โครินธ์ เนอบ่า ต๊าบ่า 4:18 - ลีเทส่อพ๊าอาเซ เร๊อ เห่ขุทวาลู๊

¹⁸ ฮู๊เนอเรอ, เตแป่เตเช เด๊อ แว แม๊เถอะเบ่ เออเต๊เห่เนอ, แว แด่เน๊ออาเส่ เตอเจ๋อ โต่. เต เด๊อ อา โอ่ จิจือหมะ เล๊อ เด๊อ แว ซิปล่อกู เต๊อเจ่อเนอหม่า หม่าเฮ๊อ เตตว่าเตแร๊ เด๊อ จอแปแหร่ เก่ เด๊อะ แว ปา เออเนอ แพ๊. เต เด๊อ เป แม๊เถอะแจ่ เต๊เห่เนอ, อา เก่ โอ่งยา แพ๊ เตอเปลอฮู๊ แพ๊, หม่าแน๊เรอ เต เด๊อ เป แม๊เถอะแจ่โต่ เต๊เห่เนอ, อา เก่ โอ่งยา เจ๊อ ตูจูเพร ปา.

Eastern Kayah Shadaw Dialect

¹⁸ ꤟꤢꤨꤔꤣꤧ꤬ꤚꤣꤧ꤬, ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤘꤣ ꤠꤢꤧ꤭ ꤗꤢꤧꤓ꤫ꤣꤧ꤬ꤙꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤘꤢꤧ꤬ꤛ꤫ꤢꤦ꤬ ꤔꤢꤧ ꤢ꤬ ꤒꤣ꤬ꤡꤣ꤬꤮ ꤒꤥ꤬꤯ ꤒꤢꤩ꤬ ꤘꤣ ꤢ꤬ ꤥ꤬ ꤡ꤫ꤢꤩ꤬ꤡꤢꤦ꤭ꤗꤢ꤬ ꤜꤣ ꤘꤣ ꤠꤢꤧ꤭ ꤞꤤꤕꤜꤢꤪ꤬ꤊꤢꤨ꤭ ꤒꤣ꤬ꤡꤣ꤬ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤠꤢꤧ꤭ ꤕꤢ꤭ ꤣꤧ꤭ꤔꤣꤧ꤬ ꤖꤢꤧ꤯ ꤒꤢꤩ꤬ ꤘꤣ ꤕꤢꤩ꤬ ꤗꤢꤧꤓ꤫ꤣꤧ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤑꤢ꤭ ꤖꤢꤧ ꤒꤣꤧ꤬ꤕꤜꤣ꤬ꤟꤢꤨ ꤖꤢꤧ, ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ ꤘꤣ ꤕꤢꤩ꤬ ꤗꤢꤧꤓ꤫ꤣꤧ꤬ꤡ꤫ꤢꤧ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤑꤢ꤭ ꤡꤣꤧ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯

โครินธ์ เนอบ่า ต๊าบ่า 4:18 ပူးပေါင်းရင်းမြစ်များ

โครินธ์ เนอบ่า ต๊าบ่า 5:7

เมเตเฮ๊เรอ เป โอ่เซอเพร เร๊อ เต เด๊อ เป หยื่อเอ่หนิ อา เต๊เห่ แพ๊, เป โอ่เซอเพร เร๊อ เต เด๊อ เป แม๊เถอะ อา เนอเต๊เห่ หม่าโต่.

ꤟꤤꤙꤚꤢꤨ 11:1

เตหยื่อ อาโหง่แลช๊า หม่า เต เด๊อ เป แม๊ชือ ลู เต๊เห่เนอ, เป หยื่อเอ่ อาหม่าอากลอ เร๊อดื่อเฮ๊อ เน๊อ เป เก่ พย๊าหนิ เฮ๊อ. โท๊โต่ เตหยื่อ อาโหง่แลช๊า หม่า เตเด๊อ เป แม๊เถอะแจ่ ล๋ายโต่ เต๊เห่เนอ, เป หยื่อเอ่ อาหม่าอากลอ ตื๊อดื่อ หนิปา เร๊อ เป เก่ พย๊าหนิ ปาเนอเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:25

โทเร๊อ ครี๊ อาแหน่แบ่เจ่ เร๊อดื่อ อา อ๊อแล เร๊อ อา เก่ เด๊อ เป ปาเนอหม่า หม่าเฮ๊อ เตเซอเพร ตูจูเพร แตแลเคร๊ เออเนอเฮ๊อ.

ꤟꤤꤙꤚꤢꤨ 11:13

ล๋อ แกแย เด๊อ จอแปแหร่ อ๊อแล เด๊อ อา เก่ เด๊อะ ลู เออเต๊เห่เนอ อา หยื่อเอ่ ตื๊อดื่อหนิ จอแปแหร่ โต่ เจ๊อ เบ๊อะอา เซอ แลแค เนอเตอเนอ เจ๊อ. เต เด๊อ จอแปแหร่ อ๊อแลแก ลู เด๊อ อา เก่ เด๊อะ เหย่ซี เออเต๊เห่เนอ, อา พย๊าหนิ ล๋ายโต่, หม่าแน๊เรอ เหย่ซี แม๊เถอะ หนื่ออื่อ เหร่อ งย๋า ลาเฮ๊อ เร๊อ อา ซิครือ พย๊าฉื่อ หนื่ออื่อ เหร่อเฮ๊อ เตอ๊อแล เออเต๊เห่ เฮ๊อ. เหย่ซี อ๊อแล แลแค เร๊อ เหย่ซี หม่า อา จว๊า ทวา ซิเผระ เด๊อ อูเทออูเก่ แพ๊, เร๊อ เหย่ซี แฮ โอ่โก๊ล๊าเกอ เบ๊อะเห่ขุเออ แตแปล๊เตอเปลอฮู๊ แพ๊, อา เฮ๊ แลแค ฮู๊เนอ.

มัทธิว 25:46

“ฮู๊เนอเรอ เหย่ซี เก่ ข่าเบ่ เด๊อ เตเมจากาคยา ตูจูเพร ตาแลเคร๊ ปา, หม่าแน๊เรอ แกแย จ๊อเต เออเต๊เห่เนอ อา เก่ โนหนิ เด๊อ ม๊อขุ เร๊อ อาเก่ พย๊าหนิ ซิปล่อเซอเพร ตูจูเพรปา.”

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

ꤟꤤꤙꤚꤢꤨ 9:11

หม่าแน๊เรอ กู๊แหน่เออ ครี๊ แฮ ทวาเฮ๊อ ฮู๊ เพรหลู่แต กู่กล๊อ เด๊อ อาดุเล๊อ อู เตเพร เนอเฮ๊อ. อา พย๊าแฮหนิ เป่ เป เตตว่าเตแร๊ เด๊อ อา โอ่ เร๊อ เป กู๊แหน่เออ เต๊เห่ เฮ๊อ. อา จว๊าโน โทเฮ๊อ เด๊อ เหล่สื่อดุ เด๊อ อาดุเล๊อ, อา เล๊อบา เน๊อ แกแย เมเนอ เตเม อากูเฮ๊อ. เหล่สื่อดุ เออเนอ, แกแย ช๊อ เน๊อ อากู๊ขุ เตเพร่ว หม่าโต่, อู แบ๊แล ลู หม่าโต่โต่, อา โอ่ เด๊อ เห่ขุ เออเนอ หม่าโต่โต่.