โครินธ์ เนอบ่า ต๊าบ่า 4:4 - ลีเทส่อพ๊าอาเซ เร๊อ เห่ขุทวาลู๊

⁴ โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.

Eastern Kayah Shadaw Dialect

⁴ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢ꤬ ꤕꤣꤚꤣꤧ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤘꤥ꤭ꤔꤣꤧ꤬, ꤢ꤬ ꤗꤢꤩ꤬ꤋꤤ ꤗꤢꤩ꤬ꤒꤣꤧ꤬ꤕꤢ꤬ꤊꤢꤧ꤭ ꤛꤢꤩ꤬ꤞꤤ꤭ ꤕꤣꤧꤞꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤊꤣꤧ꤭ꤢꤨ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤒꤢꤩ꤬ꤜꤤ꤭ ꤣꤧ꤭ꤔꤣꤧ꤬ ꤒꤥ꤬꤯ ꤞꤢꤧꤟꤢꤨ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ꤕꤜꤥ꤭ ꤒ꤫ꤢꤧ꤬ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤋꤚꤤ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤢ꤬ ꤗꤢꤩ꤬ꤒꤣꤧ꤬ꤕꤢ꤬ ꤢꤦꤢꤧꤊꤢꤧ꤭ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬ ꤟꤣꤧ꤯ ꤖꤚꤢꤩ꤬ ꤘꤣ ꤢ꤬ ꤘꤣꤧꤜꤥ꤭ ꤒꤢ꤭ꤒꤢꤩ꤬ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤋꤚꤤ ꤟꤣꤧ꤯

โครินธ์ เนอบ่า ต๊าบ่า 4:4 ပူးပေါင်းရင်းမြစ်များ

มัทธิว 13:22

เตกลุย เด๊อ อา ลูตา เด๊อ ส่อแช๊ส่อกิเกล เนอเต๊เห่ หม่า อาแซ่เน๊อ แกแย เด๊อ อา หนิโฮ จอแปแหร่ อาลาอาโหง่ ตื๊อดื่อเรอ อา ย๋อ เบ่กู่เบ่แก เกอเร๊อ เน๊อ อา เตโอ่เซอเพร, โทเรอ อา ย๋อ ซิหยื่อ ดุแหย่แถ่เซ แลแค อาขว่าอาคยา, ล๋อ เตเออเต๊เห่เนอ อา แค๊ปลื่อแถ่บี๊แก ลอเฮ๊อ ลู เร๊อ อาเส่อาโพ เถ่เบ๊ ปาโต่เฮ๊อ.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

ꤛꤥ꤭ꤟꤢ꤬ 1:18

อู แม๊เถอะน๊อ จอแปแหร่ เตเพร่ว โต่ ตื๊อดื่อเร๊อ, อาพู๊คู โอ่ตื๋อ เตเพรเออ, อา หม่า จอแปแหร่ เฮ๊อเฮ๊อ เร๊อ อา โอ่เต่อเกอ เร๊อ อาเพ เออ เด๊อะโลแถ่เฮ๊อ เป่ เร๊อ จอแปแหร่ เฮ๊อ.

ꤛꤥ꤭ꤟꤢ꤬ 12:31

“กู๊แหน่เรอ เบ๊อะแฮโต่เฮ๊อ เด๊อ อู เก่ เมจากาคยา แกแย เห่ขุพู๊ เฮ๊อ. กู๊แหน่เรอ เบ๊อะแฮโต่เฮ๊อ เด๊อ อู เก่ เหว่เถ่แก โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ แกแย เด๊อ อา หยื่อเอ่โต่ เต๊เห่ เออเนอ โตโด เฮ๊อ.

ꤛꤥ꤭ꤟꤢ꤬ 12:35

เออโตโพ๊เรอ แบ่เจ่ เหย่ซู่ เฮ๊แก เกอเร๊อ อาเหน่ เน๊อ, “เตลี เออเนอ อา โอ่โก๊โป่ เร๊อ ซี เตอเปลอฮู๊ ปาแพ๊. เบ๊อะเตลี โอ่เกอปา เร๊อ ซี เบ๊อะเนอ, ตูรู๊ จว๊าเป่แฮ แลแค. เตคี๊ เก่ แฮโต่ คยา ซี ปา. แกแย จว๊า เด๊อ เตคี๊เกล เตเพรเนอ, อา จว๊าโต เบ๊อะเตเนอ, อา ซิเง เกอเร๊อ อาเหน่ โต่.

