โครินธ์ เนอบ่า ต๊าบ่า 6:3 - ลีเทส่อพ๊าอาเซ เร๊อ เห่ขุทวาลู๊

³ เป โด่แน เป่ อู เร๊อ เหย่ซู่ครี๊ อาหรี่อาแก เออ แซ่ฮู๊ อู เก่ เท๊ฉื่อแก แต่เหม่ เนอเรอ, เตเม เด๊อ อา ทวาแถ่ เหย่ซี เตเป๊อเจ่ออิแช๊ เต๊เห่เนอ เป เม เตอเจ๋อ โต่.

Eastern Kayah Shadaw Dialect

³ ꤕꤢꤩ꤬ ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤓꤢꤩꤏꤢꤦ꤬ꤊꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬ꤚꤣꤧ꤬, ꤒꤢꤩ꤬ꤗꤢꤩ꤬ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤛꤢꤩ꤬ꤞꤤ꤭ ꤒꤢꤩ꤬ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤒꤣꤧ꤬ꤟꤢꤩ꤬ꤔꤣꤧ꤬ ꤕꤢꤩ꤬ ꤗꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯

โครินธ์ เนอบ่า ต๊าบ่า 6:3 ပူးပေါင်းရင်းမြစ်များ

ꤚꤥꤗꤢꤩ꤬ 14:13

ฮู๊เนอเรอ, แด่ ปา แต่ ลูเตซื๊อ เตเพร เร๊อ เตเพร แต่เหม่ นี๋. เต เด๊อ อา เก่ ทวาแถ่ เตแลคื๊อแลลอ, เตซื๊อเตปล๊า เด๊อ โป่แหว่ เตเพรเพร อาเง เฮ๊เนอ, เน เบ่ แด่แล โค๊แก เน ซิปล่อ เด๊อ เน เก่ เม ปา เตเนอเต๊เห่ เตอเจ๋อ โต่.

โครินธ์ อาเหร่อเล๊อ ต๊าบ่า 9:12

แกแย เด๊อ อาโร เต๊เห่ แฮ แด๊โฉ่โด่แน เป่ ซี เร๊อ ซี เก่ เมจว่าเกอ เหย่ซี เฮ๊เนอ, เป เร๊อ ซี โตเบ่ เมจว่าเกอ แหน่เจ๊อ เป หม่าโต่ แอ? เป กุย ซี เตเมจว่า หม่า อา โต แพ๊ หม่าแน๊เรอ เป กุยน๊อ เร๊อ ซี เตอเจ๋อ โต่. แซ่ฮู๊ เป เก่ เม ดู๊ดี๊ดู๊แด แต่ ครี๊ อา เตซิครือมีลา เตเมเนอ, เป แอ๊จื๊อ แด่ทูซิปล่อ เจ๊อ เตปว๋า เต๊อเจ่อ เจ๊อ.

มัทธิว 17:27

หม่าแน๊เรอ แซ่ฮู๊ เหย่ซี เก่ ซิปล่อดุ แต่ เป แต่เหม่เนอ, จว๊าบี๊มอ เต๊ว เด๊อ กาลิลี อาเทออ่อกู เน. เต๊วฮู๊ เด๊อ อา หนิ เหร่อเล๊อ เต๊เบ่เนอ, โบแอ แม๊ เด๊อ อาแกกู เนอ นี๋. เน เก่ แม๊เถอะ รือหย่า เต๊เบ่ ปา. พย๊า รือเออ เร๊อ จว๊าเด๊อะ เน๊อ เนเง เน๊อ แวเง เน๊อ เตหลู่แตโฮ อาหมู่อาร๊า อาเงเนอ.”

โครินธ์ อาเหร่อเล๊อ ต๊าบ่า 9:22

แซ่ฮู๊ แกแย เด๊อ อู เมจาเมจือ เหย่ซี, เป่เอ่เป่โอ เหย่ซี เต๊เห่ เก่ หยื่อเอ่ เกอ แบ่เจ่ เหย่ซู่ อาเงเนอ, เบ๊อะแว โอ่เต่อเกอ เด๊อ เหย่ซีเกล เบ๊อะเนอ, แว โอ่เซอเพร แซ่เกอ ฮู๊ เหย่ซี เนอ. แซ่ฮู๊ แกแย เต๊เห่เห่ เก่ พย๊าหนิ เกอ เตเมแลเปล๊กา อาเงเนอ, แว แม๊ปู โอ่เซอเพร ตาโตตาเบ่ เกอ ปว๊า เต๊อเจ่อ ฮู๊ เหย่ซี ปว๋า เตเพร โอ่เซอเพร เนอ เจ๊อ.

โครินธ์ เนอบ่า ต๊าบ่า 8:20

แซ่ฮู๊ อู เก่ แด่ แต่ เป เตซื๊อ แต่เหม่ เนอ, เป จว๊าโหร่ลู ฮู๊เออ แพ๊. เตหลู่แต เด๊อ อู ซิปล่อฉว่า เด๊อ เออเต๊เห่เนอ, เป เบ่ เมตาเมเต หนิ แร๊ เป่ เจ๊อ อู เจ๊อ.

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

มัทธิว 18:6

“แกแย เตเพรเพร เก่ นอเมซื๊อ เพรปีตี๊เล๊อ เด๊อ อา หยื่อเอ่ แว เออเต๊เห่ อาเกล เตเพรเพร เฮ๊เนอ, จอ หล่อดุ เด๊อ อาแก่โบลูเนอ เร๊อ ต่าตา แลจื๊อแก อา เด๊อ เทอดุซาวากู เนอหม่า, อาแร๊เล๊อ ปาเจ๊อ เด๊อลูเงเจ๊อ.

เพรโด่แนพู๊ เต๊เห่ 19:27

ฮู๊เนอเรอ, ซิอิเช เน๊อ เป เตเอ่เตแร เออ ปย๊าแก. โท๊โต่ แว เบ่ยอ เน๊อ ปาหม่า อู แด่ดุหยื่อแหน่ เกอ ปา แบ่เจ่ โหมะ อาเทมิส อา เตจ๊อเบโฮ โต่. เอเชียเก่ เต๊เก่เล เน๊อ เห่ขุต๊าบ่าลอ จ๊อเบแถ่ ลอปลี อาเทมิส. แว เบ่ยอ เร๊อ แบ่เจ่ โหมะ อาเทมิส อามุย โลเทอโลเก่ เออเนอ, ปาหม่า อา อาโอ่เหม่แก เห่.”