โครินธ์ เนอบ่า ต๊าบ่า 8:6 - ลีเทส่อพ๊าอาเซ เร๊อ เห่ขุทวาลู๊

⁶ ฮู๊เนอ อาขว่าอาคยา, แซ่ฮู๊ คูติตัส เก่ เมโทปลื๊อ จว่า ซี เตซิปล่อฉว่า เมจว่า อู เออเต๊เห่ อาเงเนอ เป นอครวา เฮ๊อ อา เฮ๊อ. เมเตเฮ๊เรอ เพร เด๊อ อา เป๊อแถ่ เด๊อะอ๊าเด๊อะเหร่ เหร่อเล๊อ ซี เร๊อ ซี เก่ เมจว่า เป่ เกอ เพรหยื่อเอ่ เออ เด๊อ อา โอ่ แลแค เด๊อ วีเยรูซาเล็ม อากู เนอเต๊เห่ เตเพร เนอหม่า คูติตัส เฮ๊อ.

Eastern Kayah Shadaw Dialect

⁶ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤢꤧꤟꤢꤨ ꤋꤢꤨ꤭ꤒꤤꤒꤢꤨ ꤊ꤫ꤢꤦ꤬ ꤗꤢꤩ꤬ꤓꤥ꤭ꤕꤜꤢꤦ ꤡꤝ꤫ꤢ꤬ ꤞꤤ꤭ ꤒꤢꤩ꤬ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤕꤢꤩ꤬ ꤏꤢꤧ꤬ꤋꤚꤝꤢ꤭ ꤟꤣꤧ ꤢ꤬ ꤟꤣꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤖꤚꤢꤩ꤬ ꤘꤣ ꤢ꤬ ꤡꤢꤓꤢꤧ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤚ꤫ꤣꤧ꤬ꤜꤣ ꤞꤤ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤊꤣꤧ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤋꤢꤨ꤭ꤒꤤꤒꤢꤨ ꤟꤣꤧ꤯

โครินธ์ เนอบ่า ต๊าบ่า 8:6 ပူးပေါင်းရင်းမြစ်များ

โครินธ์ เนอบ่า ต๊าบ่า 12:18

เบ๊อะแว กุยซิยอ คูติตัส เด๊อ อา เก่ แฮ เด๊อ ซี โอ่, เร๊อ แว ปลวาแฮ เต่อเกอ เพรหยื่อเอ่ เออ เตเพร เน๊อ อา อาเค เนอหม่า, คูติตัส แฮเมเอ่ แหน่ ซีขุ แอ? อา แฮ เมเอ่ ซีขุ เตอเจ๋อ โต่. อา เตก๊อถ่อโอ่แน, อาเตแด่ อา ซิปล่อสู่เทอ เต๊เห่ เนอหม่า อาแซ่เน๊อ แว แพ๊, แวเฮ๊แต?

โครินธ์ เนอบ่า ต๊าบ่า 8:19

ตื๊อเออเนอ หม่าโต่, อา หม่า เพรหยื่อเอ่เต ตู๊หมู่ตอกล๊อ เบ๊อะเออ เต๊เห่ แด่แถ่ โทเฮ๊อ ลู เร๊อ อา เก่ จว๊า เต่อเกอ เร๊อ เป เฮ๊อ. ช๋า เป แฮพย๊า เตหลู่แต เด๊อ ซี ซิปล่อฉว่า เมจว่า อู เออเต๊เห่ เร๊อ เป เก่ จว๊า เด๊อะตา เป่ เร๊อ แกแย โชพ๊าโชแรพู๊ เด๊อ วีเยรูซาเล็ม อากู เนอเต๊เห่ เบ๊อะเนอปาเนอ, อา เก่ จว๊า เต่อเกอ เร๊อ เป ปา. แซ่ฮู๊ อู เก่ ถู่เซ๊แถ่ แลแค เหย่ซู่ครี๊, โท๊โต่ แซ่ฮู๊ อู เก่ แม๊เถอะ แลแค เร๊อ เป ซิปล่อฉว่า เมจว่า หม่าแหน่ เหย่ซี อาเงเนอ, เป เก่ จว๊าเล ยูเป่ อู เตเมจว่า เออเนอ ปา.

โครินธ์ เนอบ่า ต๊าบ่า 8:4

เหย่ซี ซิปล่อฉว่า เมหลู่ แลแค เร๊อ อา กุยซิยอ เป เด๊อ เป เก่ ปลวา เหย่ซี เด๊อ อา เก่ เมจว่า หนิเกอ จอแปแหร่ อาแกแย เต๊เห่.

เปโตร อาเหร่อเล๊อ ต๊าบ่า 4:10

จอแปแหร่ เด๊อะโทเฮ๊อ ซี เชหยู่ เตเพร เร๊อ เตเพรเฮ๊อ. เร๊อ นอเอ่ เป่เกอ แลแค ซี เชหยู่ เออเนอ เร๊อ แกแย เด๊อ อาโร เต๊เห่ อาเง เนอ. เป๊อตี๊หรี่ ตาเตหนิ แลแค เชหยู่ เด๊อ จอแปแหร่ เด๊อะตา โค๊ลู เตเพร เร๊อ เตเพร เออเนอ นี๋.

