โครินธ์ เนอบ่า ต๊าบ่า 8:19 - ลีเทส่อพ๊าอาเซ เร๊อ เห่ขุทวาลู๊

¹⁹ ตื๊อเออเนอ หม่าโต่, อา หม่า เพรหยื่อเอ่เต ตู๊หมู่ตอกล๊อ เบ๊อะเออ เต๊เห่ แด่แถ่ โทเฮ๊อ ลู เร๊อ อา เก่ จว๊า เต่อเกอ เร๊อ เป เฮ๊อ. ช๋า เป แฮพย๊า เตหลู่แต เด๊อ ซี ซิปล่อฉว่า เมจว่า อู เออเต๊เห่ เร๊อ เป เก่ จว๊า เด๊อะตา เป่ เร๊อ แกแย โชพ๊าโชแรพู๊ เด๊อ วีเยรูซาเล็ม อากู เนอเต๊เห่ เบ๊อะเนอปาเนอ, อา เก่ จว๊า เต่อเกอ เร๊อ เป ปา. แซ่ฮู๊ อู เก่ ถู่เซ๊แถ่ แลแค เหย่ซู่ครี๊, โท๊โต่ แซ่ฮู๊ อู เก่ แม๊เถอะ แลแค เร๊อ เป ซิปล่อฉว่า เมจว่า หม่าแหน่ เหย่ซี อาเงเนอ, เป เก่ จว๊าเล ยูเป่ อู เตเมจว่า เออเนอ ปา.

Eastern Kayah Shadaw Dialect

¹⁹ ꤒꤢꤦꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤢ꤬ ꤗꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤙꤣꤧꤣꤧ꤭ ꤒꤣꤧ꤬ꤟꤢꤩ꤬ ꤘꤢꤧ꤬ꤓꤢꤧ꤬ ꤓꤥ꤭ꤟꤣꤧ ꤜꤢꤨ꤭ ꤔꤢꤧ ꤢ꤬ ꤊ꤫ꤢꤦ꤬ ꤡꤝꤢ ꤒ꤫ꤣ꤬ꤊꤣꤧ꤭ ꤔꤢꤧ ꤕꤢꤩ꤬ ꤟꤣꤧ꤯ ꤏꤢ꤮ ꤕꤢꤩ꤬ ꤟꤢꤧ꤭ꤖꤛꤢ ꤒꤢꤩ꤬ꤗꤢꤩ꤬ꤜꤢꤨ꤭ ꤘꤣ ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤡꤝꤢ ꤛ꤫ꤢꤨ꤬ꤒꤢ꤭ ꤕ꤫ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤏꤥ꤭ꤚꤢꤧ꤬ꤏꤥ꤭ꤖꤢꤖꤢꤨ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤡꤝꤢ ꤒ꤫ꤣ꤬ꤊꤣꤧ꤭ ꤔꤢꤧ ꤕꤢꤩ꤬ ꤕꤢ꤭꤯ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤜꤢ꤭ꤋꤢꤧ꤭ ꤛꤢꤩ꤬ꤏꤛꤢꤨꤋꤚꤤ, ꤓꤥ꤭ꤒꤥ꤬ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤜꤢ꤭ꤋꤢꤧ꤭ ꤔꤢꤧ ꤕꤢꤩ꤬ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤗ꤫ꤢ꤬ꤔꤤꤔꤢꤧ꤬ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤊ꤫ꤢꤦ꤬ ꤡꤝꤢꤜꤢꤩ꤭ ꤛ꤫ꤢꤨ꤬ꤕ꤫ꤢꤩ꤬ ꤢꤨ꤭ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤣꤧ꤭ꤔꤣꤧ꤬ ꤕꤢ꤭꤯

โครินธ์ เนอบ่า ต๊าบ่า 8:19 ပူးပေါင်းရင်းမြစ်များ

โครินธ์ เนอบ่า ต๊าบ่า 4:15

แซ่ฮู๊ อา เก่ หนิบุ๊ยหนิเตอเรอ เด๊อ ซิเง เนอ, ล๋อ เตจาเตจือ เออเต๊เห่เนอ, เป แด่ทูซิปล่อ ลอปลี เจ๊อ ปว๋า เต๊อเจ่อ เร๊อ เป แด๊โฉ่โด่แน เป่ อู เร๊อ เตซิครือมีลา. ช๋า แกแย แม๊เถอะ แฮเบ่ โหร่เอ๊ เฮ๊อ จอแปแหร่ อาบุ๊ยอาเตอเรอ อาเคปาเนอ, แกแย เด๊อ อา เก่ เฮ๊บุ๊ยเฮ๊เตอเรอ จอแปแหร่ เต๊เห่ เก่ โอ่ เอ๊แฮ ปา, เร๊อ แกแย ล๋อ ปลี เก่ ถู่เซ๊แถ่ จอแปแหร่ ปา.

