ เป่ ซี อาเงเนอ, เป ซิหยื่อ เด๊อ ซี ปว๋า เตเพร เก่ ซิปล่อฉว่า เมโต่ แลแค เด๊อ อาตื๊อดื่อ ฮู๊ ซี เมโทเฮ๊อ เออเนอปา.

ꤟꤤꤙꤚꤢꤨ 6:19

เป เตแม๊ชือ เออเนอ อาแซ่เน๊อ หล่อดุ เด๊อ อา จุ่ย โอ่โก๊หม่า ส่อเกลอดุ เด๊อ เป ซิปล่อเซอเพร อาเง เออเตเม เนอเฮ๊อ. ฮู๊ เพรหลู่แต กู่กล๊อดุเล๊อ เนอเตเพร โนจว๊า ตาลว๊าเบ๊ เร๊อ อิเก บ่าดุ เด๊อ อู จอตาตือบี๊ อา เด๊อ เตหลู่แต โฮกู เนอต๊าบ่า, เร๊อ ฮู๊ อา โน โต่เฮ๊อ เด๊อ เตเหล่โอ่ บูโพ๊ อากู เออเนอ, เป เตแม๊ชือ เออ อาหม่ากลอ, อา ตาเต, เร๊อ อา ซูโน เต่อเกอดื่อเฮ๊อ เป เด๊อ จอแปแหร่ อาเป๊เส่เง ฮู๊เนอเฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 2:10

อูเป๊ เตเพร่ว เบ่เบ่ อา เก่ เมซื๊อ โหง่เฮ๊แก ตือมือ เฮ๊เนอ, อา เมซื๊อ ลอเฮ๊อ โหง่เฮ๊แก ล๋อ ปลี เฮ๊อ.

เปโตร อาเหร่อเล๊อ ต๊าบ่า 1:2

เพ จอแปแหร่ นว๊าแถ่ หนิ ซี ฮู๊ อา เตเตเนหนื่ออื่อ เร๊อดื่อเนอ เร๊อ จอแปแหร่ อา แหย่โยบูโพ๊ เมบูโพ๊แถ่ ซี, แซ่ฮู๊ ซี เก่ หนิดา เหย่ซู่ครี๊ อาโหง่ เร๊อ เด๊อ อาสุ่ย อาขว่าอาคยา, อา เก่ เมโพ๊เมปลี เป่ ซี. เตบุ๊ยเตเตอเรอ เร๊อ เตเพรอาดือ เก่ โอ่เล๊อะโอ่บา ดื่อ เร๊อ ซี นี๋.

เปโตร อาเหร่อเล๊อ ต๊าบ่า 1:5

เด๊อ ซี หยื่อเอ่ ครี๊ อาขว่าอาคยา, เบ๊อะซี พย๊าหนิ แต่ล๋าย เตเมแลเปล๊กา โต่เนอ จอแปแหร่ โอ่ป่อหม่า หนิเป่ ซี เร๊อ อาโพรอาเตอเรอ. จอแปแหร่ ตี๊หรี่แตแร หนื่ออื่อเฮ๊อ อาเหน่ เร๊อ ช๋า ม๊อเนอ ตื๊อดื่อ ปาเนอ, อา เก่ เด๊อะโล เมแลเปล๊กา เออเนอ ปา.

เปโตร เนอบ่า ต๊าบ่า 1:3

เด๊อ เหย่ซู่ครี๊ อา เตโพรเตเตอเรอ เออ อาขว่าอาคยา, เบ๊อะเป ซิเงแฮ โป่เฮ๊อ ลู เบ๊อะเนอ, แซ่ฮู๊ เป เก่ โอ่เกอ เร๊อ ซิปล่อเซอเพร, โทเร๊อ แซ่ฮู๊ เป เก่ เมเกอฮู๊ อาโต ลูซิปล่อ อาเงเนอ, อา เด๊อะตา เฮ๊อเป ล๋อ เป โหล่ เนอเต๊เห่ เฮ๊อ. เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยาเร๊อ อา เอ๊ เป่ เฮ๊อ.

