โครินธ์ เนอบ่า ต๊าบ่า 7:4 - ลีเทส่อพ๊าอาเซ เร๊อ เห่ขุทวาลู๊

⁴ แว หยื่อเอ่ ตาเต เกอเร๊อ แหน่เจ๊อ ซี เร๊อ แว ถู่เซ๊ เกอเร๊อ แหน่เจ๊อ ซี ปว๋า โตโพ๊ เจ๊อ เม. ฮู๊เนอ อาขว่าอาคยา เป แม๊เถอะเบ่ เอ๊แหน่เจ๊อ เร๊อ เตแป่เตเช หม่าแน๊เรอ เป ซิครือซิลอ แพ๊, โท๊โต่ เป ซิปล่อโม แพ๊.

Eastern Kayah Shadaw Dialect

⁴ ꤠꤢꤧ꤭ ꤛ꤫ꤢꤦ꤬ꤢꤩ꤬ ꤒꤢ꤭ꤒꤢꤩ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤞꤤ꤭ ꤚꤣꤧ꤬ ꤠꤢꤧ꤭ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ ꤗꤢꤩ꤭꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤕꤢꤩ꤬ ꤗꤢꤧꤓ꤫ꤣꤧ꤬ꤙꤢꤩ꤬ ꤢꤩꤔꤢꤧ꤬ꤡꤣꤧ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤖꤢꤧ, ꤓꤥ꤭ꤒꤥ꤬ ꤕꤢꤩ꤬ ꤞꤤꤕꤜꤢꤪ꤬ꤗꤥ꤬ ꤖꤢꤧ꤯

โครินธ์ เนอบ่า ต๊าบ่า 7:4 ပူးပေါင်းရင်းမြစ်များ

โครินธ์ เนอบ่า ต๊าบ่า 1:4

เบ๊อะเปแม๊เถอะ ป่อชิเต่อเบ่ เร๊อ เตแป่เตเช ล๋อ ปลี เต๊เห่ เบ๊อะเนอ, อา เมโม เมจว่า เป. เด๊อ อา เมโม เมจว่า เป ฮู๊เออ อาขว่าอาคยา, เป เมโม เมจว่าเบ๊ เป่ เกอ อูโร เด๊อ อา แม๊เถอะ ป่อชิเต่อเบ่ เร๊อ เตแป่เตเช ปว๊าเมวปว๊าเจ่อ เต๊เห่. เตเมโม เมจว่า เด๊อ เป เมโม เมจว่า อู เออ เต๊เห่ เนอหม่า, อา แซ่แพ๊ เร๊อ จอแปแหร่ เมโม เมจว่า เป เนอเต๊เห่ แพ๊.

โครินธ์ เนอบ่า ต๊าบ่า 3:12

เป ซิเง ตาเต เฮ๊อ เร๊อ เตอ๊อแล อาเซเออ อา เก่ โอ่หม่าโอ่กลอ ตูจูเพร ปา อาขว่าอาคยา, เป เก่ แด๊โฉ่โด่แน เป่ อู เร๊อ จอแปแหร่ อาลาอาโหง่ เนอ เป เฮ๊ ฮาบื่อ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:2

แว โป่แหว่ ซี๋, เบ๊อะซี๋ แม๊เถอะ ป่อชิเต่อเบ่ เร๊อ เตแป่เตเช เตอิลออี๊โหล่ ปว๋า เต๊อเจ่อ กาเบ่ ซี เบ๊อะเนอ, แด่ อา ฮู๊ เตซิครือ อาดุ เต๊อเจ่อ เด๊อ ซิเง เนอ นี๋.

โคโลสี 1:24

แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.

ฟีลิปปี 2:17

เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.

