โครินธ์ เนอบ่า ต๊าบ่า 7:7 - ลีเทส่อพ๊าอาเซ เร๊อ เห่ขุทวาลู๊

⁷ คูติตัส แฮโต่ เร๊อ เป ซิครือ ตื๊อดื่อเนอ หม่าโต่, อา แด๊โฉ่ เป่ เป เร๊อ ซี เด๊อะอ๊าเด๊อะเหร่ ลู ฮู๊เต เนอ อาขว่าอาคยา, อา เมซิครือ เกอ แหน่เจ๊อ เป. อา เฮ๊โฉ่โล เป่ เป เร๊อ ซี ซิหนิโส่ แม๊เถอะ โกโน๊ แว โต่, โทเรอ ซี เตเนซิเปล เกอเร๊อ ซี เตเมซื๊อ เต๊เห่, โท๊โต่ ซี โอ่ ตี๊หรี่แตแร หนื่ออื่อเฮ๊อ เด๊อ ซี เก่ เฮ๊เบ่ เตเกบี๊เกอเร๊อ เป่ แว, อา แด๊โฉ่โลหนิ เป่ แว ฮู๊เออ อาขว่าอาคยา, กู๊แหน่เรอ แว เหล่ ซิครือเล๊อ ปาปา.

Eastern Kayah Shadaw Dialect

⁷ ꤋꤢꤨ꤭ꤒꤤꤒꤢꤨ ꤟꤢꤧ꤭ꤒ꤫ꤥ꤬ ꤚꤣꤧ꤬ ꤕꤢꤩ꤬ ꤞꤤꤋꤚꤢꤦ꤭ ꤒꤢꤦꤘꤢꤦ꤬ꤔꤣꤧ꤬ ꤗ꤫ꤢ꤬ꤒꤥ꤬, ꤢ꤬ ꤟꤢꤩꤏꤥ꤬ ꤕ꤫ꤢꤩ꤬ ꤕꤢꤩ꤬ ꤔꤢꤧ ꤞꤤ꤭ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤜꤢꤨ꤭ ꤟꤢꤨꤒꤢꤩ꤭ ꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤗꤢꤩ꤬ꤞꤤꤋꤚꤢꤦ꤭ ꤊꤣꤧ꤭ ꤔꤢꤧ꤬ꤡꤣꤧ ꤕꤢꤩ꤬꤯ ꤢ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤕꤢꤩ꤬ ꤔꤢꤧ ꤞꤤ꤭ ꤞꤤꤔꤢꤩ꤬ꤞꤥ꤬ ꤗꤢꤧꤓ꤫ꤣꤧ꤬ ꤊꤣꤧ꤬ꤔꤥ꤮ ꤠꤢꤧ꤭ ꤒꤥ꤬, ꤓꤥ꤭ꤚꤣꤧ꤬ ꤞꤤ꤭ ꤒꤣꤧ꤬ꤔꤢꤩ꤬ꤞꤤꤕꤜꤢꤩ꤭ ꤚꤣꤧꤘꤢꤦ꤬ ꤞꤤ꤭ ꤒꤢꤩ꤬ꤗꤢꤩ꤬ꤞꤢꤦ ꤒꤣꤧ꤬ꤟꤢꤩ꤬, ꤓꤥ꤭ꤒꤥ꤬ ꤞꤤ꤭ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ꤟꤣꤧ ꤘꤣ ꤞꤤ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤒꤣꤧ꤬ꤊꤢꤩ꤬ꤙꤤꤚꤣꤧ ꤕ꤫ꤢꤩ꤬ ꤠꤢꤧ꤭, ꤢ꤬ ꤟꤢꤩꤏꤥ꤬ꤜꤥ꤭ꤚꤣꤧ ꤕ꤫ꤢꤩ꤬ ꤠꤢꤧ꤭ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤢꤨꤔ꤫ꤢꤧ꤬ꤚꤣꤧ꤬ ꤠꤢꤧ꤭ ꤜꤢꤦ ꤞꤤꤋꤚꤢꤦ꤭ꤜꤣ ꤕꤢ꤬ꤕꤢ꤬꤯

โครินธ์ เนอบ่า ต๊าบ่า 7:7 ပူးပေါင်းရင်းမြစ်များ

ꤛꤢꤨꤘꤢ꤬ 1:3

แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.

