โครินธ์ เนอบ่า ต๊าบ่า 5:17 - ลีเทส่อพ๊าอาเซ เร๊อ เห่ขุทวาลู๊

¹⁷ แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

Eastern Kayah Shadaw Dialect

¹⁷ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤔꤣꤧ꤬, ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ ꤒꤣꤧ꤬ꤕꤜꤢꤩ꤬ ꤞꤢꤩ꤭ ꤜꤢꤨ꤭ ꤟꤣꤧ꤯ ꤢ꤬ ꤠꤤ꤭ꤊꤢꤧ꤭ ꤊꤢꤧ꤭ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤕꤜꤢꤩ꤬ꤊꤢꤧ꤭ ꤘꤣ ꤢ꤬ꤞꤢꤩ꤭ ꤟꤣꤧ꤯

โครินธ์ เนอบ่า ต๊าบ่า 5:17 ပူးပေါင်းရင်းမြစ်များ

ꤛꤥ꤭ꤟꤢ꤬ 3:3

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ ตื๊อหื่อ โต่ เต๊เห่เนอ, อา แม๊เถอะเบ๊ จอแปแหร่ อาเทออาเก่ เตเพร่ว โต่.”

ꤊꤢ꤬ꤜꤢ꤬ꤒꤤ 6:15

แกแย ดื๊อตีลี๊พ๊า เต๊เห่ เบ่เบ่, อา ดื๊อตีลี๊ เกออู โต่ เต๊เห่ เบ่เบ่, อา โหล่ดุ เน๊อ เตอเจ๋อโต่. เตเด๊อ อา โหล่ดุเล๊ออู เนอหม่า ทวาแถ่ จอแปแหร่ อาแกแย เออเนอ แพ๊.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

เอเฟซัส 2:10

กู๊แหน่เรอ เป ทวาแถ่ ฮู๊เออ เนอหม่า, จอแปแหร่ เม เป่ เป แพ๊. เด๊อ เป ทวาแถ่ เตอเจ๋อโต เฮ๊อ เร๊อ เหย่ซู่ครี๊ อาขว่าอาคยา, จอแปแหร่ เด๊อะ เป เตโอ่เซอเพร อาเซ เฮ๊อ. แซ่ฮู๊ เป เก่ เมเตแร๊ อาเงเนอเนอ, อา เด๊อะ เฮ๊อ เป เฮ๊อ. เป เก่ เม เตแร๊ เออเต๊เห่ อาเงเนอ, อา ตี๊หรี่แตแร หนื่ออื่อ งย๋า เป่ลาเฮ๊อ เด๊อ เปเง เฮ๊อ.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

ꤛꤥ꤭ꤟꤢ꤬ 15:5

“แว หม่า แท๊ทือเหมาะ, ซี หม่า อาแพ เต๊เห่. แกแย เด๊อ อา โอ่จิจือหมะ เด๊อ แวกู เร๊อ แว โอ่จิจือ เด๊อ เหย่ซี อากู เต๊เห่เนอ, เหย่ซี เก่ เส่เถ่โพเถ่ เอ๊แหน่เจ๊อ ปา. เมเตเฮ๊เรอ ซี เก่ โอ่ จิจือ เร๊อ แว โต่ เฮ๊เนอ, ซี เมแจ่ เต เตอเจ๋อ โต่.

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

ꤚꤥꤗꤢꤩ꤬ 7:6

หม่าแน๊เรอ กู๊แหน่ เออเนอ, จอแปแหร่ เมแลเปล๊ เฮ๊อ เป เร๊อ เตซว๊าเตแส่ เฮ๊อ, เมเตเฮ๊เรอ เป ย๋อ เซอ เต่อเฮ๊อเร๊อ ครี๊ อาขว่าอาคยา, เตซว๊าเตแส่ เออ จอกลอหม่า แซ่เกอ เป ฮู๊ เด๊อ เนอเคเนอ อา หนิปาโต่ เฮ๊อ. จอแปแหร่ เมแลเปล๊กา เฮ๊อ เป เร๊อ เตซว๊าเตแส่ เออ, เร๊อ แหย่โยบูโพ๊ แบ่เจ่ เมจว่าเฮ๊อ เป เร๊อ แกล๊ อาเซ เออโตโบ เฮ๊อ อาขว่าอาคยา, เป เมเฮ๊อ อาเตเม เออเฮ๊อ. เป เม จอแปแหร่ อา เตเอ่เตแร เร๊อ เด๊อ เป หนิดา ครวาเมเกอ เตซว๊าเตแส่ อาแกล๊ เลอ เออโตโบ อาขว่าอาคยาเร๊อ หม่า ปาโต่เฮ๊อ.

