โครินธ์ เนอบ่า ต๊าบ่า 7:11 - ลีเทส่อพ๊าอาเซ เร๊อ เห่ขุทวาลู๊11 เด๊อ ซี ซิเปลซิหย่อ อาขว่าอาคยาเร๊อ จอแปแหร่ เม เป่ ซี ฮู๊เต เนอ, แม๊มอ แลแค! ซี ซิปล่อฉว่า เมแฮเฮ๊อ แลแค เตจ๊อเตเต เต๊เห่ เฮ๊อ, ซี ซิปล่อฉว่า เด๊อะโล เฮ๊อ ซี เมเต เด๊อ อาโต เต๊เห่ เฮ๊อ. ซี ซิปล่อดุ แฮเฮ๊อ แกแย เมเตซื๊อ เด๊อ ซีเกล เต๊เห่เนอ เฮ๊อ, ซี ซิอิเช แฮเฮ๊อ เร๊อ จอแปแหร่ เก่ เมจากาคยา ซี ปา เฮ๊อ. ซี ซิหยื่อ แม๊เถอะ คยาแซ๊ เป เฮ๊อ. ซี ซิปล่อฉว่า หนิดา เฮ๊อ โหง่ เร๊อ ซี เก่ เมจากาคยาเฮ๊อ แกแย เด๊อ อา เมซื๊อเต เนอเต๊เห่ เฮ๊อ. เด๊อ ซี เม แลแค เฮ๊อ ฮู๊เออ อาขว่าอาคยา, ซี เด๊อะโล เฮ๊อ เร๊อ กู๊แหน่เออ ซี เตซื๊อ โอ่ ปาโต่ เฮ๊อ. အခန်းကိုကြည့်ပါ။Eastern Kayah Shadaw Dialect11 ꤘꤣ ꤞꤤ꤭ ꤞꤤꤕꤜꤢꤩ꤭ꤞꤤꤛꤢꤪ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤕ꤫ꤢꤩ꤬ ꤞꤤ꤭ ꤟꤢꤨꤒꤢꤩ꤭ ꤔꤣꤧ꤬, ꤗꤢꤧꤗꤣꤧ꤭ ꤜꤢ꤭ꤋꤢꤧ꤭! ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤟꤢꤧ꤭ꤟꤣꤧ ꤜꤢ꤭ꤋꤢꤧ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤟꤣꤧ, ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤘꤣꤧꤜꤥ꤭ ꤟꤣꤧ ꤞꤤ꤭ ꤗꤢꤩ꤬ꤒꤢꤩ꤬ ꤘꤣ ꤢ꤬ꤒꤥ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤞꤤ꤭ ꤞꤤꤕꤜꤢꤪ꤬ꤘꤢꤨ꤬ ꤟꤢꤧ꤭ꤟꤣꤧ ꤊꤣꤧ꤬ꤛꤢꤧ꤭ ꤗꤢꤩ꤬ꤒꤢꤩ꤬ꤞꤢꤦ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ, ꤞꤤ꤭ ꤞꤤꤤ꤬ꤏꤢꤩ꤭ ꤟꤢꤧ꤭ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤞꤤ꤭ ꤕꤢ꤭ ꤟꤣꤧ꤯ ꤞꤤ꤭ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤋꤛꤢ꤭ꤞꤢꤧ ꤕꤢꤩ꤬ ꤟꤣꤧ꤯ ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤔ꤫ꤤ꤬ꤘꤢ꤭ꤟꤣꤧ ꤍ꤫ꤥ꤬ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤘꤣꤧꤡꤢ꤭ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤢꤦꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤘꤣ ꤞꤤ꤭ ꤗꤢꤩ꤬ ꤜꤢ꤭ꤋꤢꤧ꤭ ꤟꤣꤧ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤘꤣꤧꤜꤥ꤭ ꤟꤣꤧ ꤔꤢꤧ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤒꤢꤩ꤬ꤞꤢꤦ ꤥ꤬ ꤕꤢ꤬ꤒꤥ꤬ ꤟꤣꤧ꤯ အခန်းကိုကြည့်ပါ။ |
โครินธ์ เนอบ่า ต๊าบ่า 7:11
54 ပူးပေါင်းရင်းမြစ်များ
คูติตัส แฮโต่ เร๊อ เป ซิครือ ตื๊อดื่อเนอ หม่าโต่, อา แด๊โฉ่ เป่ เป เร๊อ ซี เด๊อะอ๊าเด๊อะเหร่ ลู ฮู๊เต เนอ อาขว่าอาคยา, อา เมซิครือ เกอ แหน่เจ๊อ เป. อา เฮ๊โฉ่โล เป่ เป เร๊อ ซี ซิหนิโส่ แม๊เถอะ โกโน๊ แว โต่, โทเรอ ซี เตเนซิเปล เกอเร๊อ ซี เตเมซื๊อ เต๊เห่, โท๊โต่ ซี โอ่ ตี๊หรี่แตแร หนื่ออื่อเฮ๊อ เด๊อ ซี เก่ เฮ๊เบ่ เตเกบี๊เกอเร๊อ เป่ แว, อา แด๊โฉ่โลหนิ เป่ แว ฮู๊เออ อาขว่าอาคยา, กู๊แหน่เรอ แว เหล่ ซิครือเล๊อ ปาปา.
