โครินธ์ เนอบ่า ต๊าบ่า 5:13 - ลีเทส่อพ๊าอาเซ เร๊อ เห่ขุทวาลู๊

¹³ อู เก่ เฮ๊ เป เร๊อ แกแย ตีมุย เก่เฮ๊เรอ, เหล่เฮ๊โอ่ เน๊อ โต่, ล๋อ เป เม เออเต๊เห่ เนอหม่า จอแปแหร่ อาเง แพ๊. อู เก่ เฮ๊ เป เร๊อ เป เมเต โต เก่เฮ๊เรอ, อา หม่าเฮ๊อ, เป เม ม๊า เป่ แหน่ เด๊อ อา เก่ หนิบุ๊ยหนิเตอเรอ เด๊อ ซีเงเนอ.

Eastern Kayah Shadaw Dialect

¹³ ꤢꤨ꤭ ꤊꤢꤩ꤬ ꤟꤢꤩ ꤕꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭ ꤊꤢꤩ꤬ꤟꤢꤩꤚꤣꤧ꤬, ꤜ꤫ꤢꤩ꤬ꤟꤢꤩꤥ꤬ ꤔꤢꤧ ꤒꤥ꤬, ꤜꤢꤪ꤭ ꤕꤢꤩ꤬ ꤗꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭ ꤖꤢꤧ꤯ ꤢꤨ꤭ ꤊꤢꤩ꤬ ꤟꤢꤩ ꤕ꤫ꤢꤩ꤬ ꤔꤢꤧ ꤕꤢꤩ꤬ ꤗꤢꤩ꤬ꤒꤢꤩ꤬ ꤒꤥ꤭ ꤊꤢꤩ꤬ꤟꤢꤩꤚꤣꤧ꤬, ꤢ꤬ ꤗ꤫ꤢ꤬ꤟꤣꤧ, ꤕꤢꤩ꤬ ꤗꤢꤩ꤬ ꤗ꤫ꤢ꤬ ꤕ꤫ꤢꤩ꤬ ꤔꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤ꤭ꤑꤢꤩ꤭ꤔꤣꤧ꤭꤯

โครินธ์ เนอบ่า ต๊าบ่า 5:13 ပူးပေါင်းရင်းမြစ်များ

โครินธ์ เนอบ่า ต๊าบ่า 12:11

แว เฮ๊เบ่ ถู่เซ๊หนิ แวโหง่ อาขว่าอาคยา, แว แซ๊ เจ๊อ เร๊อ แกแย ตีมุย เตเพร. หม่าแน๊เรอ ซี เมตีมุย แว แพ๊. ซี โต ทวา แกแย เต๊เห่ เด๊อ อา โต ถู่เซ๊ เกอเร๊อ แว. ฮู๊ แกแย เต๊เห่เห่ เฮ๊ แลแค แว เน๊อ, แว หม่า แกแย โอ่เล๊อโอ่กลอ เตเพร แพ๊ หม่าแน๊เรอ แว โต่ แลหยื่อ เล๊อเน๊อ อา ทวา แลแค ซ๊าร๊าดุ หม่าเฮ๊อ เพรโด่แนพู๊ เต๊เห่ เนอเต๊เห่ ตีกี๋ โต่.

โครินธ์ เนอบ่า ต๊าบ่า 12:6

หม่าแน๊เรอ แว เก่ ซิหยื่อ เฮ๊เบ่ถู่เซ๊ เกอเร๊อ เกอ แวเหน่ ปา เฮ๊เนอหม่า อาหนิ แพ๊, แว ทวา เร๊อ แกแย ตีมุย หม่าโต่, เมเตเฮ๊เรอ แว เฮ๊เบ่ถู่เซ๊ เกอเร๊อ แวโหง่ เออเต๊เห่ เนอหม่า อาจ๊ออาเต แพ๊. หม่าแน๊เรอ แซ่ฮู๊ แว เก่ เฮ๊เบ่ ถู่เซ๊ เกอเร๊อ แวเหน่ โต่ เนอ, แว ค๊อเกอเร๊อ แวเหน่. แว ซิหยื่อ นอเตเน อู บ๊า อู แม๊เถอะ แว เมเตเต๊เห่ เร๊อ บ๊า อู หนิโฮ แว เตอิซว๊าอี๊แส่ เต๊เห่ เนอแพ๊. แว ซิหยื่อ นอ เตเนดุเล๊อ อู เร๊อ บ๊า แว เมเนอ โต่.