ꤛꤥ꤭ꤟꤢ꤬ 12:40

“แซ่ฮู๊ เหย่ซี เก่ กาคยาโต แต่ แลแค แบ่เจ่ แต่เหม่, โท๊โต่ แซ่ฮู๊ เหย่ซี นอแหย่โอ่เหม่ แต่ แลแค อาเหน่ เร๊อ แบ่เจ่ แต่เหม่ เนอเรอ, แบ่เจ่ เมคี๊เฮ๊อ เหย่ซี เป๊เส่, แบ่เจ่ เมเพรอเฮ๊อ เหย่ซี ซิปล่อ ขว่าคยา, เหย่ซี แม๊เถอะ แจ่ เร๊อ อาเป๊เส่ โต่, เหย่ซี เตเนโปลเบ๊ แลแค เร๊อ อาซิปล่อ โต่.” อา เฮ๊ ฮู๊เนอ.

ꤛꤥ꤭ꤟꤢ꤬ 12:45

แกแย เด๊อ อา แม๊เถอะ แว เนอ, อา แม๊เถอะ เกอเฮ๊อ เพร เด๊อ อา นอแล แวเออ เตเพร เฮ๊อ.

ꤛꤥ꤭ꤟꤢ꤬ 14:30

แว เก่ เฮ๊เบ่ งยางยาเร๊อ ซี เนอหม่า เบ๊อะโอ่ เอ๊ ปาโต่เฮ๊อ. โลเน๊มู๊แหม่ กู่กล๊อ เด๊อ อา เป๊อ เห่ขุ เออเนอโตโดเนอ, อา เตเร แฮเฮ๊อ อา เตเตอเรอฉว่าชอ เออเนอ, อา เมเป่ เร๊อ แว โต่.

ꤛꤥ꤭ꤟꤢ꤬ 15:24

เตเม อาโค๊ตีกลี๊ เด๊อ อู เมแจ่ เตเพร่ว โต่ เออเต๊เห่เนอ, แว เก่ เด๊อะโล เด๊อ เหย่ซี อาเกล โต่ เฮ๊เนอ, เหย่ซี เตซื๊อ โอ่ แตแค๋ โต่. หม่าแน๊เรอ, กู๊แหน่เออ, เหย่ซี แม๊เถอะ เตเม อาโค๊ตีกลี๊ เออเต๊เห่ เร๊อ อา ซิเถ่ ลอปลี เฮ๊อ แว เร๊อ แวเพ เฮ๊อ.

ꤛꤥ꤭ꤟꤢ꤬ 16:11

จอแปแหร่ เมจากกาคยาเฮ๊อ โลเน๊มู๊แหม่รีแจ่ กู่กล๊อ ซาตาน เด๊อ อา เป๊อ เห่ขุ เออโตโด เฮ๊อ อาขว่าอาคยา, อา เด๊อ ซิเงโปล เป่เฮ๊อ แกแย เห่ขุพู๊ เต๊เห่ เร๊อ จอแปแหร่ เก่ เมจากาคยา เหย่ซี ปา เฮ๊อ.

ꤛꤥ꤭ꤟꤢ꤬ 8:12

แบ่เจ่ เหย่ซู่ เฮ๊ คยาแซ๊ แกแย เนอเต๊เห่ เน๊อ, “แว หม่า เห่ขุ อาเตลี. แกแย เด๊อ อา ครวา แวคยา เตเพรเพร เนอ, อา จว๊า ปา เด๊อ เตคี๊ อาเกล แตแค๋ โต่. อา เก่ พย๊าหนิ เตลี เด๊อ อา เด๊อ ลู ซิปล่อเซอเพร อาเซ เออเนอ ปา.”

