โครินธ์ เนอบ่า ต๊าบ่า 6:11 - ลีเทส่อพ๊าอาเซ เร๊อ เห่ขุทวาลู๊

¹¹ โคแบ๊ซว๊าโม วีโครินธ์พู๊ ซี๋, ล๋อ เต เด๊อ อา โอ่ เด๊อ เป ซิปล่อกู เต๊เห่เนอ, เป เฮ๊โฉ่โล เป่ ลอ เจ๊อ ซี เฮ๊อ. เป โมกาโน๋ ซี โต่.

Eastern Kayah Shadaw Dialect

¹¹ ꤋꤥ꤭ꤙꤢꤧꤞꤝꤢꤗꤥ꤬ ꤠꤤ꤭ꤊꤢ꤬ꤚꤤ꤬ꤞꤢꤨ꤬ꤖꤢꤨ ꤞꤤ꤭꤮, ꤜꤢꤪ꤭ ꤒꤢꤩ꤬ ꤘꤣ ꤢ꤬ ꤥ꤬ ꤘꤣ ꤕꤢꤩ꤬ ꤞꤤꤕꤜꤢꤪ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤜꤢꤪ꤭ ꤡꤣꤧ ꤞꤤ꤭ ꤟꤣꤧ꤯ ꤕꤢꤩ꤬ ꤗꤥ꤬ꤊꤣꤧ꤬ꤔꤥ꤮ ꤞꤤ꤭ ꤒꤥ꤬꤯

โครินธ์ เนอบ่า ต๊าบ่า 6:11 ပူးပေါင်းရင်းမြစ်များ

ฟีลิปปี 1:8

แว ซิหนิโส่ แม๊เถอะ แหน่เจ๊อ ซี เร๊อ แว โม เกอเร๊อ ซี ปว๋า เตเพร เร๊อ เตโม เด๊อ เหย่ซู่ครี๊ เด๊อ แว เออเนอหม่า จอแปแหร่ ซิเง แพ๊.

โครินธ์ เนอบ่า ต๊าบ่า 12:15

แวลอแวแก แวรือแวเท, แวอ๊าแวเหร่, เตปว๋า เต๊อเจ่อ เด๊อ ซีเง เนอ, แว ซิครือซิลอ แพ๊. แว โม เจ๊อ ซี บ๊าเออ เจ๊อ หม่าแน๊เรอ ซี เตโม แว เนอ อา แซ่ เร๊อ อาปีตี๊ กาแล โต่บย่า ฮู๊เต?

โครินธ์ เนอบ่า ต๊าบ่า 2:4

เบ๊อะแว ราจว๊า เป่ ซี ลี เนอต๊าบ่า เบ๊อะเนอ, แว ซิปล่อโม เจ๊อ ตีกี๋ โต่, อากู่อาแก แหน่เจ๊อ แว. โท๊โต่ แว เป๊เส่เทอ บาตีปี๋ เจ๊อ. หม่าแน๊เรอ แว ซิหยื่อ เมซิเปล ซิหย่อ ซี ฮู๊เนอ หม่าโต่, แว ซิหยื่อ นอซิเง ซี เร๊อ แว โม เจ๊อ ซี บ๋า เต ฮู๊เนอแพ๊.

เตเด๊อะโลแถ่ 22:12

เหย่ซู่ เฮ๊ เน๊อ, “หนิดา แลแค๋, แว แฮเล๊ ปา, แว เก่ พย๊าแฮหนิ เตเมจากาคยา อู เต๊เห่ เร๊อ เตเมหนิคว๊าเก่ เต๊เห่ ปา. เร๊อ เหย่ซี เมโทเฮ๊อ แคร๋ อิเตเนอ, แว เก่ เด๊อะลอ เหย่ซี ฮู๊ อา เมโท เนอปา.

ฟีลิปปี 4:15

วีฟีลิปปีพู๊ ซี. เบ๊อะแว จว๊า แด๊โฉ่โด่แน ลู่ เป่ ซี เตซิครือมีลา เร๊อ แว เถ่จว๊าแก เด๊อ มาซิโดเนีย เก่กู เบ๊อะเนอ, เพร เด๊อ อา เมจว่า แว เร๊อ รือ เนอหม่า ตื๊อแพ๊ ซี เพรหยื่อเอ่ตู๊หมู่ตอกล๊อ เออตู๊หมู่ แพ๊ เนอหม่า ซี ซิเง ตาเต ลอดื่อ เฮ๊อ.