โครินธ์ เนอบ่า ต๊าบ่า 5:2

หม่าแน๊เรอ, เป ย๋อ แม๊ชือ ซิหยื่อ กาโอ่ ลาเฮ๊อ หี่ เด๊อ ม๊อขุ เออเตเม อาขว่าอาคยา, เบ๊อะเป โอ่ปา เด๊อ หี่ เด๊อ เห่ขุเออ เตเมกู เบ๊อะเนอ, เป ซิหนิโส่ เซ๊โหมะโขร่ฮา แหน่เจ๊อ.

ยอห์น เนอบ่า ต๊าบ่า 1:4

แว แม๊เถอะเฮ๊อ เนพู๊เนเลอ เต๊เห่ โอ่เซอเพร เด๊อ เตหมะเตจ๊อ อากู ฮู๊ เพ จอแปแหร่ เมแก เป โหง่ เนอ อาขว่าอาคยา แว ซิครือ แหน่เจ๊อ.

ꤡꤛꤢꤩ꤭ꤗꤢ꤬ꤎꤣ꤬ 5:17

เพรโพร เอลียาห์ หม่า แกแย เตเพร เด๊อ อา แซ่ ฮู๊ แว เร๊อ เน เออเนอแพ๊. เร๊อ แซ่ฮู๊ เก่ เก๊ จือตา แต่เหม่ อาเงเนอ, อา กุยจ๊อเบ ลอซิปล่อสู่เทอ อาขว่าอาคยา, เก่กล่าแก โซหน่า เร๊อ เลโซซว๊า เจ๊อ.

ꤟꤤꤙꤚꤢꤨ 2:1

เด๊อ เป ซิเงเฮ๊อ เร๊อ จอแปแหร่ อาพู๊คู หม่า อาดุอาแย ฮู๊เนอ อาขว่าอาคยา, แซ่ฮู๊ เป เก่ จว๊าโค๊แก เตหมะเตจ๊อ เด๊อ เป หนิโฮ โทเฮ๊อ เออเนอ แต่เหม่ อาเงเนอ, เป เบ่ แด่หยื่อเล๊อ อา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:8

เมเตเฮ๊เรอ, เด๊อ ซี ก๊อถ่อ อาหม่าอากลอ เด๊อ แบ่เจ่ อากู อาขว่าอาคยา, เป โอ่เซอเพร กู๊แหน่ เออเนอ, พุ๋ย อาพุยอาโมแฮ คยาแซ๊ เจ๊อ เป เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:6

หม่าแน๊เรอ กู๊แหน่เออ คูทิโมธี โอ่ เด๊อ ซีโอ่ เร๊อ อา กาโต่ คยาแซ๊เฮ๊อ เด๊อ เปโอ่ เฮ๊อ. เร๊อ อา กา โด่แน เป่ เป เร๊อ เตหรี่เตแก เด๊อ อา โม เต๊เห่. อา เฮ๊โล เป่ เป เร๊อ ซี เตหยื่อเตแหน่ เร๊อ ซี เตโม เต๊เห่ อาหรี่อาแก. โท๊โต่ อา เฮ๊โล เป่ เป เร๊อ ซี ซิเงแถ่เบ่ เป ปว๋า โตโพ๊ เจ๊อ, เร๊อ ซี โอ่ เร๊อ เตซิครือซิลอ. โท๊โต่ ซี ซิหนิโส่ แม๊เถอะเกอ แหน่เจ๊อ เป ฮู๊ เป ซิหนิโส่ แม๊เถอะ ซีเนอ, อา โด่แนโล เป่ เป ฮู๊เนอ.

โคโลสี 2:5

เมเตเฮ๊เรอ, แว เหน่กล่อ โอ่เต่อเกอ เน๊อ ซี โต่ ตื๊อดื่อเรอ แว ซิปล่อ จิจือ เน๊อ ซี เร๊อ แว หนิโฮ เด๊อ ซี โอ่ลู เร๊อ ซิปล่อ เตเม๊วโต, โท๊โต่ ซี ปื่อหม่าปื่อกลอ เตหยื่อเตแหน่ เด๊อ ครี๊ อากู อาขว่าอาคยา, แว ซิครือซิลอ แหน่เจ๊อ.

