โครินธ์ เนอบ่า ต๊าบ่า 8:1 - ลีเทส่อพ๊าอาเซ เร๊อ เห่ขุทวาลู๊

¹ เป โคแบ๊ซว๊า ซี๋, เป ซิหยื่อ เฮ๊โฉ่โล เป่ ซี เร๊อ จอแปแหร่ เด๊อะตา เป่ เตบุ๊ยเตเตอเรอ เด๊อ เพรหยื่อเอ่เต ตู๊หมู่ตอกล๊อ เด๊อ อา โอ่ แลแค เด๊อ มาซิโดเนีย เก่กู เนอเต๊เห่ อาหรี่อาแก.

Eastern Kayah Shadaw Dialect

¹ ꤕꤢꤩ꤬ ꤋꤥ꤭ꤙꤢꤧꤞꤝꤢ ꤞꤤ꤭꤮, ꤕꤢꤩ꤬ ꤞꤤꤛ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤕꤢꤩ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ ꤊ꤫ꤢꤩ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

โครินธ์ เนอบ่า ต๊าบ่า 8:1 ပူးပေါင်းရင်းမြစ်များ

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:10

เก่เฮ๊หม่าแหน่หม่า ซี โม เกอเร๊อ ล๊อปลี ซีโป่ซีแหม่ เด๊อ อา โอ่ เด๊อ มาซิโดเนียเก่ เออ เต๊เก่เล เนอเต๊เห่ เจ๊อ. หม่าแน๊เรอ เป แซ่ครวา โป่เกอ ซี เร๊อ ซี เก่ โม เอ๊แถ่ เล๊อ โป่ เจ๊อ เร๊อ เออเนอ นี๋.

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

เพรโด่แนพู๊ เต๊เห่ 16:9

เบ๊อะเนอเตเซ, คูเปาโล แม๊เถอะลว๊า เตเต๊อเจ่อ. เร๊อ อา แม๊เถอะลว๊า เน๊อ มาซิโดเนีย เก่พู๊ เตเพร แฮก๊อถ่อ กุยซิยอ ลู เน๊อ, “แฮโน เมจว่า เป่เกอเหย่ เร๊อ เป เด๊อ มาซิโดเนีย เก่กูเออ.”

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

โครินธ์ เนอบ่า ต๊าบ่า 9:2

เมเตเฮ๊เรอ ซี ซิปล่อฉว่า เมจว่า เหย่ซี บ๋า เต เนอ, แว ซิเง. แว ถู่เซ๊หนิ เป่ เป โคแบ๊ซว๊า เด๊อ มาซิโดเนีย เก่กู เนอเต๊เห่ เร๊อ ซีหรี่ซีแก เต๊เห่ เฮ๊อ. แว เฮ๊ เป่ เหย่ซี เร๊อ ซี เพรหยื่อเอ่ เออ เด๊อ อาคายา เก่กู เออเต๊เห่เนอ, อา ตี๊หรี่แตแร หนื่ออื่อ รือ เด๊อ หน่าเฮ๊หนื่อ ปา เจ๊อ. ซี เตซิปล่อฉว่า เออเนอ, อา ถู่แรแถ่ เอ๊แหน่เจ๊อ มาซิโดเนีย เก่พู๊ เต๊เห่ อาซิปล่อ เด๊อ อา เก่ เมจว่า เกออู ฮู๊เนอ ปา เฮ๊อ.

ꤚꤥꤗꤢꤩ꤬ 15:26

เมเตเฮ๊เรอ, มาซิโดเนียเก่พู๊ เต๊เห่ เร๊อ อาคายา เก่พู๊ เต๊เห่เนอ, อา ซิปล่อฉว่า เด๊อะจว๊า เป่เกอ รือเต๊เห่ เร๊อ จอแปแหร่ อา เพรบูโพ๊พู๊ เด๊อ อา โซพ๊าโซแร เร๊อ อา โอ่ แลแค เด๊อ วีเยรูซาเล็ม อากู เนอเต๊เห่.

