โครินธ์ เนอบ่า ต๊าบ่า 6:10 - ลีเทส่อพ๊าอาเซ เร๊อ เห่ขุทวาลู๊10 เป แม๊เถอะ เอ๊แหน่เจ๊อ เตแป่เตเช หม่าแน๊เรอ เป ซิลอซิอือ ปว๋า โตโพ๊ เจ๊อ. อา แซ๊ เร๊อ เป โซพ๊าโซแร แหน่เจ๊อ หม่าแน๊เรอ เด๊อ เป อิซว๊าอี๊แส่ เป่ อู อาขว่าอาคยาเร๊อ, อู ดุแหย่แถ่เซ เด๊อ แหย่โย ตากยา เนอ อา โอ่ เอ๊แหน่เจ๊อ เฮ๊อ. อา แซ๊ เร๊อ เปเต โอ่ เกออู เตอเจ๋อ โต่ หม่าแน๊เรอ เป พย๊าหนิ ลอเฮ๊อ เตปว๋า เต๊อเจ่อ เฮ๊อ. အခန်းကိုကြည့်ပါ။Eastern Kayah Shadaw Dialect10 ꤕꤢꤩ꤬ ꤗꤢꤧꤓ꤫ꤣꤧ꤬ ꤢꤩꤔꤢꤧ꤬ꤡꤣꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤢ꤬ ꤡ꤫ꤣ꤬ ꤔꤢꤧ ꤕꤢꤩ꤬ ꤏꤥ꤭ꤚꤢꤧ꤬ꤏꤥ꤭ꤖꤢ ꤔꤢꤧ꤬ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤘꤣ ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢꤨ꤭ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤢꤪꤜꤢꤧ꤬ ꤔꤣꤧ꤬ ꤢ꤬ ꤥ꤬ ꤢꤩꤔꤢꤧ꤬ꤡꤣꤧ ꤟꤣꤧ꤯ ꤢ꤬ ꤡ꤫ꤣ꤬ ꤔꤢꤧ ꤕꤢꤩ꤬ꤒꤢꤩ꤬ ꤥ꤬ ꤊꤣꤧ꤭ꤢꤨ꤭ ꤒꤣ꤬ꤡꤣ꤬꤮ ꤒꤥ꤬꤯ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ꤟꤣꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤟꤣꤧ꤯ အခန်းကိုကြည့်ပါ။ |
โครินธ์ เนอบ่า ต๊าบ่า 6:10
43 ပူးပေါင်းရင်းမြစ်များ
เป แบ่เจ่ เหย่ซู่ครี๊ เออเนอ อาบุ๊ยดุอาเตอเรอทู เจ๊อ บ๋า เตเนอ, ซี ซิเงดื่อ เฮ๊อ. อา โอ่ เด๊อ ม๊อขุ เบ๊อะเนอ, อา ดุแหย่แถ่เซ แหน่เจ๊อ หม่าแน๊เรอ เบ๊อะอา แฮ กลว่าอาเหน่ ฮู๊ แกแย เห่ขุพู๊ เตเพร เบ๊อะเนอ, อา เบ่แฮ ทวา เจ๊อ แกแย โซพ๊าโซแรพู๊ เตเพร เด๊อ เปเง เจ๊อ. แซ่ฮู๊ ซี เก่ ดุแหย่แถ่เซ เกออู อาเงเนอเรอ, อา เบ่แฮ ทวา เจ๊อ แกแย โซพ๊าโซแรพู๊ เตเพร ฮู๊เนอ เจ๊อ.
เนแป่เนเช, เน โซพ๊าโซแร เนอหม่า แว ซิเง. หม่าแน๊เรอ เด๊อ แหย่โย ตากยา เนอ, เน ดุแหย่แถ่เซ. แกแย เด๊อ อา เฮ๊แล เกอเร๊อ อาเหน่ เน๊อ เป หม่า แกแยยิวพู๊ เต๊เห่ หม่าแหน่ เจ๊อ หม่าแน๊เรอ อา หม่าแหน่ หม่าโต่ เออเต๊เห่ แด๊ ซีแหย่โย เนอหม่า แว ซิเง. เหย่ซี เนอเต๊เห่ หม่า โลเน๊มู๊แหม่รีแจ่ กู่กล๊อ อา เตจ๊อเบ โฮพู๊เต๊เห่ แพ๊.
ซี ซิยอเร๊อ แกแย เด๊อ อู ด๊อตา ลู เด๊อ ทอกู เนอเต๊เห่. อู เป่เอ่เป่โอ ปื่อเผ่ จว๊าแก ลอ ซี ตาหมื่อตาเต เจ๊อ หม่าแน๊เรอ, ซี แด่ ซิครือ แลแค แพ๊ ซี ซิปล่อ, เมเตเฮ๊เรอ ซี ซิเง เน๊อ ซี ตาหมื่อตาเต เด๊อ อาแร๊เล๊อ เร๊อ อา โอ่หม่าโอ่กลอ ตูจูเพร เออเนอ อา โอ่ เอ๊ลูปา เด๊อ ม๊อขุ อาขว่าอาคยา, ซี ซิครือซิลอ แลแค แพ๊.
