แว หนิโฮ โหง่พราฉว่า ตือมือ เด๊อ จ๊อแผ่ กู่แกล๊เท แถ่โล อาโอ่เนอ, เร๊อ อา เฮ๊ เน๊อ, “กู๊แหน่เออ แบ่เจ่ จอแปแหร่ แฮโอ่เต่อเกอ เฮ๊อ เร๊อ แกแยเห่ขุพู๊ เฮ๊อ. อา เก่ โอ่เต่อเกอ เร๊อ เหย่ซี เร๊อ เหย่ซี เก่ ทวาแถ่ จอแปแหร่ อาแกแย ปา. แบ่เจ่ จอแปแหร่ อาเหน่แบ่เจ่ เร๊อดื่อ เก่ โอ่เต่อเกอ เร๊อ เหย่ซี เร๊อ อา เก่ ทวา เป่ เหย่ซี แบ่เจ่ ปา.
โครินธ์ เนอบ่า ต๊าบ่า 6:16 - ลีเทส่อพ๊าอาเซ เร๊อ เห่ขุทวาลู๊16 จอแปแหร่ อา เตหลู่เเตโฮ เนอ อา โอ่เต่อแจ่ แหน่ เร๊อ เตแหย่โย แอ. ฮู๊เนอเฮ๊อ, เป เออเต๊เห่ เนอหม่า จอแปแหร่ เด๊อ อา เซอเพร เออเตเพร อา เตหลู่เเตโฮ. จอแปแหร่ เฮ๊ เน๊อ, “แว เก่ แฮโอ่ เด๊อ แวแกแย เต๊เห่ อา ซิปล่อกู ปา เร๊อ แว เก่ จว๊า เต่อเกอ เร๊อ เหย่ซี ปา. เร๊อ แว เก่ ทวา เหย่ซี จอแปแหร่ ปา, เร๊อ เหย่ซี เก่ ทวา แวแกแย เต๊เห่ ปา.” အခန်းကိုကြည့်ပါ။Eastern Kayah Shadaw Dialect16 ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤔꤣꤧ꤬ ꤢ꤬ ꤥ꤬ꤒ꤫ꤣ꤬ꤡ꤫ꤢꤧ꤬ ꤔꤢꤧ꤭ ꤔꤢꤧ ꤖꤚꤢꤩ꤬ꤛꤥ꤬ ꤟꤢꤧ꤭꤯ ꤟꤢꤨꤔꤣꤧ꤬ꤟꤣꤧ, ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭꤯ ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤔꤢꤧ, “ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ꤥ꤬ ꤘꤣ ꤠꤢꤧ꤭ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤕꤢ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤡꤝꤢ ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤕꤢ꤭꤯ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤓꤝꤢ꤭ ꤛꤢꤩ꤬ꤞꤤ꤭ ꤡꤢꤪꤗꤣꤧ꤬ꤚꤢꤧ꤬ ꤕꤢ꤭, ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤓꤝꤢ꤭ ꤠꤢꤧ꤭ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤕꤢ꤭꤯” အခန်းကိုကြည့်ပါ။ |
โครินธ์ เนอบ่า ต๊าบ่า 6:16
60 ပူးပေါင်းရင်းမြစ်များ
ฮู๊เนอเรอ, แบ่เจ่ เฮ๊ เน๊อ เตอ๊อแล อาเซ เด๊อ แว เก่ อ๊อแล เน๊อ อิสราเอลพู๊ ซี เต๊เห่เนอ, แว เก่ เฮ๊ เหย่ซี ฮู๊เออ ปา, แว เก่ ฉู่โน แว เตซว๊าเตแส่ เต๊เห่ เด๊อ เหย่ซี อาซิปล่อ เตเตเน อากู ปา. แว เก่ ราม๊าราแดโอ่ แว เตซว๊าเตแส่ เต๊เห่ เด๊อ เหย่ซี ซิปล่อกู ปา. แว เก่ ทวา เหย่ซี อาจอแปแหร่ ปา เร๊อ เหย่ซี เก่ ทวา แวแกแย ปา.
ซี เหน่กล่อ เออเนอหมา แหย่โยบูโพ๊ แบ่เจ่ เด๊อ จอแปแหร่ เด๊อะแล เป่ ซี เออเตเพร อาเหล่โอ่ อา เตหลู่เเตโฮ เนอหม่า ซี ซิเง โต่ แอ? เมเตเฮ๊เรอ จอแปแหร่ พรี งูดุ โทเฮ๊อ ซี อาขว่าอาคยา, ซี เหน่กล่อ เออเนอ ซี เตเร๊อดื่อ หม่า ปา โต่ เฮ๊อ. อา ทวาแถ่ เฮ๊อ จอแปแหร่ อาเต เฮ๊อ. ฮู๊เนอเรอ นอเอ่ แลแค ซี เหน่กล่อ เออเนอ เด๊อ จอแปแหร่ อาลีอาเตเค อาเงเนอ นี๋.
