โครินธ์ เนอบ่า ต๊าบ่า 7:1 - ลีเทส่อพ๊าอาเซ เร๊อ เห่ขุทวาลู๊

¹ โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.

Eastern Kayah Shadaw Dialect

¹ ꤋꤥ꤭ꤙꤢꤧꤞꤝꤢ ꤞꤤ꤭꤮ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤕꤢꤩ꤬ꤑꤢꤩ꤭ ꤜꤢꤪ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤊ꤫ꤢꤦ꤬ ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤕꤢꤩ꤬ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤥ꤮꤯ ꤚꤣꤧ꤬ ꤘꤣ ꤕꤢꤩ꤬ ꤞꤤꤤ꤬ꤏꤢꤩ꤭ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤥ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤢ꤬ꤒꤢꤩ꤬ꤞꤤꤛ꤫ꤢꤦ꤬ ꤒꤣꤧ꤬ꤟꤢꤩ꤬ ꤕꤥ꤮꤯

โครินธ์ เนอบ่า ต๊าบ่า 7:1 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:7

เมเตเฮ๊เรอ จอแปแหร่ เอ๊ เป เด๊อ เป เก่ เบ่ โอ่เซอเพร เมซื๊อ เพรเหมาะเพรคู อาเงเนอ หม่าโต่. แซ่ฮู๊ เป เตก๊อถ่อโอ่แน ซีเต๊เห่ เก่ อาโพ๊อาแปละ อาเงเนอเรอ, อา เอ๊ เป แพ๊.

เปโตร อาเหร่อเล๊อ ต๊าบ่า 2:11

แว โคแบ๊ซว๊าโม ซี๋, เด๊อ เห่ขุเออเนอ ซี หม่า อาแซ่เน๊อ แกแย จว๊าทวา เทอโรเก่กลอพู๊ เร๊อ ซิเผระ เต๊เห่ แพ๊. แว กุยซิยอ ซี เร๊อ ซี เก่ จว๊า ตาพาแก แลแค เร๊อ ซี เหน่กล่อ อา เตซิหยื่อซิลอ มู๊แหม่ เด๊อ อาช๊าอาปา โตโมโม เกอเร๊อ ซี ซิปล่อ เออเนอเต๊เห่ นี๋.

ꤡꤛꤢꤩ꤭ꤗꤢ꤬ꤎꤣ꤬ 4:8

ซ๊าซื๊อ แฮผื่อ แลแค ซีเหน่ เร๊อ จอแปแหร่ ตื๊อหม่า อา ซ๊าซื๊อ แฮผื่อเกอ อาเหน่ เร๊อ ซี แพ๊. เพรเมเตซื๊อ ซี๋, ซู๊ปลีแก แลแค ซี กู๊ขุเนอ. แกแย ซิปล่อ โอ่เอ๊ ซี๋, เมโพ๊เมแปละ แลแค ซี ซิปล่อเนอ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

แกแย เด๊อ อา โอ่ป่อแม๊ชือ แลแค เร๊อ อา เก่ ทวาแถ่ แซ่เน๊อ เหย่ซู่ครี๊ ปา เต๊เห่เนอ, ฮู๊ ครี๊ บูโพ๊เนอ, อา เก่ แด่บูโพ๊ เกอ อาเหน่ ฮู๊เนอ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:23

จอแปแหร่ เด๊อ อา เด๊อะ เป เตโส่เตเคร เออเตเพร อาเหน่แบ่เจ่ เร๊อดื่อ เก่ เมบูโพ๊ เล๊อบาแถ่ ดื่อ ซี นี๋. โท๊โต่ ช๋า เป แบ่เจ่ เหย่ซู่ครี๊ เก่ แฮ คยาแซ๊ ปาเนอ, แซ่ฮู๊ อู เก่ แด่แจ่ปา แต่ ซี เตซื๊อ แต่เหม่ เนอเรอ, จอแปแหร่ เก่ แม๊ตู่หนิ ลอเกอ โป่ดื่อ ซี เหน่กล่อ เร๊อ ซีซิปล่อ เร๊อ ซี ซิปล่อเซอเพร ปา นี๋.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:7

หม่าแน๊เรอ เป เก่ โอ่เซอเพร เด๊อ เตลี อากู ฮู๊ จอแปแหร่ โอ่ เด๊อ เตลี อากู เฮ๊เนอหม่า, เป โอ่ เร๊อ เตแบ๊ซว๊าแบ๊โค แคลู เตเพร เร๊อ เตเพร, โทเรอ จอแปแหร่ อาพู๊คู เหย่ซู่ครี๊ อาสุ่ยเนอ อา เก่ ซู๊ปลีแก ลอ เฮ๊อ เป เตซื๊อเตปล๊า เต๊เห่.

