โครินธ์ เนอบ่า ต๊าบ่า 9:5 - ลีเทส่อพ๊าอาเซ เร๊อ เห่ขุทวาลู๊

⁵ ฮู๊เนอเรอ, แว แด่แล เฮ๊อ แว ซิปล่อ เด๊อ แว โหล่ นอแฮ เหร่อ เป โป่แหว่ เต๊เห่ เด๊อ ซีโอ่ เร๊อ อา เก่ เมจว่า เตโถ่ปล๊อ เตหลู่แต เด๊อ ซี อ๊อแล เร๊อ ซี เก่ เมจว่า อู เนอเต๊เห่. เก่ เมฮู๊เนอ ตื๊อเรอ ช๋า แว แฮโต่ ปาเนอ, ซี เก่ ตี๊หรี่แตแร หนื่ออื่อ โทลอเฮ๊อ ซี เตหลู่แต เออเต๊เห่ เฮ๊อ. เป เก่ เมฮู๊เนอเรอ อู เก่ แม๊เถอะ เร๊อ อู นอฉว่า ซี เตเพร่ว หม่าโต่, ซี ซิปล่อฉว่า เม เกอเร๊อดื่อ แพ๊ ฮู๊เนอ ปา.

Eastern Kayah Shadaw Dialect

⁵ ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤘꤢꤧ꤬ꤜꤢꤧ꤬ ꤟꤣꤧ ꤠꤢꤧ꤭ ꤞꤤꤕꤜꤢꤪ꤬ ꤘꤣ ꤠꤢꤧ꤭ ꤜ꤫ꤥ꤬ ꤔꤢꤪ꤭ꤟꤢꤧ꤭ ꤚ꤫ꤣꤧ꤬ ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤒꤣꤧ꤬ꤟꤢꤩ꤬ ꤘꤣ ꤞꤤ꤭ꤥ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤒꤢꤩ꤬ꤓꤥ꤬ꤕꤜꤢꤪ ꤒꤢꤩ꤬ꤗꤢꤩ꤬ꤜꤢꤨ꤭ ꤘꤣ ꤞꤤ꤭ ꤢꤪꤜꤢꤧ꤬ ꤔꤢꤧ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤒꤢꤦꤚꤣꤧ꤬ ꤏꤢ꤮ ꤠꤢꤧ꤭ ꤟꤢꤧ꤭ꤒ꤫ꤥ꤬ ꤕꤢ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤓꤥ꤭ꤜꤢꤪ꤭ꤟꤣꤧ ꤞꤤ꤭ ꤒꤢꤩ꤬ꤗꤢꤩ꤬ꤜꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤕꤢꤩ꤬ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤔꤢꤧ ꤢꤨ꤭ ꤔꤢꤪ꤭ꤏꤝꤢ꤬ ꤞꤤ꤭ ꤒꤣ꤬ꤖꤚꤢꤩ꤬꤮ ꤗ꤫ꤢ꤬ꤒꤥ꤬, ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ ꤚꤣꤧꤘꤢꤦ꤬ ꤖꤢꤧ ꤟꤢꤨꤔꤣꤧ꤬ ꤕꤢ꤭꤯

โครินธ์ เนอบ่า ต๊าบ่า 9:5 ပူးပေါင်းရင်းမြစ်များ

เห่ขุทวาลู่ 33:11

แด่ทูซิปล่อ เร๊อ พย๊าฉื่อ เกอ มอ เชหยู่ เด๊อ แว พย๊ากา เป่ เน เนอ. เมเตเฮ๊เร๊อ จอแปแหร่ดุ เมบุ๊ยเมเตอเรอ เอ๊ลา แว อาขว่าอาคยา, แว โหล่เบ่ อิเตเต๋ หม่า แวเต โอ่เล๊อโอ่บา ลอปลี เจ๊อ.” เพยาโคบ เฮ๊ ตื๊อดื่อดื่อ ลู เร๊อ อา พย๊าฉื่อ เกอ คยาแซ๊ ลูเต่.