เบ๊อะซี กุยจ๊อเบแถ่ จอแปแหร่ เบ๊อะเนอ, “เพ” ซี เอ๊ แลแค ลู ฮู๊เนอ. แกแย ปว๋า เตเพร เมโทเฮ๊อ เตอิเตเต๋ เบ่เบ่ เนอ, จอแปแหร่ เมจากาคยา จ๊อจ๊อเตเต แพ๊, อา แม๊ดุแม๊ปีตี๊ โต่. ฮู๊เนอเรอ เบ๊อะซี โอ่เซอเพร ปา ฮู๊ ซิเผระ เด๊อ เห่ขุเออ เบ๊อะเนอ, โอ่เซอเพร แลแค เด๊อ เตซิอิเซ แด่หยื่อแด่แหน่ จอแปแหร่ อากู นี๋.
เตเฮ๊เบ่ เออเนอหมา อาจ๊ออาเต. แซ่ฮู๊ แกแย เด๊อ อา หยื่อเอ่แลแค จอแปแหร่ เต๊เห่ เก่ ซิปล่อป่า เร๊อ เด๊อะแลเกอ แลแค ซิปล่อ เด๊อ อา เก่ เม เตแร๊ เต๊เห่ อาเงเนอ, แว ซิหยื่อ เด๊อ เน เก่ อิซว๊า ซิปล่อป่า ตาเต เป่อู เร๊อ เตหรี่เตแก เออเต๊เห่. เตเออเต๊เห่ หม่า อาแร๊ แหน่เจ๊อ เร๊อ อา ทวาบุ๊ยทวาเตอเรอ แหน่เจ๊อ เด๊อ อู ปว๋า เตเพร อาเง เจ๊อ.
ฮู๊เนอเรอ, โคแบ๊ซว๊าโม ซี๋ เบ๊อะแว โอ่เต่อเกอ เร๊อ ซี เบ๊อะเนอ, ซี หนิดา แว โหง่, กู๊แหน่เออ แว โอ่ยา เร๊อ ซี อาขว่าอาคยา, ซี โตเบ่ หนิดา เล๊อ ปา เจ๊อ แวโหง่ เจ๊อ. แซ่ฮู๊ ซี เก่ เมเล๊อบาแถ่ เตเมแลเปล๊กา ซี อาเงเนอ, แอ๊จื๊อ เม แลแค เต เด๊อ เตแด่หยื่อแด่แหน่ จอแปแหร่ อากู, เร๊อ เม เต่อเกอดื่อ เร๊อ เตชิอิเช แตแนตากยา เจ๊อ อาเนอ นี๋.
เป กุยจ๊อเบ เร๊อ ซี เก่ เม แฮเง ปา แต่ เตซื๊อ แต่เหม่, เมเตเฮ๊เรอ แซ่ฮู๊ อู เก่ ซิเง เร๊อ เป หม่า ครี๊ อา เพรโด่แนพู๊ เต๊เห่ หม่าแหน่ เต๊เห่ อาเงเนอเรอ, เป กุยจ๊อเบ ฮู๊เนอ หม่าโต่. ซี เก่ เตเน แลแค เป เร๊อ เป หม่า เพรโด่แนพู๊ เต๊เห่ เด๊อ อา หม่าแหน่ เต๊เห่ เบ่เบ่, อา หม่าแหน่ โต่ เต๊เห่ เบ่เบ่, อา เหล่เฮ๊โอ่ เน๊อ เตอเจ๋อ โต่, เต เด๊อ เป ซิหยื่อ หม่าแหน่ เนอหม่า อิเต เฮ๊เรอ ซี เก่ เมเตแร๊ เฮ๊เนอหม่า โป่ เฮ๊อ.
