โครินธ์ เนอบ่า ต๊าบ่า 6:14 - ลีเทส่อพ๊าอาเซ เร๊อ เห่ขุทวาลู๊

¹⁴ โป่แหว่ ซี, ฮู๊ ปู่ ก่า อิเอ๊ เนอ, ก่าจือ เต่อ แต่ อิเอ๊ เร๊อ แกแย เด๊อ อา หยื่อเอ่เกอ เป แบ่เจ่ เหย่ซู่ โต่ เนอเต๊เห่ แต่เหม่ นี๋. เมเตเฮ๊เรอ อาจ๊อ เร๊อ อาตากา เนอ อา แด๊งาหม่า จิจือแจ่ ลู โต่. อา ลี เร๊อ อา คี๊ เนอ เบ่เบ่, อา โอ่เต่อแจ่ ลู โต่โต่.

Eastern Kayah Shadaw Dialect

¹⁴ ꤕ꤫ꤥ꤬ꤠ꤫ꤢꤧ꤬ ꤞꤤ꤭, ꤟꤢꤨ ꤕ꤫ꤢꤨ꤬ ꤞꤣ ꤤ꤬ꤢꤩ ꤔꤣꤧ꤬, ꤞꤣꤡꤢꤦ꤭ ꤒ꤫ꤣ꤬ ꤒ꤫ꤢꤧ꤬ ꤤ꤬ꤢꤩ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤊꤣꤧ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ꤡꤢꤪ ꤔꤢꤧ ꤢ꤬ꤒꤣꤧ꤬ꤊꤢ꤬ ꤔꤣꤧ꤬ ꤢ꤬ ꤘꤤꤍꤝꤢ꤭ꤗꤢ꤬ ꤡ꤫ꤢꤩ꤬ꤡꤢꤦ꤭ꤡ꤫ꤢꤧ꤬ ꤜꤢꤨ꤭ ꤒꤥ꤬꤯ ꤢ꤬ ꤜꤤ꤭ ꤔꤢꤧ ꤢ꤬ ꤋꤤ ꤔꤣꤧ꤬ ꤙꤢꤩ꤬ꤙꤢꤩ꤬, ꤢ꤬ ꤥ꤬ꤒ꤫ꤣ꤬ꤡ꤫ꤢꤧ꤬ ꤜꤢꤨ꤭ ꤒꤥ꤬ꤒꤥ꤬꤯

โครินธ์ เนอบ่า ต๊าบ่า 6:14 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 15:33

หยื่อเอ่ แต่ แกแย เด๊อ อา เฮ๊ ฮู๊เนอ เต๊เห่ แต่เหม่. ฮู๊ อู เฮ๊ เน๊อ, “ซี เก่ แบ๊ซว๊า ซี โคแบ๊ซว๊า เด๊อ อา เม เตมู๊แหม่รีแจ่ เต๊เห่ เร๊อ อา เตเน เตมู๊แหม่รีแจ่ เต๊เห่เนอ, อา เก่ เรหนิ ซี ปา เร๊อ ซี เก่ ทวาแถ่ แซ่เกอ แกแย มู๊แหม่รีแจ่ ฮู๊ เหย่ซี เนอ ปา.”

โครินธ์ อาเหร่อเล๊อ ต๊าบ่า 10:21

แบ่เจ่ เตเอ่โอบูโพ๊ เหมาะเฮ๊ เร๊อ ซี จว๊า โนเอ่โนโอ เกออู อู, แกแย เด๊อ อา จ๊อเบ เตแหย่โย เต๊เห่ โบ่ เกอเร๊อ อาเหล่เอ่เหล่โอ เร๊อ โลเน๊โลหน่า เต๊เห่เนอ เร๊อ ซี จว๊าโน เอ่เต่อโอเต่อเกออู อู, ซี จว๊า เมฮู๊เนอ หม่า, อาหนิ โต่. เมเตเฮ๊เรอ, เน เก่ จว๊า โนเอ่โนโอ เต่อเกอ ฮู๊เนอ เฮ๊เนอหม่า อาแซ่เน๊อ เน แบ๊ซว๊า เฮ๊อ เร๊อ โลเน๊โลหน่า เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 4:4

