โครินธ์ เนอบ่า ต๊าบ่า 9:2 - ลีเทส่อพ๊าอาเซ เร๊อ เห่ขุทวาลู๊2 เมเตเฮ๊เรอ ซี ซิปล่อฉว่า เมจว่า เหย่ซี บ๋า เต เนอ, แว ซิเง. แว ถู่เซ๊หนิ เป่ เป โคแบ๊ซว๊า เด๊อ มาซิโดเนีย เก่กู เนอเต๊เห่ เร๊อ ซีหรี่ซีแก เต๊เห่ เฮ๊อ. แว เฮ๊ เป่ เหย่ซี เร๊อ ซี เพรหยื่อเอ่ เออ เด๊อ อาคายา เก่กู เออเต๊เห่เนอ, อา ตี๊หรี่แตแร หนื่ออื่อ รือ เด๊อ หน่าเฮ๊หนื่อ ปา เจ๊อ. ซี เตซิปล่อฉว่า เออเนอ, อา ถู่แรแถ่ เอ๊แหน่เจ๊อ มาซิโดเนีย เก่พู๊ เต๊เห่ อาซิปล่อ เด๊อ อา เก่ เมจว่า เกออู ฮู๊เนอ ปา เฮ๊อ. အခန်းကိုကြည့်ပါ။Eastern Kayah Shadaw Dialect2 ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤛꤢꤩ꤬ꤞꤤ꤭ ꤙꤢ꤮ ꤒꤢꤩ꤭ ꤔꤣꤧ꤬, ꤠꤢꤧ꤭ ꤞꤤꤑꤢꤩ꤭꤯ ꤠꤢꤧ꤭ ꤓꤢꤨ꤬ꤞꤢꤩꤚꤣꤧ ꤕ꤫ꤢꤩ꤬ ꤕꤢꤩ꤬ ꤋꤥ꤭ꤙꤢꤧꤞꤝꤢ ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ ꤊ꤫ꤢꤩ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤞꤤ꤭ꤚꤤ꤬ꤞꤤ꤭ꤊꤢꤧ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤠꤢꤧ꤭ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤞꤤ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ꤋꤢꤩ꤬ꤛꤢ꤬ ꤊ꤫ꤢꤩ꤬ꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤚꤢꤦ꤭ ꤘꤣ ꤔꤢ꤬ꤟꤢꤩꤔꤢꤨ꤬ ꤕꤢ꤬ ꤡꤣꤧ꤯ ꤞꤤ꤭ ꤒꤢꤩ꤬ꤞꤤꤕꤜꤢꤪ꤬ꤏꤝꤢ꤬ ꤣꤧ꤭ꤔꤣꤧ꤬, ꤢ꤬ ꤓꤢꤨ꤬ꤚꤢꤧ꤭ꤓꤢꤧ꤬ ꤢꤩꤔꤢꤧ꤬ꤡꤣꤧ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ ꤊ꤫ꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤞꤤꤕꤜꤢꤪ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤊꤣꤧ꤭ꤢꤨ꤭ ꤟꤢꤨꤔꤣꤧ꤬ ꤕꤢ꤭ ꤟꤣꤧ꤯ အခန်းကိုကြည့်ပါ။ |
โครินธ์ เนอบ่า ต๊าบ่า 9:2
14 ပူးပေါင်းရင်းမြစ်များ
แว หม่า คูเปาโล. จอแปแหร่ ซิปล่อ โตดื่อเฮ๊อ เด๊อ อา เก่ นว๊าแถ่เฮ๊อ แว เร๊อ แบ่เจ่ เหย่ซู่ครี๊ อา เพรโด่แนพู๊ เต๊เห่ เตเพร เฮ๊อ. แว เร๊อ เป โป่แหว่ คูทิโมธี ราจว๊าเป่ ลีเออ เด๊อ ซี วีโครินธ์พู๊ เด๊อ อา หยื่อเอ่ จอแปแหร่ เต๊เห่ อาโอ่. โท๊โต่ เป ราจว๊าเต่อ เป่เกอดื่อ แกแย เด๊อ อา หยื่อเอ่ จอแปแหร่ เด๊อ อา โอ่ เด๊อ อาคายา เก่กู เนอเต๊เห่ อาโอ่.