เพรโด่แนพู๊ เต๊เห่ 26:18

เน เบ่ บ๊าโมแถ่ เป่ เหย่ซี เต๊เห่ อาเป๊เส่ ปา, โทเร๊อ เน นอตีรี๊ กาคยา คยาแซ๊ เหย่ซี เด๊อ เตคี๊เตตาปา อาเล ปา. เร๊อ เน เก่ ซูจว๊า เหย่ซี เด๊อ เตลี ปา, โท๊โต่ เน เก่ ซูจว๊าโน เหย่ซี เด๊อ อา โอ่ เด๊อ โลเน๊มู๊แหม่รีแจ่ กู่กล๊อ อา เตอเรอฉว่าชอ อาเล เออเนอเต๊เห่ เด๊อ จอแปแหร่ อา เตโพรเตเตอเรอ อาเล ปา. เด๊อ เหย่ซี หยื่อเอ่ แว อาขว่าอาคยา, จอแปแหร่ เก่ ปลวาแก เหย่ซี เตซื๊อ ปา, โท๊โต่ เด๊อ จอแปแหร่ นว๊าแถ่ เกอเร๊อ อาแกแย เนอเต๊เห่อาเหล่โอ่ เออเนอ, เหย่ซี เก่ พย๊าหนิ เกอดื่อ ปา, อา เฮ๊ แว ฮู๊เนอ.’

เพรโด่แนพู๊ เต๊เห่ 26:23

ครี๊ เด๊อ จอแปแหร่ นว๊าแถ่ ลู เร๊อ เพรเมแลเปล๊กา แกแยเห่ขุพู๊ เออเตเพรเนอ, อา เก่ข่าเบ่ เตเมจาเมจือ ปา เร๊อ อา หม่า เพร เด๊อ อา ก๊อถ่อ เซอเพร กาคยา เหร่อเล๊อ อู เด๊อ เตเซอ เตเพร ปา, ฮู๊เนอ อาขว่าอาคยา, อา เก่ แด๊โฉ่โด่แน เป่ แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่ เร๊อ เตลี ปา,” คูเปาโล เฮ๊ เป่ คุ๊ยดุ อากริปปา ฮู๊เนอ.

โครินธ์ อาเหร่อเล๊อ ต๊าบ่า 10:20

แว ซิหยื่อ เฮ๊ ฮู๊เนอ ตีกี๋ โต่. แว ซิหยื่อ เฮ๊ เร๊อ เต เด๊อ อู หลู่แถ่ เร๊อ เตแหย่โย เต๊เห่ เนอหม่า อา หลู่แถ่ แลแค แพ๊ โลเน๊โลหน่า แพ๊, อา หลู่แถ่ แลแค จอแปแหร่ หม่าโต่. ฮู๊เนอเรอ แว ซิหยื่อ นอ แบ๊ซว๊าแบ๊โค ซี เร๊อ โลเน๊โลหน่า โต่.

โครินธ์ เนอบ่า ต๊าบ่า 2:11

แซ่ฮู๊ โลเน๊มู๊แหม่รีแจ่ กู่กล๊อ เก่ เมเป่แก แต่ เป แต่เหม่เนอ, เป เบ่ ปลวาแก อู เตซื๊อ ฮู๊เนอ. เมเตเฮ๊เรอ โลเน๊มู๊แหม่รีแจ่ กู่กล๊อ อา เตเตเนหนื่ออื่อ เต๊เห่เนอ เป ซิเง ลอปลี ดื่อ เฮ๊อ.

โครินธ์ เนอบ่า ต๊าบ่า 2:12

เบ๊อะแว จว๊าโต่ เฮ๊อ เด๊อ วีโตรอัส อากู เร๊อ แว เก่ แด๊โฉ่โด่แน เป่ อู เร๊อ ครี๊ อา เตซิครือมีลา เบ๊อะเนอ, แว แม๊เถอะ เร๊อ แบ่เจ่ บ๊าโม หนื่ออื่อ เป่ โทเฮ๊อ แว กู่ดากู เร๊อ แว แม๊เถอะ เน๊อ อา ซิหยื่อ นอเม เฮ๊อ แว เตเม เบ๊อะวีเนอตีวี อากู.