แกแย เด๊อ อา ซิปล่อก่า เด๊อ จอแปแหร่ อาขุ ซี๋, ซี แบ๊ซว๊า เน๊อ เห่ขุ อา เตมู๊แหม่รีแจ่ เต๊เห่ เนอหม่า ซี ทวาแถ่เฮ๊อ เพร เด๊อ อา ซิเถ่ จอแปแหร่ เต๊เห่เฮ๊อ เนอหม่า ซี ซิเง โต่ แอ? แกแย เด๊อ อา ซิหยื่อ ทวาแถ่ เห่ขุ อา เตมู๊แหม่รีแจ่ เออเต๊เห่ อา โคแบ๊ซว๊า เตเพรเพรเนอ อา เม ซิเถ่ซิฮา เฮ๊อ อาเหน่ เน๊อ จอแปแหร่ เฮ๊อ.

โครินธ์ อาเหร่อเล๊อ ต๊าบ่า 5:9

แว รา เป่ ซี ลี เด๊อ อาเหร่อเค ต๊าบ่า เนอหม่า, แว เฮ๊ ซี เร๊อ แบ๊ซว๊าแบ๊โค แต่ เร๊อ แกแย เด๊อ อา จว๊าซื๊อ เพรเหมาะเพรคู เนอเต๊เห่ แต่เหม่, แว รา เฮ๊จว๊า เป่ ซี ฮู๊เนอ.

ꤛꤥ꤭ꤟꤢ꤬ 7:7

แกแย เห่ขุพู๊ เต๊เห่ ซิเถ่ แจ่ ซี โต่. หม่าแน๊เรอ อา ซิเถ่ แลแค แว, เมเตเฮ๊เรอ แว ย๋อ เฮ๊เถ่โล เหย่ซี เม เตมู๊แหม่ เต๊เห่ เน๋อ.

โครินธ์ อาเหร่อเล๊อ ต๊าบ่า 7:39

เพรเหมาะ เตเพรเนอ, อาเว เก่ เซอล๋ายโต่ เฮ๊เรอ อา เก่ พย๊า เต๊เปล่ อาเว เฮ๊เนอหม่า อาหนิ โต่. หม่าแน๊เรอ อาเว เก่ เซอ โทเฮ๊อ เก่เฮ๊เรอ อา เก่ ซิหยื่อ พย๊า เต๊เปล่ เพรคู เด๊อ อาโรเตเพร เฮ๊เนอหม่า อาหนิ เฮ๊อ. หม่าแน๊เรอ อา โตเบ่ พย๊า แพ๊ เพรคู เด๊อ อา หยื่อเอ่ แบ่เจ่ เหย่ซู่ครี๊ เนอ แพ๊.

เพรโด่แนพู๊ เต๊เห่ 4:23

เบ๊อะอู อาปลวาเถ่เฮ๊อ คูเปโตร เร๊อ คูยอห์น เออเนอ เนอเน๊อ โตโพ๊โต เหย่ซี กาคยา เด๊อ อา โคแบ๊ซว๊า เต๊เห่ อา โอ่. เร๊อ ล๋อ เพรหลู่แต ทวาดุทวาเต เต๊เห่ เร๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ เฮ๊แคร๋ เหย่ซี ฮู๊เต เนอ, อา กาแด๊โล เป่ เร๊อ อาโค เออเต๊เห่.

เห่ขุทวาลู่ 24:3

เด๊อ แวพู๊ อาเง, แซ่ฮู๊ เน เก่ นว๊าพย๊า เป่ แต่ ลูเม เน๊อ คานาอันเมวเจ่อโหมะ เบ๊อะ คานาอันเก่กู เออ แต่เหม่ เนอ, แวซิหยื่อ นอ แบ เนโหง่ เน๊อ จอแปแหร่ ตูจูเพรหม่าเฮ๊อ จอแปแหร่ดุ เด๊ออาเป๊อหนิ ม๊อขุ เน๊อ เห่ขุ เนอเตเพร.

โครินธ์ อาเหร่อเล๊อ ต๊าบ่า 6:6

ซี จว๊า เม โค๊ดื่อ แลแค ซีเง ฮู๊เต. ซี เร๊อ ซี จว๊า เอ๊แถ่ เต่อ ลู เด๊อ แกแยดุ หี่ เร๊อ จว๊า นอเมจากาคยา เต่อ เร๊อ แกแย เด๊อ อา หยื่อเอ่ เกออู ครี๊ โต่ เออเต๊เห่ วา!