โครินธ์ เนอบ่า ต๊าบ่า 6:6 - ลีเทส่อพ๊าอาเซ เร๊อ เห่ขุทวาลู๊

⁶ เด๊อ เป ทวา หม่าเฮ๊อ จอแปแหร่ อาหลู่เล๊ เต๊เห่ อาขว่าอาคยา, เป เด๊อะโล เป่ อู เร๊อ เป ซิปล่อ อาโพ๊อาแปละ, เป เตซิคว๊าซิเง, เป เตซิปล่อทู, เป เตซิยอเร๊อ อู เออเต๊เห่ เฮ๊อ. แหย่โยบูโพ๊ แบ่เจ่ โอ่ เด๊อ เปกู เร๊อ เป โม ลอซิปล่อสู่เทอ เจ๊อ อู เจ๊อ.

Eastern Kayah Shadaw Dialect

⁶ ꤘꤣ ꤕꤢꤩ꤬ ꤓꤝꤢ꤭ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤘꤣꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤕꤢꤩ꤬ ꤞꤤꤕꤜꤢꤪ꤬ ꤕꤜꤤ꤭ꤖꤥ, ꤕꤢꤩ꤬ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭, ꤕꤢꤩ꤬ ꤒꤢꤩ꤬ꤞꤤꤕꤜꤢꤪ꤬ꤓꤢꤨ꤭, ꤕꤢꤩ꤬ ꤒꤢꤩ꤬ꤞꤤꤛꤢꤪ꤬ꤚꤣꤧ ꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤥ꤬ ꤘꤣ ꤕꤢꤩ꤬ꤊꤢꤨ꤭ ꤚꤣꤧ꤬ ꤕꤢꤩ꤬ ꤗꤥ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤡꤣꤧ ꤢꤨ꤭ ꤡꤣꤧ꤯

โครินธ์ เนอบ่า ต๊าบ่า 6:6 ပူးပေါင်းရင်းမြစ်များ

โคโลสี 1:27

จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

เอเฟซัส 4:32

เมโมเมแร๊ หนิเกอเร๊อ ลู เร๊อ ซิยอ หนิเกอเร๊อ ลู เตเพร เร๊อ เตเพร นี๋. เด๊อ ครี๊ อาขว่าอาคยาเร๊อ, จอแปแหร่ ปลวาแก เฮ๊อ ซี เตซื๊อ อาขว่าอาคยา, ปลวาแก หนิเกอเร๊อ เกอ ลู เตซื๊อ เตเพร เร๊อ เตเพร ฮู๊เนอ นี๋.

เอเฟซัส 4:2

เด๊อ ซี แรเต ล๋อ ปลี อาเกลเนอ, ซี โตเบ่ ทวา แลแค แกแย เด๊อ อา แด่หยว่า อาซิปล่อ เร๊อ อา ซิโดซิงา เต๊เห่. โทเรอ แด่ทูซิปล่อ หนิเกอเร๊อ แลแค ลู เตเพร เร๊อ เตเพร เด๊อ เตโม เกอเร๊อลู อากู เนอ นี๋.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

ꤊꤢ꤬ꤜꤢ꤬ꤒꤤ 3:5

ฮู๊เนอเรอ เด๊อ ซี ครวาเมเกอ เตซว๊าเตแส่ อาคยา เร๊อ จอแปแหร่ เด๊อ ซี แหย่โยบูโพ๊ แบ่เจ่ เร๊อ อา เม เตโค๊ตีกลี๊ เด๊อ ซีเกล ฮู๊เนอ แอ? ฮู๊เนอ หม่าโต่. เด๊อ ซี หนิโฮ เตซิครือมีลา เร๊อ ซี หยื่อเอ่ อาขว่าอาคยาเร๊อ อา เด๊อ แพ๊ ซี แพ๊. เด๊อ ซี ลือครวาเม เกอ เตซว๊าเตแส่ เออ อาคยา เนอ หม่าโต่.

โครินธ์ เนอบ่า ต๊าบ่า 12:15

แวลอแวแก แวรือแวเท, แวอ๊าแวเหร่, เตปว๋า เต๊อเจ่อ เด๊อ ซีเง เนอ, แว ซิครือซิลอ แพ๊. แว โม เจ๊อ ซี บ๊าเออ เจ๊อ หม่าแน๊เรอ ซี เตโม แว เนอ อา แซ่ เร๊อ อาปีตี๊ กาแล โต่บย่า ฮู๊เต?

โครินธ์ เนอบ่า ต๊าบ่า 11:11

แว เฮ๊ ฮู๊เออเรอ แว โม ซี โต่ ฮู๊เนอ แอ? แว โม ซี เนอหม่า จอแปแหร่ ซิเง.