โครินธ์ อาเหร่อเล๊อ ต๊าบ่า 1:4

เด๊อ เหย่ซู่ครี๊ อาขว่าอาคยาเร๊อ, จอแปแหร่ เด๊อะตาเฮ๊อ ซี อาบุ๊ยอาเตอเรอ เฮ๊อ. เด๊อ อา เด๊อะ ซี ฮู๊เออ อาขว่าอาคยา, แว เฮ๊บุ๊ยเฮ๊เตอเรอ เป่ ซี จอแปแหร่ ปว๋า โตโพ๊ เจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:19

หม่าเมเตเรอ เป ซิหยื่อ จว๊าโอ่เล เกอโป่ แหน่เจ๊อ ซี เฮ๊เนอหม่า, ซี ย๋อ โอ่ เร๊อ ซี เตหยื่อ เด๊อ อาฉว่าอาชอ อาขว่าอาคยา, เป โอ่ เร๊อ เตแม๊ชือ, เป โอ่ เร๊อ เตซิครือซิลอ, เร๊อ เบ๊อะแบ่เจ่ เหย่ซู่ครี๊ แฮ เตอเนอปาเนอ, ซี ทวาเฮ๊อ เป เหล่พย๊าแถ่โลหนิ เป ซิปล่อ เด๊อ อาเป๊เส่เง ปา เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

ฮู๊ ซี ซิเง โทเฮ๊อเนอเฮ๊อ, เบ๊อะเป แฮ แต่เกอลา เด๊อ ซี โอ่โต่ เบ๊อะเนอ, วีฟีลิปปีพู๊ เต๊เห่ เมจาเมจือ เป, โทเรอ เมซิเตเร ลอ เป. อู เม จู๊แก่ ดู๊แด ตาตือ เจ๊อ เป หม่าแน๊เรอ แซ่ฮู๊ เป เก่ แด๊โฉ่โด่แน หนิเป่ ซี เร๊อ จอแปแหร่ อา เตซิครือมีลา เนอเรอ, เป จอแปแหร่ เด๊อะเฮ๊อ เป เตคือฮา เฮ๊อ.

ฟีลิปปี 1:20

แว เตซิหยื่อ เร๊อ แว เตแม๊ชือ หม่า อิเต เฮ๊เรอ, เด๊อ ครี๊ อา เป๊เส่เง ปาเนอ, แว เกล๊ ซิเตเรน๊อ แหน่ ปา ตีกี๋ โต่ เฮ๊อ. แว เซอเพร เบ่เบ่, แว เซอ เบ่เบ่, แซ่ฮู๊ อู เก่ ถู่เซ๊แถ่หนิ ครี๊ อาเงเนอเรอ, แว ซิหยื่อ โอ่เซอเพร เล๊อบา เจ๊อ เร๊อ เตซิปล่อคือฮา ฮู๊ แว คือแฮ เกอเร๊อ ปว๋า โตโพ๊ เนอแพ๊.

โครินธ์ เนอบ่า ต๊าบ่า 11:21

เป เมบื่อเกอฮู๊ เหย่ซี เม ซี เนอ โต่, เป โต๊โหร่ เซอแก เจ๊อดื่อ เงหนิ, โทเรอ เป ซิเตเร ดื่อเง หนิ. หม่าแน๊เรอ เหย่ซี เก่ เฮ๊เบ่ถู่เซ๊ บื่อ ฮู๊เนอ เฮ๊เรอ แว เก่ เฮ๊เบ่ถู่เซ๊ เกอ ฮู๊ แกแย ตีมุย เตเพร เฮ๊เบ่ถู่เซ๊ เนอ เฮ๊เรอ แว เฮ๊เบ่เบ๊ แพ๊แพ๊ กอ.

โครินธ์ เนอบ่า ต๊าบ่า 8:24

แซ่ฮู๊ เพรหยื่อเอ่ เออ เด๊อ อา โอ่ เด๊อ เพรหยื่อเอ่ตู๊หมู่ตอกล๊อ อากู ปว๊าตู๊หมู่ เนอเต๊เห่ เก่ ซิเง ตาเต เร๊อ ซี โม หม่าแหน่ อู อาเงเนอ, เด๊อะโล แลแค ซี เตโมเร๊อ เหย่ซี เออเต๊เห่เนอ นี๋. โท๊โต่ แซ่ฮู๊ เหย่ซี เก่ ซิเง แลแค เร๊อ เป ถู่เซ๊หนิ ซี เออเต๊เห่เนอ อาโต หม่าแหน่ เจ๊อ อาเงเนอ, เม แลแค ฮู๊เนอ นี๋.

