ยอห์น เนอบ่า ต๊าบ่า 1:8 - ลีเทส่อพ๊าอาเซ เร๊อ เห่ขุทวาลู๊

⁸ ฮู๊เนอ อาขว่าอาคยา, แซ่ฮู๊ ซี พย๊าหนิ โทเฮ๊อ เตเนอเต๊เห่ เก่ โอ่เหม่แก เป่ แต่ ซี แต่เหม่. โท๊โต่ แซ่ฮู๊ ซี เก่ พย๊าหนิ เล๊อบา ลอ ซี เตเมหนิคว๊าเก่ อาเงเนอ, รอหนิ แลแค ซีเหน่ นี๋.

Eastern Kayah Shadaw Dialect

⁸ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤢꤧꤟꤢꤨ ꤞꤤ꤭ ꤔ꤫ꤤ꤬ꤙꤢꤩ꤬ ꤓꤥ꤭ꤟꤣꤧ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ꤗ꤫ꤢꤩ꤬ꤊꤢꤧ꤭ ꤕ꤫ꤢꤩ꤬ ꤒ꤫ꤢꤧ꤬ ꤞꤤ꤭ ꤒ꤫ꤢꤧ꤬ꤗꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤣꤙꤢ꤭ ꤜꤢꤪ꤭ ꤞꤤ꤭ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯

ยอห์น เนอบ่า ต๊าบ่า 1:8 ပူးပေါင်းရင်းမြစ်များ

ꤟꤤꤙꤚꤢꤨ 10:35

ฮู๊เนอเรอ แด่ฉว่า แลแค ซี ซิปล่อ. ซี เก่ พย๊าหนิ เตเมหนิคว๊าเก่ เด๊อ อาดุอาแย เต๊เห่ ปา.

เตเด๊อะโลแถ่ 3:11

“งยาแต่โต่เนอ แว เก่ แฮ ปา. แซ่ฮู๊ อู เก่ พย๊าเผ่แก แต่ เน กู๊โก่เท แต่เหม่เนอ, ปื่อหม่า หนิ แร๊ เต เด๊อ ซี พย๊าหนิ โทเฮ๊อ, เตอิซว๊าอี๊แส่ เด๊อ อาโตอาเบ่ เนอ เต๊เห่ นี๋.

โครินธ์ อาเหร่อเล๊อ ต๊าบ่า 3:14

ตาเต เด๊อ อู แฮ ช๊อแถ่ อา เด๊อ อี๊ถื่อ แก่ช๊า เออ อาลู เต๊เห่เนอ, อา เก่ ข่าเบ๊ หมิล๊าอือ เฮ๊เรอ อา เตอิช๊อแถ่ หี่ เออเนอ อา เก่ พย๊าหนิ เตแร หนิคว๊าเก่ ปา.

โครินธ์ อาเหร่อเล๊อ ต๊าบ่า 3:8

เพร เด๊อ อา โหล่ตา เตกลุย เออ เร๊อ เพร เด๊อ อา ยือเทอ เออ ซิเนอ ลอ เนอ, อา เตเตเน แม๊ชือ หนื่ออื่อ เต๊เห่ เนอหม่า อา แซ่ลู แพ๊, อาดุเล๊อ ลู โต่. ฮู๊ เหย่ซี เตเพร เร๊อ เตเพร แอ๊จื๊อแอ๊เหร่ เมโทเฮ๊อ เตเต๊เห่เนอ, จอแปแหร่ เก่ เด๊อะ เหย่ซี เตแร หนิคว๊าเก่ ปา.

ꤟꤤꤙꤚꤢꤨ 12:15

แซ่ฮู๊ ซี ปว๋า เตเพร เก่ พย๊าหนิ เกอ แลแค จอแปแหร่ อาบุ๊ยอาเตออเรอ เออเนอเร๊อ, รอเร๊อ แลแค ซีเหน่ นี๋. นอทวาแถ่ แต่ แลแค ซีเหน่ ฮู๊ ส่อเหมาะ เด๊อ อู เอ่ อา เร๊อ อา มือเซอแจ่ อู เนอเต๊เห่ เตเพร่ว แต่เหม่ นี๋. แกแย เด๊อ อาแซ่เน๊อ ส่อเหมาะ เด๊อ อา เม มือเซอแจ่ อู เออเต๊เห่เนอ, อา เก่ แด๊แถ่ เด๊อ ซีเกล เร๊อ อา เก่ เมแป่เมเช โหร่เอ๊ อู เน๊อ อา เตมือเซอ เออเนอ ปา.

ꤗꤢ꤬ꤊꤢꤨ 13:9

“ซี เบ่ รอหนิ แลแค ซีเหน่. เด๊อ แวขว่าแวคยา เร๊อ อู อา ปื่อ ซี ปา, เร๊อ อู เก่ ซูแถ่ ซี เด๊อ เพรเฮ๊เบ่เมโตเต เด๊อ ทวาดุทวาเต เต๊เห่ อา เป๊เส่เง ปา. อู เก่ มือปอ ซี เด๊อ เตจ๊อเบโฮกู ปา. ซี เบ่ ก๊อถ่อโอ่ เด๊อ เพรเป๊อเต เต๊เห่ เร๊อ จ๊อแผ่ เต๊เห่ อาเป๊เส่เง ปา. เร๊อ อา เก่ แด๊เฮอ เจแม๊ ซี ปา เร๊อ ซี เก่ ข่าเฮ๊โล หนิเป่ เหย่ซี เร๊อ เตซิครือมีลา อาหรี่อาแก ปา.