โครินธ์ เนอบ่า ต๊าบ่า 11:6

แว เฮ๊เบ่แจ่ เฮ๊เบ่ลีแม เกอ เร๊อ อู โต่ หม่าแน๊เรอ แว ซิเง ตาเต ลอปลี เจ๊อ จอแปแหร่ อา เตหมะเตจ๊อ เต๊เห่ วา. เป โอ่ เร๊อ เตซิเง จอแปแหร่ อา เตหมะเตจ๊อ เออเนอหมา เป เด๊อะโล ตาเต เป่ เฮ๊อ ซี ปว๋า โตโพ๊ เฮ๊อ.

โครินธ์ เนอบ่า ต๊าบ่า 11:4

เมเตเฮ๊เรอ อูเป เตเพร เบ่เบ่, อา ดาแฮโน แด๊โฉ่โด่แน เป่ เฮ๊อ ซี เร๊อ เหย่ซู่ อาหรี่อาแก เด๊อ อา โค๊ดื่อ เร๊อ เป แด๊โฉ่ เป่ ซี เออเนอ เฮ๊เรอ ซี ซิครือซิลอ เอ๊ฉื่อ เจ๊อ ลู. เร๊อ ซี พย๊าฉื่อ ยูงย๊า เจ๊อ แหย่โยบูโพ๊ แบ่เจ่ เด๊อ อา โค๊ดื่อ เร๊อ ซี พย๊าฉื่อ โทเฮ๊อ เนอ เตเพร, โท๊โต่ ซี หยื่อเอ่ยูงย๊า แพ๊ เตซิครือมีลา เด๊อ อา โค๊ดื่อ เร๊อ เป แด๊โฉ่โด่แน เป่ โทเฮ๊อ ซี เนอเต๊เห่ เฮ๊อ.

โครินธ์ เนอบ่า ต๊าบ่า 7:2

โป่แหว่ ซี๋, เด๊อะโลเกอ แลแค ซี เตโม เป แต๋. เป เมซื๊อเมปล๊าน๊อ อู เตเพร่ว โต่. เป เมแป่เมเชน๊อ เร๊อ อู เตเพร่ว โต่ โต่. เป จว๊าเอ่ตือโอตือ น๊อ เร๊อ อูขุ เตเพร่ว โต่ โต่.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

โครินธ์ เนอบ่า ต๊าบ่า 3:3

ซี เออเต๊เห่ เนอหม่า, อา แซ่เฮ๊อเร๊อ ลี เด๊อ ครี๊ รา เร๊อ อา ซูแฮ แฮเง เร๊อ เป เออเต๊เห่เนอ เฮ๊อ. หม่าแน๊เรอ อา รา เร๊อ ลีโบ เร๊อ ลีโบเทอ เออเนอ หม่าโต่, โท๊โต่ อา รา โอ่ เด๊อ หล่อบ่าลู ฮู๊ คูโมเสส อาหล่อบ่า เนอ หม่าโต่โต่. ครี๊ นอรา แฮเง เฮ๊อ ลีปล่อเออ เด๊อ ซี ซิปล่อ เต๊เห่ อาลู เร๊อ อา แหย่โยบูโพ๊ แบ่เจ่ เฮ๊อ. จอแปแหร่ เด๊อ อา เซอเพร เออเตเพร นอแฮ แหย่โยบูโพ๊ แบ่เจ่ เก่ แฮ โอ่เซอเพร เด๊อ ซีเหน่ลู เฮ๊อ.

โครินธ์ เนอบ่า ต๊าบ่า 2:4

เบ๊อะแว ราจว๊า เป่ ซี ลี เนอต๊าบ่า เบ๊อะเนอ, แว ซิปล่อโม เจ๊อ ตีกี๋ โต่, อากู่อาแก แหน่เจ๊อ แว. โท๊โต่ แว เป๊เส่เทอ บาตีปี๋ เจ๊อ. หม่าแน๊เรอ แว ซิหยื่อ เมซิเปล ซิหย่อ ซี ฮู๊เนอ หม่าโต่, แว ซิหยื่อ นอซิเง ซี เร๊อ แว โม เจ๊อ ซี บ๋า เต ฮู๊เนอแพ๊.

โครินธ์ อาเหร่อเล๊อ ต๊าบ่า 13:4

เป เก่ โมเร๊อ อู เฮ๊เนอ, เป แด่ทูซิปล่อเบ๊, เป ซิยอ เร๊อ อู, เป ซิเคว๊ เกออู เต โต่, เป เฮ๊เบ่แถ่โล เปโหง่ โต่, เป แด่ดุ แด่แถ่โล เปเหน่ โต่.