โท๊โต่ เด๊อ ซี เตหยื่อเตแหน่ อาขว่าอาคยาเร๊อ, แซ่ฮู๊ ครี๊ เก่ แฮ โอ่หม่าโอ่กลอ เด๊อ ซี ซิปล่อกู อาเงเนอเรอ, แว กุยจ๊อเบ เป่ เด๊อ ซีเง. แว กุยจ๊อเบ เร๊อ ซี เก่ โมแฮ เร๊อ โมแฮ หนิ จอแปแหร่, โทเรอ ซี เก่ โมแฮ เร๊อ โมแฮ เกอเร๊อ ลู เตเพร เร๊อ เตเพร. ซี เก่ เมฮู๊เนอ เฮ๊เรอ ฮู๊ ส่อหรุ่ย ช๊าตาแยแย เนอ, ซี เตโม เก่ จว๊าแยเกอ ฮู๊เนอ ปา. โทเรอ ฮู๊ อู แบ๊แล กลอหม่าแร๊ หี่ เตเม อาแก่ช๊าเนอ, ซี เตโม เก่ กลอหม่าแร๊ แซ่เกอดื่อ ฮู๊เนอ ปา.
หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.
ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.
ซี หม่า อาแซ่เน๊อ หี่ เด๊อ อู แบ๊ อา อี๊ถื่อแก่ช๊า เร๊อ หล่อ เออเตเม เนอเฮ๊อ. เพรโด่แน เร๊อ เพรโพร เต๊เห่ เนอหม่า อาแซ่เน๊อ อู แบ๊ หี่ถื่อ อา อี๊ถื่อแก่ช๊า เออเต๊เห่เนอ เฮ๊อ. เร๊อ แบ่เจ่ เหย่ซู่ครี๊ อาแหน่แบ่เจ่ เร๊อดื่อ เออเนอหมา อาแซ่เน๊อ หี่เออ เตเม เก่กลอเก่หม่า อาเงเนอ, อา หม่า อา ทวา เพร ตาทว๊าหม่า เป่ อู เต เด๊อ อา โหล่ดุเล๊อ อู เตเพร เฮ๊อ.
“ราจว๊า ลีเออ เด๊อ วีเอเฟซัส เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อา ปื่อหม่าหนิ เฉ่ โซซว๊าเตเม เด๊อ อากู๊ขุ จ๊อทว๊า อากู เร๊อ อา จว๊า เด๊อ หมิกอเท โซซว๊าเตเม อาเกลเนอ เตเพร อาโอ่ เร๊อ อา ราจว๊าเป่ เหย่ซี ฮู๊เออ,
แบ่เจ่ เตเอ่โอบูโพ๊ เหมาะเฮ๊ เร๊อ ซี จว๊า โนเอ่โนโอ เกออู อู, แกแย เด๊อ อา จ๊อเบ เตแหย่โย เต๊เห่ โบ่ เกอเร๊อ อาเหล่เอ่เหล่โอ เร๊อ โลเน๊โลหน่า เต๊เห่เนอ เร๊อ ซี จว๊าโน เอ่เต่อโอเต่อเกออู อู, ซี จว๊า เมฮู๊เนอ หม่า, อาหนิ โต่. เมเตเฮ๊เรอ, เน เก่ จว๊า โนเอ่โนโอ เต่อเกอ ฮู๊เนอ เฮ๊เนอหม่า อาแซ่เน๊อ เน แบ๊ซว๊า เฮ๊อ เร๊อ โลเน๊โลหน่า เฮ๊อ.
เด๊อ ซี เร๊อ ครี๊ ทวาแถ่ เฮ๊อ ลู เตเต๊อเจ๋อโต อาขว่าอาคยา, ครี๊ แด่ปล๊อเต่อ เกอเฮ๊อ ซี เร๊อ ยูดาห์ ครี๊พู๊ เต๊เห่ เฮ๊อ. โทเรอ เด๊อ แหย่โยบูโพ๊แบ่เจ่ อา เตโพรเตอเรอ อาขว่าอาคยา, ซี เด๊อ อา ทวาเกอ แกแยยิวพู๊ หม่าโต่ เออเต๊เห่เนอ, อู ช๊อแถ่ เต่อเกอ เฮ๊อ ซี เร๊อ แกแยยิวพู๊ เด๊อ จอแปแหร่ อาหี่ เออเนอเฮ๊อ.
หม่าแน๊เรอ แว เก่ แฮ แป่เหย่ลา เฮ๊เรอ เป โตเบ่ โอ่เซอเพร เด๊อ จอแปแหร่ อา หี่ด๊อหี่แพกู อาเง ฮู๊เต เนอ, แว ลี เออ เก่ เด๊อซิเง เน ปา. หี่เออ เนอหม่า หม่า เฮ๊อ จอแปแหร่ เด๊อ อา เซอเพร เตเพร อา เพรหยื่อเอ่ตู๊หมู่ตอกล๊อ เออเนอเฮ๊อ. เพรหยื่อเอ่ตู๊หมู่ตอกล๊อ เออเนอหมา อา เด๊อ ชอแถ่ เตจ๊อเตเต อา เตอิซว๊า เต๊เห่ เด๊อ อาแซ่เน๊อ อี๊ถื่อ เร๊อ หี่แกแร เด๊อ อา ช๊าต๊อป่อ หม่าหนิ หี่เออ เตเม เนอเฮ๊อ.
ကြော်ငြာတွေ