ฟีลิปปี 4:17

แว แม๊ปู เด๊อ อู เก่ เด๊อะครา แว เชหยู่ ฮู๊เนอ หม่าโต่. แซ่ฮู๊ จอแปแหร่ เก่ เด๊อ ซี เตเมหนิคว๊าเก่ เนอเร๊อ แว ซิปล่อฉว่า ซิหยื่อ แม๊เถอะ เล๊อตาเปล๋ เด๊อ ซี เก่ เม เอ๊แถ่โป่ เตแร๊ เต๊เห่ ฮู๊ ซี เม โทเฮ๊อ เนอเต๊เห่ เจ๊อตาเปล๊.

โครินธ์ เนอบ่า ต๊าบ่า 8:6

ฮู๊เนอ อาขว่าอาคยา, แซ่ฮู๊ คูติตัส เก่ เมโทปลื๊อ จว่า ซี เตซิปล่อฉว่า เมจว่า อู เออเต๊เห่ อาเงเนอ เป นอครวา เฮ๊อ อา เฮ๊อ. เมเตเฮ๊เรอ เพร เด๊อ อา เป๊อแถ่ เด๊อะอ๊าเด๊อะเหร่ เหร่อเล๊อ ซี เร๊อ ซี เก่ เมจว่า เป่ เกอ เพรหยื่อเอ่ เออ เด๊อ อา โอ่ แลแค เด๊อ วีเยรูซาเล็ม อากู เนอเต๊เห่ เตเพร เนอหม่า คูติตัส เฮ๊อ.

โครินธ์ อาเหร่อเล๊อ ต๊าบ่า 16:2

ปว๋า โพ๊โพ๊ เบ๊อะแบเจ่ เหย่ซู่ ครี๊ ก๊อถ่อคยา ม๊อเนอโด่ เบ่ เฮ๊อ เนอ, ซี เตเพร เร๊อ เตเพร โต เบ่แด่ โอ่ปล๊อแกโค๊ ซี รือโน เตเกล๊ เร๊อ เตเกล๊ อากู เนอ. ซี เก่แด่โอ่ปล๊อ เต่อ ลอ ลู ฮู๊เนอ เฮ๊เรอ ช๋า แว แฮโต่เฮ๊อ อาเคปาเนอ, ซี โหล่ จว๊าลือ โถ่ปล๊อ ปาโต่ เฮ๊อ.

โครินธ์ เนอบ่า ต๊าบ่า 9:3

แซ่ฮู๊ ซี เก่ ตี๊หรี่แตแร หนื่ออื่อ แลแค ซี เตหลู่แต ฮู๊ แว เฮ๊โลโท เป่ เฮ๊อ เหย่ซี เนอ, โท๊โต่ เป ถู่เซ๊หนิ เป่ อู เร๊อ ซีหรี่แก เต๊เห่เนอ, แซ่ฮู๊ อา เก่ ทวาแถ่ แต่ เตถู่เซ๊แด๊แลโฮ แต่เหม่ เนอเรอ, แว นอแฮเฮ๊อ เป โป่แหว่ เออเต๊เห่ เด๊อ ซีโอ่ เฮ๊อ.

โครินธ์ เนอบ่า ต๊าบ่า 9:6

เตเนแม๊ แลแค แกแย เด๊อ อา เว๊อตา ปีตี๊แพ๊ เตกลุย เตเพรเนอ อา เก่ พย๊าหนิ กาคยา ปีตี๊ คยาแซ๊ แพ๊ เตเส่เตโพ ปา. หม่าแน๊เรอ แกแย เด๊อ อา เว๊อตา เอ๊ เตกลุย เตเพรเนอ, อา เก่ พย๊าหนิ กาคยา เอ๊ คยาแซ๊ เตเส่เตโพ ปา.