เพรโด่แนพู๊ เต๊เห่ 11:23

เร๊อ เบ๊อะอา จว๊าโต่ เนอ, อา จว๊าแม๊เถอะ เร๊อ แกแย เออเต๊เห่ พย๊าหนิ จอแปแหร่ อาบุ๊ยอาเตอเรอ อาขว่าอาคยา, อา ซิครือซิลอ แหน่เจ๊อ เร๊อ แซ่ฮู๊ เหย่ซี เก่ โอ่เซอเพร เจ๊อ เป่แฮ ตื๊อดื่อ เน๊อ แบ่เจ่ เร๊อ, อา เด๊อะอ๊าเด๊อะเหร่ แฉ่โคร เกอโป่ เหย่ซี อาคยา.

โครินธ์ เนอบ่า ต๊าบ่า 11:9

เบ๊อะแว โอ่เกอ เร๊อ ซี เบ๊อะเนอ, แว เก่ โหล่รือ เฮ๊เนอ, แว กุยน๊อ เน๊อ ซี เตเพร่ว โต่, เมเตเฮ๊เร๊อ ล๋อ เต เด๊อ แว โหล่ เต๊เห่เนอ, เป โป่แหว่ เด๊อ มาซิโดเนียเก่ เต๊เห่ แฮ เมจว่า ลอปลี แว แพ๊. เด๊อ อาเหร่อเค เนอหม่า แว กุยน๊อ เร๊อ ซี เตเมจว่า โตโพ๋ โต่, กู๊แหน่เออ ตาแฮเง เนอหม๋า แว เมกู่เมแก, เมโถ่เมย๊า น๊อ ซี โต่โต่.

โครินธ์ เนอบ่า ต๊าบ่า 9:12

เมเตเฮ๊เรอ เตเมหลู่เมแต เออเนอ อา เมจว่า เป่ จอแปแหร่ แกแย เด๊อ อา โซพ๊าโซแร เออเนอเต๊เห่ ตื๊อดื่อ หม่าโต่, อา ถู่แรแถ่ โต่ เจ๊อ อูซิปล่อ เด๊อ อู เก่ เฮ๊บุ๊ยเฮ๊เตอเรอ ถู่เซ๊แถ่ แลแค จอแปแหร่ เจ๊อ.

โครินธ์ เนอบ่า ต๊าบ่า 9:4

ฮู๊เนอเรอ เบ๊อะแว แฮ ปา เบ๊อะเนอ, เป โป่แหว่ ครี๊พู๊ เด๊อ มาซิโดเนียเก่ เต๊เห่ ครวาแฮเกอ เร๊อ แว ปา เก่. แว ซิหยื่อ นอแม๊เถอะ เหย่ซี เร๊อ ซี ตี๊หรี่แตแร หนื่ออื่อ โทลอ เฮ๊อ รือ เตหลู่แต เนอเต๊เห่. ซี เก่ ตี๊หรี่แตแร หนื่ออื่อ เตอเจ๋อ โต่ เฮ๊เนอ, เต เด๊อ แว หยื่อเอ่หนิ ซี เต๊เห่เนอ อา เก่ ทวาแถ่ แหน่เฮ๊อ เตซิเตเร เด๊อ แวเง เร๊อ ซีเง ปา เฮ๊อ.

เพรโด่แนพู๊ เต๊เห่ 24:17

“แว จว๊าโอ่ตาพา งย๊า เร๊อ วีเยรูซาเล็ม เด๊อ อาหน่า, อาเลกู เจ๊อเฮ๊อ, เร๊อ เด๊อเหร่อเนอ, แซ่ฮู๊ แว เก่ จว๊าซู เป่ แว เมวเจอะพู๊ เร๊อดื่อ เต๊เห่ อารือ, โท๊โต่ แซ่ฮู๊ แว เก่ หลู่แถ่แตแถ่ เต เบ๊อะเนอ อาเง เนอเรอ, แว กาคยา คยาแซ๊ เบ๊อะวีเยรูซาเล็ม เออเนอ แพ๊.

มัทธิว 25:22

“แกแย เด๊อ อา พย๊าหนิ เท เนอโจ่ย เออเตเพรเนอ, อา พย๊าแฮ เอ๊แถ่โป่ เนอโจ่ย เร๊อ อา เฮ๊ อาแบ่เจ่ เน๊อ, ‘แบ่เจ่, เน เด๊อะ แว เท อารา เนอโจ่ย, เร๊อ เออเล๊, แว เม เถ่นี๋ เอ๊เล๊อโป่ เฮ๊อ เนอโจ่ย เฮ๊อ.’