ยอห์น เนอบ่า ต๊าบ่า 1:6 - ลีเทส่อพ๊าอาเซ เร๊อ เห่ขุทวาลู๊

⁶ เตโม อาโหง่แลช๊า หม่า, เป โอ่เซอเพร ครวา หนิดา จอแปแหร่ โหง่เฮ๊แก เนอเต๊เห่ เฮ๊อ. ฮู๊ ซี ล๋อ ปลี หนิโฮ โทดื่อเฮ๊อ โหง่เฮ๊แก เด๊อ กูลู่ เค เร๊อ อา เฮ๊ เนอ, ล๋อ ซีเออ เต๊เห่เนอ ซี โตเบ่ โอ่เซอเพร เด๊อ เตโมเร๊อ ลู อากู, อา เฮ๊ ฮู๊เนอ.

Eastern Kayah Shadaw Dialect

⁶ ꤒꤢꤩ꤬ꤗꤥ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤗꤢ꤬, ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤝꤢ꤭ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤊꤢꤧ꤭ꤍ꤫ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤟꤢꤨ ꤞꤤ꤭ ꤜꤢꤪ꤭꤮ ꤕꤜꤤ꤬ ꤔ꤫ꤤ꤬ꤟꤥ꤭ ꤓꤥ꤭ꤘꤢꤦ꤬ꤟꤣꤧ ꤍ꤫ꤥ꤬ꤗ꤫ꤢ꤬ꤊꤢꤧ꤭ ꤘꤣ ꤊꤣꤧ꤬ꤜꤢꤨꤋꤢꤩ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, ꤜꤢꤪ꤭ ꤞꤤ꤭ꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤞꤤ꤭ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤗꤥ꤬ꤚꤣꤧ ꤜꤢꤨ꤭ ꤢ꤬ꤊꤢꤨ꤭, ꤢ꤬ ꤟꤢꤩ ꤟꤢꤨꤔꤣꤧ꤬꤯

ยอห์น เนอบ่า ต๊าบ่า 1:6 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:3

เมเตเฮ๊เร๊อ เตโมเร๊อ จอแปแหร่ อาโหง่แลช๊า หม่า หม่าเฮ๊อ เตจูเอ่ อาโหง่เฮ๊แก เออเต๊เห่ เฮ๊อ. เร๊อ เป เก่ ครวาเม เกอ ลอ ล๋อ อาโหง่เฮ๊แก เนอเต๊เห่ เฮ๊เนอหม่า อาแป่อาแหย่น๊อโต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:24

เมฮู๊เนอเร๊อ, เด๊อ ซี ทวาแถ่ลู่ ครี๊พู๊ เบ๊อะเนอ, ฉู่โนโอ่หม่าโอ่กลอ แร๊แลแค เตหรี่เตแก เด๊อ ซี หนิโฮ โทเฮ๊อ เออเนอ เต๊เห่ เด๊อ ซี ซิปล่อกูเนอ. ซี เก่ เมฮู๊เนอ เฮ๊เนอหม่า, ซี โอ่หม่าโอ่กลอ เด๊อ พู๊คู เร๊อ เพ อากู เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:5

หม่าแน๊เรอ อูเป เตเพร เบ่เบ่, อา เก่ จูเอ่ ลูโหง่ เฮ๊เนอ, เตโม เกอเร๊อ จอแปแหร่ เล๊อแถ่บาแถ่ หม่าแหน่ เจ๊อเฮ๊อ เด๊อ อากู เฮ๊อ. เด๊อ เป จูเอ่ อาโหง่ อาขว่าอาคยา, เป ซิเง ตาเต เจ๊อเฮ๊อ เร๊อ เป ทวาแถ่เฮ๊อ เตเตอเจ๋อโต เฮ๊อ เร๊อ จอแปแหร่ เฮ๊อ.