โครินธ์ เนอบ่า ต๊าบ่า 2:14

หม่าแน๊เรอ, แว เฮ๊บุ๊ยเฮ๊เตอเรอ ถู่เซ๊แถ่ เต เด๊อ จอแปแหร่ เม เป่ เฮ๊อ เป เออเต๊เห่, เมเตเฮ๊เรอ เด๊อ เป ย๋อ ทวาแถ่เฮ๊อ เตเต๊อเจ่อ แพ๊เน๊อ ครี๊ อาขว่าอาคยา, จอแปแหร่ จว๊า เหร่อ เด๊อ เปเป๊เส่เง เร๊อ เป ครวาจว๊าเกอ ลู เด๊อ คยา เด๊อ อาแซ่เน๊อ อู ด๊อตา ครี๊ อาแกแย เด๊อ ทอกู เนอเต๊เห่ เฮ๊อ. จอแปแหร่ เด๊อะโล เฮ๊อ เป เร๊อ อู ปว๋า เตเพร เฮ๊อ. จอแปแหร่ นอแฮเง เฮ๊อ เป เด๊อ เป เก่ เลเด๊อะซิเง เป่ อู เร๊อ ครี๊ อาหรี่อาแก เด๊อ อาแซ่เน๊อ เตโนมื๊อโนชือ เออเนอ ปว๋า โต๊โผ่ เฮ๊อ.

โครินธ์ เนอบ่า ต๊าบ่า 1:14

กู๊แหน่เรอ ซี ซิเงโปล ปว๊า ลอ ล๋าย เปหรี่เปแก โต่, หม่าแน๊เรอ เด๊อคยาปาเนอ เป แม๊ชือ เร๊อ ซี เก่ ซิเงโปล ลอหล่าตี๊กลิ ลอ เจ๊อ เปหรี่เปแก ปา. ฮู๊เนอเรอ, เบ๊อะแบ่เจ่ เหย่ซู่ แฮคยาแซ๊ ปา เตอเนอเนอ, เด๊อ เปขว่าเปคยา เร๊อ ซี เก่ ซิครือซิลอ ฮู๊ เป ซิครือซิลอ เด๊อ ซีขว่าซีคยา เนอ ปา.

ꤚꤥꤗꤢꤩ꤬ 5:3

เป แม๊ชือ ตื๊อแพ๊ เออเนอ หม่าโต่, เบ๊อะเป แม๊เถอะ เร๊อ เตจาเตจือ, เตแป่เตเช เบ๊อะเนอ เบ่เบ่, เป ซิครือซิลอ แพ๊, เมเตเฮ๊เรอ เป ซิเง เร๊อ เต เออเต๊เห่เนอ อา เด๊อะ เอ๊แถ่ เป่ โป่ เป เตข่าเบ่ เตจาเตจือ แพ๊.

เพรโด่แนพู๊ เต๊เห่ 5:41

เพรโด่แนพู๊ เต๊เห่ เหย่ซีซิครือซิลอ เถ่จว๊าแก เด๊อ แกแยยิวพู๊ ทวาดุทวาเต เออเต๊เห่ อา เป๊เส่เง, เมเตเฮ๊เรอ เด๊อ เหย่ซู่ อาขว่าอาคยาเร๊อ, จอแปแหร่ แด่โอ่ แหน่ เฮ๊อ เหย่ซี เร๊อ อา โต แหน่ เฮ๊อ เร๊อ อา เบ่ ป่อชิเต่อ อู เมเตเร เหย่ซี ฮู๊เออ เนอหมา อา อาต่า แหน่ เฮ๊อ ฮู๊เนอ แพ๊.