เบ๊อะ คูติตัส จว๊า แต่ล๋าย เด๊อ ซี โอ่ โต่ เนอ, แว ถู่เซ๊ เกอเร๊อ ซี เด๊อ คูติตัส อาเป๊เส่เง เจ๊อ เม. ซี เม หม่าแหน่ เจ๊อ เฮ๊อ ฮู๊ แว ถู่เซ๊ เกอเร๊อ ซี เนอ เฮ๊อ. ซี เมเตเรน๊อ แว โตโพ๋ โต่. ฮู๊ แว เฮ๊เบ่จ๊อเฮ๊เบ่เต ซี ปว๋า โตโพ๊ เนอ, เป เฮ๊ เป่ คูติตัส เร๊อ ซีหรี่ซีแก เนอหม่า เป เฮ๊เบ่จ๊อเฮ๊เบ่เต แพ๊แพ๊.
ฮู๊เนอเรอ แว เตเตเน หม่า ฮู๊เออ, แว แม๊เถอะ เน๊อ เตเม เด๊อ ซี เป๊อแถ่ เม เด๊อ หน่าเฮ๊หนื่อ เต๊เห่เนอ, ซี เก่ เมโทแก กู๊แหน่เออ เฮ๊เนอหม่า อาแร๊เล๊อ เด๊อ ซีเง. ซี หม่า แกแย ตู๊หมู่ เด๊อ อา เป๊อแถ่ โถ่ปล๊อ เหร่อเล๊อ เตหลู่แต เร๊อ อา เก่ เมจว่า เป่ เร๊อ แกแย โอ่ เด๊อ วีเยรูซาเล็ม อากู เนอเต๊เห่ ปา ตื๊อเนอ หม่าโต่, ซี หม่า แกแย ตู๊หมู่ เด๊อ อา ซิปล่อฉว่า เมหลู่เมแต แหน่เจ๊อ เต เต๊เห่.
ตื๊อเออเนอ หม่าโต่, อา หม่า เพรหยื่อเอ่เต ตู๊หมู่ตอกล๊อ เบ๊อะเออ เต๊เห่ แด่แถ่ โทเฮ๊อ ลู เร๊อ อา เก่ จว๊า เต่อเกอ เร๊อ เป เฮ๊อ. ช๋า เป แฮพย๊า เตหลู่แต เด๊อ ซี ซิปล่อฉว่า เมจว่า อู เออเต๊เห่ เร๊อ เป เก่ จว๊า เด๊อะตา เป่ เร๊อ แกแย โชพ๊าโชแรพู๊ เด๊อ วีเยรูซาเล็ม อากู เนอเต๊เห่ เบ๊อะเนอปาเนอ, อา เก่ จว๊า เต่อเกอ เร๊อ เป ปา. แซ่ฮู๊ อู เก่ ถู่เซ๊แถ่ แลแค เหย่ซู่ครี๊, โท๊โต่ แซ่ฮู๊ อู เก่ แม๊เถอะ แลแค เร๊อ เป ซิปล่อฉว่า เมจว่า หม่าแหน่ เหย่ซี อาเงเนอ, เป เก่ จว๊าเล ยูเป่ อู เตเมจว่า เออเนอ ปา.
แซ่ฮู๊ เพรหยื่อเอ่ เออ เด๊อ อา โอ่ เด๊อ เพรหยื่อเอ่ตู๊หมู่ตอกล๊อ อากู ปว๊าตู๊หมู่ เนอเต๊เห่ เก่ ซิเง ตาเต เร๊อ ซี โม หม่าแหน่ อู อาเงเนอ, เด๊อะโล แลแค ซี เตโมเร๊อ เหย่ซี เออเต๊เห่เนอ นี๋. โท๊โต่ แซ่ฮู๊ เหย่ซี เก่ ซิเง แลแค เร๊อ เป ถู่เซ๊หนิ ซี เออเต๊เห่เนอ อาโต หม่าแหน่ เจ๊อ อาเงเนอ, เม แลแค ฮู๊เนอ นี๋.
ကြော်ငြာတွေ