ꤊꤢ꤬ꤜꤢ꤬ꤒꤤ 3:4

ซี ข่าจาข่าจือ โทเฮ๊อ ปว๊าเต๊อเจ่อ เด๊อ เตซิครือมีลา อาเง เฮ๊อ หม่าแน๊เรอ กู๊แหน่เออ อา ทวา แกเด ลอ เฮ๊อ แอ? เฮ๊ตาต๋า หม่า ซี ข่าจาข่าจือ เตเออ เนอหม่า อาบุ๊ยอาเตอเรอ โอ่ หม่าแหน่ เจ๊อ เม.

ꤛꤥ꤭ꤟꤢ꤬ 4:36

กู๊แหน่เออ เจ๊อ เบ่เบ่, เพรเก๊โบ๊ เตเพรเนอ อา พย๊าหนิ อาคว๊าอาเก่ เร๊อ อา แด่โอ่ปล๊อ เตเส่เตโพ เต๊เห่ เด๊อ อา หม่าเฮ๊อ ซิปล่อเซอเพร ตูจูเพร อาเง เออเนอ เฮ๊อ. ฮู๊เนอเร๊อ เพรช๊อโบ๊ เออ เร๊อ เพรเก๊โบ๊ เออ ซิเนอลอ เก่ ซิครือ โหร่ลอ ลู ปา.

ꤊꤢ꤬ꤜꤢ꤬ꤒꤤ 4:11

เด๊อ ซี เมฮู๊เนอ อาขว่าอาคยา, แว ซิปล่อกู่ ซิปล่อแก แหน่เจ๊อ เด๊อ ซีเง เจ๊อ. ปาหม่า ล๋อ เตเม เด๊อ แว เม เป่โทเฮ๊อ เด๊อ ซีเง เนอเต๊เห่, ทวาแถ่ แกเด ลอดื่อ เฮ๊อ ปา เฮ๊อ.

ꤜꤢꤨꤊꤢ꤬ 21:8

เหย่ซู่ เฮ๊ฉื่อ เหย่ซี เน๊อ, “แซ่ฮู๊ อู เก่ อี๊ลอแลโฮ จว๊าหนิ แต่ ซี แต่เหม่เนอ, โอ่รอโอ่เร แลแค ซีเหน่ นี๋ แกแย เด๊อ อา เก่ แฮ แด๊กว๊า แลโฮ แลแค อาเหน่ เร๊อ แวมุย ปาเนอ อา โอ่ เอ๊ ลู ปา. เร๊อ อา เก่ แด๊กว๊า แลโฮ แล เกอ เร๊อ แลแค อาเหน่ เน๊อ, ‘แว หม่า ครี๊ เฮ๊อ,’ เร๊อ ‘เบ๊อะผื่อโต่ เฮ๊อ,’ ฮู๊เนอ ปา ตื๊อดื่อเรอ ครอครวา แต่ แลแค เหย่ซี แต่เหม่ นี๋.

ꤟꤤꤙꤚꤢꤨ 10:32

เตเนแถ่ โต่เบ่ คยาแซ๊ แลแค มู๋ หนู่เค เบ๊อะซี พย๊าหนิ โทเซตื๊อปา แพ๊ จอแปแหร่ อาเตลี เบ๊อะเนอ, ซี แม๊เถอะเบ่ เอ๊ลู เตจาเตจือ หม่าแน๊เรอ ซี แด่ทูซิปล่อเบ๊ แลแค แพ๊.

ฟีลิปปี 3:16

ฮู๊เตเต๋ เบ่เบ่, เป เก่ จว๊า โหร่ลู เด๊อ เง ฮู๊ เป ซิเง โทเฮ๊อ เนอเต๊เห่ โป๋.

ꤗꤢ꤬ꤊꤢꤨ 13:23

รอหนิ แลแค ซีเหน่ นี๋ เบ๊อะเต่เออเต่เห่ ทวาแถ่ แต่ล๋ายโต่ เออเนอ, แว แด๊โฉ่ หนื่ออื่อ เหร่อ เป ลอ โทเฮ๊อ ซี ปว๋า เต๊อเจ่อ เฮ๊อ,” เหย่ซู่ เฮ๊แก ฮู๊เนอ.

มัทธิว 24:4

แบ่เจ่ เฮ๊ฉื่อ เหย่ซี เน๊อ, “รอหนิ แลแค ซีเหน่ นี๋, นออิลออี๊โหล่แลโฮ จว๊าหนิ แต่ อู เร๊อ ซีเหน่ แต่เหม่ นี๋.

โครินธ์ อาเหร่อเล๊อ ต๊าบ่า 15:8

เด๊อคยาเล๊อ เร๊อ อา โอ่โลแถ่ เป่ เกอลาติ แว เด๊อ อาแซ่เน๊อ เป๊เจ่พู๊ เด๊อ อา โอ่ บาเล เกออู โต่ เออเตเพร.

ꤜꤢꤨꤊꤢ꤬ 19:19

“เร๊อ อา เฮ๊ อาหลู่เล๊ เออเตเพร เน๊อ, ‘แว เก่ นอเป๊อ เน วี แงวี ปา.’