โครินธ์ เนอบ่า ต๊าบ่า 7:14

เบ๊อะ คูติตัส จว๊า แต่ล๋าย เด๊อ ซี โอ่ โต่ เนอ, แว ถู่เซ๊ เกอเร๊อ ซี เด๊อ คูติตัส อาเป๊เส่เง เจ๊อ เม. ซี เม หม่าแหน่ เจ๊อ เฮ๊อ ฮู๊ แว ถู่เซ๊ เกอเร๊อ ซี เนอ เฮ๊อ. ซี เมเตเรน๊อ แว โตโพ๋ โต่. ฮู๊ แว เฮ๊เบ่จ๊อเฮ๊เบ่เต ซี ปว๋า โตโพ๊ เนอ, เป เฮ๊ เป่ คูติตัส เร๊อ ซีหรี่ซีแก เนอหม่า เป เฮ๊เบ่จ๊อเฮ๊เบ่เต แพ๊แพ๊.

โครินธ์ เนอบ่า ต๊าบ่า 10:8

เตอเรอฉว่าชอ เด๊อ แบ่เจ่ เด๊อะ แว เออเนอ, อา แซ่ เร๊อ แว เฮ๊เบ่ ถู่เซ๊ ซื๊อลือ เจ๊อ แวเหน่ ตีกี๊ แอ? หม่าแน๊เรอ แว ซิเตเรเน๊อโต่. เตเตอเรอฉว่าชอ เออเนอ, อา เก่ เม ดุแถ่ทูแถ่ ซี อาเง แพ๊, อา เมปย๊าเมหลู่ ซี อาเงเนอ หม่าโต่.

ฟีลิปปี 1:14

เด๊อ อู ด๊อตา แว เด๊อ ทอกู อาขว่าอาคยาเร๊อ, โป่แหว่ ครี๊พู๊ โอ่โหร่โอ่เอ๊ อา เตหยื่อเอ่หนิ แบ่เจ่ เออเนอ อา ฉว่าแถ่ชอแถ่ โต่ แลแค เร๊อ อา แด๊โฉ่โด่แน ฮา แฮ เป่ เฮ๊อ อู เร๊อ จอแปแหร่ อาลาอาโหง่, เร๊อ เหย่ซี ชิอิเช ปา แลแค เตอ เจ๋อ โต่ เฮ๊อ.

ฟีลิปปี 1:26

แซ่ฮู๊ ซี เก่ ถู่เซ๊หนิ เหย่ซู่ครี๊ เม เป่ เตเด๊อ แวเง เออเต๊เห่เนอเร๊อ, แว เก่ กา โอ่เต่อเกอ คยาแซ๊ เร๊อ ซี ปา.

เธสะโลนิกา เนอบ่า ต๊าบ่า 1:4

ฮู๊เนอ อาขว่าอาคยา, เป แหน่แบ่เจ่ เร๊อดื่อ เป แด๊โฉ่โด่แน โลเป่ เพรหยื่อเอ่ตู๊หมู่ตอกล๊อ เด๊อ อาโร เต๊เห่ เร๊อ ซีหรี่ซีแก. เบ๊อะซี ข่าเบ่ เตเมจาเมจือ เร๊อ เตแป่เตเช เต๊เห่ เบ๊อะเนอ, แด่ทูซิปล่อเบ๊ เร๊อ ซี โอ่หม่าโอ่กลอ เด๊อ ซี เตหยื่อเตแหน่ อากู อาขว่าอาคยา, เป แด่แถ่โล โม เกอเร๊อ แหน่เจ๊อ เป ซิปล่อ.

ฟีเลโมน 1:7

โคแบ๊ซว๊า โม, เน เตโม เนอ, อา เม ซิครือซิลอ แหน่เจ๊อ แว เร๊อ อา เด๊อะ ชอแถ่ แหน่เจ๊อ แวอ๊าแวเหร่. เด๊อ หม่าเต อาขว่าอาคยา เฮ๊เร๊อ, เน เมโม โทเฮ๊อ ล๋อ แกแย หยื่อเอ่ จอแปแหร่ เนอเต๊เห่ อาซิปล่อ เฮ๊อ.