โครินธ์ เนอบ่า ต๊าบ่า 5:16

ฮู๊เนอเรอ กู๊แหน่เออ เป ทวาแถ่ เฮ๊อ เตเต๊อเจ๋อ แพ๊ เน๊อ ครี๊ เฮ๊อ อาขว่าอาคยา, ฮู๊ แกแย เด๊อ อา หยื่อเอ่ ครี๊ โต่ เต๊เห่ แด่ดุ เตโอ่โล เด๊อ อากลอ เต๊เห่เนอ, เป แด่ดุเกอ ปา ฮู๊เนอโต่ เฮ๊อ. เด๊อ เนอเค เป เตเนซื๊อแต่ ครี๊ ฮู๊เนอเฮ๊อ หม่าแน๊เรอ กู๊แหน่เออ เป เตเนซื๊อ ปา อา ฮู๊เนอ โต่ เฮ๊อ.

ꤛꤥ꤭ꤟꤢ꤬ 3:5

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ เน๊อ เทอ เร๊อ จอแปแหร่ อาแหย่โยบูโพ๊ โต่ เต๊เห่เน๊อ, อา โนหนิ แจ่ เด๊อ จอแปแหร่ อาเทออาเก่กู โต่.

เอเฟซัส 2:15

แกแยยิวพู๊ เต๊เห่ อา เตซว๊าเตแส่ อาเกลเนอหม่า, อา เตซว๊าเตแส่ อาพู๊แพปีชีจว๊า เต๊เห่ อา โอ่ เอ๊แหน่เจ๊อ ตื๊อดื่อเรอ เด๊อ ครี๊ เซอ อาขว่าอาคยา อา เม ตื๊อดื่อ โทแก ปลื๊อลอเฮ๊อ เหย่ซี เต เนอเต๊เห่ เฮ๊อ. อา เตเตเนหนื่ออื่อ หม่า หม่าเฮ๊อ, แซ่ฮู๊ แกแย เออเนอหมู่ เก่ ทวาแถ่ดื่อ แกแย อาเซ ตู๊หมู่จือ เด๊อ ครี๊ อากู เรอ, อา เม เต๊เปล่ เร๊อดื่อ เร๊อ อาเหน่ เฮ๊อ. ฮู๊เนอเรอ อา เมเปเมดวา กาคยา คยาแซ๊ เหย่ซี เฮ๊อ.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

ꤛꤥ꤭ꤟꤢ꤬ 15:2

แท๊ทือแพ เด๊อ อา จิจือหมะ เร๊อ แว เร๊อ อาเส่อาโพ เถ่โต่ เต๊เห่เนอ, อา เก่ ปาแก ลอ ปา. อาแพ เด๊อ อาเส่อาโพเถ่ เต๊เห่เนอ เบ่เบ่, แซ่ฮู๊ อา เก่ เส่เถ่ เอ๊แถ่โป่ อาเงเนอ อา กล๊าแก แลเก่ อาแพ เต๊เห่.

ꤛꤥ꤭ꤟꤢ꤬ 17:23

แซ่ฮู๊ เหย่ซี เก่ ซิปล่อ จิจือแร๊ ลู เตเมเม๋ แพ๊, โท๊โต่ แซ่ฮู๊ แกแย เห่ขุพู๊ เต๊เห่ เก่ ซิเงแฮ เร๊อ เน นอแฮแล แว, เร๊อ เน โมหนิเร๊อ เพร เด๊อ อา หยื่อเอ่ แว เต๊เห่ ฮู๊ เน โมหนิเร๊อ แว เนอเรอ, แว โอ่ เด๊อ เหย่ซี อากู เร๊อ เน โอ่ เด๊อ แวกู.”

