โครินธ์ เนอบ่า ต๊าบ่า 8:7 - ลีเทส่อพ๊าอาเซ เร๊อ เห่ขุทวาลู๊7 ซี เล๊อบา เจ๊อ เร๊อ เตปว๋า เต๊อเจ่อ เจ๊อ. ซี เตหยื่อเตแหน่ หม่า อาชอ, ซี เฮ๊เบ่แจ่ เฮ๊เบ่ลีแม, ซี เล๊อบา เร๊อ เตซิคว๊าซิเง, ซี ซิปล่อฉว่า เมจว่า อู, โท๊โต่ ซี โมแหน่เจ๊อ เป. ฮู๊เนอ อาขว่าอาคยา, เป ซิหยื่อ เกอ โป่ เด๊อ ซี เก่ เล๊อบา เร๊อ เตซิปล่อฉว่า เมจว่า อู เต๊เห่. အခန်းကိုကြည့်ပါ။Eastern Kayah Shadaw Dialect7 ꤞꤤ꤭ ꤜꤣꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤡꤣꤧ꤯ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤗꤢ꤬ ꤢ꤬ꤏꤢꤪ꤭, ꤞꤤ꤭ ꤟꤢꤩꤙꤢꤩ꤬ꤡ꤫ꤢꤧ꤬ ꤟꤢꤩꤙꤢꤩ꤬ꤕꤜꤥ꤭, ꤞꤤ꤭ ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭, ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤢꤨ꤭, ꤓꤥ꤭ꤒꤥ꤬ ꤞꤤ꤭ ꤗꤥ꤬ꤔꤢꤧ꤬ꤡꤣꤧ ꤕꤢꤩ꤬꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤞꤤꤛ꤫ꤢꤦ꤬ ꤊꤣꤧ꤭ ꤕ꤫ꤥ꤬ ꤘꤣ ꤞꤤ꤭ ꤊ꤫ꤢꤦ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤢꤨ꤭ ꤒꤣꤧ꤬ꤟꤢꤩ꤬꤯ အခန်းကိုကြည့်ပါ။ |
โครินธ์ เนอบ่า ต๊าบ่า 8:7
25 ပူးပေါင်းရင်းမြစ်များ
ฮู๊เนอ อาขว่าอาคยา, แซ่ฮู๊ คูติตัส เก่ เมโทปลื๊อ จว่า ซี เตซิปล่อฉว่า เมจว่า อู เออเต๊เห่ อาเงเนอ เป นอครวา เฮ๊อ อา เฮ๊อ. เมเตเฮ๊เรอ เพร เด๊อ อา เป๊อแถ่ เด๊อะอ๊าเด๊อะเหร่ เหร่อเล๊อ ซี เร๊อ ซี เก่ เมจว่า เป่ เกอ เพรหยื่อเอ่ เออ เด๊อ อา โอ่ แลแค เด๊อ วีเยรูซาเล็ม อากู เนอเต๊เห่ เตเพร เนอหม่า คูติตัส เฮ๊อ.
แว เก่ พย๊าหนิ เจ๊อ เตแจ่เตลีแม เด๊อ แว เก่ แด๊โฉ่โด่แน แจ่ เป่ เจ๊อ อู เร๊อ จอแปแหร่ อาลาอาโหง่ เต๊เห่ เจ๊อ เบ่เบ่, แว เก่ ซิเง ลอหล่าตี๊กลิ เจ๊อ เต อาจ่ออาแย เต๊เห่ เน๊อ ล๋อ เตซิคว๊าซิเง เต๊เห่เนอ เจ๊อ เบ่เบ่, แว พย๊าหนิ เจ๊อ เตหยื่อ เด๊อ อา นอซ๊อซื๊อ จว๊าแกเบ๊ เจ๊อ โฉ่ เต๊เห่ เบ่เบ่, แว เก่ โมเร๊อ อู โต่ เฮ๊เนอ, แว หม่า แกแย โอ่เล๊อโอ่กลอ เตเพร แพ๊.
ฮู๊เนอเฮ๊อ, เด๊อ เปเกล เนอ, เต๊เห่เห่ หม่า แกแยยิวพู๊, เต๊เห่เห่ หม่า แกแยยิวพู๊ หม่าโต่, เต๊เห่เห่ หม่า หลู่, เต๊เห่เห่ หม่า เพร ป่าลาพู๊. หม่าแน๊เรอ เด๊อ แหย่โยบูโพ๊ แบ่เจ่ เออเตเพรเพร๋ จือแพ๊ ลู อาขว่าอาคยา, เป เจ โหร่ ลอปลี ลู เทอ เด๊อ ครี๊ อาเหน่กล่อ เตเพร่ว อากู แพ๊. เป พย๊าหนิ แซ่ ลอลู แหย่โยบูโพ๊ แบ่เจ่ เตเพรเพร่ว แพ๊.
โหง่ เด๊อ อา ทวาบุ๊ยทวาเตอเรอ เด๊อ อูเง โต่ เนอ, นอเถ่เปล๊ แต่ เด๊อ ซี แกกู ตือมื๋อ แต่เหม่ นี๋. แซ่ฮู๊ อา เก่ หนิอ๊าหนิเหร่ เป่ แกแย เด๊อ อา หนิโฮ เต เต๊เห่ อาเงเนอ, เฮ๊เบ่ แลแค แพ๊ โหง่ เด๊อ อา ทวาบุ๊ยทวาเตอเรอ เร๊อ อา เก่ เมจว่า อู เตดุแถ่ทูแถ่ เนอเต๊เห่ แพ๊ นี๋. เฮ๊เบ่แพ๊ แลแค โหง่ เด๊อ อา หนิบุ๊ยหนิเตอเรอ เด๊อ อูเง เนอเต๊เห่ แพ๊ นี๋.
คูติตัส แฮโต่ เร๊อ เป ซิครือ ตื๊อดื่อเนอ หม่าโต่, อา แด๊โฉ่ เป่ เป เร๊อ ซี เด๊อะอ๊าเด๊อะเหร่ ลู ฮู๊เต เนอ อาขว่าอาคยา, อา เมซิครือ เกอ แหน่เจ๊อ เป. อา เฮ๊โฉ่โล เป่ เป เร๊อ ซี ซิหนิโส่ แม๊เถอะ โกโน๊ แว โต่, โทเรอ ซี เตเนซิเปล เกอเร๊อ ซี เตเมซื๊อ เต๊เห่, โท๊โต่ ซี โอ่ ตี๊หรี่แตแร หนื่ออื่อเฮ๊อ เด๊อ ซี เก่ เฮ๊เบ่ เตเกบี๊เกอเร๊อ เป่ แว, อา แด๊โฉ่โลหนิ เป่ แว ฮู๊เออ อาขว่าอาคยา, กู๊แหน่เรอ แว เหล่ ซิครือเล๊อ ปาปา.
ကြော်ငြာတွေ