โครินธ์ เนอบ่า ต๊าบ่า 3:11

เตซว๊าเตแส่ อาตว่าอาแร๊ แหน่เจ๊อ หม่าแน๊เรอ อา ลีตื๊อดื่อ ปา โต่, อา ลี โอ่เหม่แก แพ๊. หม่าแน๊เรอ เตอ๊อแล อาเซ เด๊อ อา โอ่หม่าโอ่กลอ ตูจูเพร เออ, อา เก่ โอ่ เร๊อ อา เตลีเตตาเค ฉว่าชอ เด๊อ อาดุเล๊อ เจ๊อแหน่ เฮ๊อ เร๊อ เตซว๊าเตแส่ เออเนอ เฮ๊อ.

โครินธ์ เนอบ่า ต๊าบ่า 3:14

เบ๊อะเนอเค อิสราเอลพู๊ เต๊เห่เนอ, อา เถ่ บี๊ ตี๊ปิตาปา ลอ ลู ซิปล่อ. โต่กู๊แหน่ เจ๊อ เบ่เบ่, เบ๊อะอู แด๊ แถ่โล คูโมเสส อา เตซว๊าเตแส่ เด๊อ ลีเทส่อพ๊ากู เออ เบ๊อะเนอ, เหย่ซี ซิเงโปล เตอเจ๋อ โต่. เหย่ซี เก่ หยื่อเอ่ แบ่เจ่ เหย่ซู่ครี๊ ตื๊อหม่า อาซิปล่อ บี๊ตาปา เออเนอ เก่ โอ่โมแถ่ เร๊อ ซิเงโปลแฮ เบ๊โหน่ แพ๊.

โครินธ์ เนอบ่า ต๊าบ่า 3:18

กู๊แหน่เออ เต เด๊อ อา โฮ๊ ตาตือ บี๊ ล๋อ เป เด๊อ อา หยื่อเอ่ เหย่ซู่ เออเต๊เห่ อาเป๊เส่ เนอ อา โอ่ ปา เตอเจ๋อ โต่. ฮู๊เนอเรอ, กู๊แหน่เออ เป แม๊เถอะ แฮเง ลา เฮ๊อ แบ่เจ่ อา เตลีเตตาเค เร๊อ เป ทวาแถ่ แซ่เฮ๊อเร๊อ หม่าโด่ เด๊อ อา ลีช๊าเตเค กาคยา แบ่เจ่ อา เตลีเตเค เต๊เห่เนอ เฮ๊อ. เป แม๊เถอะ แฮเง ลา เฮ๊อ แบ่เจ่ อาลีเตเค, เร๊อ แหย่โยบูโพ๊ แบ่เจ่ เม เป่ เฮ๊อ เป เด๊อ เป เก่ แซ่แฮ เร๊อ แซ่แฮ, แซ่เฮ๊อ เร๊อ เป แบ่เจ่ เด๊อ อา เตอเรอดุทู เออเตเพรเนอ เฮ๊อ.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

ꤊꤢ꤬ꤜꤢ꤬ꤒꤤ 1:4

แซ่ฮู๊ ครี๊ เก่ เมแลเปล๊กา เป่ เร๊อ เออตือทือ อา เตมู๊แหม่รีแจ่ เต๊เห่ อาเงเนอ, อา เด๊อะแลแก เฮ๊อ อา ซิปล่อเซอเพร เด๊อ เป่ เตซื๊อเตปล๊า เก่ ปลวาแก อาเง เฮ๊อ. ฮู๊ อา เพ จอแปแหร่ ซิหยื่อ นอเม ลู เต๊เห่เนอ, อา เมกาโทเฮ๊อ.