โครินธ์ อาเหร่อเล๊อ ต๊าบ่า 2:16

ฮู๊ ลีเทส่อพ๊ากู เฮ๊ เน๊อ, “อูเป เตเพร ซิเงทว๊าเบ๊ แบ่เจ่ อาซิปล่อ เป? แกแย เด๊อ อา เด๊อะซีเงจว่าเบ๊ เป่ เกอ แบ่เจ่ เน๊อ อา เตเตเน เต๊เห่ เนอหม่า อา โอ่ เตเพรเพร แอ?” หม่าแน๊เรอ เป เออเต๊เห่เนอ, เป พย๊าหนิ โทเฮ๊อ ครี๊ อาซิปล่อ อา เตเตเน เต๊เห่ เฮ๊อ.

ꤚꤥꤗꤢꤩ꤬ 12:9

โมค๊าโมโข่ แต่ อู แต่เหม่ นี๋. ซิหย่อแก เตมู๊แหม่รีแจ่ นี๋. ดี๊กลา หม่าหนิแร๊ แลแค เตแร๊ นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:18

แวพู๊แวเลอ ซี๋, เป เตโม เออเนอ นอพราเถ่ แต่ ตื๊อแพ๊ เด๊อ ซี กู๊อู่กู๊เผ่ลู เนอ แต่เหม่ นี๋. ซี โตเบ่ เมจว่า หม่าแหน่ อู ฮู๊ จอแปแหร่ โม หม่าแหน่ เป เนอ.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

ทิโมธี อาเหร่อเล๊อ ต๊าบ่า 4:12

เน หม่า แกแย พู๊เส่ อาขว่าอาคยา, นอเตเน ปีตี๊ แต่ อู เร๊อ เนเหน่ แต่เหม่ นี๋. โท๊โต่, เน เตเฮ๊เบ่เฮ๊โช เต๊เห่ เบ่เบ่, เน เมเต อิเตเต๋ เบ่เบ่, เน เตโม เบ่เบ่, เน เตหยื่อเตแหน่ เบ่เบ่, เน ซิปล่อ อา เตโพ๊แปละ เต๊เห่ เบ่เบ่, ทวาแถ่ เป่ อู เหล่แม๊บือ เด๊อ อาแร๊ เด๊อ แกแย หยื่อเอ่เต เต๊เห่ อาเง นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:10

เบ๊อะเป โอ่เต่อเกอ เน๊อ ซี เพรหยื่อเอ่ เออ เต๊เห่ เบ๊อะเนอ, เป โอ่เซอเพร บูโพ๊, เป โอ่จ๊อโอ่เต, โทเรอ เป เมเตซื๊อ โต่ เนอ ซี ซิเงดื่อเฮ๊อ. เป หม่า แกแย ฮู๊เต เต๊เห่เนอหม่า, ซี เร๊อ จอแปแหร่ เก่ ข่าเฮ๊โล ดื่อ เฮ๊อ.

โคโลสี 3:12

ซี หม่า จอแปแหร่ อาแกแย เด๊อ อา โพ๊แปละอาโพ๊อาแปละ เร๊อ อา โม หนิเกอเร๊อ เต๊เห่, เร๊อ อา นว๊าแถ่ หนิเกอเร๊อ เฮ๊อ ซี เฮ๊อ. ฮู๊เนอเรอ กือแซ๊แถ่ แลแค เตซิยอกล่าเบ่, เตเมแร๊เต, เตแด่หยว่า ซีซิปล่อ, เตซิโด่ซิงา เร๊อ เตแด่ทูซิปล่อ ซีเนอ เต๊เห่ นี๋.

เอเฟซัส 3:4

ช๋า ซี แด๊ แวลีเออ ปา เบ๊อะเนอ, ซี เก่ ซิเงแฮ เร๊อ แว ซิเงโปลเบ๊ เตจ่อแย เร๊อ เตจ่อแย เออเนอหมา หม่าเฮ๊อ ครี๊ อาหรี่อาแก เออเนอ เฮ๊อ.

ꤊꤢ꤬ꤜꤢ꤬ꤒꤤ 3:2

เฮ๊ เป่แม๊ แว ตื๊อ เออเต๊อเจ่อเจ๋อ เนอแพ๊. เด๊อ ซี ครวาเมเกอ เตซว๊าเตแส่ อาคยา เร๊อ ซี พย๊าหนิ แหย่โยบูโพ๊ แบ่เจ่ แอ? เก่หม่าโต่เรอ เด๊อ ซี หนิโฮ เตซิครือมีลา เร๊อ ซี หยื่อเอ่แหน่ อาขว่าอาคยาเร๊อ, ซี พย๊าหนิ แหย่โยบูโพ๊ แบ่เจ่ ฮู๊เนอ แอ?