เตอิซว๊า แจ่แถ่ เนเหน่ เด๊อ เหน่กล่อพ๊าหย่า ตากยา เนอหม่า, อาบุ๊ยอาเตอเรอ โอ่ เต๊เห่. หม่าแน๊เรอ อิซว๊า แจ่แถ่ หนิ เนเหน่ ฮู๊ จอแปแหร่ ซิหยื่อ นอ โอ่เซอเพร เน เนอหม่า อาบุ๊ยเตอเรอ โอ่ ลอปลี เจ๊อ. เป จว๊าอิซว๊า แจ่แถ่ หนิโต่ เปเหน่ ฮู๊ จอแปแหร่ อา เตซิหยื่อ เนอ เมเตเฮ๊เรอ, เตเออเนอ อา เก่ ทวาบุ๊ยทวาเตอเรอ หม่าแหน่ ตื๊อเออ ตือทือ อาเงเนอ หม่าโต่, ช๋า เนอปา ตือทือ อาเง เบ่เบ่, อา ทวาบุ๊ยทวาเตอเรอ หม่าแหน่ เจ๊อ ปา.
นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.
เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.
เด๊อ เหย่ซี เม เตซื๊อเตปล๊า อาขว่าอาคยา, จอแปแหร่ เด๊อะบุ๊ยเด๊อะเตอ เรอ เอ๊แหน่เจ๊อ เฮ๊อ แกแย โอ่ เด๊อ เห่ขุ เออต๊าบ่า เฮ๊อ. เด๊อ เหย่ซี แลจู่แก จอแปแหร่ อา เตแม๊ดุ เหย่ซี อาขว่าอาคยา, แกแยยิวพู๊ หม่าโต่ เต๊เห่ พย๊าหนิ เล๊อบาแก เฮ๊อ จอแปแหร่ อา เตแม๊ดุหนิ เหย่ซี เฮ๊อ. ฮู๊เนอเรอ ช๋า ล๋อ แกแยยิวพู๊ เด๊อ จอแปแหร่ นว๊าแถ่ เหย่ซี เนอเต๊เห่ เก่ หยื่อเอ่กา ลอเฮ๊อ ครี๊ เบ๊อะเนอ ปาเนอ, จอแปแหร่ เก่ เด๊อะบุ๊ยเด๊อะเตอเรอ ลอ เจ๊อ อู บ๋า เต ปาเนอ, เตเนแม๊ แลแค เมอ.
หม่าแน๊เรอ เป เด๊อ อา แด๊โฉ่โด่แน เป่ อู เออเต๊เห่เนอ, อา แซ๊ แพ๊ เร๊อ ปอเห่ เด๊อ อู สู่โนโอ่บา อา เร๊อ เตงูดุงูชอ เด๊อ อากู เตเม เนอเฮ๊อ. เตงูดุงูชอ เออเนอหมา หม่าเฮ๊อ เม เตซิครือมีลา เออเนอ เฮ๊อ. อา เมฮู๊เออ เมเตเฮ๊เรอ แซ่ฮู๊ จอแปแหร่ เก่ เด๊อะโล เร๊อ อาเตอเรออาฉว่าซอ เออเนอหมา อา โอ่ เด๊อ เปกู เถ่ หม่าโต่, อา โอ่ เด๊อ ลูโอ่ แฮ แพ๊.
เบ๊อะซี หยื่อเอ่หนิ เฮ๊อ จอแปแหร่ เด๊อ อา เมจว่า ซี เออ เบ๊อะเนอ, อา หม่า จอแปแหร่ เตเพร เด๊อ เป เหล่แม๊ชือ อา แก่ช๊าแก่แร อาขว่าอาคยา, อา เก่ เมเล๊อบา เป่ดื่อ ซี เตซิครือซิลอ เน๊อ ซี ซิปล่อ อา เตตู๊จุเตอเจ๊อ นี๋. โท๊โต่ แซ่ฮู๊ ซี เตแม๊ชือ เก่ ฉว่าแถ่ชอแถ่ แฮเง เกอโป่ เด๊อ เง เร๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยา แพ๊ เนอเรอ แว กุยจ๊อเบ เป่ เด๊อ ซีเง.
แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.
แซ่ฮู๊ อา เก่ หนิบุ๊ยหนิเตอเรอ เด๊อ ซิเง เนอ, ล๋อ เตจาเตจือ เออเต๊เห่เนอ, เป แด่ทูซิปล่อ ลอปลี เจ๊อ ปว๋า เต๊อเจ่อ เร๊อ เป แด๊โฉ่โด่แน เป่ อู เร๊อ เตซิครือมีลา. ช๋า แกแย แม๊เถอะ แฮเบ่ โหร่เอ๊ เฮ๊อ จอแปแหร่ อาบุ๊ยอาเตอเรอ อาเคปาเนอ, แกแย เด๊อ อา เก่ เฮ๊บุ๊ยเฮ๊เตอเรอ จอแปแหร่ เต๊เห่ เก่ โอ่ เอ๊แฮ ปา, เร๊อ แกแย ล๋อ ปลี เก่ ถู่เซ๊แถ่ จอแปแหร่ ปา.
ကြော်ငြာတွေ