ꤛꤥ꤭ꤟꤢ꤬ 15:10

ซี เก่ หนิดา หยื่อเอ่ แว โหง่เฮ๊แก เออเต๊เห่ เฮ๊เนอหม่า ซี โอ่จิจือหมะ เฮ๊อ เด๊อ แว เตโม อากู เฮ๊อ. ซี เก่ เม ฮู๊เออ เฮ๊เนอหม่า อา แซ่เฮ๊อ เน๊อ แว หนิดา แวเพ อาโหง่ เร๊อ แว โอ่จิจือหมะ เด๊อ อา เตโมกู เออเนอ เฮ๊อ.

ꤛꤥ꤭ꤟꤢ꤬ 14:15

“ซี เก่ โม แว เฮ๊เรอ, ซี เก่ หนิดา จูเอ่ แว โหง่เฮ๊แก เต๊เห่.

ꤛꤥ꤭ꤟꤢ꤬ 15:14

ซี เก่ เม ฮู๊ แว เฮ๊แก ซี โหง่ เออ เฮ๊เนอหม่า, ซี ทวาเฮ๊อ แว โคแบ๊ซว๊า เฮ๊อ.

ꤛꤥ꤭ꤟꤢ꤬ 14:21

แกแย เตเพรเพร เด๊อ อา ปื่อหม่าหนิ แว โหง่เฮ๊แก เออเต๊เห่, เร๊อ อา ครวา โอ่เซอเพร เต๊เห่ เนอหม่า หม่าเฮ๊อ แกแย เตเพร เด๊อ อา โม หม่าเฮ๊อ แว เฮ๊อ. แกแย เด๊อ อา โม แว เนอ แวเพ เก่ โมหนิเร๊อ ลู ปา. แวเนอ, แว เก่ โมหนิเกอ อา ปา เร๊อ แว เก่ เด๊อะโล เหน่กล่อ เจ๊อ อา เร๊อ แวเหน่ ปา.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:15

เป ซิเงเฮ๊อ เร๊อ อา หนิดา เฮ๊อ เป เตกุยจ๊อเบ เออ อาขว่าอาคยา, เป หยื่อเอ่เฮ๊อ เร๊อ อา เก่ เด๊อะตา แหน่ เฮ๊อ เป เต เด๊อ เป กุย อา เนอเต๊เห่ ปา เฮ๊อ.

ยอห์น เนอบ่า ต๊าบ่า 1:5

โหม, กู๊แหน่เออ แว กุยซิยอ เน, เป เก่ โม เกอเร๊อ ลอ แคลู เตเพร เร๊อ เตเพร โป๋. แว รา เป่ เน โหง่เฮ๊แก เออตือมือ เนอหม่า อาเซ หม่าโต่, โหง่เฮ๊แก เด๊อ เป พย๊าหนิน๊อ โทเฮ๊อ เด๊อ กูลู่เค เนอ ตือมือ แพ๊.

ꤛꤥ꤭ꤟꤢ꤬ 14:23

แบ่เจ่ เหย่ซู่ เฮ๊ฉื่อ กาคยา ลู เน๊อ, “ล๋อ แกแย เด๊อ อา โม แว เต๊เห่เนอ, อา เก่ เม ฮู๊ แว เฮ๊ ลู เนอ ปา. แวเพ เก่ โมหนิเร๊อ เหย่ซี ปา, เร๊อ เป เก่ แฮ เด๊อ เหย่ซี อา โอ่ ปา เร๊อ เป เก่ แฮ ช๊อ โอ่ เจ๊อ เปหี่เปแพ เด๊อ อา ซิปล่อกู ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:7

แว โคแบ๊ซว๊าโม ซี๋, โหง่เฮ๊แก เด๊อ แว รา เป่ ซี เออเนอหมา อาเซ หม่าโต่, หม่า โหง่เฮ๊แก อาเลอ เด๊อ ซี พย๊าหนิ โทเฮ๊อ เด๊อ ซี ทวาลู่ ครี๊พู๊ เบ๊อะเนอ ปาเนอ ตามา แพ๊. โหง่เฮ๊แก อาเลอ เออตามา เนอหม่า หม่าเฮ๊อ เตหรี่เตแก เด๊อ ซี หนิโฮน๊อ โทเฮ๊อ เนอเต๊เห่ เฮ๊อ.