โครินธ์ อาเหร่อเล๊อ ต๊าบ่า 2:4

โท๊โต่ เบ๊อะแว แด๊โฉ่โด่แน เป่ ซี เบ๊อะเนอ, แว เฮ๊เบ่ อิลออี๊โหล่ น๊อ ซี เน๊อ แกแย เห่ขุพู๊ อา เตแจ่เตลีแม โตโพ๋ โต่. หม่าแน๊เรอ ซี หยื่อเอ่ แลแค เต เด๊อ แว แด๊โฉ่ เป่ ซี เออเนอ เต๊เห่, เมเตเฮ๊เรอ จอแปแหร่ อา แหย่โยบูโพ๊ เออเนอ อา โพรฉว่าชอ เร๊อ อา เด๊อะซิเงโปล เป่ ซี เร๊อ ซี หยื่อเอ่ เฮ๊อ.

เปโตร อาเหร่อเล๊อ ต๊าบ่า 1:12

เร๊อ จอแปแหร่ เด๊อะโล เป่ เพรโพร เออเต๊เห่ เร๊อ เหย่ซี เมเต เออเต๊เห่ เนอหม่า เหย่ซีเง เร๊อดื่อ หม่าโต่. เฮ๊ตาเต้าเจ๊อหม่า ซีเง แพ๊. กู๊แหน่เออ เต เออเต๊เห่เนอ อา เฮ๊ เป่ ซี เร๊อ ซี หนิโฮ เฮ๊อ. เด๊อ จอแปแหร่ นอแฮ แหย่โยบูโพ๊ แบ่เจ่ อา เตโพรเตเตอเรอ เด๊อ อา โอ่ เด๊อ ม๊อขุ แฮเร๊อ, อา แฮ แรเตเออ อาขว่าอาคยา, เหย่ซี แฮ แด๊โฉ่ เป่ ซี เร๊อ เตซิครือมีลา เออ เฮ๊อ. ม๊อขุเตเน่วพู๊ เต๊เห่ เจ๊อ เน๋อ อา ซิหยื่อ แม๊ปูซิเง ตาเตเกอ แหน่เจ๊อ เตหรี่เตแก เออเต๊เห่ เจ๊อ.

ꤒꤤꤒꤢꤨ 2:7

เน ลาติเรอ, เน เมเต อิเตเต๋. เบ่เบ่, แซ่ฮู๊ เพรคู หน่าเจ่ เต๊เห่ เก่ แม๊บือเกอ เนเนอ เรอ, เม แพ๊ เตแร๊ เนอเต๊เห่ นี๋. เบ๊อะเน อิซว๊าอี๊แส่ อู เบ๊อะเนอ, แด่จ๊อจื้อ เน ซิปล่อ โทเรอ จ่าฉ่าเผระ ฉาอ่อ เนเหน่ นี๋.

ทิโมธี เนอบ่า ต๊าบ่า 4:2

แด๊โฉ่โด่แน แลแค เตซิครือมีลา นี๋. ค๊าขิ แร๊ เบ่เบ่, ค๊าขิ แร๊โต่ เบ่เบ่, ตูรู๊ โด่แน แฮเง ตื๊อดื่อ ลาโป่ เตซิครือมีลา เออเนอ นี๋. โทเร๊อ ซิพรวาหนิ เหย่ซี นี๋, อิซว๊าอี๊แส่ แร๊กาคยา เหย่ซี นี๋, เร๊อ เด๊อะอ๊าเด๊อะเหร่ เหย่ซี, อิซว๊าอี๊แส่ เหย่ซี เน๊อ เตแด่ทูซิปล่อ เนอ นี๋.

ทิโมธี เนอบ่า ต๊าบ่า 3:10

หม่าแน๊เรอ เนติ เร๊อ, เน ครวาเกอเฮ๊อ แว เตอิซว๊าอี๊แส่ อาคยา, เน๊อ แว เตโอ่เซอเพร อาแกล๊อาโกล เนอเต๊เห่, เน๊อ แว เตโอ่เซอเพร อา เตเตเนหนื่ออื่อ เนอเต๊เห่ เฮ๊อ. เน แม๊เถอะเฮ๊อ แว เตหยื่อเตแหน่, แว เตแด่แลปีซิปล่อ, แว เตโม, แว เตแด่ทูซิปล่อ เต๊เห่เฮ๊อ,

ทิโมธี อาเหร่อเล๊อ ต๊าบ่า 5:2

แด่หยื่อแด่แหน่ แลแค เพรเหมาะ โหมะเผระ เต๊เห่ ฮู๊ เนโหมะ เนอ นี๋. โทเรอ เพรเหมาะ เด๊อ อาหน่าเจ่ เต๊เห่เนอ, แด่หยื่อแด่แหน่ เหย่ซี เร๊อ เตเน อาโพ๊อาแปละ เหย่ซี ฮู๊ เน โป่เพรเหมาะ เนอ นี๋.