โครินธ์ เนอบ่า ต๊าบ่า 11:1

แว ราจว๊า เป่ ซี ลี กู๊แหน่เออ เต๊เห่เนอ, แว ราแซ๊เจ๊อเน๊อ แกแย ตีมุย เตเพร อาขว่าอาคยา, แด่ทูซิปล่อ เหร่อ แว นี๋.

ꤚꤥꤗꤢꤩ꤬ 12:3

เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.

ทิโมธี เนอบ่า ต๊าบ่า 2:10

ฮู๊เนอเรอ แซ่ฮู๊ แกแย เด๊อ จอแปแหร่ นว๊าแถ่ ลู เต๊เห่ เก่ พย๊าหนิเกอ เตเมแลเปล๊กา เน๊อ เตลีเตเค ตูจูเพร เด๊อ เหย่ซู่ครี๊ อากู เออเนอ เร๊อ, แว แด่ทูซิปล่อ เป่ เหย่ซี แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:5

เมเตเฮ๊เรอ เป พย๊าแฮ เป่ ซี เตซิครือมีลา เออเนอหมา ตื๊อแพ๊ เป กู๊อู่ อา เตเฮ๊เบ่ เนอหม่าโต่. เตซิครือมีลา เออเนอหมา, อาโอ่ เร๊อ อา เตอเรอฉว่าชอ, อาโอ่ เร๊อ แหย่โยบูโพ๊ แบ่เจ่, อาโอ่ เร๊อ เตหยื่อเอ่ ลอหล่าตี๊กลิ เตซิครือมีลา อา เตจ๊อเตเต เออเต๊เห่. เร๊อ เบ๊อะเป โอ่เกอ เร๊อ ซี เบ๊อะเนอ, เป หม่า แกแย ฮู๊เต เต๊เห่เนอหม่า, ซี ซิเง โทดื่อเฮ๊อ. เออเนอหมา เป โอ่เซอเพร เป่ เด๊อ ซี เหล่หนิบุ๊ย หนิเตอเรอ อาเง แพ๊.

โคโลสี 1:24

แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.

โครินธ์ เนอบ่า ต๊าบ่า 7:12

ฮู๊เนอเรอ, ลี เด๊อ แว ราจว๊าเป่ ซี เด๊อ อาเหร่อเค ต๊าบ่าเนอ หม่า, แว ราจว๊า เป่ แกแย เด๊อ อา เมซื๊อเต เนอเตเพร เร๊อ แกแย เนอเตเพร เมซื๊ออู เนอเต๊เห่ อาขว่าอาคยา ตื่อดื่อ หม่าโต่, แซ่ฮู๊ ซี เก่ ซิเง เร๊อ ซี เด๊อะแล เจ๊อ ซีซิปล่อ เด๊อ เปเง บ๋า เตเนอ, แว ราจว๊า เต่อเกอดื่อ ฮู๊เนอ. ซี โม เป บ๋า เตเนอ จอแปแหร่ ซิเง ตาเต ลอปลี เจ๊อ.

ꤗꤢ꤬ꤊꤢꤨ 3:21

เบ๊อะอา โป่แหว่โหมะเพ หนิโฮ เฮ๊อ เตเมอาเหน่ ฮู๊เออ เบ๊อะเนอ, เหย่ซี เถ่จว๊า เร๊อ อา เก่ จว๊า จุ่ยกา ลู เมเตเฮ๊เรอ เหย่ซี เฮ๊ ลูแหย่โหย่ เน๊อ, “อา แซ่ เร๊อ อา ตีมุย,” เหย่ซี เฮ๊ ลู ฮู๊เนอ.