โครินธ์ เนอบ่า ต๊าบ่า 8:16 - ลีเทส่อพ๊าอาเซ เร๊อ เห่ขุทวาลู๊

¹⁶ จอแปแหร่ เด๊อะ ซิปล่อฉว่า คูติตัส เด๊อ อา เมจว่า ซี ฮู๊ เป ซิปล่อฉว่า เมจว่า ซี เนอ อาขว่าอาคยา, เป เฮ๊บุ๊ยเฮ๊เตอเรอ แหน่เจ๊อ จอแปแหร่.

Eastern Kayah Shadaw Dialect

¹⁶ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤞꤤꤕꤜꤢꤪ꤬ꤏꤝꤢ꤬ ꤋꤢꤨ꤭ꤒꤤꤒꤢꤨ ꤘꤣ ꤢ꤬ ꤗꤢꤩ꤬ꤡꤝ꤫ꤢ꤬ ꤞꤤ꤭ ꤟꤢꤨ ꤕꤢꤩ꤬ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤞꤤ꤭ ꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤔꤢꤧ꤬ꤡꤣꤧ ꤡꤢꤪꤗꤣꤧ꤬ꤚꤢꤧ꤬꤯

โครินธ์ เนอบ่า ต๊าบ่า 8:16 ပူးပေါင်းရင်းမြစ်များ

เตเด๊อะโลแถ่ 17:17

เมเตเฮ๊เรอ แซ่ฮู๊ เหย่ซี เก่ เมเล๊อบาแถ่ จอแปแหร่ อา เตเตเนหนื่ออื่อ เออ อาเงเนอ, จอแปแหร่ ฉู่โน โทเฮ๊อ อา เตเตเนหนื่ออื่อ เออ เด๊อ เหย่ซี ซิปล่อกู เร๊อ เหย่ซี เก่ ซิปล่อโอ่ เด๊อะตาแก อา เตอเรอฉว่าชอ เออเนอ เร๊อ เตมีเตแหม่ เด๊อ อา เก่ เป๊อ โต่เด๊อ จอแปแหร่ อาลาอาโหง่ เล๊อแถ่บาแถ่ เฮ๊อ ปาเนอ.

ฟีลิปปี 2:20

อาซิปล่อ โอ่ หม่าแหน่ เจ๊อ ซี เจ๊อ. ล๋อ แกแย เด๊อ อา โอ่ เกอ เร๊อ แว เบ๊อะเออ เต๊เห่ เด๊อ อา แซ่เน๊อ ลูเนอ แว แม๊เถอะน๊อ เตเพร่ว โต่.

โครินธ์ เนอบ่า ต๊าบ่า 7:12

ฮู๊เนอเรอ, ลี เด๊อ แว ราจว๊าเป่ ซี เด๊อ อาเหร่อเค ต๊าบ่าเนอ หม่า, แว ราจว๊า เป่ แกแย เด๊อ อา เมซื๊อเต เนอเตเพร เร๊อ แกแย เนอเตเพร เมซื๊ออู เนอเต๊เห่ อาขว่าอาคยา ตื่อดื่อ หม่าโต่, แซ่ฮู๊ ซี เก่ ซิเง เร๊อ ซี เด๊อะแล เจ๊อ ซีซิปล่อ เด๊อ เปเง บ๋า เตเนอ, แว ราจว๊า เต่อเกอดื่อ ฮู๊เนอ. ซี โม เป บ๋า เตเนอ จอแปแหร่ ซิเง ตาเต ลอปลี เจ๊อ.

โครินธ์ เนอบ่า ต๊าบ่า 7:7

คูติตัส แฮโต่ เร๊อ เป ซิครือ ตื๊อดื่อเนอ หม่าโต่, อา แด๊โฉ่ เป่ เป เร๊อ ซี เด๊อะอ๊าเด๊อะเหร่ ลู ฮู๊เต เนอ อาขว่าอาคยา, อา เมซิครือ เกอ แหน่เจ๊อ เป. อา เฮ๊โฉ่โล เป่ เป เร๊อ ซี ซิหนิโส่ แม๊เถอะ โกโน๊ แว โต่, โทเรอ ซี เตเนซิเปล เกอเร๊อ ซี เตเมซื๊อ เต๊เห่, โท๊โต่ ซี โอ่ ตี๊หรี่แตแร หนื่ออื่อเฮ๊อ เด๊อ ซี เก่ เฮ๊เบ่ เตเกบี๊เกอเร๊อ เป่ แว, อา แด๊โฉ่โลหนิ เป่ แว ฮู๊เออ อาขว่าอาคยา, กู๊แหน่เรอ แว เหล่ ซิครือเล๊อ ปาปา.

โคโลสี 3:17

ซี เฮ๊เบ่ เบ่เบ่, ซี เมเต อิเตเต๋ เบ่เบ่, แม๊ แบ่เจ่ เหย่ซู่ครี๊ อาเป๊เส่ เร๊อ เม แลแค นี๋. เด๊อ แบ่เจ่ เหย่ซู่ครี๊ อาขว่าอาคยา, เร๊อ เฮ๊บุ๊ยเฮ๊เตอเรอ ถู่เซ๊แถ่ แลแค จอแปแหร่ นี๋.

โครินธ์ เนอบ่า ต๊าบ่า 8:6

ฮู๊เนอ อาขว่าอาคยา, แซ่ฮู๊ คูติตัส เก่ เมโทปลื๊อ จว่า ซี เตซิปล่อฉว่า เมจว่า อู เออเต๊เห่ อาเงเนอ เป นอครวา เฮ๊อ อา เฮ๊อ. เมเตเฮ๊เรอ เพร เด๊อ อา เป๊อแถ่ เด๊อะอ๊าเด๊อะเหร่ เหร่อเล๊อ ซี เร๊อ ซี เก่ เมจว่า เป่ เกอ เพรหยื่อเอ่ เออ เด๊อ อา โอ่ แลแค เด๊อ วีเยรูซาเล็ม อากู เนอเต๊เห่ เตเพร เนอหม่า คูติตัส เฮ๊อ.

โครินธ์ เนอบ่า ต๊าบ่า 8:23

คูติตัส หม่า เพร เด๊อ อา เม เต่อเกอ เต เร๊อ แว เร๊อ อา เมจว่า ซี เตเพร. เป โป่แหว่ เด๊อ อา ครวาแฮเกอ ลู เนอ ซิเนอ หม่า, เพรหยื่อเอ่เต ตู๊หมู่ตอกล๊อ เบ๊อะเออ เต๊เห่ นอแฮ เหย่ซี แพ๊. เหย่ซี หม่า แกแย เต๊เห่ เด๊อ อา แด่ดุ แหน่เจ๊อ ครี๊ เต๊เห่ เจ๊อ.