โครินธ์ เนอบ่า ต๊าบ่า 8:9 - ลีเทส่อพ๊าอาเซ เร๊อ เห่ขุทวาลู๊9 เป แบ่เจ่ เหย่ซู่ครี๊ เออเนอ อาบุ๊ยดุอาเตอเรอทู เจ๊อ บ๋า เตเนอ, ซี ซิเงดื่อ เฮ๊อ. อา โอ่ เด๊อ ม๊อขุ เบ๊อะเนอ, อา ดุแหย่แถ่เซ แหน่เจ๊อ หม่าแน๊เรอ เบ๊อะอา แฮ กลว่าอาเหน่ ฮู๊ แกแย เห่ขุพู๊ เตเพร เบ๊อะเนอ, อา เบ่แฮ ทวา เจ๊อ แกแย โซพ๊าโซแรพู๊ เตเพร เด๊อ เปเง เจ๊อ. แซ่ฮู๊ ซี เก่ ดุแหย่แถ่เซ เกออู อาเงเนอเรอ, อา เบ่แฮ ทวา เจ๊อ แกแย โซพ๊าโซแรพู๊ เตเพร ฮู๊เนอ เจ๊อ. အခန်းကိုကြည့်ပါ။Eastern Kayah Shadaw Dialect9 ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤔꤣꤧ꤬ ꤢ꤬ꤙꤝꤤꤘꤢꤨ꤬ ꤢ꤬ꤒꤣꤧ꤬ꤚꤣꤧ꤭ꤓꤢꤨ꤭ ꤡꤣꤧ ꤙꤢ꤮ ꤒꤢꤩ꤭ꤔꤣꤧ꤬, ꤞꤤ꤭ ꤞꤤꤑꤢꤩ꤭ꤘꤢꤦ꤬ ꤟꤣꤧ꤯ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤔꤢꤧ꤬ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤙꤣꤧ ꤢ꤬ ꤟꤢꤧ꤭ ꤊꤜꤝꤢ꤬ꤢ꤬ꤔ꤫ꤢꤩ꤬ ꤟꤢꤨ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣ꤬ꤖꤚꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤙꤢꤩ꤬ꤟꤢꤧ꤭ ꤓꤝꤢ꤭ ꤡꤣꤧ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤒꤣ꤬ꤖꤚꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤡꤣꤧ꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤊꤣꤧ꤭ꤢꤨ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤙꤢꤩ꤬ꤟꤢꤧ꤭ ꤓꤝꤢ꤭ ꤡꤣꤧ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤒꤣ꤬ꤖꤚꤢꤩ꤬ ꤟꤢꤨꤔꤣꤧ꤬ ꤡꤣꤧ꤯ အခန်းကိုကြည့်ပါ။ |
โครินธ์ เนอบ่า ต๊าบ่า 8:9
43 ပူးပေါင်းရင်းမြစ်များ
เป แม๊เถอะ เอ๊แหน่เจ๊อ เตแป่เตเช หม่าแน๊เรอ เป ซิลอซิอือ ปว๋า โตโพ๊ เจ๊อ. อา แซ๊ เร๊อ เป โซพ๊าโซแร แหน่เจ๊อ หม่าแน๊เรอ เด๊อ เป อิซว๊าอี๊แส่ เป่ อู อาขว่าอาคยาเร๊อ, อู ดุแหย่แถ่เซ เด๊อ แหย่โย ตากยา เนอ อา โอ่ เอ๊แหน่เจ๊อ เฮ๊อ. อา แซ๊ เร๊อ เปเต โอ่ เกออู เตอเจ๋อ โต่ หม่าแน๊เรอ เป พย๊าหนิ ลอเฮ๊อ เตปว๋า เต๊อเจ่อ เฮ๊อ.
จอแปแหร่ เออเนอ อาแร๊ แหน่เจ๊อ เด๊อ เป ทวา ลูแกแย เออเต๊เห่ อาขุ. ครี๊ เม เป่ โทเฮ๊อ เต เด๊อ เปเง อาขว่าอาคยา, จอแปแหร่ เด๊อะโลตา เฮ๊อ อา เตเมโมเมแร๊ เป เออเต๊เห่ เฮ๊อ. แซ่ฮู๊ จอแปแหร่ เก่ เด๊อะโล เป แกแยเห่ขุพู๊ ช๋า เนอปา ตือทือ เต๊เห่ เร๊อ อาบุ๊ยดุอาเตอเรอทู เออเต๊เห่ ปาเนอ เนอ, อา เม เป่ เด๊อ เปเง ฮู๊เออ แพ๊.
แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.
