โครินธ์ เนอบ่า ต๊าบ่า 5:9 - ลีเทส่อพ๊าอาเซ เร๊อ เห่ขุทวาลู๊

⁹ หม่าแน๊เรอ, เป โอ่ เบ๊อะเต๋ โต๊โผ่ เบ่เบ่, เป โอ่ ปาแพ๊ เบ๊อะเออ เบ่เบ่, เป จว๊า โอ่ เฮ๊อ เด๊อ หี่ม๊อขุ เฮ๊อ ปา เบ่เบ่, เป ซิหยื่อ เมโต แพ๊ จอแปแหร่ อาซิปล่อ แพ๊.

Eastern Kayah Shadaw Dialect

⁹ ꤗꤢ꤬ꤔꤢꤧꤚꤣꤧ꤬, ꤕꤢꤩ꤬ ꤥ꤬ ꤙꤣꤧꤒꤢꤩ꤭꤮ ꤒꤣ꤬ꤖꤥ꤬ ꤙꤢꤩ꤬ꤙꤢꤩ꤬, ꤕꤢꤩ꤬ ꤥ꤬ ꤕꤢ꤬ꤖꤢꤧ ꤙꤣꤧꤣꤧ꤭ ꤙꤢꤩ꤬ꤙꤢꤩ꤬, ꤕꤢꤩ꤬ ꤡꤝꤢ ꤥ꤬ ꤟꤣꤧ ꤘꤣ ꤟꤤ꤬ꤗꤢꤪꤋꤢꤨ꤬ ꤟꤣꤧ ꤕꤢ꤭ ꤙꤢꤩ꤬ꤙꤢꤩ꤬, ꤕꤢꤩ꤬ ꤞꤤꤛ꤫ꤢꤦ꤬ ꤗꤢꤩ꤬ꤒꤥ꤭ ꤖꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤖꤢꤧ꤯

โครินธ์ เนอบ่า ต๊าบ่า 5:9 ပူးပေါင်းရင်းမြစ်များ

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.

ꤚꤥꤗꤢꤩ꤬ 14:18

แกแย เด๊อ อา โอ่เซอเพร ครวาเกอ ฮู๊เนอ เต๊เห่, เร๊อ อา เม ครี๊ อา เตเอ่เตแร เต๊เห่เนอ, จอแปแหร่ เบ่เบ่ แกแยเห่ขุพู๊ เบ่เบ่ อาซิปล่อ โอ่หนิ เฮ๊อ ลู เฮ๊อ.

เปโตร เนอบ่า ต๊าบ่า 3:14

ฮู๊เนอเรอ โคแบ๊ซว๊าโม ซี๋, เด๊อ ซี โอ่ป่อแม๊ชือ เตเออ อาขว่าอาคยา, แซ่ฮู๊ จอแปแหร่ เก่ แม๊เถอะ แต่ ซี เร๊อ แกแย เด๊อ อา โตโพร๊วี๊ เร๊อ เตซื๊อ แต่เหม่, โทเรอ แซ่ฮู๊ อาเหล่แด่ เตซื๊อ เด๊อ ซีโอ่ เก่ โอ่ แต่เหม่, โท๊โต่ แซ่ฮู๊ ซี เก่ โอ่เปดวา เต่อเร๊อ อา ปา เนอ, แอ๊จื๊อแอ๊เหร่ ตื๊อดื่อ แลแค นี๋.

ทิโมธี อาเหร่อเล๊อ ต๊าบ่า 4:10

หม่าเด๊อ เออ อาขว่าอาคยา, เป จ่าเพรอ เมแหน่เจ๊อ เต, เมเตเฮ๊เรอ เป แด่ เป เตแม๊ชือ เด๊อ จอแปแหร่ เด๊อ อา เซอเพร เออเตเพร อาลู. อา หม่า เพรเมแลเปล๊กา แกแย ล๋อ ปลี, หม่าแน๊เรอ แกแย เด๊อ อา หยื่อเอ่ อา เต๊เห่ อาเงเนอ, อา หม่า เมแลเปล๊กา เด๊อ อา ตาเต เล๊ออูโค เตเพรเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:11

แอ๊จื๊อ โอ่เซอเพร โครเคร เพรดือ แลแค เร๊อ อู เด๊อ เตปว๋า เต๊อเจ่อ อากู นี๋. เน เตหรี่เตแก หม่าโต่ เต๊เห่เนอ, จว๊าโน เมซู๊ซ๊า เกอ แต่ อู แต่เหม่ นี๋. ฮู๊ เป แด๊โฉ่ โทเฮ๊อ ซี เนอ, แม๊ปูเอ่แม๊ปูแร เร๊อ โบ่เอ่แล เกอเร๊อดื่อ แลแค ซีเหน่ นี๋.