เมเตเฮ๊เรอ ซี ซิปล่อฉว่า เมจว่า เหย่ซี บ๋า เต เนอ, แว ซิเง. แว ถู่เซ๊หนิ เป่ เป โคแบ๊ซว๊า เด๊อ มาซิโดเนีย เก่กู เนอเต๊เห่ เร๊อ ซีหรี่ซีแก เต๊เห่ เฮ๊อ. แว เฮ๊ เป่ เหย่ซี เร๊อ ซี เพรหยื่อเอ่ เออ เด๊อ อาคายา เก่กู เออเต๊เห่เนอ, อา ตี๊หรี่แตแร หนื่ออื่อ รือ เด๊อ หน่าเฮ๊หนื่อ ปา เจ๊อ. ซี เตซิปล่อฉว่า เออเนอ, อา ถู่แรแถ่ เอ๊แหน่เจ๊อ มาซิโดเนีย เก่พู๊ เต๊เห่ อาซิปล่อ เด๊อ อา เก่ เมจว่า เกออู ฮู๊เนอ ปา เฮ๊อ.
โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.
อา เมหน่าจา เหย่ซู่ อาซิปล่อ, เมเตเฮ๊เรอ เหย่ซีชอ ลอปลี เจ๊อ ปว๋า เตเพร. เตซิยอ เกอเร๊อ อูเนอ อา โอ่ เจ๊อ เตกี๋ โต่ อาคยา, เหย่ซู่ แม๊ เหย่ ซี เร๊อ อา ซิปล่อดุ ตาลว๊าซิลือเร๊อ อา เฮ๊ แกแย กู๊ขุเซอ ตากยา เออเตเพร เน๊อ, “บ๊อเถ่ เน กู๊ขุเนอ,” เร๊อ อา บ๊อเถ่ อากู๊ขุ, เร๊อ อากู๊ขุ แร๊กาคยา ตว่าลอ คยาแซ๊.
หม่าแน๊เรอ กู๊แหน่เออ, แว ซิครือ เฮ๊อ. ซี ซิเปลซิหย่อ อาขว่าอาคยาเร๊อ แว ซิครือ ฮู๊เนอ หม่าโต่. ซี เตซิเปลซิหย่อ เออเนอ, อา เด๊อะทวาแถ่ เฮ๊อ ซี เตถู่แหล่แต๊แกละกา ซีซิปล่อ เฮ๊อ อาขว่าอาคยาเร๊อ แว ซิครือ แพ๊. จอแปแหร่ ซิหยื่อเฮ๊อ แกแย เด๊อ อา ซิเปลซิหย่อ ฮู๊เนอ เต๊เห่ เฮ๊อ. ฮู๊เนอ อาขว่าอาคยา เป เมหน่าเมจา ซี เตอเจ๋อ โต่.
ซี โตเบ่ เมซื๊อหนิ ซี โป่แหว่ ครี๊พู๊ เต๊เห่ เร๊อ เต ฮู๊เนอเต๊เห่ เตเพร่ว โต่. ซี โตเบ่ อี๊หล่า แลโฮเอ่หนิ เด๊อ ซี โป่แหว่ ครี๊พู๊ เต๊เห่ อาขุ เตเพร่ว โต่. แกแย เด๊อ อา เมฮู๊เนอ เต๊เห่เนอ, แบ่เจ่ เก่ เมจากาคยา เหย่ซี ปา. ฮู๊เออ เต๊เห่เนอ เป เฮ๊โฉ่โด่แนโล เป่ โทลอเฮ๊อ ซี, เป เด๊อะรอเด๊อะเร โทลอเฮ๊อ ซี เฮ๊อ.
ကြော်ငြာတွေ