เมฮู๊เนอเรอ แว เด๊อะซิเง จว่าเป่เกอ เน เร๊อ แซ่ฮู๊ เน เก่ ดุแหย่แถ่เซ เกออู เนอ, แฮ พรีเกอ เท เด๊อ แวโอ่ เออ. เท เออเนอหม่า อู โล โทเฮ๊อ เร๊อ หมิ. โท๊โต่ แฮ พรี เกอดื่อ เห่อจาบู เหล่กือเหล่แซ๊ เด๊อ แวโอ่ เออ เร๊อ กือบี๊แซ๊บี๊ เกอเร๊อ เน โอ่กาโกล ซิเตเร ดื่อเง เออเนอ. แซ่ฮู๊ เน เก่ แม๊เถอะ ลีโพ๊แร๊ เกออู อาเงเนอ, แฮ พรีเกอ เตขุ เป๊เส่เช เด๊อ แวโอ่ เออ เร๊อ จีโน เด๊อ เน เป๊เส่ปล่อกู เนอ.
เด๊อ เหย่ซี เม เตซื๊อเตปล๊า อาขว่าอาคยา, จอแปแหร่ เด๊อะบุ๊ยเด๊อะเตอ เรอ เอ๊แหน่เจ๊อ เฮ๊อ แกแย โอ่ เด๊อ เห่ขุ เออต๊าบ่า เฮ๊อ. เด๊อ เหย่ซี แลจู่แก จอแปแหร่ อา เตแม๊ดุ เหย่ซี อาขว่าอาคยา, แกแยยิวพู๊ หม่าโต่ เต๊เห่ พย๊าหนิ เล๊อบาแก เฮ๊อ จอแปแหร่ อา เตแม๊ดุหนิ เหย่ซี เฮ๊อ. ฮู๊เนอเรอ ช๋า ล๋อ แกแยยิวพู๊ เด๊อ จอแปแหร่ นว๊าแถ่ เหย่ซี เนอเต๊เห่ เก่ หยื่อเอ่กา ลอเฮ๊อ ครี๊ เบ๊อะเนอ ปาเนอ, จอแปแหร่ เก่ เด๊อะบุ๊ยเด๊อะเตอเรอ ลอ เจ๊อ อู บ๋า เต ปาเนอ, เตเนแม๊ แลแค เมอ.
อา หม่า เพรเมแจ่หี่ เนอเตเพร แวเฮ๊? เร๊อ อา หม่าโหมะ มารีย์ อาพู๊เพรคู แวเฮ๊? อาโป่ เต๊เห่ เนอหมา คูยากอบ, คูโยเสส, คูยูดาห์, เร๊อ คูซีโมน เออเต๊เห่ หม่า แวเฮ๊? เร๊อ อาโป่เพรเหมาะ เต๊เห่ เนอหมา อา โอ่ แพ๊ เบ๊อะดอกูเออ แพ๊ แวเฮ๊?” เหย่ซี เฮ๊ แลแค ฮู๊เนอเรอ, เหย่ซี ซิเถ่ เหย่ซู่ เร๊อ อาเอ๊โมฉื่อ ลู โต่.
แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.
โทเร๊อ คูคูซา เด๊อ อา แม๊ตู่หนิ เป่ คุ๊ยเฮโรด อา ตาหมื่อตาเต เด๊อ จ๊อแผ่ โฮกูเนอ เตเพร อาเม โหมะโยอันนา เร๊อ เหมาะสูสันนา เร๊อ เพรเหมาะ เด๊อ อาโร เต๊เห่ ครวาจว๊าเต่อ เอ๊ เกอลา ลู. เพรเหมาะ เออเต๊เห่เนอ, แซ่ฮู๊ เหย่ซี เก่ เมจว่าเกอ หนิ เหย่ซู่ เร๊อ อา เพรโด่แนพู๊ เออเต๊เห่เนอเรอ, เหย่ซี ลอแก หนิเร๊อดื่อ แลแค อารืออาเท เร๊อ อา ครวาจว๊าเกอ เหย่ซี อาคยา.
เนแป่เนเช, เน โซพ๊าโซแร เนอหม่า แว ซิเง. หม่าแน๊เรอ เด๊อ แหย่โย ตากยา เนอ, เน ดุแหย่แถ่เซ. แกแย เด๊อ อา เฮ๊แล เกอเร๊อ อาเหน่ เน๊อ เป หม่า แกแยยิวพู๊ เต๊เห่ หม่าแหน่ เจ๊อ หม่าแน๊เรอ อา หม่าแหน่ หม่าโต่ เออเต๊เห่ แด๊ ซีแหย่โย เนอหม่า แว ซิเง. เหย่ซี เนอเต๊เห่ หม่า โลเน๊มู๊แหม่รีแจ่ กู่กล๊อ อา เตจ๊อเบ โฮพู๊เต๊เห่ แพ๊.
ကြော်ငြာတွေ