โครินธ์ เนอบ่า ต๊าบ่า 6:18 - ลีเทส่อพ๊าอาเซ เร๊อ เห่ขุทวาลู๊

¹⁸ เร๊อ แว เก่ ทวา ซีเพ ปา. เร๊อ ซี เก่ ทวา แวพู๊แวเลอ เต๊เห่ ปา,” แบ่เจ่ เด๊อ อาโพร เตเพร เฮ๊ ฮู๊เนอ.

Eastern Kayah Shadaw Dialect

¹⁸ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤓꤝꤢ꤭ ꤞꤤ꤭ꤖꤢꤩ꤭ ꤕꤢ꤭꤯ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤓꤝꤢ꤭ ꤠꤢꤧ꤭ꤖꤢꤨꤠꤢꤧ꤭ꤜꤣꤧ꤬ ꤒꤣꤧ꤬ꤟꤢꤩ꤬ ꤕꤢ꤭,” ꤙꤢꤧ꤬ꤡꤢꤩ꤬ ꤘꤣ ꤢ꤬ꤖꤚꤥ꤬ꤢ꤬ꤖꤚꤢꤧ꤬ ꤒꤣ꤬ꤖꤚꤢꤩ꤬ ꤟꤢꤩ ꤟꤢꤨꤔꤣꤧ꤬꤯

โครินธ์ เนอบ่า ต๊าบ่า 6:18 ပူးပေါင်းရင်းမြစ်များ

เตเด๊อะโลแถ่ 21:7

แกแย เตเพรเพร เด๊อ อา เมเป่ เตเนอ, อา เก่ พย๊าหนิ ลอล๋อ เตเออ เต๊เห่ เด๊อ แวโอ่ ปา. แว เก่ ทวา เหย่ซี แบ่เจ่ จอแปแหร่ ปา เร๊อ เหย่ซี เก่ ทวา แวพู๊ เต๊เห่ ปา.

ꤛꤥ꤭ꤟꤢ꤬ 1:12

หม่าแน๊เรอ แกแย เด๊อ อา เอ๊ฉื่อ ลู เต๊เห่ เร๊อ อา หยื่อเอ่แหน่ ลู เต๊เห่เนอ, อา เด๊อะทวาแถ่ เหย่ซี เร๊อ จอแปแหร่ อา พู๊เหมาะ พู๊คู เต๊เห่.

เตเด๊อะโลแถ่ 1:8

แบ่เจ่ จอแปแหร่ เฮ๊ เน๊อ, “แว หม่า อาแก่ช๊า เฮ๊อ เร๊อ แว หม่า อาตื๊อดื่อเฮ๊อ” เร๊อ อา เฮ๊ เน๊อ, “แว หม่า จอแปแหร่ เด๊อ อา เซอเพร มู๋ หนู่เค เตเพร, กู๊แหน่เค หม่า แว เซอเพรเพร, โหน่ปาหม่า แว เซอเพรเพร. แว หม่า จอแปแหร่ เด๊อ อา แจ่ เตล๋อ ปลี เตเพรเฮ๊อ.”

ꤚꤥꤗꤢꤩ꤬ 8:29

เมเตเฮ๊เรอ, แกแย เด๊อ อา เตเร หยื่อเอ่ จอแปแหร่ เต๊เห่เนอ, อา ซิเง หนื่ออื่อ เร๊อดื่อเฮ๊อ. โท๊โต่ อา แด่แลหนื่ออื่อ โทดื่อเฮ๊อ อาซิปล่อ มู๋ หนู่เค เร๊อ อา เก่ นอทวาแถ่ แซ่เกอ เหย่ซี เร๊อ อาพู๊คู เออเนอ ปา. ฮู๊เนอเรอ อาพู๊คูเออ ทวาแถ่เฮ๊อ พู๊แหว่เพร่ว เตเพร เด๊อ อาโป่แหว่ โอ่โหร่โอ่เอ๊ เออเต๊เห่ อาเกล เฮ๊อ.