เห่ขุทวาลู่ 4:7

เน เก่ เมโต เต เก่เฮ๊เรอ แว จู แหน่ เน โต่ แอ? เน เก่ เมโต เต โต่ เฮ๊เรอ เตซื๊อ เออเนอ อาแซ่เน๊อ แอ๊ซี เด๊อ อา โอ่ผื่อ เด๊อ เนช๊า เร๊อ อา เครปื่อเอ่ เน, เร๊อ อา ซิหยื่อ เป๊อหนิ เน หม่าแน๊เรอ เน เบ่ เมเป่แก ลู.”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

โป่แหว่ ซี, เด๊อ คยาเล๊อเนอ, ซี โตเบ่ โอ่เซอเพร โต เร๊อ จอแปแหร่ อาซิปล่อ ฮู๊เตเนอ, เป อิซว๊า โทเฮ๊อ ซี เฮ๊อ. เร๊อ กู๊แหน่เออ ซี โอ่เซอเพร เนอหม่า อา หม่าเฮ๊อ. กู๊แหน่เออ เป กุยซิยอ ซี เร๊อ เป ครอครวาเกอ ซีคยา เด๊อ แบ่เจ่ เหย่ซู่ อาเหล่โอ่ เนอ, ซี เก่ เม แฮเง เอ๊แถ่เอ๊แถ่ โป่ ฮู๊เนอ.

โครินธ์ อาเหร่อเล๊อ ต๊าบ่า 15:58

ฮู๊เนอเรอ, แว โคแบ๊ซว๊า ซี, กู๊แหน่เรอ ก๊อถ่อ แตแนแร๊ แลแค เร๊อ โอ่หม่าโอ่กลอ แลแค เด๊อ ซี เตหยื่อ อากูเนอ นี๋. เม ฉว่าฉว่า แลแค จอแปแหร่ อาเตเม ปว๋า โตโพ๊ นี๋, เมเตเฮ๊เรอ ซี เม แบ่เจ่ อาเตเม เนอ อา แกเด เด๊อ ซีเง โต่.

ꤚꤥꤗꤢꤩ꤬ 15:20

เออ หม่า หม่าเฮ๊อ เต เด๊อ แว ซิหยื่อ แม๊ชือ เม เนอเฮ๊อ. เหล่โอ่ เบ๊อะเต๋ โต๊โผ่ เบ่เบ่ เด๊อ อา หนิโฮแล๋ ครี๊ อาหรี่อาแก โต่ เนอ. แว โด่แนเป่ เหย่ซี เร๊อ เตซิครือมีลา. เมเตเฮ๊เรอ อาแซ่เน๊อ หี่เตเม เด๊อ อู แบ๊ตา โทเฮ๊อ อากู๊โด่ แกซ๊า เร๊อ หล่อเนอ, แว ซิหยื่อ จว๊า ช๊อแถ่ แฮเง เร๊อ อู กู๊เหล่ เด๊อ อู แบ๊ตา โทเฮ๊อ เออ อาโหล่ โต่.

ꤚꤥꤗꤢꤩ꤬ 14:8

เป เก่ เซอเพร เฮ๊เรอ, เป โอ่เซอเพร เด๊อ แบ่เจ่ อาเง. เป เก่ เซอ เฮ๊เรอ เป เซอ เด๊อ แบ่เจ่ อาเง. ฮู๊เนอเรอ เป เซอเพร เบ่เบ่, เป เซอ เบ่เบ่, เป หม่า แบ่เจ่ อาเต เต๊เห่.

เพรโด่แนพู๊ เต๊เห่ 10:35

แกแย เมวเจอะ อิเตเต๋ เบ่เบ่, เก่ อา แด่หยื่อแด่แหน่ จอแปแหร่ เร๊อ อา เก่ เมโตเมเบ่เตเฮ๊เนอหม่า จอแปแหร่ เอ๊โมฉื่อ เหย่ซี แพ๊.

