โครินธ์ เนอบ่า ต๊าบ่า 9:15 - ลีเทส่อพ๊าอาเซ เร๊อ เห่ขุทวาลู๊

¹⁵ เป เก่ ถู่เซ๊แถ่ โหร่ลู จอแปแหร่ เด๊อ อา เด๊อะตา เป เชหยู่ หม่าเฮ๊อ อาพู๊คู เด๊อ อา งูดุงูชอ แหน่เจ๊อ เร๊อ เป เฮ๊แจ่ ปา เจ๊อ โต่ เออเนอ เตเพร โป๋.

Eastern Kayah Shadaw Dialect

¹⁵ ꤕꤢꤩ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤚ꤫ꤥ꤬ꤜꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤘꤣꤧꤒꤢ꤭ ꤕꤢꤩ꤬ ꤏꤢ꤭ꤛ꤫ꤢꤨ꤬ ꤗ꤫ꤢ꤬ꤟꤣꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤔꤢꤧ꤬ꤡꤣꤧ ꤚꤣꤧ꤬ ꤕꤢꤩ꤬ ꤜ꤫ꤢꤩ꤬ꤟꤢꤩꤡ꤫ꤢꤧ꤬ ꤥ꤬ꤕꤢ꤬ ꤡꤣꤧ ꤒꤥ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤕꤥ꤮꤯

โครินธ์ เนอบ่า ต๊าบ่า 9:15 ပူးပေါင်းရင်းမြစ်များ

โครินธ์ เนอบ่า ต๊าบ่า 2:14

หม่าแน๊เรอ, แว เฮ๊บุ๊ยเฮ๊เตอเรอ ถู่เซ๊แถ่ เต เด๊อ จอแปแหร่ เม เป่ เฮ๊อ เป เออเต๊เห่, เมเตเฮ๊เรอ เด๊อ เป ย๋อ ทวาแถ่เฮ๊อ เตเต๊อเจ่อ แพ๊เน๊อ ครี๊ อาขว่าอาคยา, จอแปแหร่ จว๊า เหร่อ เด๊อ เปเป๊เส่เง เร๊อ เป ครวาจว๊าเกอ ลู เด๊อ คยา เด๊อ อาแซ่เน๊อ อู ด๊อตา ครี๊ อาแกแย เด๊อ ทอกู เนอเต๊เห่ เฮ๊อ. จอแปแหร่ เด๊อะโล เฮ๊อ เป เร๊อ อู ปว๋า เตเพร เฮ๊อ. จอแปแหร่ นอแฮเง เฮ๊อ เป เด๊อ เป เก่ เลเด๊อะซิเง เป่ อู เร๊อ ครี๊ อาหรี่อาแก เด๊อ อาแซ่เน๊อ เตโนมื๊อโนชือ เออเนอ ปว๋า โต๊โผ่ เฮ๊อ.

เอเฟซัส 5:20

อิเตเต๋ อาเง เบ่เบ่, เด๊อ เป แบ่เจ่ เหย่ซู่ครี๊ อามุย อาขว่าอาคยา, ตูรู๊ เฮ๊บุ๊ยเฮ๊เตอเรอ เปเพ จอแปแหร่ ปว๋า โตโพ๊ นี๋.

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

ꤚꤥꤗꤢꤩ꤬ 8:32

จอแปแหร่ เออเตเพรเนอ, อาพู๊ เร๊อ อาเหน่ เร๊อดื่อ เจ๊อ เร๊อ อา ซิโล เกอเร๊อ โต่. เร๊อ อา เด๊อะแลแก เจ๊อ อาพู๊ เด๊อ เป ล๋อ ปลี เต๊เห่ อาเง เจ๊อ. เก่ อา เด๊อะ ตาครา เจ๊อ เป เร๊อ อาพู๊คู เหย่ซู่ครี๊ เจ๊อ เก่เฮ๊เรอ, ล๋อ เต เด๊อ อา โอ่แก เด๊อ อาโร เต๊เห่เนอ, อา เก่ เด๊อ ตาคราโป่ เป ปา หม่าโต่ แอ?

ꤡꤛꤢꤩ꤭ꤗꤢ꤬ꤎꤣ꤬ 1:17

ล๋อ เชหยู่ เด๊อ อาแร๊ เน๊อ อา เล๊อบา เนอหม่า จอแปแหร่ เด๊อ อา แบ๊แล ต๊อเหมาะ น๊อ เฉ่ เน๊อ เล เออเต๊เห่ เตเพร เด๊อะตา แพ๊. จอแปแหร่ อาเหล่โกล ถู่แหล่ เต๊เปล่โค๊แก เกอ ฮู๊ เตลี เก๊โอ่ ถู่แหล่ โค๊แก เนอโต่.

โครินธ์ อาเหร่อเล๊อ ต๊าบ่า 15:57

หม่าแน๊เรอ เป เฮ๊บุ๊ยเฮ๊เตอเรอ จอแปแหร่ โกโน๋ โต่, เด๊อ แบ่เจ่ เหย่ซู่ครี๊ เมเป่ โทเฮ๊อ เต เด๊อ เปเง อาขว่าอาคยา, จอแปแหร่ เด๊อ เฮ๊อ เป เตเมเป่ เตซื๊อ อา เตอเรอฉว่าชอ เร๊อ เตเซอ อา เตอเรอฉว่าชอ เออเต๊เห่ เฮ๊อ.