โครินธ์ เนอบ่า ต๊าบ่า 9:8

แซ่ฮู๊ ซี เก่ พย๊าหนิ เล๊อบา ลอล๋อ เต เด๊อ ซี โหล่ เนอเต๊เห่, โท๊โต่ แซ่ฮู๊ ซี เต เก่ โอ่ เล๊อบา ตาป่อตาเป เด๊อ ซี เก่ เด๊อะเป่เกอ แฮเง เร๊อ แกแย เด๊อ อาโรเต๊เห่ อาเงเนอ, จอแปแหร่ เก่ เด๊อะบุ๊ยเด๊อะเตอเรอ เอ๊ เล๊อปา เจ๊อ เร๊อ ล๋อ ซี โหล่ เต๊เห่ เนอหม่า อา เมแจ่ แพ๊.

เพรโด่แนพู๊ เต๊เห่ 15:25

ฮู๊เนอ อาขว่าอาคยา, เป โอ่กู๊ เฮ๊เบ่ คยาเฮ๊อลู เน๊อ เตหรี่เตแก เออ อาหรี่อาแก เร๊อ เป ซิปล่อโต คยาแซ๊ลู เร๊อ เป เก่ นว๊าแถ่ แกแย เด๊อ เปเกล เต๊เห่ เร๊อ เป เก่ นอแฮ เด๊อ ซี โอ่ ปา. เหย่ซี เก่ จว๊าโหร่เกอ เร๊อ เป โคแบ๊ซว๊า คูบารนาบัส เร๊อ คูเปาโล เด๊อ เป โม เกอเร๊อ แหน่เจ๊อ เออเนอ ซิเนอ ปา.

เพรโด่แนพู๊ เต๊เห่ 15:22

โทเรอ เพรโด่แนพู๊ เต๊เห่ เร๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เร๊อ เพรหยื่อเอ่ ตู๊หมู่ตอกล๊อ เนอ, เหย่ซี ซิปล่อโต เด๊อ อา เก่ นว๊าแถ่ แกแย เด๊อ เหย่ซีเกล เต๊เห่ เร๊อ นอจว๊าเต่อ เหย่ซี เร๊อ คูเปาโล เร๊อ คูบารนาบัส เด๊อ วีอันทิโอก. เหย่ซี นว๊าแถ่ แกแย เด๊อ เพรหยื่อเอ่ เต๊เห่ เบ่จูลาพย๊าโหง่ เกอเร๊อ แหน่เจ๊อ ลู เออซิเนอ เร๊อ อามุย เร๊อ คูสิลาส เร๊อ คูยูดาส คูยูดาส เออเนอ อู เอ๊โป๊ อามุย เร๊อ คูบารซับบาส.

เพรโด่แนพู๊ เต๊เห่ 14:23

เด๊อ เพรหยื่อเอ่ตู๊หมู่ตอกล๊อ ตู๊หมู่ เร๊อ ตู๊หมู่ อากูเนอ, คูเปาโล เร๊อ คูบารนาบัส นว๊าแถ่ เป่ เหย่ซี โหมะพรูโหมะเผระ เด๊อ อา เบ่ ทวา ทวาดุทวาเต เต๊เห่. เร๊อ อา กุยจ๊อเบ เป่ เหย่ซี, โทเรอ อา โด่เอ่ เหล่เอ่เหล่โอ, อา เมโท ฮู๊เนอเรอ อา เด๊อะตาแก แกแย เออเต๊เห่ เด๊อ แบ่เจ่ เด๊อ เหย่ซี หยื่อเอ่ เกอเร๊อ เออเตเพร อา กู๊ยากู.

เพรโด่แนพู๊ เต๊เห่ 19:22

เบ๊อะอา จว๊า โอ่โก๊ เตอเปลอฮู๊ เบ๊อะเอเชียเก่ เบ๊อะเนอ, อา นอจว๊า ทิโมธี เร๊อ เอรัสทัส เด๊อ อา เมจว่า ลู เออซิเนอเนอ เด๊อ มาซิโดเนียเก่.

เพรโด่แนพู๊ เต๊เห่ 19:29

เตตอปลอตือซือ โอ่ทวาแถ่ เร๊อ อา จว๊าปีชี ลอ เจ๊อ ตีวีลอ เจ๊อ. แกแย เบ๊หมู่ ปื่อหม่า มาซิโดเนียพู๊ คูกายอัส เร๊อ คูอาริสทารคัส เด๊อ อา จว๊า หนิซว๊าหนิโค เกอแน๊ คูเปาโล เออซิเนอ. เร๊อ อู จุ่ยจว๊า เหย่ซี เด๊อ อู เหล่เด๊อะโล เตแลหวิแลวอ อาเหล่โอ่ เบ๊อะวีกูเนอ.