ꤟꤤꤙꤚꤢꤨ 12:28

ฮู๊เนอเรอ, เป เฮ๊บุ๊ยเฮ๊เตอเรอ โหร่ลู จอแปแหร่ โป๋, เมเตเฮ๊เรอ เป พย๊าหนิเฮ๊อ เทอเก่ เด๊อ อา โกโย แจ่โต่ เออเต๊เก่เฮ๊อ. เป เก่ จ๊อเบแถ่ จอแปแหร่ เน๊อ เตจ๊อเบ เด๊อ อาโต เน๊อ ลูซิปล่อ เน๊อ เตซิอิเช แดดุแด่ทู อากู เออเนอโป๋.

ꤟꤤꤙꤚꤢꤨ 4:11

เป เพอโพ เด๋อ งย๊าเค เต๊เห่เนอ, อา ย๊อ หนิดา เกอ จอแปแหร่ อาโหง่ โต่ อาขว่าอาคยา, อา โนหนิ เกออู เด๊อ จอแปแหร่ เหล่โอ่โก๊ เตเบ๊ซิพร๊า อาเหล่โอ่ เออเนอ โต่. แซ่ฮู๊ เป เก่ ครวาแม๊บือ เกอ แต่ เปเพอเปโพ เตเพร่ว แต่เหม่, โท๊โต่ แซ่ฮู๊ เป เก่ โนหนิ เกออู เด๊อ เหล่โอ่โก๊ เตเบ๊ซิพร๊า อาเหล่โอ่ เออ อาเงเนอ, เป เตเพร เร๊อ เตเพร เก่ แอ๊จื๊อ แร๊ ตื๊อดื่อ โหร่ลู โป๋.

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

โครินธ์ เนอบ่า ต๊าบ่า 5:8

แว เก่ เฮ๊ เน๊อ, เป หยื่อเอ่เร๊อ แบ่เจ่ เออเนอ อาฉว่าอาชอ เร๊อ เป ซิหยื่อ เถ่จว๊าแก ลา เฮ๊อ เร๊อ เปเหน่กล่อ เออ เร๊อ เป ซิหยื่อจว๊า โอ่เต่อเกอ ลา เฮ๊อ เร๊อ แบ่เจ่ เด๊อ ม๊อขุ เฮ๊อ.

โครินธ์ เนอบ่า ต๊าบ่า 5:6

ฮู๊เนอ อาขว่าอาคยา เป หยื่อเอ่ ตาเต หนิ เฮ๊อ เตเออเต๊เห่ เฮ๊อ. เป ดา โอ่ ปาแพ๊ เบ๊อะเปเหน่กล่อ เออเต๊เห่ อากู แพ๊ เฮ๊เนอหม่า, เป จว๊า โอ่ แต่ล๋าย เด๊อ เหล่โอ่ เบ๊อะแบ่เจ่ เหย่ซู่ โอ่ เนอ หม่า ล๋ายโต่.

ꤛꤥ꤭ꤟꤢ꤬ 6:27

จ่าเพรอ แรเป่ เต เหล่เอ่เหล่โอ เด๊อ อา โนโส่ อา ซอปย๊า แจ่ เนอเต๊เห่ อาเง แต่เหม่. จ่าเพรอ แรเป่ เหล่เอ่เหล่โอ เด๊อ อา เก่ เด๊อะ ซี ซิปล่อเซอเพร ตูจูเพร เออเต๊เห่ อาเงเนอ. แกแยเห่ขุ พู๊คูเออ, อา เก่ เด๊อะ อู เหล่เอ่ ฮู๊เนอ เต๊เห่ ปา, เมเตเฮ๊เรอ เพ จอแปแหร่ เด๊อะโล เฮ๊อ เร๊อ อา ซิปล่อโอ่ เฮ๊อ ลู เฮ๊อ.”

เอเฟซัส 1:6

อา เด๊อะตาครา เป่ เป เชหยู่ หม่าเฮ๊อ อา พู๊เพรคู เด๊อ อา โม เร๊อดื่อ เออเตเพร อาขว่าอาคยา, เป่ ถู่เซ๊แถ่ โหร่ลู จอแปแหร่ อาบุ๊ยดุอาเตอเรอทู เออเนอ โป๋.