ฟีลิปปี 1:20

แว เตซิหยื่อ เร๊อ แว เตแม๊ชือ หม่า อิเต เฮ๊เรอ, เด๊อ ครี๊ อา เป๊เส่เง ปาเนอ, แว เกล๊ ซิเตเรน๊อ แหน่ ปา ตีกี๋ โต่ เฮ๊อ. แว เซอเพร เบ่เบ่, แว เซอ เบ่เบ่, แซ่ฮู๊ อู เก่ ถู่เซ๊แถ่หนิ ครี๊ อาเงเนอเรอ, แว ซิหยื่อ โอ่เซอเพร เล๊อบา เจ๊อ เร๊อ เตซิปล่อคือฮา ฮู๊ แว คือแฮ เกอเร๊อ ปว๋า โตโพ๊ เนอแพ๊.

โครินธ์ เนอบ่า ต๊าบ่า 8:16

จอแปแหร่ เด๊อะ ซิปล่อฉว่า คูติตัส เด๊อ อา เมจว่า ซี ฮู๊ เป ซิปล่อฉว่า เมจว่า ซี เนอ อาขว่าอาคยา, เป เฮ๊บุ๊ยเฮ๊เตอเรอ แหน่เจ๊อ จอแปแหร่.

โครินธ์ เนอบ่า ต๊าบ่า 2:9

แว รา เป่ ซี ลี เด๊อ อาเหร่อเค ต๊าบ่าเนอ หม่า, แว ซิหยื่อ นอเมแย ซี เร๊อ แกแย หนิดา เกออู โหง่ โต่ เนอเตเพร เฮ๊อ. ฮู๊เนอเรอ แว ซิหยื่อ ซิเง ตาเต เร๊อ ซี ครวาเมเกอ ฮู๊ แว อิซว๊าจว๊า ซี เนอ แอ? หม่า ซี ครวาเม โต่ แอ? ฮู๊เนอแพ๊.

โครินธ์ เนอบ่า ต๊าบ่า 1:14

กู๊แหน่เรอ ซี ซิเงโปล ปว๊า ลอ ล๋าย เปหรี่เปแก โต่, หม่าแน๊เรอ เด๊อคยาปาเนอ เป แม๊ชือ เร๊อ ซี เก่ ซิเงโปล ลอหล่าตี๊กลิ ลอ เจ๊อ เปหรี่เปแก ปา. ฮู๊เนอเรอ, เบ๊อะแบ่เจ่ เหย่ซู่ แฮคยาแซ๊ ปา เตอเนอเนอ, เด๊อ เปขว่าเปคยา เร๊อ ซี เก่ ซิครือซิลอ ฮู๊ เป ซิครือซิลอ เด๊อ ซีขว่าซีคยา เนอ ปา.

ꤚꤥꤗꤢꤩ꤬ 1:12

แว ซิหยื่อ เฮ๊ ฮู๊เต เฮ๊เรอ เป เด๊อะอ๊าเด๊อะเหร่ เมจว่าเลอ เมจว่าเก่ คยาแซ๊ลู ซี เตหยื่อ เร๊อ แว เตหยื่อ ฮู๊เนอ เต๊อะเจ่อแพ๊.

เพรโด่แนพู๊ เต๊เห่ 11:23

เร๊อ เบ๊อะอา จว๊าโต่ เนอ, อา จว๊าแม๊เถอะ เร๊อ แกแย เออเต๊เห่ พย๊าหนิ จอแปแหร่ อาบุ๊ยอาเตอเรอ อาขว่าอาคยา, อา ซิครือซิลอ แหน่เจ๊อ เร๊อ แซ่ฮู๊ เหย่ซี เก่ โอ่เซอเพร เจ๊อ เป่แฮ ตื๊อดื่อ เน๊อ แบ่เจ่ เร๊อ, อา เด๊อะอ๊าเด๊อะเหร่ แฉ่โคร เกอโป่ เหย่ซี อาคยา.

