โครินธ์ เนอบ่า ต๊าบ่า 5:18 - ลีเทส่อพ๊าอาเซ เร๊อ เห่ขุทวาลู๊

¹⁸ ล๋อ เตเออเต๊เห่ เนอหม่า จอแปแหร่ เม ลอปลี แพ๊. เด๊อ ครี๊ แฮ เม เป่ เป อาขว่าอาคยา, เป ทวาแถ่ เฮ๊อ จอแปแหร่ อา โคแบ๊ซว๊า เฮ๊อ. เร๊อ อา เด๊อะตาเกอ เฮ๊อ เป เตเอ่เตแร เด๊อ เป เก่ จว๊า แด๊โฉ่โด่แน เป่ เกออู เร๊อ ครี๊ เมทวาแถ่ กาคยา คยาแซ๊ เป เร๊อ จอแปแหร่ อา โคแบ๊ซว๊า เฮ๊อ, ฮู๊เนอ แพ๊.

Eastern Kayah Shadaw Dialect

¹⁸ ꤜꤢꤪ꤭ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤜꤢꤪ꤭ꤕꤜꤤ꤭ ꤖꤢꤧ꤯ ꤘꤣ ꤋꤚꤤ ꤟꤢꤧ꤭ ꤗꤢꤩ꤬ ꤕ꤫ꤢꤩ꤬ ꤕꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤓꤝꤢ꤭ꤓꤢꤧ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤋꤥ꤭ꤙꤢꤧꤞꤝꤢ ꤟꤣꤧ꤯ ꤚꤣꤧ꤬ ꤢ꤬ ꤘꤣꤧꤒꤢ꤭ꤊꤣꤧ꤭ ꤟꤣꤧ ꤕꤢꤩ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤘꤣ ꤕꤢꤩ꤬ ꤊ꤫ꤢꤦ꤬ ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤊꤣꤧ꤭ꤢꤨ꤭ ꤔꤢꤧ ꤋꤚꤤ ꤗꤢꤩ꤬ꤓꤝꤢ꤭ꤓꤢꤧ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤋꤥ꤭ꤙꤢꤧꤞꤝꤢ ꤟꤣꤧ, ꤟꤢꤨꤔꤣꤧ꤬ ꤖꤢꤧ꤯

โครินธ์ เนอบ่า ต๊าบ่า 5:18 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:10

เตโม อาโหง่แลช๊า หม่าแหน่ หม่า จอแปแหร่ โม เป เร๊อ แซ่ฮู๊ เป เตซื๊อเตปล๊า ล๋อ ปลี เก่ ปลวาแก อาเงเนอ, อา นอแฮแล ข่าเซอ อาพู๊คู เด๊อเป เง. หม่าแน๊เรอ เป เตโม จอแปแหร่ เนอ อาดุ แซ่เน๊อ อาเตโม เป เออเนอ โต่.

ꤚꤥꤗꤢꤩ꤬ 5:1

ฮู๊เนอเรอ จอแปแหร่ แด่จ๊อแด่เต เฮ๊อ เป เร๊อ เป เตหยื่อเตแหน่ อาคยา เฮ๊อ. เป โอ่โอ่เพรโอ่ดือ โอ่โครโอ่เกล เต่อ คยาแซ๊ เฮ๊อ เร๊อ จอแปแหร่ เฮ๊อ. เพร เม ทวาแถ่ เป่ เป ฮู๊เออเนอหม่า หม่าเฮ๊อ เป แบ่เจ่ เหย่ซู่ครี๊ เฮ๊อ.

ꤚꤥꤗꤢꤩ꤬ 11:36

เมเตเฮ๊เรอ, อา แบ๊แล เตล๋อ ปลี, อา แม๊ตู่หนิ เตล๋อ ปลี เร๊อ อา เตอ เรอฉว่าชอ เต๊เห่, เร๊อ เด๊อ อา แบ๊แล เตปว๋า เต๊อเจ่อ อาขว่าอาคยา, อู ถู่เซ๊แถ่หนิ เฮ๊อ จอแปแหร่ เฮ๊อ. แกแย ปว๋า เตเพร เก่ ถู่เซ๊แถ่ดื่อ จอแปแหร่ อาตูจูเพร แตแลเคร๊ นี๋. อาเมน.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

แซ่ฮู๊ จอแปแหร่ เก่ ปลวาแก เป เตซื๊อเตปล๊า เออเนอเร๊อ ครี๊ ข่าเซอโทเฮ๊อ อาซิปล่อ เฮ๊อ. หม่าแน๊เรอ ตื๊อแพ๊ เป เตซื๊อเตปล๊า ตื๊อดื่อ อาเงเนอ หม่าโต่, อา ปลวาแก โต่เป่เกอดื่อ ล๋อ เห่ขุพู๊ เต๊เห่ อา เตซื๊อเตปล๊า.