ฟีลิปปี 4:18

ล๋อ ซี ซูแฮ เป่ แว เต๊เห่เนอ แว พย๊าหนิ ลอ เฮ๊อ, เร๊อ อา เล๊อบา ตาลว๊าซิลือ เจ๊อ เด๊อ แวเง เจ๊อ. ล๋อ ซี เด๊อะ เต๊เห่เนอ คูเอปาโฟรดิทัส พย๊าแฮ เป่ เฮ๊อ แว, เร๊อ กู๊แหน่เออ, ล๋อ แว โหล่เบ่ เต๊เห่เนอ อาโอ่ ลอปลี เฮ๊อ. เตเด๊อะ เออเต๊เห่เนอ, อา แซ่เน๊อ เตหลู่โนมื๊อ เด๊อ อู หลู่แถ่ เด๊อ จอแปแหร่ โอ่ เนอเฮ๊อ. เตหลู่ เด๊อ อาโต จอแปแหร่ อาซิปล่อ, เร๊อ อา เมโม ลู ซิปล่อ เนอเต๊เห่ เฮ๊อ.

โครินธ์ เนอบ่า ต๊าบ่า 9:5

ฮู๊เนอเรอ, แว แด่แล เฮ๊อ แว ซิปล่อ เด๊อ แว โหล่ นอแฮ เหร่อ เป โป่แหว่ เต๊เห่ เด๊อ ซีโอ่ เร๊อ อา เก่ เมจว่า เตโถ่ปล๊อ เตหลู่แต เด๊อ ซี อ๊อแล เร๊อ ซี เก่ เมจว่า อู เนอเต๊เห่. เก่ เมฮู๊เนอ ตื๊อเรอ ช๋า แว แฮโต่ ปาเนอ, ซี เก่ ตี๊หรี่แตแร หนื่ออื่อ โทลอเฮ๊อ ซี เตหลู่แต เออเต๊เห่ เฮ๊อ. เป เก่ เมฮู๊เนอเรอ อู เก่ แม๊เถอะ เร๊อ อู นอฉว่า ซี เตเพร่ว หม่าโต่, ซี ซิปล่อฉว่า เม เกอเร๊อดื่อ แพ๊ ฮู๊เนอ ปา.

เพรโด่แนพู๊ เต๊เห่ 24:17

“แว จว๊าโอ่ตาพา งย๊า เร๊อ วีเยรูซาเล็ม เด๊อ อาหน่า, อาเลกู เจ๊อเฮ๊อ, เร๊อ เด๊อเหร่อเนอ, แซ่ฮู๊ แว เก่ จว๊าซู เป่ แว เมวเจอะพู๊ เร๊อดื่อ เต๊เห่ อารือ, โท๊โต่ แซ่ฮู๊ แว เก่ หลู่แถ่แตแถ่ เต เบ๊อะเนอ อาเง เนอเรอ, แว กาคยา คยาแซ๊ เบ๊อะวีเยรูซาเล็ม เออเนอ แพ๊.

ꤚꤥꤗꤢꤩ꤬ 15:25

หม่าแน๊เรอ, กู๊แหน่เออ แว จว๊า เด๊อ วีเยรูซาเล็ม. เร๊อ แว เก่ จว๊าพย๊า รือ เด๊อ อู เมหลู่เมแต เต๊เห่ เบ๊อะเนอ ปา, เร๊อ แว เก่ เมจว่า เร๊อ จอแปแหร่ อาแกแย เบ๊อะเนอ เต๊เห่ ปา.

โครินธ์ เนอบ่า ต๊าบ่า 2:13

หม่าแน๊เรอ แว ซิปล่อกู่ ซิปล่อแก โกโน๋ โต่, เมเตเฮ๊เรอ แว แม๊เถอะ เป โป่แหว่ คูติตัส โต่. ฮู๊เนอเรอ แว เฮ๊โมเฮ๊แร๊แก แกแย โอ่ เบ๊อะวีโตรอัส เนอเต๊เห่ เร๊อ แว เถ่จว๊าแก เด๊อ มาซิโดเนีย เก่.

โครินธ์ เนอบ่า ต๊าบ่า 8:10

ฮู๊เนอเรอ แว เตเตเน หม่า ฮู๊เออ, แว แม๊เถอะ เน๊อ เตเม เด๊อ ซี เป๊อแถ่ เม เด๊อ หน่าเฮ๊หนื่อ เต๊เห่เนอ, ซี เก่ เมโทแก กู๊แหน่เออ เฮ๊เนอหม่า อาแร๊เล๊อ เด๊อ ซีเง. ซี หม่า แกแย ตู๊หมู่ เด๊อ อา เป๊อแถ่ โถ่ปล๊อ เหร่อเล๊อ เตหลู่แต เร๊อ อา เก่ เมจว่า เป่ เร๊อ แกแย โอ่ เด๊อ วีเยรูซาเล็ม อากู เนอเต๊เห่ ปา ตื๊อเนอ หม่าโต่, ซี หม่า แกแย ตู๊หมู่ เด๊อ อา ซิปล่อฉว่า เมหลู่เมแต แหน่เจ๊อ เต เต๊เห่.

โครินธ์ เนอบ่า ต๊าบ่า 8:23

คูติตัส หม่า เพร เด๊อ อา เม เต่อเกอ เต เร๊อ แว เร๊อ อา เมจว่า ซี เตเพร. เป โป่แหว่ เด๊อ อา ครวาแฮเกอ ลู เนอ ซิเนอ หม่า, เพรหยื่อเอ่เต ตู๊หมู่ตอกล๊อ เบ๊อะเออ เต๊เห่ นอแฮ เหย่ซี แพ๊. เหย่ซี หม่า แกแย เต๊เห่ เด๊อ อา แด่ดุ แหน่เจ๊อ ครี๊ เต๊เห่ เจ๊อ.