ꤊꤢ꤬ꤜꤢ꤬ꤒꤤ 3:26

เด๊อ เตหยื่อเตแหน่ อาขว่าอาคยา, ซี ล๋อ ปลี ทวาลอเฮ๊อ เตเตอเจ๋อโต เร๊อ ครี๊ เฮ๊อ เร๊อ ซี ทวาลอเฮ๊อ จอแปแหร่ อาพู๊อาเลอ เต๊เห่ เฮ๊อ.

เห่ขุทวาลู่ 17:1

เบ๊อะ เพอับราม หน่า โอ่ เฮ๊อ ลุยซว๊า เตอเชอ เน๊อ ลุยซว๊า ต๊าหน่า เฮ๊อ เบ๊อะเนอ, จอแปแหร่ ตูจูเพร โอ่โลแถ่ เป่ ลู เร๊อ อา เฮ๊ ลู เน๊อ, “แว หม่า จอแปแหร่ เด๊อ อาโพรฉว่าชอ เตเพร. หนิดา แวโหง่ เร๊อ โอ่เซอเพร เมโตเมเบ่ แวซิปล่อ ปว๋า โตโพ๊ นี๋.

เอเฟซัส 1:5

จอแปแหร่ ล๋อ โมหนิเร๊อ เป่ อาขว่าอาคยา, เด๊อ อา แบ๊แล แต่ล๋าย เห่ขุ โต่ ปา เจ๊อ อา แด่แล โทเฮ๊อ อาซิปล่อ เร๊อ อา เก่เอ๊ พู๊ เฮ๊อ เป ฮู๊ อา พู๊อาเลอ เร๊อ อาเหน่เนอ ปา. เด๊อ อา เก่ เม ฮู๊เออ อาเงเนอ, อา เก่ นอเม บ่อทือแฮเง เร๊อ เหย่ซู่ครี๊ ปา. อา เม ฮู๊เออเนอหม่า หม่าดื่อแพ๊ จู๋ อาซิปล่อ ซิหยื่อ เมหนิเร๊อดื่อ เร๊อ อาเต เตเนหนื่ออื่อ หนิเร๊อดื่อ แพ๊.

เตเด๊อะโลแถ่ 21:22

เด๊อ วีกูเนอ แว แม๊เถอะ เตหลู่เเตโฮ โอ่ เตเม๋ โต่, เมเตเฮ๊เรอ แบ่เจ่ จอแปแหร่ เด๊อ อา แจ่เต ล๋อ ปลี เออเตเพร เร๊อ ซิหมิพู๊ เนอโตโด อา โอ่ แลแค เฮ๊อ เบ๊อะเนอ เร๊อ อู จ๊อเบแถ่ เฮ๊อ เหย่ซี อาขว่าอาคยา, เตหลู่เเตโฮ โหล่ ปาโต่.

เห่ขุทวาลู่ 48:3

โทเร๊อ เพยาโคบ เฮ๊ เพโยเซฟ เน๊อ, “จอแปแหร่ เด๊อ อาโพรเตอเรอฉว่าชอ เนอเตเพร โอ่โลแถ่ เป่ แว เด๊อ คานาอันเก่ วีลูส เนอโต๊โผะ เร๊อ อา เด๊อะบุ๊ยเด๊อะเตอเรอแว.

ꤚꤥꤗꤢꤩ꤬ 8:19

ล๋อ จอแปแหร่ แบ๊แล ส่อเหมาะเหว่โบ, เตมีเตดอ เร๊อ แกแย ปว๋า เตเพร เออเนอ, อา ซิปล่อ ฉว่า โอ่ป่อ แม๊ชือ แหน่ เจ๊อ เร๊อ จอแปแหร่ เก่ เด๊อะโลแถ่ อา พู๊เหมาะพู๊คู เต๊เห่ ปา.