โครินธ์ อาเหร่อเล๊อ ต๊าบ่า 8:6

หม่าแน๊เรอ เป ซิเง เร๊อ จอแปแหร่ หม่า อา โอ่แพ๊ เตเพรเพร่ว แพ๊. อา หม่า เปเพ, อา หม่า อา แบ๊แล เตปว๋า เต๊อเจ่อ เร๊อ เป โอ่เซอเพร เป่ เด๊อ ลูเง. แบ่เจ่ หม่า อา โอ่แพ๊ เตเพรเพร่ว แพ๊, อา หม่า เหย่ซู่ครี๊ เฮ๊อ จอแปแหร่ นอแบ๊ตา แฮเง เตปว๋า เต๊อเจ่อ เร๊อ เหย่ซู่ครี๊. เพร เด๊อ อา เด๊อะ เป ซิปล่อเซอเพร หม่า หม่า อา เฮ๊อ.

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

ꤜꤢꤨꤊꤢ꤬ 24:47

โทเรอ เด๊อ อามุย อากู เร๊อ อู เก่ แด๊โฉ่โด่แน ถู่แหล่แต๊แกละกา ซิปล่อ อาหรี่อาแก เน๊อ เตปลวาแก เตซื๊อเตปล๊า เออเนอเต๊เห่ อาหรี่อาแก ปา. อู เก่ แด๊โฉ่โด่แน อา เด๊อ เก่โร ปวาเต๊อเจ่อ อาเง ปา, เร๊อ อู เก่ เป๊อแถ่ เฮ๊โฉ่เหร่อเล๊อ เด๊อ วีเยรูซาเล็ม อากู เนอปา.

ꤡꤛꤢꤩ꤭ꤗꤢ꤬ꤎꤣ꤬ 1:17

ล๋อ เชหยู่ เด๊อ อาแร๊ เน๊อ อา เล๊อบา เนอหม่า จอแปแหร่ เด๊อ อา แบ๊แล ต๊อเหมาะ น๊อ เฉ่ เน๊อ เล เออเต๊เห่ เตเพร เด๊อะตา แพ๊. จอแปแหร่ อาเหล่โกล ถู่แหล่ เต๊เปล่โค๊แก เกอ ฮู๊ เตลี เก๊โอ่ ถู่แหล่ โค๊แก เนอโต่.

ꤟꤤꤙꤚꤢꤨ 2:17

ฮู๊เนอ อาขว่าอาคยา แซ่ฮู๊ แบ่เจ่ เหย่ซู่ เก่ ทวาดื่อ เพร เด๊อ อา เม จอแปแหร่ อา เตเอ่เตแร ฮู๊ เพรหลู่แต กู่กล๊อดุเล๊อ เด๊อ อาจ๊อ เร๊อ อาโหง่ เร๊อ อา ซิยอแจ่ อู เตเพร. โท๊โต่ แซ่ฮู๊ อา เก่ ข่าเซอเป่ เด๊อ แกแย เต๊เห่ อา เตเมซื๊อ เต๊เห่ เก่ ปลวาแก อาเงเนอ, อา แฮแล พย๊า แกแยเห่ขุพู๊ อาเหล่โกล แซ่เน๊อ อาโป่อาแหม่ เออเนอเต๊เห่ เฮ๊อ.

โครินธ์ อาเหร่อเล๊อ ต๊าบ่า 12:6

เตแจ่เตลีแม เด๊อ อาโอ่ เร๊อ เป เด๊อ เป เก่ เม เป่ จอแปแหร่ อา เตเอ่เตแร อาเงเนอ, อา โอ่ เอ๊ลู หม่าแน๊เรอ เตแจ่เตลีแม เออเต๊เห่เนอ อา โค๊ลู. หม่าแน๊เรอ เพร เด๊อ อา เด๊อะตา เป เตแจ่เตลีแม เตเพร เร๊อ เตเพร เด๊อ เป เก่ เม จอแปแหร่ อาเตเม เออเต๊เห่ อาเง เนอหม่า, จอแปแหร่ เตเพรเพร่ว แพ๊.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