เตเด๊อะโลแถ่ 4:9

เตเซอเพรเออ ลุยโดเนอ, อา อิโร เมลีเมเตเคแถ่ โทเร๊อ แด่ดุแด่ทู เร๊อ เฮ๊บุ๊ยเฮ๊เตอเรอแถ่ จอแปแหร่ เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โล อาขุ เด๊อ อา เซอเพร ตูจูเพร ตาแลเคร๊ เออเนอ เตเพร. เร๊อ เบ๊อะเหย่ซี อี๊โรแถ่ ฮู๊เออ อาเบ๊อะเนอ,

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

โครินธ์ เนอบ่า ต๊าบ่า 9:11

แซ่ฮู๊ ซี เก่ ซิปล่อฉว่า เด๊อะเบ๊ เป่ เกออู ปว๋า โตโพ๊, โท๊โต่ แซ่ฮู๊ แกแย เด๊อ อา พย๊าหนิ ซี เตเมหลู่แต เด๊อ เปโอ่ เออเต๊เห่ เก่ เฮ๊บุ๊ยเฮ๊เตอเรอ จอแปแหร่ อาเงเนอ, จอแปแหร่ เก่ เด๊อะ ดุแหย่แถ่เซ เล๊อบาดื่อ ซี ปว๋า โตโพ๊ ปา.

ꤚꤥꤗꤢꤩ꤬ 5:15

หม่าแน๊เรอ จอแปแหร่ อา เตเด๊อะตา ครา เชหยู่ เออเนอ เร๊อ เพอาดัม เมเตซื๊อ เออเนอเจ่อ เนอหม่า อา แซ่ลู โต่. เมเตเฮ๊เรอ, เด๊อ แกแย เตเพร หนิดา จอแปแหร่ อาโหง่ โต่ อาขว่าอาคยาเร๊อ, แกแย เบ่ เซอ เอ๊แหน่เจ๊อ. หม่าแน๊เรอ จอแปแหร่ อาบุ๊ยอาเตอเรอ เนอ อาดุเล๊อ ปา เจ๊อ เร๊อ เนอ เจ๊อ. โท๊โต่ เชหยู่ หนิครา เด๊อ อา แฮ เด๊อ แกแย อาโร เตเพร อา โอ่ หม่า หม่าเฮ๊อ เหย่ซู่ครี๊ เออเนอเฮ๊อ. เด๊อ อาบุ๊ยอาเตอเรอ ขว่าคยาเนอ, อา เด๊อะ ตาป่อตาเป เอ๊ เป่ แหน่เจ๊อ อู ตูปลูเต๊เผ่เจ๊อ.

ꤛꤥ꤭ꤟꤢ꤬ 1:16

อาบุ๊ยเตอเรอ โอ่เล๊อโอ่บา เจ๊อ อาขว่าอาคยา, เป ล๋อ ปลี พย๊าหนิ เกอดื่อเฮ๊อ เตบุ๊ยเตเตอเรอ เต๊อเจ่อ โท เต๊อเจ่อ เด๊อ ลูโอ่ เฮ๊อ.

ꤜꤢꤨꤊꤢ꤬ 2:14

“อาลีอาเตเค ถู่เซ๊แถ่ แลแค จอแปแหร่ เด๊อ อา โอ่ เด๊อ อาเหล่โอ่แถ่โล ตื๊อดื่อเล๊อ อู เด๊อ ม๊อขุ เออเนอ เตเพร โป๋. เตเปเตดวา เร๊อ เตเตอเจ๊อตู๊จู่ เก่ โอ่แถ่ เกอดื่อ เด๊อ เห่ขุเออ เร๊อ อา เก่ โอ่เต่อเกอดื่อ เร๊อ แกแย เด๊อ จอแปแหร่ ซิปล่อ โอ่เร๊อ เกอ ลู เนอเต๊เห่ นี๋.”

ꤜꤢꤨꤊꤢ꤬ 2:38

เบ๊อะเนอเค, อา แฮโต่ โตตื๊อ เด๊อ เหย่ซี โอ่ เร๊อ อา ถู่เซ๊แถ่ จอแปแหร่. โทเรอ อา แด๊โฉ่โล เป่ เป๊เจ่พู๊ เออเตเพร อาหรี่อาแก. เร๊ออาเฮ๊โฉ่โล ล๋อ เป่แกแย เด๊อ อา โอ่ป่อแม๊ชือ จอแปแหร่ เก่ เมแลเปล๊กา วีเยรูซาเล็มพู๊ ปา เนอเต๊เห่.

โครินธ์ เนอบ่า ต๊าบ่า 9:14

ฮู๊เนอเรอ จอแปแหร่ เตบุ๊ยเตเตอเรอ เด๊อ อา โค๊ตีกลี๊ดื่อ เออเนอ, อา เด๊อะโล เป่ ซี เร๊อ ซี เด๊อะโล แฮเง เป่ เหย่ซี อาขว่าอาคยา, เหย่ซี เก่ กุยจ๊อเบ เป่ เด๊อ ซีเง ปา, โท๊โต่ เหย่ซี เก่ ซิหนิโส่ แม๊เถอะ แหน่ เจ๊อ ซี ปา.