ꤛꤥ꤭ꤟꤢ꤬ 14:20

เบ๊อะเนอเตอเนอ ปาเนอ, ซี เก่ ซิเง เน๊อ แว โอ่ เด๊อ แวเพ อากู เร๊อ ซี โอ่ เด๊อ แวกู เร๊อ แว โอ่ เด๊อ ซีกู ปา.

ꤊꤢ꤬ꤜꤢ꤬ꤒꤤ 5:6

เมเตเฮ๊เรอ เบ๊อะซี ทวาแถ่เฮ๊อ เตเตอเจ๋อโต เร๊อ เหย่ซู่ครี๊ เบ๊อะเนอ, เตดื๊อตีลี๊พ๊า เบ่เบ่, เตดื๊อตีลี๊พ๊า โต่ เบ่เบ่, อา ทวาบุ๊ยทวาเตอเรอ เน๊อ เตอเจ๋อ โต่. เต เด๊อ อา ทวาบุ๊ยทวาเตอเรอ เล๊ออูโค เนอหม่า, เตหยื่อเตแหน่ เด๊อ อา เด๊อะโล เตโม จอแปแหร่ เร๊อ อูโร เออเนอ แพ๊.

มัทธิว 12:33

“ส่อเหมาะ เด๊อ อาแร๊ เนอ, อา เก่ เส่เถ่ ส่อเส่ เด๊อ อาแร๊ปา, หม่าแน๊เรอ ส่อเหมาะ เด๊อ อา อาแร๊โต่, อาเส่เถ่ แร๊ โต่. เมเตเฮ๊เรอ เนแม๊ ส่อเหมาะ เนอ เนซิเง แจ่ดื่อ ส่อเหมาะ อาหรี่อาแก เฮ๊อ.

มัทธิว 24:35

ม๊อขุ เร๊อ เห่ขุ เก่ อาโอ่เหม่แก ปา ตื๊อดื่อเรอ แวลาแวโหง่ เออเต๊เห่เนอ อาโอ่เหม่แก เป่ แตแค๋ โต่.

โครินธ์ อาเหร่อเล๊อ ต๊าบ่า 13:11

เบ๊อะแว เป๊เจ่ ปา เบ๊อะเนอ, แว เตเฮ๊เบ่ เบ่เบ่, แว เตแด่ แว ซิปล่อสู่เทอ เต๊เห่เนอ เบ่เบ่, แว เตเตเน เต๊เห่เนอ เบ่เบ่, อาแซ่เน๊อ เป๊เจ่ เตเพรเนอ แพ๊. หม่าแน๊เรอ เบ๊อะแว ดุเผร่ แฮ เฮ๊อ เบ๊อะเนอ, แว วีแก ลอ เป๊เจ่ อาเหล่โกล เต๊เห่.

โครินธ์ เนอบ่า ต๊าบ่า 5:19

เป ซิหยื่อ เฮ๊เนอหม่า ฮู๊เตเฮ๊เนอ, เด๊อ ครี๊ อาขว่าอาคยาเร๊อ จอแปแหร่ เมทวาแถ่ เฮ๊อ แกแยเห่ขุพู๊ ปว๋า เตเพร เร๊อ อา โคแบ๊ซว๊า เฮ๊อ. จอแปแหร่ แด่ ปา แกแย แกแยเห่ขุพู๊ เต๊เห่ อา เตเมซื๊อ โต่ เฮ๊อ. เร๊อ อา เด๊อะตาแก เฮ๊อ เป เตเมเออ เด๊อ เป เก่ จว๊า แด๊โฉ่โด่แน โล เป่ อู เร๊อ จอแปแหร่ เมทวากาคยา คยาแซ๊ เฮ๊อ แกแยเห่ขุพู๊ เต๊เห่ เร๊อ อา โคแบ๊ซว๊า เฮ๊อ.

โครินธ์ เนอบ่า ต๊าบ่า 12:2

เด๊อ อาเหร่อเค เช๊อลุยหน่า เบ๊อะเนอ, อู เอ๊กา กี๊แถ่ แกแยเพ เด๊อ อา หยื่อเอ่ ครี๊ เตเพร เด๊อ ม๊อขุ โซโต่ โต๊โต่ โต๊โผ่. (อาเหน่กล่อ โอ่ป่าแถ่เต่อ เกอ แอ? หม่า อา โอ่ป่าแถ่เต่อ โต่ แอ เนอ, แว ซิเง โต่. ซิเง แพ๊ตื๊อ จอแปแหร่ เตเพร แพ๊.)