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

เอเฟซัส 6:12

เมเตเฮ๊เรอ, เป ช๊าฉื่อ เร๊อ แกแย เด๊อ อาโอ่ เร๊อ อาพ๊าอาหย่า อาสุ่ยอาเทอ เต๊เห่เนอ หม่าโต่. เป ช๊าฉื่อ เร๊อ โลเน๊โลหน่า เด๊อ อา เป๊อเต เต๊เห่, เร๊อ โลเน๊ เด๊อ อาโอ่ เร๊อ อา เตอเรอฉว่าชอ เต๊เห่ เร๊อ โลเน๊ ฉว่าชอ เด๊อ อา เป๊อ เห่ขุ อา คี๊เล เนอเต๊เห่, เร๊อ โลเน๊ มู๊แหม่ เด๊อ อา โอ่ เด๊อ ม๊อเล เนอเต๊เห่.

ฟีลิปปี 2:6

ครี๊ โอ่ เร๊อ จอแปแหร่ อาเหล่โกล แซ่เน๊อ จอแปแหร่ เนอเฮ๊อ, หม่าแน๊เรอ อา เตเน แด่ครือแน เกอเร๊อเกอ อาเหน่ เร๊อ จอแปแหร่ โต่.

โคโลสี 1:15

เหย่ซู่ครี๊ เด๊อ เป แม๊เถอะแจ่ อา เออเตเพรเนอ, อา เด๊อะโล ตาตาเตเต ดื่อ เฮ๊อ เป เร๊อ จอแปแหร่ เด๊อะ เป แม๊เถอะแจ่ อา โต่ เออเตเพร เฮ๊อ. อา หม่า จอแปแหร่ อาพู๊คู แหว่เพร่ว เด๊อ อาโพร, อาฉว่าอาชอ อา ดุเล๊อทูเล๊อ เร๊อ เตแบ๊ทวาแถ่ ปว๋า เต๊อเจ่อ เตเพร เฮ๊อ.

โคโลสี 1:27

จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

ทิโมธี อาเหร่อเล๊อ ต๊าบ่า 1:11

เตอิซว๊าอี๊แส่ เด๊อ อาจ๊ออาเต เออเนอหมา, แม๊เถอะ แพ๊ เด๊อ เตซิครือมีลา อากู เออเนอ แพ๊. จอแปแหร่ หยื่อเอ่หนิ แว เร๊อ อา เด๊อะ แว เตซิครือมีลา เออ เด๊อ แว เก่ เบ่ เฮ๊โฉ่ตา อาเง เนอแพ๊. เตอิซว๊าอี๊แส่ อาจ๊ออาเต เออเนอหมา อา แฮ เด๊อ เตเด๊อะบุ๊ยเด๊อะเตอเรอ อา จอแปแหร่ ดุ เด๊อ อู ถู่เซ๊แถ่ ลู เออเตเพร อา โอ่.

ꤒꤤꤒꤢꤨ 2:13

เบ๊อะเป โอะป่อแม๊ชือ เฮ๊อ เตเด๊อะบุ๊ยเด๊อะเตอเรอ อาม๊อเนอ หม่าดื่อเฮ๊อ ช๋า เปเพ จอแปแหร่ ดุเนอ เพรเมแลเปล๊กา เป แบ่เจ่เหย่ซู่ครี๊ อาเตเด๊อะบุ๊ยเด๊อะเตอเรอ อา แฮโอะโลแถ่ เฮ๊อ เนอปา เบ๊อะเนอ, เป เบ่ โอะเซอเพร ฮู๊ อา เฮ๊ เป เออเนอ เต๊เห่.

ꤟꤤꤙꤚꤢꤨ 1:3

อู เก่ แม๊เถอะ แฮเง จอแปแหร่ อา เตเตอเรอดุทู เด๊อ อากู ปา. อา หม่า อา แซ่ ลอหล่าตี๊กลิ เจ๊อ เน๊อ จอแปแหร่ เฮ๊อ. แซ่ฮู๊ เห่ขุ เร๊อ ม๊อขุ เน๊อ เตแบ๊แถ่ ล๋อ ปลี เต๊เห่ เก่ โอ่ แฮเง ตื๊อดื่อ โป่ เนอ, อา ปื่อหม่า จว่าเกอ เตแบ๊แถ่ ล๋อ ปลี เออเนอ เน๊อ อาโหง่ เด๊อ อาโพรอาเตอเรอ ฉว่าชอ เออเต๊เห่. เบ๊อะอา เมปลื๊อเมโท โทเฮ๊อ ปลวาแก ลอ ล๋อ แกแย เห่ขุพู๊ อาเตซื๊อ เต๊เห่ เบ๊อะเนอ, อา กา แก๊แถ่ เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ เด๊อ อาโพรอาเตอเรอ อาดุอาทู ตื๊อดื่อ เออเตเพร อากู๊ขุ จ๊อทว๊า ตากยา.

