ยอห์น เนอบ่า ต๊าบ่า 1:9 - ลีเทส่อพ๊าอาเซ เร๊อ เห่ขุทวาลู๊

⁹ แกแย เด๊อ อา โอ่หม่าโอ่กลอ เกออู เด๊อ ครี๊ อา เตอิซว๊าอี๊แส่ อากู โต่, เร๊อ อา ฉู่โนเล๊อ โป่ อา เตอิซว๊าอี๊แส่ เต๊เห่ เด๊อ ครี๊ อา เตอิซว๊าอี๊แส่ อากู เต๊เห่เนอ, จอแปแหร่ โอ่เกอ เร๊อ เหย่ซี โต่. แกแย เด๊อ อา โอ่หม่าโอ่กลอ เด๊อ ครี๊ อา เตอิซว๊าอี๊แส่ อากู เต๊เห่เนอ, เพเร๊อพู๊ ซิเนอลอ เก่ โอ่เกอ เร๊อ เหย่ซี แพ๊.

Eastern Kayah Shadaw Dialect

⁹ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤊꤣꤧ꤭ꤢꤨ꤭ ꤘꤣ ꤋꤚꤤ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤊꤢꤨ꤭ ꤒꤥ꤬, ꤚꤣꤧ꤬ ꤢ꤬ ꤏꤢꤨ꤬ꤔꤥ꤭ꤜꤣꤏꤢꤨ꤬ꤔꤥ꤭ꤊꤜꤢꤪ꤭ ꤕ꤫ꤥ꤬ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤘꤣ ꤋꤚꤤ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤥ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤒꤥ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤋꤚꤤ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤖꤢꤩ꤭ꤔꤢꤧꤖꤢꤨ ꤞꤤꤔꤣꤧ꤭ꤜꤢꤪ꤭ ꤊ꤫ꤢꤦ꤬ ꤥ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤖꤢꤧ꤯

ยอห์น เนอบ่า ต๊าบ่า 1:9 ပူးပေါင်းရင်းမြစ်များ

มัทธิว 11:27

เร๊อ จอแปแหร่ เหย่ซู่ เฮ๊ เหย่ซี เน๊อ, “แวเพ เด๊อะตาลอ เฮ๊อ แว เตปว๋า เต๊อะเจ่อ เฮ๊อ. แกแย ซิเง แว เตเพร๊โต่, ซิเงตื๊อแพ๊ แวเพ จอแปแหร่ เตเพรเพร แพ๊” เร๊อ แกแย เด๊อ อา ซิ เง เพ จอแปแหร่ เนอหม่า ตื๊อแพ๊ อา พู๊ เพรคู เน๊อ แกแย เด๊อพู๊ คู นว๊า แถ่ลู เด๊อ อา เก่ เด๊อะโล เป่ ลู เนอ เต๊เห่ แพ๊.

ꤜꤢꤨꤊꤢ꤬ 10:22

“แวเพ เด๊อะตาลอ เฮ๊อ แว เตปว๋า เต๊อเจ่อ เฮ๊อ. พู๊คู หม่า อูเปเนอ อู ซิเง เตเพร่ว โต่. ซิเง ตื๊อแพ๊ เพ เตเพร แพ๊. เร๊อ เพ หม่า อูเปเนอ อู ซิเง เตเพร่ว โต่, ซิเง ตื๊อแพ๊ พู๊คู เร๊อ แกแย เด๊อ พู๊คู นว๊าแถ่ ลู เด๊อ อา เก่ เด๊อะโล เป่ ลู ปา เนอเต๊เห่ แพ๊.”

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤛꤥ꤭ꤟꤢ꤬ 15:6

แกแย เตเพรเพร เด๊อ อา โอ่จิจือหมะ เด๊อ แวกู โต่ เนอ, อาแซ่เน๊อ ส่อแพ เด๊อ อู วีเถ่แก อา เด๊อ อากลอ, เร๊อ อา โน๊แกคราแก เต๊เห่ เนอแพ๊. ส่อแพ ฮู๊เนอ เต๊เห่เนอ, อูโถ่ปล๊อ อา เร๊อ อู วีโนแก ลู เด๊อ หมิกู เร๊อ อู ชื๊ออือแก อา แพ๊.

ꤛꤥ꤭ꤟꤢ꤬ 5:23

เมเตเฮ๊เรอ, แซ่ฮู๊ แกแย ล๋อ ปลี เก่ เบ่หยื่อเบ่แหน่ อาพู๊คู ฮู๊ อู เบ่หยื่อเบ่แหน่ เพเนอ เร๊อ อา เด๊อะตา ลอ เต เมจากาคยา เด๊อ ลู กู๊ยากู. แกแย เด๊อ อา เบ่หยื่อเบ่แหน่ พู๊คู โต่ เต๊เห่เนอ, หม่าเฮ๊อ อา เบ่หยื่อเบ่แหน่ เพ เด๊อ อา นอแฮแล ลู เนอเตเพร โต่ เฮ๊อ.