ꤚꤥꤗꤢꤩ꤬ 5:3

เป แม๊ชือ ตื๊อแพ๊ เออเนอ หม่าโต่, เบ๊อะเป แม๊เถอะ เร๊อ เตจาเตจือ, เตแป่เตเช เบ๊อะเนอ เบ่เบ่, เป ซิครือซิลอ แพ๊, เมเตเฮ๊เรอ เป ซิเง เร๊อ เต เออเต๊เห่เนอ อา เด๊อะ เอ๊แถ่ เป่ โป่ เป เตข่าเบ่ เตจาเตจือ แพ๊.

ꤚꤥꤗꤢꤩ꤬ 5:11

เป เหล่ซิครือซิลอ เนอ อาโอ่ ตื๊อ เออเนอ หม่าโต่. เด๊อ แบ่เจ่ เหย่ซู่ครี๊ อาขว่าอาคยาเร๊อ, เป ซิครือซิลอ แบ๊ซว๊าหนิ เฮ๊อ เร๊อ จอแปแหร่ เฮ๊อ. เพร เด๊อ อา เม แบ๊ซว๊า กาคยา เป่ คยาแซ๊ เป เร๊อ จอแปแหร่ หม่า เหย่ซู่ครี๊ เออเนอ เฮ๊อ.

โครินธ์ เนอบ่า ต๊าบ่า 8:11

ฮู๊เนอ อาขว่าอาคยา, เมโท ปลื๊อแก เต เด๊อ ซี เป๊อแถ่ เม เออ เต๊อเจ่อเนอ. ซี เป๊อแถ่ โถ่ปล๊อ กูลู่ เตหลู่แต เบ๊อะเนอ, ซี ซิปล่อฉว่า เมจว่า แหน่เจ๊อ อู. ฮู๊เนอเรอ กู๊แหน่เออ ซี โตเบ่ ซิปล่อฉว่า เมโท ปลื๊อแก ซี เตเม เออเนอ. ซี โตเบ่ เด๊อ แลแค บ๊า ซี เด๊อะเบ๊ เนอ ปว๋า เตเพร.

โครินธ์ เนอบ่า ต๊าบ่า 8:12

ซี เก่ ซิปล่อฉว่า เด๊อะ เกอเร๊อดื่อ หม่าแหน่แหน่ เฮ๊เรอ จอแปแหร่ ซิหยื่อ ฮู๊เนอ เฮ๊อ. ซี เด๊อะเบ๊ บ๋า เต บ๋า เต เนอ, อา โหล่ดุ ลา หม่าโต่. จอแปแหร่ ซิหยื่อ นอเด๊อะ ซี บ๊า ซี เด๊อะเบ๊ เนอแพ๊. เต เด๊อ ซี เด๊อะเบ๊โต่ เนอ อา กุย เร๊อ ซี ตีกี๋ โต่.

โครินธ์ เนอบ่า ต๊าบ่า 8:20

แซ่ฮู๊ อู เก่ แด่ แต่ เป เตซื๊อ แต่เหม่ เนอ, เป จว๊าโหร่ลู ฮู๊เออ แพ๊. เตหลู่แต เด๊อ อู ซิปล่อฉว่า เด๊อ เออเต๊เห่เนอ, เป เบ่ เมตาเมเต หนิ แร๊ เป่ เจ๊อ อู เจ๊อ.

โครินธ์ เนอบ่า ต๊าบ่า 9:2

เมเตเฮ๊เรอ ซี ซิปล่อฉว่า เมจว่า เหย่ซี บ๋า เต เนอ, แว ซิเง. แว ถู่เซ๊หนิ เป่ เป โคแบ๊ซว๊า เด๊อ มาซิโดเนีย เก่กู เนอเต๊เห่ เร๊อ ซีหรี่ซีแก เต๊เห่ เฮ๊อ. แว เฮ๊ เป่ เหย่ซี เร๊อ ซี เพรหยื่อเอ่ เออ เด๊อ อาคายา เก่กู เออเต๊เห่เนอ, อา ตี๊หรี่แตแร หนื่ออื่อ รือ เด๊อ หน่าเฮ๊หนื่อ ปา เจ๊อ. ซี เตซิปล่อฉว่า เออเนอ, อา ถู่แรแถ่ เอ๊แหน่เจ๊อ มาซิโดเนีย เก่พู๊ เต๊เห่ อาซิปล่อ เด๊อ อา เก่ เมจว่า เกออู ฮู๊เนอ ปา เฮ๊อ.