ꤊꤢ꤬ꤜꤢ꤬ꤒꤤ 3:1

กาลาเทียพู๊ เด๊อ อา บี่ซิปล่อสู่เทอ ซี๋ แซ่ฮู๊ ซี ซิหยื่อ หนิดา ครวาเมเกอ คยาแซ๊ คูโมเสส อา เตซว๊าเตแส่ เออเนอ เร๊อ อูเป แฮ อี๊ลอแลโฮ ซี เป? แว โด่แนโปลเพ๊ เป่โทเฮ๊อ ซี เร๊อ เหย่ซู๊ครี๊ข่าเซอ อาเหน่เด๊อ อี๊ถื่อดีเต่ลู เนอเฮ๊อ แวเฮ๋.

เอเฟซัส 6:8

เมเตเฮ๊เรอ ซี ซิเงเฮ๊อ เน๊อ, แกแย ทวาหลู่ เต๊เห่ เบ่เบ่, แกแย โอ่ปาลา เต๊เห่ เบ่เบ่, เก่ อา เม เตแร๊ เฮ๊เรอ จอแปแหร่ เก่ เด๊อ อา เตเมหนิคว๊าเก่ ปา.

เพรโด่แนพู๊ เต๊เห่ 18:1

เตทวาแถ่ โท ฮู๊เออ เนอ เร๊อ, คูเปาโล โอ่ เบ๊อะวีเอเธนส์ เนอ เร๊อ อา เถ่จว๊า เด๊อ วีโครินธ์.

เพรโด่แนพู๊ เต๊เห่ 18:8

คูคริสปัส หม่า แกแย ทวา เตจ๊อเบโฮ อากู่กล๊อ เบ๊อะเนอ เตเพร. อา เน๊อ ล๋อ แกแย เด๊อ อา แฮโอ่เล เกอ ลู เบ๊อะอาหี่ เนอเต๊เห่ หยื่อเอ่แหน่ ลอปลี แบ่เจ่ เร๊อ แกแย อาโร เด๊อ อา โอ่ เด๊อ วีโครินธ์ อากู เด๊อ อา หนิโฮ เตซิครือมีลา เต๊เห่เนอ, อา หยื่อเอ่แหน่ เกอ เร๊อ อา เจ เกอ แลแค อาเหน่ เร๊อ เทอ.

ꤊꤢ꤬ꤜꤢ꤬ꤒꤤ 4:12

โป่แหว่ ซี๋, แว กุยซิยอ ซี เน๊อ ซี เก่ แม๊บือ ครวาเม เกอดื่อ ฮู๊ แว เม เออเนอ, เมเตเฮ๊เรอ แว ทวาแถ่เฮ๊อ แกแยยิวพู๊ หม่าโต่ เด๊อ อาแซ่เน๊อ ซี เด๊อ อา ทวา ปา เตซว๊าเตแส่ อาหลู่เล๊ โต่ เตเพร เนอเฮ๊อ. เด๊อ อาเหร่ออาเนอ เนอหม่า ซี เมซื๊อน๊อ เร๊อ แว เตอเจ๋อ โต่.

เอเฟซัส 6:19

แซ่ฮู๊ จอแปแหร่ เก่ นอเฮ๊เบ่ แว โหง่ เด๊อ อา โตเบ่ เฮ๊เบ่ เนอเต๊เห่ อาเงเนอเรอ, เบ๊อะแว เตเร เป๊อแถ่ เฮ๊ เป่ อู เนอ, กุยจ๊อเบ หนิเป่เกอ เด๊อ แวเง นี๋. โท๊โต่ แซ่ฮู๊ แว เก่ แด๊โฉ่โด่แน ฮาฮา เป่เกออู เร๊อ จอแปแหร่ อา เตซิครือมีลา เด๊อ อา โอ่โอ๊โอ่บี๊ งย๋า ลาเฮ๊อเออ อาเงเนอ, กุยจ๊อเบ หนิเป่ เกอโป่ เด๊อ แวเง นี๋.