โครินธ์ เนอบ่า ต๊าบ่า 5:12 - ลีเทส่อพ๊าอาเซ เร๊อ เห่ขุทวาลู๊

¹² เตเน แต่ แลแค เร๊อ เป ซิหยื่อ เฮ๊เบ่ แถ่โผ่แถ่ม๊อ หนิ คยาแซ๊ เปเหน่ ฮู๊เนอ แต่เหม่. เป เฮ๊ ซี ฮู๊เนอ เมเตเฮ๊เรอ แซ่ฮู๊ ซี เก่ เฮ๊ กาคยาฉื่อ แจ่ เกอ แกแย เด๊อ อา เป๊อเจ่ออิแช๊ เป เนอเต๊เห่ อาเงเนอ, เป ซิหยื่อ นอซิเง ตาเต เกอ ซี เร๊อ เป เมแคร๋ อิเตเต ฮู๊เนอ แพ๊. แกแย เนอเต๊เห่ หม่า อา แด่ดุ แด่แถ่โล เกอเร๊อดื่อเง แพ๊ เตแจ่เตลีแม เด๊อ อา โอ่โล เด๊อ อากลอ เนอเต๊เห่ แพ๊, อา แด่ดุ เกออู เต เด๊อ อา โอ่ เด๊อ แกแย เตเพรเพร อา ซิปล่อกู เนอเต๊เห่ โต่.

Eastern Kayah Shadaw Dialect

¹² ꤒꤣꤧ꤬ꤔꤢꤩ꤬ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤔꤢꤧ ꤕꤢꤩ꤬ ꤞꤤꤛ꤫ꤢꤦ꤬ ꤟꤢꤩꤙꤢꤩ꤬ ꤓꤢꤧ꤬ꤗꤢꤪꤓꤢꤧ꤬ꤖꤥ꤬ ꤚꤣꤧ ꤋꤛꤢ꤭ꤞꤢꤧ ꤕꤢꤩ꤬ꤔ꤫ꤢꤩ꤬ ꤟꤢꤨꤔꤣꤧ꤬ ꤒ꤫ꤢꤧ꤬ꤗꤢꤩ꤬꤯ ꤕꤢꤩ꤬ ꤟꤢꤩ ꤞꤤ꤭ ꤟꤢꤨꤔꤣꤧ꤬ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤟꤢꤩ ꤊꤢ꤬ꤋꤛꤢ꤭ꤏꤢꤦ꤬ ꤡ꤫ꤢꤧ꤬ ꤊꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤕꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤊꤣꤧ꤭ ꤞꤤ꤭ ꤔꤢꤧ ꤕꤢꤩ꤬ ꤗꤢꤩ꤬ꤋꤚꤢꤧ꤮ ꤤ꤭ꤒꤢꤩ꤭ꤒꤢꤩ꤭ ꤟꤢꤨꤔꤣꤧ꤬ ꤖꤢꤧ꤯ ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤘꤢꤧ꤬ꤘꤢꤨ꤬ ꤖꤛꤢꤓꤢꤧ꤬ꤜꤥ꤭ ꤚꤣꤧꤘꤢꤦ꤬ꤑꤢꤩ꤭ ꤖꤢꤧ ꤒꤢꤩ꤬ꤡ꤫ꤢꤧ꤬ ꤘꤣ ꤢ꤬ ꤥ꤬ꤜꤥ꤭ ꤘꤣ ꤢ꤬ꤊꤜꤢꤪ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ, ꤢ꤬ ꤘꤢꤧ꤬ꤘꤢꤨ꤬ ꤊꤣꤧ꤭ꤢꤨ꤭ ꤒꤢꤩ꤬ ꤘꤣ ꤢ꤬ ꤥ꤬ ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒꤥ꤬꤯

โครินธ์ เนอบ่า ต๊าบ่า 5:12 ပူးပေါင်းရင်းမြစ်များ

โครินธ์ เนอบ่า ต๊าบ่า 3:1

แว เฮ๊ ฮู๊เออ เร๊อ อา แซ่ เร๊อ แว เฮ๊เบ่ แถ่โล คยาแซ๊ แวเหน่ ฮู๊เนอ แอ? หม่า เป โหล่ พย๊าแฮหนิ เป ลีข่าเฮ๊โล เต๊เห่ เด๊อ อา เก่ เฮ๊โล เป่ ซี เร๊อ เป หม่า เพรโด่แนพู๊ เต๊เห่ หม่าแหน่ ฮู๊ อูโร เต๊เห่เห่ พย๊าแฮหนิ เนอ แอ? หม่าโต่เรอ เป โหล่ พย๊าจว๊าหนิ ลี ข่าเฮ๊โล เต๊เห่ เด๊อ ซี เก่ รา เป่ เป อาเงเนอ แอ?

