ยอห์น เนอบ่า ต๊าบ่า 1:12 - ลีเทส่อพ๊าอาเซ เร๊อ เห่ขุทวาลู๊

¹² แว ซิหยื่อ แด๊โฉ่ เป่ เอ๊ลู ปา ซี โหง่เต๊เห่ หม่าแน๊เรอ แว ซิหยื่อ รา อา เร๊อ เจบ่า เร๊อ ลีโบเทอ โต่. หม่าแน๊เรอ แซ่ฮู๊ เป เก่ โอ่ เร๊อ เตซิครือ เล๊อเล๊อบาบา อาเงเนอ, แว แม๊ชือ เด๊อ แว เก่ แฮ เด๊อ ซี โอ่ เร๊อ เป เก่ แม๊เถอะ ตาฉื่อ เฮ๊เบ่ คยาแซ๊ลู เตเพร เร๊อ เตเพร ปา.

Eastern Kayah Shadaw Dialect

¹² ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩꤏꤥ꤬ ꤕ꤫ꤢꤩ꤬ ꤢꤩꤜꤥ꤬ ꤕꤢ꤬ ꤞꤤ꤭ ꤍ꤫ꤥ꤬ꤒꤣꤧ꤬ꤟꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤚꤢ꤭ ꤢ꤬ ꤔꤢꤧ ꤡꤢꤩ꤬ꤙꤢ꤬ ꤔꤢꤧ ꤜꤤ꤬ꤙꤥ꤭ꤓꤣꤧ꤭ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤥ꤬ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ ꤜꤣꤜꤣꤙꤢ꤭ꤙꤢ꤭ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤗꤢꤧꤏꤢꤦ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ ꤘꤣ ꤞꤤ꤭ ꤥ꤬ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤟꤢꤩꤙꤢꤩ꤬ ꤋꤛꤢ꤭ꤞꤢꤧꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤢ꤭꤯

ยอห์น เนอบ่า ต๊าบ่า 1:12 ပူးပေါင်းရင်းမြစ်များ

ꤛꤥ꤭ꤟꤢ꤬ 16:12

“เต เด๊อ แว ซิหยื่อ เฮ๊ เป่ โป่ ซี เต๊เห่เนอ อา โอ่ เอ๊ลูปา, หม่าแน๊เรอ ซี ซิเงโปลเบ๊ ลอโต่.

ꤛꤥ꤭ꤟꤢ꤬ 15:11

แซ่ฮู๊ ซี เก่ ซิครือซิลอ แซ่เกอ ฮู๊ แว ซิครือซิลอ เออ อาเงเนอ, แว แด๊โฉ่โล เป่ เฮ๊อ ซี เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:4

แซ่ฮู๊ เป เตซิครือซิลอ เก่ เล๊อแถ่บาแถ่ อาเงเนอเรอ, เป ราเฮ๊อ เตเออเต๊เห่ เฮ๊อ.

ꤟꤤꤙꤚꤢꤨ 13:19

เร๊อ ซี กุยจ๊อเบ เบ๊อะเนอ, แว กุยซิยอ ตื๊อดื่อ เจ๊อ แหน่เจ๊อ ซี เน๊อ แซ่ฮู๊ จอแปแหร่ เก่ ซูกาคยา เล๊คยาแซ๊ แว เด๊อ ซีโอ่ เนอเรอ, กุย จ๊อเบฉว่าฉว่า เป่ โป่ แลแค เด๊อ แวเง นี๋.

ꤚꤥꤗꤢꤩ꤬ 15:24

ฮู๊เนอเรอ ช๋า แว จว๊า เด๊อ สเปนเก่ เบ๊อะเนอปาเนอ, แว เตเน ซิจว๊าโอ่เล เต่อเกอ ซี ปา. ช๋า แว จว๊า เฮ๊อ เด๊อ สเปนเก่ เบ๊อะเนอปาเนอ. แว จว๊าโอ่เลแก โก๊เกอ ซี เบ๊อะวีโรม อากู เนอ ปา. เร๊อ แว เก่ จว๊า แบ๊ซว๊าแบ๊โคแก หนิเกอ เร๊อ ซี แตแปล๊เตอเปลอฮู๊ ปา แว เตเน ฮู๊เนอ. โทเรอ แว แม๊ชือ เด๊อ ซี เก่ เด๊อะเกอ แว ซี เตเมจว่า เด๊อ แว เตจว๊า แฮเง เด๊อ สเปนเก่ เออเนอ ปา, แว แม๊ชือ ฮู๊เนอ.