เพรโด่แนพู๊ เต๊เห่ 10:36

ซี ซิเง โทดื่อ เฮ๊อ เตหรี่เตแก เด๊อ จอแปแหร่ นอจว๊า เป่ เหย่ซู่ เด๊อ อิสราเอล อากลุยอาแล เต๊เห่ อาเง เร๊อ อา จว๊า แด๊โฉ่โล เป่ เหย่ซี เร๊อ เตซิครือซิลอมีลา อาหรี่อาแก เออเนอ เฮ๊อ. เด๊อ เหย่ซู่ครี๊ เด๊อ อา ทวา อู ปว๋า เตเพร อา แบ่เจ่ เออเตเพร อาขว่าอาคยาเร๊อ, เป พย๊าหนิเฮ๊อ เตเปเตดวา เฮ๊อ.

ꤛꤥ꤭ꤟꤢ꤬ 3:27

เร๊อ คูยอห์น เฮ๊ฉื่อ ลู เน๊อ, “อูเป๊ เบ่เบ่ จอแปแหร่ เก่ เด๊อะตา ลู โต่ เนอ, อา พย๊าหนิ แจ่ เต เตอเจ๋อ โต่.

ꤜꤢꤨꤊꤢ꤬ 10:5

“เบ๊อะซี จว๊าโน เด๊อ หี่ เตเมเม อากู เบ๊อะเนอ, เฮ๊เหร่อเล๊อ เน๊อ, ‘เตซิปล่อ ตู๊จู่เตอเจ๊อ เก่ โอ่ ดื่อ เด๊อ หี่เออ เตเม อากู นี๋!’ เฮ๊ แลแค ฮู๊เนอ นี๋.

โครินธ์ อาเหร่อเล๊อ ต๊าบ่า 3:5

เก่เฮ๊ลอลอ เร๊อ, คูอปอลโล หม่า อูเป? คูเปาโล หม่า อูเป? เป หม่า แกแย แจ่ลีแจ่ลาโต่ เด๊อ อา เม จอแปแหร่ อาเตเม เต๊เห่ แพ๊. เด๊อ เป เฮ๊โฉ่โด่แนโล เป่ ซี อาขว่าอาคยา ซี หยื่อเอ่แหน่ กา แลแค แบ่เจ่ เหย่ซู่ครี๊. ฮู๊ จอแปแหร่ เด๊อะตา เป เตเม เตเพร เร๊อ เตเพร เนอ, เป เม เร๊อดื่อ ฮู๊ อา นอเม เป เออเนอ แพ๊.

โครินธ์ อาเหร่อเล๊อ ต๊าบ่า 11:12

เป โหล่ เร๊อ ลู เตเพร เร๊อ เตเพร เนอหม่า อา หม่าแหน่ เจ๊อ. เมเตเฮ๊เรอ จอแปแหร่ พย๊า เพรคู อาครืออาขรว่า เร๊อ อา แบ๊ตา เร๊อ เพรเหมาะ. หม่าแน๊เรอ เพรคู เนอ, อา โอ่เป๊เจ่แล เกอ แพ๊ เด๊อ เพรเหมาะ อาฮ๊อกู ปว๋า เตเพร แพ๊. เพร เด๊อ อา นอทวาแถ่ ลอ เตปว๋า เต๊อเจ่อ เออเตเพร เนอหม่า จอแปแหร่ แพ๊.

โคโลสี 1:22

หม่าแน๊เรอ กู๊แหน่เออ, ครี๊ อาเหน่แบ่เจ่ เร๊อดื่อ แฮ ข่าเซอ อาเหน่ อาขว่าอาคยา, จอแปแหร่ เมโครเกล กาคยา คยาแซ๊ เฮ๊อ ซี เร๊อ อาเหน่กล่อ เร๊อดื่อ เจ๊อ เฮ๊อ. เด๊อ จอแปแหร่ อา เป๊เส่เง ปาเนอ, แซ่ฮู๊ ซี เก่ บูโพ๊ เร๊อ ซี เก่ ลว๊าแก เร๊อ เตซื๊อ, โท๊โต่ อู เก่ แด่แจ่ ปา แต่ เตซื๊อ เด๊อ ซีโอ่ เตเพร่ว แต่เหม่ เนอ, จอแปแหร่ เมโครเกล กาคยา คยาแซ๊เฮ๊อ ซี ฮู๊เนอ เฮ๊อ.