ฟีลิปปี 4:21

แว เฮ๊โมเฮ๊แร๊ จว๊า เร๊อดื่อ จอแปแหร่ อาแกแย ปว๋า เตเพร เด๊อ อา หยื่อเอ่ เหย่ซู่ครี๊ เต๊เห่. โป่แหว่ ครี๊พู๊ เด๊อ อา โอ่ เกอ เร๊อ แว เบ๊อะเออ เต๊เห่ ซูจว๊า เป่เกอ อา เตเฮ๊โมเฮ๊แร๊ เต๊เห่ เด๊อ ซีโอ่.

ꤚꤥꤗꤢꤩ꤬ 16:7

ซู จว๊า หนิเป่ เกอ แว เตเฮ๊โมเฮ๊แร๊ เด๊อ คูอันโดรนิคัส เร๊อ หม่อยูเนีย นี๋. เหย่ซี หม่า แกแยยิวพู๊ แซ่เน๊อ แว เออเนอ แพ๊. อู ด๊อตา โหร่เกอ เหย่ซี เร๊อ แว เด๊อ ทอกู หนิ. เหย่ซี หม่า เพรโด่แนพู๊ เต๊เห่ เด๊อ อู แด่ดุหยื่อแหน่ แหน่เจ๊อ เต๊เห่. เหย่ซี ครวาเหร่อเล๊อ ครี๊ อาคยา เร๊อ แว หนิ.

ꤚꤥꤗꤢꤩ꤬ 16:11

ซูจว๊าหนิ เป่เกอ แว เตเฮ๊โมเฮ๊แร๊ เด๊อ คูเฮโรดิโอน อา โอ่ นี๋. อา หม่า แกแยยิวพู๊ แซ่เน๊อ แว แพ๊แพ๊. ซูจว๊าหนิ เป่ เกอ แว เตเฮ๊โมเฮ๊แร๊ เด๊อ โป่แหว่ ครี๊พู๊ เด๊อ อา โอ่ เด๊อ คูนารซิลสัส อาหี่ เนอเต๊เห่ นี๋.

ꤚꤥꤗꤢꤩ꤬ 16:3

แว ซูจว๊า หนิเกอ แว เตเฮ๊โมเฮ๊แร๊ เออ เด๊อ เพอาควิลลา เร๊อ อาเม โหมะปริสสิลลา อา โอ่. เหย่ซี หม่า อา เมเต่อเกอ เต เร๊อ แว เด๊อ เหย่ซู่ครี๊ อาเง.

ꤚꤥꤗꤢꤩ꤬ 16:9

แว ซูจว๊าหนิ แว เตเฮ๊โมเฮ๊แร๊ เด๊อ คูอูรบานัส เด๊อ อา เม โหร่เกอ ครี๊ อา เตเอ่เตแร เร๊อ แว เออเนอ เตเพร เร๊อ แว โคแบ๊ซว๊าโม คูสทาคิส อา โอ่.

ꤚꤥꤗꤢꤩ꤬ 16:10

ซูจว๊าหนิ เป่เกอ แว เตเฮ๊โมเฮ๊แร๊ เด๊อ คูอาเป็ลเลส อา โอ่ เนอ นี๋. อา หม่าเพรแรเต เด๊อ อา ป่อเต่อ แม๊เถอะเบ่ น๊อ โทเฮ๊อ เตเมจาเมจือ เต๊เห่ เร๊อ อา ซิปล่อปย๊า เกออู โต่ เตเพร ขว่าคยา, แกแย เด๊อ เหล่ซิเลหนิ แหน่เจ๊อ อา เตเพรเจ๊อ. ซูจว๊าหนิ เป่เกอ แว เตเฮ๊โมเฮ๊แร๊ เออเนอ เด๊อ คูอาริสโทบูลูส เร๊อ อา หี่ด๊อหี่แพพู๊ เนอเต๊เห่ อา โอ่ นี๋.

ꤜꤢꤨꤊꤢ꤬ 5:38

อู โตเบ่ ยือโน แพ๊ เทอแยเซ เด๊อ เทอโอพ๊าเซ อากู แพ๋.