เปโตร เนอบ่า ต๊าบ่า 1:5

เด๊อ เตหรี่เตแก เออ อาขว่าอาคยา, แอ๊จื๊อ แฮเง แร๊โป่ แลแค เด๊อ เง นี๋. เด๊อ ซี เตหยื่อเตแหน่ อาขุเนอ, แด่ปล๊อ เอ๊แถ่โป่ เตแด่ ซิปล่อสู่เทอ เด๊อ อาแร๊, เด๊อ เตแด่ ซิปล่อ สู่เทอ เด๊อ อาแร๊ อาขุเนอ, แด่ปล๊อ เอ๊แถ่โป่ เตซิคว๊าซิเง,

เปโตร เนอบ่า ต๊าบ่า 3:14

ฮู๊เนอเรอ โคแบ๊ซว๊าโม ซี๋, เด๊อ ซี โอ่ป่อแม๊ชือ เตเออ อาขว่าอาคยา, แซ่ฮู๊ จอแปแหร่ เก่ แม๊เถอะ แต่ ซี เร๊อ แกแย เด๊อ อา โตโพร๊วี๊ เร๊อ เตซื๊อ แต่เหม่, โทเรอ แซ่ฮู๊ อาเหล่แด่ เตซื๊อ เด๊อ ซีโอ่ เก่ โอ่ แต่เหม่, โท๊โต่ แซ่ฮู๊ ซี เก่ โอ่เปดวา เต่อเร๊อ อา ปา เนอ, แอ๊จื๊อแอ๊เหร่ ตื๊อดื่อ แลแค นี๋.

เปโตร เนอบ่า ต๊าบ่า 3:17

หม่าแน๊เรอ แว โคแบ๊ซว๊าโม ซี๋, ซี ซิเง โทเฮ๊อ เตเออเต๊เห่ เฮ๊อ. ฮู๊เนอเร๊อ แซ่ฮู๊ แกแย มู๊แหม่ เออเต๊เห่ เก่ อี๊หล่า จว๊าหนิ แต่ ซี เด๊อ อา เหล่เตเน ซื๊อ เออเต๊เห่ อากู แต่เหม่เนอ, เบ่รอเบ่เร แลแค ซีเหน่ นี๋. ซี เก่ หนิดา เหย่ซี อา โหง่ เฮ๊เนอหม่า, ซี โอ่หม่าโอ่กลอ ปา เด๊อ ซี เตหยื่อเตแหน่ อากู โต่ เฮ๊อ.

ꤛꤢꤨꤘꤢ꤬ 1:24

เป เก่ ถู่เซ๊แถ่ โหร่ลู จอแปแหร่ โป๊! แซ่ฮู๊ ซี เก่ แลคื๊อ แต่เหม่ อาเงเนอ, จอแปแหร่ เก่ แม๊ตู่ เมจว่า เร๊อดื่อ ซี นี๋. โท๊โต่ อา เก่ เอ๊กา เบ๊ดื่อ ซี เด๊อ อา เป๊เส่เง ปา เร๊อ ซี เตซื๊อ เก่ โอ่ ปา โต่, เร๊อ ซี เก่ ซิครือซิลอ หม่าแหน่ ดื่อ ปา นี๋.

เตเด๊อะโลแถ่ 22:14

“จอแปแหร่ เก่ เตเด๊อะบุ๊ยเด๊อะเตอเรอ แกแย เด๊อ อา โฉ่ปลี อาจาจวา เนอเต๊เห่ ปา. เหย่ซี เก่ โน บ่าเอ่ หนิเกอ ส่อเส่ เด๊อ อา เด๊อะ อู ซิปล่อเซอเพร เออเนอ เต๊เห่ ปา. โทเรอ เหย่ซี เก่ โน หนิเกอ เด๊อวี กู่ดาดุ เนอเต๊เห่ อากู ปา.