โครินธ์ เนอบ่า ต๊าบ่า 1:14

กู๊แหน่เรอ ซี ซิเงโปล ปว๊า ลอ ล๋าย เปหรี่เปแก โต่, หม่าแน๊เรอ เด๊อคยาปาเนอ เป แม๊ชือ เร๊อ ซี เก่ ซิเงโปล ลอหล่าตี๊กลิ ลอ เจ๊อ เปหรี่เปแก ปา. ฮู๊เนอเรอ, เบ๊อะแบ่เจ่ เหย่ซู่ แฮคยาแซ๊ ปา เตอเนอเนอ, เด๊อ เปขว่าเปคยา เร๊อ ซี เก่ ซิครือซิลอ ฮู๊ เป ซิครือซิลอ เด๊อ ซีขว่าซีคยา เนอ ปา.

โครินธ์ เนอบ่า ต๊าบ่า 10:18

เมเตเฮ๊เนอ, แกแย เด๊อ อา ถู่เซ๊ เกอเร๊อดื่อ อาเหน่ เต๊เห่เนอ, แบ่เจ่ ซิปล่อโอ่ ลู โต่, แบ่เจ่ ซิปล่อโอ่ แพ๊ตื๊อ แกแย เด๊อ แบ่เจ่ ถู่เซ๊ เกอเร๊อดื่อ ลู เร๊อ อาเหน่ เนอเต๊เห่ แพ๊.

โครินธ์ เนอบ่า ต๊าบ่า 12:11

แว เฮ๊เบ่ ถู่เซ๊หนิ แวโหง่ อาขว่าอาคยา, แว แซ๊ เจ๊อ เร๊อ แกแย ตีมุย เตเพร. หม่าแน๊เรอ ซี เมตีมุย แว แพ๊. ซี โต ทวา แกแย เต๊เห่ เด๊อ อา โต ถู่เซ๊ เกอเร๊อ แว. ฮู๊ แกแย เต๊เห่เห่ เฮ๊ แลแค แว เน๊อ, แว หม่า แกแย โอ่เล๊อโอ่กลอ เตเพร แพ๊ หม่าแน๊เรอ แว โต่ แลหยื่อ เล๊อเน๊อ อา ทวา แลแค ซ๊าร๊าดุ หม่าเฮ๊อ เพรโด่แนพู๊ เต๊เห่ เนอเต๊เห่ ตีกี๋ โต่.

โครินธ์ เนอบ่า ต๊าบ่า 10:12

เป โต๊โหร่ หม่าแหน่ ดื่อ เปเง หนิ. แกแย เด๊อ อา เตเน แถ่โล เกอเร๊อ แลแค อาเหน่ เน๊อ เหย่ซี หม่า อาแจ่อาลีแม เล๊อ อู เต๊เห่เนอ, เป เตรือดือ บื่อ เกอ เร๊อ เปเหน่ เร๊อ เหย่ซี โต่. เหย่ซี เตเพร เร๊อ เตเพร เตรือดือ เกอเร๊อ แลแค อาเหน่ อาขว่าอาคยา, เหย่ซี หม่า แกแย โอ่เล๊อโอ่กลอ หม่าแหน่ เจ๊อ เต๊เห่.

โครินธ์ เนอบ่า ต๊าบ่า 10:8

เตอเรอฉว่าชอ เด๊อ แบ่เจ่ เด๊อะ แว เออเนอ, อา แซ่ เร๊อ แว เฮ๊เบ่ ถู่เซ๊ ซื๊อลือ เจ๊อ แวเหน่ ตีกี๊ แอ? หม่าแน๊เรอ แว ซิเตเรเน๊อโต่. เตเตอเรอฉว่าชอ เออเนอ, อา เก่ เม ดุแถ่ทูแถ่ ซี อาเง แพ๊, อา เมปย๊าเมหลู่ ซี อาเงเนอ หม่าโต่.

โครินธ์ เนอบ่า ต๊าบ่า 6:4

เป เม เต อิเตเต๋ เบ่เบ่, แซ่ฮู๊ อู เก่ แม๊เถอะ เร๊อ เป หม่า จอแปแหร่ อาหลู่เล๊ เต๊เห่ อาเงเนอ, เป เด๊อะโล เป่ อู เร๊อ เป แด่ทูซิปล่อ เตจาเตจือ เต๊เห่, เร๊อ เป ข่า โซพ๊าโซแร เตเต๊เห่ เร๊อ เป ข่าเบ่ เตแป่เตเช ซีเต๊เห่ เฮ๊อ.

โครินธ์ เนอบ่า ต๊าบ่า 10:7

ซี แม๊ แลแค แพ๊ เตโอ่โล เด๊อ อากลอ เต๊เห่ แพ๊. เด๊อ ซีเกล เต๊เห่เห่เนอ อา เฮ๊ซื๊อ แลแค เร๊อ แกแย เด๊อ อา ทวา ครี๊ อาหลู่เล๊ หม่า ตื๊อ เป แพ๊. นอซิเง เต่อเกอ เหย่ซี เร๊อ เป หม่า เป ทวา เกอดื่อ ครี๊ อาหลู่เล๊ เต๊เห่ วา.

ฟีลิปปี 1:26

แซ่ฮู๊ ซี เก่ ถู่เซ๊หนิ เหย่ซู่ครี๊ เม เป่ เตเด๊อ แวเง เออเต๊เห่เนอเร๊อ, แว เก่ กา โอ่เต่อเกอ คยาแซ๊ เร๊อ ซี ปา.