ꤛꤥ꤭ꤟꤢ꤬ 8:31

แบ่เจ่ เหย่ซู่ เฮ๊ แกแยยิวพู๊ เด๊อ อา หยื่อเอ่แหน่ ลู เนอเต๊เห่ เน๊อ, “เก่ ซี จูเอ่ ปื่อหม่าหนิ แว เตอิซว๊าอี๊แส่ เออเต๊เห่ เฮ๊เนอหม่า, ซี ทวาเฮ๊อ แว โคเจ่ เด๊อ อา ตาเต เต๊เห่ เฮ๊อ.

เพรโด่แนพู๊ เต๊เห่ 2:42

เหย่ซี พย๊าหนิ แลแค ม๊อเนอม๊อเซ เด๊อ อา เบ่ อิซว๊า ซิเงแถ่หนิ เกอ อาเหน่ เด๊อ เพรโด่แนพู๊ เต๊เห่ อา โอ่, เร๊อ เหย่ซี แบ๊ซว๊าแบ๊โคหนิ ลู, เอ่โอ โหร่ลู เร๊อ กุยจ๊อเบ โหร่ลู.

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

ꤒꤤꤒꤢꤨ 2:10

เหย่ซี โตเบ่ เอ่โห่เอ่ฮี๊หนิ อาแหน่แบ่เจ่ อาเต โต่, หม่าแน๊เรอ, แซ่ฮู๊ อาแหน่แบ่เจ่ อา หยื่อเอ่ ตาเต หนิแจ่ เหย่ซี อาเงเนอ, เหย่ซี โตเบ่ โอ่เซอเพร โลแร๊ เป่ อาแบ่เจ่. อาเก่ เมฮู๊เนอ เฮ๊เรอ อู เก่ ถู่เซ๊หนิ ลอ จอแปแหร่ เด๊อ อา เมแลเปล๊กา เป เออเตเพร อา เตอิซว๊าอี๊แส่ เออ เด๊อ เตปว๋า เต๊อเจ่อ อากู ปา.

ꤟꤤꤙꤚꤢꤨ 3:14

เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ.

ꤟꤤꤙꤚꤢꤨ 6:1

ฮู๊เนอเรอ เป แด่โอ่แก ลอ เป เตอิซว๊าอี๊แส่ เป่ อู ครี๊ อาหรี่อาแก เด๊อ อา แก่ช๊าแก่แร เนอเต๊เห่ เร๊อ เป จว๊า แฮเง เกอโป่ อู เด๊อ เง เร๊อ แม๊ปู อิซว๊า ซิเง เกอโป่ อู เด๊อ แกแย ดุเผระเง อา เตอิซว๊า เออเต๊เห่ โป๋. กาคยา แฮ งยา งย๋า อู อิซว๊า เป่ เป เตอิซว๊าอี๊แส่ อา แก่ช๊าแก่แร เด๊อ อา เฮ๊ เน๊อ, ซี เบ่ วีแก เตเม เด๊อ อาบุ๊ย โอ่โต่ เนอเต๊เห่, เร๊อ ซี เบ่ หยื่อเอ่ จอแปแหร่, เตอิซว๊า ฮู๊เออ เต๊เห่เนอ, เป เก่ แม๊ปูซิเง แฮเงกาคยา ปาโต่, เป เก่ จว๊า แฮเง เกอโป่ อู เด๊อ เง โป๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

แซ่ฮู๊ ซี เก่ แบ๊ซว๊าแบ๊โค เต่อเกอ เร๊อ เป อาเงเนอ, เป แด๊โฉ่ เป่เกอ ซี เต เด๊อ เป แม๊เถอะ โทเฮ๊อ เร๊อ เป หนิโฮเบ่ โทเฮ๊อ เนอเต๊เห่ เฮ๊อ. เป เตแบ๊ซว๊าแบ๊โค คยาลู เออเนอหมา, เป แบ๊ซว๊า เปเหน่ เร๊อ เพ จอแปแหร่ เร๊อ อาพู๊คู เหย่ซู่ครี๊.

ยอห์น โซบ่า ต๊าบ่า 1:9

แว ราจว๊า เป่ โทเฮ๊อ ลี เด๊อ เพรหยื่อเอ่ตู๊หมู่ตอกล๊อ อา โอ่ ต๊าบ่า หม่าแน๊เรอ คูดิโอเตรเฟส เด๊อ อา ซิหยื่อ ทวา เหย่ซี กู่กล๊อ เออเตเพรเนอ, อา หนิดา เกออู เป ราเฮ๊โฉ่จว๊า ลีเนอ เต๊เห่ โต่.