ꤛꤥ꤭ꤟꤢ꤬ 17:13

“แว แฮเฮ๊อ เด๊อ เนโอ่ กู๊แหน่ เฮ๊อ. แซ่ฮู๊ เหย่ซี เก่ โอ่เล๊อบา เร๊อ เตซิกอล๊อ แกแน อาเงเนอ, เบ๊อะแว โอ่ปา เบ๊อะเห่ขุเออ เบ๊อะเนอ, แว แด๊โฉ่โล เป่ เฮ๊อ เหย่ซี เร๊อ เตเออเต๊เห่ เฮ๊อ.

ꤛꤥ꤭ꤟꤢ꤬ 16:24

โต่กู๊แหน่ เออเนอ, ซี กุย เร๊อ แวมุย เตอเจ๋อ โต่. กุย แลแค, ซี เก่ พย๊าหนิ ปา. เร๊อ ซี เก่ พย๊าหนิ เล๊อบา เจ๊อ เตซิกอล๊อ แกแนปา.

ꤟꤤꤙꤚꤢꤨ 13:23

แว ซิหยื่อ เด๊อะซิเง เป่ ซี เน๊อ อู อาปลวาเถ่เฮ๊อ เป โป่แหว่ คูทิโมธี เด๊อ ทอกู เฮ๊อ. อา เก่ แฮโต่ เล๊เกอ แว ปา เฮ๊เรอ ช๋า แว แฮ โอ่เล เกอ ซี ปา เนอ, แว เก่ เอ๊แฮหนิ ลู ปา.

ฟีเลโมน 1:22

เร๊อ อา โอ่ปา เต๊อเจ่อแด่ทูซิปล่อ เร๊อ ตี๊หรี่แตแร หนื่ออื่อ เหร่อเป่ แวเง หี่ด๊อกู โต๊โต่ นี๋, เมเตเฮ๊เรอ แว แม๊ชือ เด๊อ จอแปแหร่ อา หนิดา ซี เตกุยจ๊อเบ เร๊อ อา เก่ ซูกาคยา แว เด๊อ ซี โอ่ ปา.

ทิโมธี เนอบ่า ต๊าบ่า 1:4

เบ๊อะแว ซิเงแถ่เบ่ เน เป๊เส่เทอแล เบ๊อะเนอ, แว ซิหยื่อ แม๊เถอะ แหน่เจ๊อ เน, เมเตเฮ๊เรอ แซ่ฮู๊ แว เก่ ซิครือ เล๊อเล๊อบาบา อาเงเนอเรอ, แว ซิหยื่อ แม๊เถอะ เน แพ๊.

ꤛꤥ꤭ꤟꤢ꤬ 3:29

แว หม่า อาแซ่เน๊อ เพรครวาเกอ กาฉู่แด่ เพรคู เตเพรเนอ. กาฉู่แด่ เพรเหมาะ หม่า กาฉู่แด่ เพรคู อาเต. หม่าแน๊เรอ เพรครวาเกอ เนอเตเพร ก๊อถ่อ หนิดา กาฉู่แด่ เพรคู เฮ๊เบ่. อา หนิโฮ ลูโหง่ อาขว่าอาคยา, อา ซิครือซิลอ แหน่เจ๊อ. ฮู๊เนอเฮ๊อ แว เตซิครือ เออเนอ อา เล๊อแถ่บาแถ่ เฮ๊อ.

ยอห์น โซบ่า ต๊าบ่า 1:10

ฮู๊เนอ อาขว่าอาคยา, ช๋า แว แฮโต่ ปา เร๊อ แว เก่ เฮ๊โลแถ่ เป่ ซี เน๊อ ล๋อ อา เมซื๊อ โทเฮ๊อ เนอเต๊เห่ ปา. อา แด๊ เปแหย่โย เร๊อ อา เฮ๊ มู๊แหม่รีแจ่ เป, โท๊โต่ เบ๊อะโป่แหว่ เต๊เห่ แฮโต่ จว๊าโต่เกอ อา เบ๊อะ เบ๊อะเนอ, อา เอ๊ฉื่อ เกอ เหย่ซี โต่. โท๊โต่ แกแย เด๊อ อา ซิหยื่อ เอ๊ฉื่อ โป่แหว่ เออเต๊เห่เนอ อา เมดู๊แด ตาตือ เร๊อ อา เหว่เถ่แก อู เด๊อ เหย่ซี เพรหยื่อเอ่ตู๊หมู่ตอกล๊อ อากลอ เจ๊อ.