ꤟꤤꤙꤚꤢꤨ 6:4

แกแย เด๊อ อา วีแก อาเตหยื่อ เต๊เห่เนอ เหย่ซี ถู่แหล่เต๊เปล่ กาคยา แจ่ ปา อาซิปล่อ แตแค๋ โต่. เด๊อ เนอเค, เหย่ซี ซิเง โทเฮ๊อ จอแปแหร่ อา เตหมะเตจ๊อ เต๊เห่ เฮ๊อ. เหย่ซี แม๊เถอะ ซิเงแฮเบ่น๊อ โทเฮ๊อ จอแปแหร่ อาเชหยู่ เร๊อ อา พย๊าหนิโหร่ เกอโทเฮ๊อ แหย่โยบูโพ๊ แบ่เจ่ เร๊อ แกแย เด๊อ อาโรเต๊เห่ เฮ๊อ.

เปโตร เนอบ่า ต๊าบ่า 1:19

ฮู๊เนอเรอ เพรโพร เต๊เห่ แด๊โฉ่ โด่แนแก เตหรี่เตแก เออเต๊เห่เนอ, อา ตาเต เล๊อโป่ เจ๊อ เด๊อ เปเง เจ๊อ. ซี โต แด่ซิปล่อสู่เทอ แร๊ เตหรี่เตแก เด๊อ อาแซ่เน๊อ หมิเคว๊กอ ลีแถ่ เด๊อ เตคี๊เกล เร๊อ อาลี โต่เด๊อ เหมาะลีบู เตเมเนอ เจ๊อ. เร๊อ เหมาะลีบู แฮ เฮ๊อ เบ๊อะเนอ, เฉ่ต่อโร เนอเตเม เก่ แถ่ เด๊อ ซี ซิปล่อกู ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:11

หม่าแน๊เรอ แกแย เตเพรเพรเนอ, อา เก่ ซิเถ่ ปา แพ๊ แกแย เด๊อ อา หยื่อเอ่ ครี๊ เด๊อ อาโรเต๊เห่ ปาแพ๊ เฮ๊เนอหม่า, อา โอ่ เด๊อ เตคี๊เล อากู. เร๊อ อา เตเร จว๊าโต เบ๊อะโต๊โผ่เต เนอ อา ซิเง เกอเร๊อ อาเหน่ โต่, เมเตเฮ๊เรอ เตคี๊ เมเลแก ลู เป๊เส่ปล่อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:8

หม่าแน๊เรอ โหง่เฮ๊แก เด๊อ แว รา เป่ ซี กู๊แหน่เออ เนอหม่า อาเซ หม่าแหน่ เจ๊อ, เมเตเฮ๊เรอ เตคี๊เตลอ เตเร โอ่เหม่ เฮ๊อ เร๊อ เตลี หม่าแหน่ เออ ลีแถ่เฮ๊อ อาขว่าอาคยา, โหง่เฮ๊แก อาเซเออ เนอหม่า อาจ๊ออาเต เร๊อ ซี แม๊เถอะแจ่ อา เด๊อ ครี๊ อากู เร๊อ เด๊อ ซีเหน่กู.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:19

เป ซิเง เร๊อ เป เออเต๊เห่ เนอหม่า จอแปแหร่ อาพู๊อาเลอ เต๊เห่ หม่าแน๊เรอ ล๋อ แกแย เด๊อ อาโร เต๊เห่ เนอหม่า อา โอ่ แลแค เด๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออโตโด อา เตเป๊อตี๊หรี่ อาเล.