ꤟꤤꤙꤚꤢꤨ 4:1

จอแปแหร่ อ๊อแล ตื๊อดื่อปา เป โต่กู๊แหน่ เน๊อ เป เก่ โนหนิ เด๊อ เหล่โอ่โก๊ เตเบ๊ซิพร๊า อาเหล่โอ่ เออเนอปา. แซ่ฮู๊ ซี ปว๋า เตเพร เก่ โนหนิ เกอ เด๊อ เหล่โอ่โก๊ เตเบ๊ซิพร๊า เด๊อ จอแปแหร่ อ๊อแล เออ อาเงเนอ, เป เบ่รอเร๊อ แลแค เปเหน่.

มัทธิว 5:48

เมฮู๊เนอเรอ, ฮู๊ ซีเพ เด๊อ ม๊อขุ เออเตเพร อา แร๊เล๊อบา เนอ, แร๊เล๊อะบา แซ่เกอ เร๊อ อา เนอ นี๋.”

มัทธิว 5:8

แกแย เด๊อ อาซิปล่อ อาโพ๊อาแปละ เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ อา เก่ แม๊เถอะ ผื่อต๊อต่อ เจ๊อ อาเหน่ เร๊อ จอแปแหร่ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:9

หม่าแน๊เรอ เป เก่ แด๊โฉ่โล จอแปแหร่ เน๊อ เป เม เตซื๊อเตโอ่หร่า เต๊เห่ เฮ๊เนอหม่า จอแปแหร่ เออเนอ อาจ๊อ เร๊อ อา เตอ๊อแล เร๊อ อา เมโตเมเบ่ เต, โท๊โต่ อา เก่ ปลวาแก เป เตซื๊อ ล๋อ ปลี เร๊อ อา เก่ เมโพ๊เมปลี กาคยา คยาแซ๊ ลอ ล๋อ เป เมเตโต่ โต่ เนอเต๊เห่ ปา.

เอเฟซัส 2:3

เด๋อ อาเหร่อเค เนอหม่า, เป โอ่เซอเพร แซ่เน๊อ เหย่ซี เนอเฮ๊อ. เป โอ่เซอเพร ฮู๊ เป่ ซิปล่อ เหล่โกล ซิหยื่อ เมเตซื๊อ เนอเต๊เห่ แพ๊. เป จว๊าเมโม เปเหน่ เร๊อ เปเหน่กล่อ สุ่ยเทอ เหล่โกล ซิหยื่อ มู๊แหม่ เนอเต๊เห่ เร๊อ เหล่เตเน มู๊แหม่ เต๊เห่. จอแปแหร่ โตเบ่เมจากาคยา เกอ เจ๊อ เป ฮู๊ เหย่ซี เนอ เจ๊อ.

ꤚꤥꤗꤢꤩ꤬ 5:20

แซ่ฮู๊ แกแย ล๋อ ปลี เก่ ซิเง เร๊อ เหย่ซี เมซื๊อ เอ๊แหน่เจ๊อ อาเงเนอ, จอแปแหร่ เด๊อะตาเป่ เฮ๊อ เหย่ซี เตซว๊าเตแส่ เออเนอ เฮ๊อ. หม่าแน๊เรอ เบ๊อะเหย่ซี เมเตซื๊อ เอ๊แถ่ เร๊อ เอ๊แถ่ เบ๊อะเนอ, จอแปแหร่ อา เตบุ๊ยเตเตอเรอ เออ อา ลื๋อ โอ่เอ๊แถ่ เร๊อ โอ่เอ๊แถ่แถ่ เจ๊อ.

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

ꤟꤤꤙꤚꤢꤨ 12:28

ฮู๊เนอเรอ, เป เฮ๊บุ๊ยเฮ๊เตอเรอ โหร่ลู จอแปแหร่ โป๋, เมเตเฮ๊เรอ เป พย๊าหนิเฮ๊อ เทอเก่ เด๊อ อา โกโย แจ่โต่ เออเต๊เก่เฮ๊อ. เป เก่ จ๊อเบแถ่ จอแปแหร่ เน๊อ เตจ๊อเบ เด๊อ อาโต เน๊อ ลูซิปล่อ เน๊อ เตซิอิเช แดดุแด่ทู อากู เออเนอโป๋.

ꤟꤤꤙꤚꤢꤨ 12:23

ซี แฮโต่เฮ๊อ เด๊อ จอแปแหร่ อา พู๊แหว่เพร่ว เต๊เห่ เหล่แฮโอป่อ เต่อลู อา เหล่โอ่ เฮ๊อ. อู ราโนม๊า โอ่เฮ๊อ เหย่ซีมุย เด๊อ ม๊อขุ เฮ๊อ. ซี แฮโต่ แลแค เฮ๊อ เด๊อ จอแปแหร่ เด๊อ อา เก่ เมจากาคยา เร๊อดื่อ อู ปว๋า เตเพร เน๊อ อาเหน่แหน่แบ่เจ่ เออเตเพร อาเป๊เส่เง เฮ๊อ. ซี แฮโต่เฮ๊อ เด๊อ แกแยจ๊อ แกแยเต เด๊อ เนอเค เต๊เห่ อา ซิปล่อเซอเพร เด๊อจอแปแหร่ เมเล๊อบา โทเฮ๊อ ลูเออเต๊เห่ อา โอ่ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:13

เบ๊อะเป แบ่เจ่ เหย่ซู่ แฮแล เต่อ เร๊อ อาแกแย บูโพ๊ เต๊เห่ ล๊อปลี ปา เบ๊อะเนอ, แซ่ฮู๊ อู เหล่แด่ ซี เตซื๊อ เก่ โอ่ ปา แต่เหม่, โท๊โต่ แซ่ฮู๊ ซี เก่ บูโพ๊ เด๊อ เป จอแปแหร่ เร๊อ เปเพ เร๊อดื่อ เออเตเพร อาเป๊เส่เง ปาเนอ, อา เก่ เด๊อะฉว่าเด๊อะชอ เกอเร๊อดื่อ ซี ซิปล่อ อาอ๊าอาเหร่ นี๋.