ꤜꤢꤨꤊꤢ꤬ 22:44

อา ซิปล่อกู่ ซิปล่อแก แฮฉว่า เนอ, อา ลื๋อ กุยจ๊อเบ ฉว่าเล๊อ โป่โป่. เร๊อ อากู่ซาเทอ แลตา เด๊อ เห่ขุ เร๊อ อา แซ่ เจ๊อ เร๊อ สุ่ยตาเม๊ เนอ เจ๊อ.

มัทธิว 26:75

คูเปโตร เตเนแถ่ โต่เบ่ แบ่เจ่ เหย่ซู่ เฮ๊หนื่ออื่อแก ลู โหง่ เน๊อ, “เบ๊อะชาเพ อี๊อู่แถ่ แต่ล๋ายโต่ เคเนอ, เน เก่ โชโม๊บิแก อู เร๊อ แว ซิเงน๊อ อา โต่ โซโพ๊ ปา,” อาขว่าอาคยา, อา เถ่จว๊า เด๊อ อากลอ เร๊อ อา จว๊า โหง่เซอโหง่โอ่ เจ๊อ.

มัทธิว 5:4

แกแย เด๊อ อาโหง่อาเห่ ซี เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ จอแปแหร่ เก่ อิลออี๊ เหย่ซี ปา.

โครินธ์ อาเหร่อเล๊อ ต๊าบ่า 5:2

เก่ เมฮู๊เนอเรอ, ซี จว๊า แด่แถ่โลแจ่ เกอเร๊อ ซีเหน่ ฮู๊เต? พื๋อ เร๊อ ซี แด่แถ่โล ซีเหน่ เนอ, ซี โต ซิเปลซิหย่อ เซอแก เจ๊อ ซีเหน่ เจ๊อ. แกแย เด๊อ จว๊าซื๊อ ฮู๊เออ เตเพรเพร เนอ, ซี โต เหว่เถ่แก ลู เด๊อ ซี ตู๊หมู่ตอกล๊อ อากู.

โครินธ์ เนอบ่า ต๊าบ่า 1:4

เบ๊อะเปแม๊เถอะ ป่อชิเต่อเบ่ เร๊อ เตแป่เตเช ล๋อ ปลี เต๊เห่ เบ๊อะเนอ, อา เมโม เมจว่า เป. เด๊อ อา เมโม เมจว่า เป ฮู๊เออ อาขว่าอาคยา, เป เมโม เมจว่าเบ๊ เป่ เกอ อูโร เด๊อ อา แม๊เถอะ ป่อชิเต่อเบ่ เร๊อ เตแป่เตเช ปว๊าเมวปว๊าเจ่อ เต๊เห่. เตเมโม เมจว่า เด๊อ เป เมโม เมจว่า อู เออ เต๊เห่ เนอหม่า, อา แซ่แพ๊ เร๊อ จอแปแหร่ เมโม เมจว่า เป เนอเต๊เห่ แพ๊.

โครินธ์ เนอบ่า ต๊าบ่า 7:6

หม่าแน๊เรอ จอแปแหร่ เด๊อ อา เด๊อะฉว่าเด๊อะชอแถ่ แกแย เด๊อ อา ซิปล่อปย๊า เต๊เห่ เออเตเพรเนอ, อา เด๊อะอ๊าเด๊อะเหร่ เฮ๊อ เป เฮ๊อ, เมเตเฮ๊เรอ คูติตัส แฮโตเกอ เฮ๊อ เป เฮ๊อ.

โครินธ์ เนอบ่า ต๊าบ่า 7:8

ลี เด๊อ แว ราจว๊า เป่ ซี เด๊อ อาเหร่อเค ต๊าบ่าเนอหม่า, อา เก่ เมซิเปล แหน่เจ๊อ ซี หม่าแน๊เรอ แว เตเนกู่ เน๊อ โต่, แว แด่ เร๊อ อาแร๊ แพ๊. แว ซูจว๊า กูลู่ เป่ ซี ลี เบ๊อะเนอ, แว แม๊เถอะ เร๊อ อา เมซิเปล ซี อาขว่าอาคยา, แว เตเนกู่ เกอเนอ, หม่าแน๊เรอ อา เมซิเปล แพ๊ ซี เตอเปลอฮู๊ แพ๊.