โคโลสี 2:3

เตลีแม เน๊อ เตซิคว๊าซิเง ล๋อ ปลี หม่าดื่อเฮ๊อ เตเด๊อะบุ๊ยเด๊อะเตอเรอ งูดุงูชอ เออเนอ, อา โอ่โอ๊โอ่บี๊ เด๊อ ครี๊ อากู.

โครินธ์ อาเหร่อเล๊อ ต๊าบ่า 12:8

เด๊อ เปเกล เต๊เห่เห่เนอ, แหย่โยบูโพ๊ แบ่เจ่ เด๊อะตา เหย่ซี เตหรี่เตแก เด๊อ อาจ่ออาแย เต๊เห่, เต๊เห่เห่เนอ อา เด๊อะตา เหย่ซี เตหรี่เตแก เด๊อ อา เล๊อบา เร๊อ เตซิคว๊าซิเง เต๊เห่.

โครินธ์ เนอบ่า ต๊าบ่า 1:23

แว ซิเตเกล แฮ ซิพรวา ซี เร๊อ แว แฮทวา เป๊ เด๊อ วีโครินธ์ โต่. แว เฮ๊ ฮู๊เออ เร๊อ แว แลโฮ ซี โต่ เนอหม่า จอแปแหร่ ซิเง ลอปลี แพ๊.

โครินธ์ เนอบ่า ต๊าบ่า 2:10

กู๊แหน่เออ ซี เก่ ปลวาแก แกแย เด๊อ ซี เมแย ลู เนอเตเพร อาเตซื๊อ เก่เฮ๊เรอ แว๋ หม่า แว ปลวาแก เกอ อาเตซื๊อ แพ๊แพ๊. เฮ๊โก๊หลื่อ, เต เด๊อ แว โตเบ่ ปลวาแก เก่ โอ่ เฮ๊เรอ, แซ่ฮู๊ อา เก่ ทวาบุ๊ยทวาเตอเรอ เด๊อ ซีเงเนอ แว เก่ ปลวาแก เกอ อาเตซื๊อ ปา. ครี๊ เก่ แม๊เถอะ เกอดื่อ แว ปลวาแก อาเตซื๊อ เออเนอ ปา.

โครินธ์ เนอบ่า ต๊าบ่า 13:10

ช๋า แว แฮโต่เกอ ซี ปา เร๊อ แซ่ฮู๊ แว เก่ แฮ นอเอ่ ชอ แต่ แว เตอเรอฉว่าชอ เด๊อ แบ่เจ่ เด๊อ แว เออเนอ แต่เหม่เนอ, เบ๊อะแว โอ่ ยา เร๊อ ซี อาเค, แว ซิหยื่อ ราจว๊า เหร่อ เป่ ซี ลีเออ แพ๊. แซ่ฮู๊ แว เก่ เมดุแถ่ทูแถ่ ซี เตหยื่อเตแหน่ อาเงเนอ, แบ่เจ่ เด๊อะ แว เตอเรอฉว่าชอ เออเนอ แพ๊. อา เด๊อะ แว เตอเรอฉว่าชอ เด๊อ แว เก่ เมปย๊าเมหลู่ ซี อาเงเนอ หม่าโต่.

ꤡꤛꤢꤩ꤭ꤗꤢ꤬ꤎꤣ꤬ 3:17

หม่าแน๊เรอ เตเตเนแจ่ เด๊อ อา โอ่ เด๊อ ม๊อขุ แฮ เฮ๊เนอหม่า อา อาโพ๊อาแปละ เหร่อเล๊อ ปา, โทปาเรอ อา เด๊อะ โอ่แถ่ดื่อ เตโมเตเป, เหล่เตเน แจ่เป่ เด๊อ อูเง, ซิปล่อโอ่ หนิดา อู เตเฮ๊เบ่, เล๊อบา เร๊อ เตซิยอ เร๊อ เมเตแร๊ เต๊เห่, แม๊ดุ แม๊ปีตี๊ อู โต่, โทเรอ เตจ่า เมค๊าเมโข่ เต๊เห่ โอ่ โต่.