โครินธ์ เนอบ่า ต๊าบ่า 1:20

แบ่เจ่ เหย่ซู่ เมเล๊อเมบา เป่ ลอ เฮ๊อ ล๋อ จอแปแหร่ อา เตอ๊อแล เนอเต๊เห่ เฮ๊อ. อา เมเล๊อเมบา เป่ จอแปแหร่ อา เตอ๊อแล เออเนอหมา, เป ซิปล่อโต เกอ แพ๊ เร๊อ เป เก่ เฮ๊ เน๊อ, “อาเมน” อาโหง่แลช๊า หม่า “อา หม่าแหน่ เจ๊อ” เร๊อ เป เก่ ถู่เซ๊แถ่ จอแปแหร่ ฮู๊เนอ.

เพรโด่แนพู๊ เต๊เห่ 9:31

ฮู๊เนอเรอ เบ๊อะเนอเค เพรหยื่อเอ่ ตู๊หมู่ตอกล๊อ เด๊อ อา โอ่ เด๊อ ยูดาห์เก่, กาลิลีเก่, สะมาเรียเก่ เออเต๊เห่ อากู เต๊เห่ โอ่โส่โอ่เคร น๊อเกอ เนอ อู แพ๊. เด๊อ แหย่โยบูโพ๊แบ่เจ่ อาขว่าอาคยา, เพรหยื่อเอ่ ตู๊หมู่ตอกล๊อ เต๊เห่ อาอ๊าอาเหร่ ฉว่าแถ่ชอแถ่, เหย่ซี หนิอ๊าหนิเหร่, เหย่ซี โอ่โหร่โอ่เอ๊แถ่ เร๊อ โอ่เซอเพร แลแค เด๊อ เตแด่ดุหยื่อแหน่ แบ่เจ่ อากู.

มัทธิว 12:33

“ส่อเหมาะ เด๊อ อาแร๊ เนอ, อา เก่ เส่เถ่ ส่อเส่ เด๊อ อาแร๊ปา, หม่าแน๊เรอ ส่อเหมาะ เด๊อ อา อาแร๊โต่, อาเส่เถ่ แร๊ โต่. เมเตเฮ๊เรอ เนแม๊ ส่อเหมาะ เนอ เนซิเง แจ่ดื่อ ส่อเหมาะ อาหรี่อาแก เฮ๊อ.

ꤟꤤꤙꤚꤢꤨ 6:9

หม่าแน๊เรอ โคแบ๊ซว๊า ซี๋, เป เฮ๊เจ๊อ ฮู๊เออ หม่าแน๊เรอ เป หยื่อเอ่เร๊อ ซี แพ๊. เป หยื่อเอ่เร๊อ หม่าแหน่ เจ๊อ เร๊อ ซี เก่ เม แพ๊ เตแร๊ เต๊เห่ ปา. เตแร๊ เออเต๊เห่เนอ, อา แฮ เด๊อ ซี พย๊าหนิเฮ๊อ เตเมแลเปล๊กา เออเนอ อา โอ่ แพ๊.

เปโตร อาเหร่อเล๊อ ต๊าบ่า 1:15

จอแปแหร่ เด๊อ อา นว๊าแถ่ ซี เออเตเพร เนอหม่า อาบูโพ๊ อาขว่าอาคยา, ซี แรเต อิเตเต๋ เบ่เบ่ เนอ, โอ่เซอเพร บูโพ๊ แลแค.

เปโตร อาเหร่อเล๊อ ต๊าบ่า 1:17

เบ๊อะซี กุยจ๊อเบแถ่ จอแปแหร่ เบ๊อะเนอ, “เพ” ซี เอ๊ แลแค ลู ฮู๊เนอ. แกแย ปว๋า เตเพร เมโทเฮ๊อ เตอิเตเต๋ เบ่เบ่ เนอ, จอแปแหร่ เมจากาคยา จ๊อจ๊อเตเต แพ๊, อา แม๊ดุแม๊ปีตี๊ โต่. ฮู๊เนอเรอ เบ๊อะซี โอ่เซอเพร ปา ฮู๊ ซิเผระ เด๊อ เห่ขุเออ เบ๊อะเนอ, โอ่เซอเพร แลแค เด๊อ เตซิอิเซ แด่หยื่อแด่แหน่ จอแปแหร่ อากู นี๋.