โครินธ์ เนอบ่า ต๊าบ่า 4:17 - ลีเทส่อพ๊าอาเซ เร๊อ เห่ขุทวาลู๊17 เมเตเฮ๊เรอ เตแป่เตเช เด๊อ เป ข่าเบ่ อา เบ๊อะเห่ขุ เออเต๊เห่ เนอหม่า แตแปล๊เตอเปลอฮู๊ แพ๊. เป เก่ โต๊โหล่แม๊ เร๊อ เตตว่าเตแร๊ เด๊อ เป เก่ พย๊าหนิ อา ช๋า โหน่ปา ตือทือ ปา เต๊เห่ เฮ๊เนอหม่า, อาหม่า เร๊อ เตอเจ๋อ ล๋ายโต่. เบ๊อะเห่ขุเออ เป ข่าเบ่ เจ๊อ เตแป่เตเช เออเต๊เห่ หม่าแน๊เรอ เด๊อ ม๊อขุ ปาเนอ เตลีเตเตเค ตูจูเพร เด๊อ อาตว่าอาแร๊ เล๊อ, เร๊อ อาดุอาโถ่ เล๊อ เจ๊อ เร๊อ เตแป่เตเช เด๊อ เป ข่าเบ่ เด๊อ เห่ขุ เออเนอ, เป เก่ พย๊าหนิ ปา. အခန်းကိုကြည့်ပါ။Eastern Kayah Shadaw Dialect17 ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤘꤣ ꤕꤢꤩ꤬ ꤋꤢꤧꤙꤢꤩ꤬ ꤢ꤬ ꤙꤣꤧ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧꤟꤢꤨ ꤖꤢꤧ꤯ ꤕꤢꤩ꤬ ꤊꤢꤩ꤬ ꤒꤣꤧ꤬ꤜꤣꤧ꤬ꤗꤢꤧ ꤔꤢꤧ ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ ꤘꤣ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤢ꤬ ꤏꤢ꤮ ꤔꤥ꤬ꤕꤢ꤭ ꤒꤣ꤬ꤓꤢꤦ꤭ ꤕꤢ꤭ ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬ꤗꤢ꤬, ꤢ꤬ꤗ꤫ꤢ꤬ ꤔꤢꤧ ꤒꤣ꤬ꤡꤣ꤬꤮ ꤜꤢ꤭ꤟꤤ ꤒꤥ꤬꤯ ꤙꤣꤧ ꤟꤢꤩ꤬ꤋꤢꤨ꤬ꤣꤧ꤭ ꤕꤢꤩ꤬ ꤋꤢꤧꤙꤢꤩ꤬ ꤡꤣꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤘꤣ ꤗꤢꤪꤋꤢꤨ꤬ ꤕꤢ꤭ꤔꤣꤧ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤘꤣ ꤢ꤬ꤒꤝ꤫ꤢ꤬ꤢ꤬ꤚꤢꤧ ꤜꤣ, ꤚꤣꤧ꤬ ꤢ꤬ꤘꤢꤨ꤬ꤢ꤬ꤓꤥ꤬ ꤜꤣ ꤡꤣꤧ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤘꤣ ꤕꤢꤩ꤬ ꤋꤢꤧꤙꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬, ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤕꤢ꤭꤯ အခန်းကိုကြည့်ပါ။ |
โครินธ์ เนอบ่า ต๊าบ่า 4:17
33 ပူးပေါင်းရင်းမြစ်များ
จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.
แกแย เด๊อ อา แด่ทูซิปล่อ เต๊เห่เนอ, ช๋า อา แม๊เถอะ ป่อชิเต่อเบ่ เน๊อ เตแป่เตเช เตอิลออี๊โหล่ เบ๊อะเนอปาเนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา, เมเตเฮ๊เรอ เบ๊อะเหย่ซี เมเป่แก โทเฮ๊อ เตแป่เตเช เตอิลออี๊โหล่ ฮู๊เออ เบ๊อะเนอ, จอแปแหร่ เก่ เด๊อ เหย่ซี เตเซอเพร ตูจูเพร. อาเชหยู่ เด๊อ อา อ๊อแล เน๊อ อา เก่ เด๊อ แกแย เด๊อ อา โมเร๊อ ลู เนอเต๊เห่ ปา.
กู๊แหน่เออ เต เด๊อ อา โฮ๊ ตาตือ บี๊ ล๋อ เป เด๊อ อา หยื่อเอ่ เหย่ซู่ เออเต๊เห่ อาเป๊เส่ เนอ อา โอ่ ปา เตอเจ๋อ โต่. ฮู๊เนอเรอ, กู๊แหน่เออ เป แม๊เถอะ แฮเง ลา เฮ๊อ แบ่เจ่ อา เตลีเตตาเค เร๊อ เป ทวาแถ่ แซ่เฮ๊อเร๊อ หม่าโด่ เด๊อ อา ลีช๊าเตเค กาคยา แบ่เจ่ อา เตลีเตเค เต๊เห่เนอ เฮ๊อ. เป แม๊เถอะ แฮเง ลา เฮ๊อ แบ่เจ่ อาลีเตเค, เร๊อ แหย่โยบูโพ๊ แบ่เจ่ เม เป่ เฮ๊อ เป เด๊อ เป เก่ แซ่แฮ เร๊อ แซ่แฮ, แซ่เฮ๊อ เร๊อ เป แบ่เจ่ เด๊อ อา เตอเรอดุทู เออเตเพรเนอ เฮ๊อ.
ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.
แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.
แว โคแบ๊ซว๊าโม ซี๋, กู๊แหน่เออ เป ทวา เฮ๊อ จอแปแหร่ อาพู๊ เต๊เห่ เฮ๊อ หม่าแน๊เรอ เป เก่ ทวาแถ่ แกแย ฮู๊เต ปา เต๊อเจ่อเต เนอ, อู เด๊อซิเง โอ่หนื่ออื่อแต่ล๋ายเป เตอเจ๋อ โต่. หม่าแน๊เรอ, เตเออเนอ เป ซิเง โทเฮ๊อ เนอ, ช๋า แบ่เจ่ เหย่ซู่ครี๊ แฮเด๊อะโอ่โลแถ่ เบ๊อะเนอ ปาเนอ, เป เก่ แซ่เน๊อ อา ปา, เมเตเฮ๊เรอ เป เก่ แม๊เถอะ หม่า เจ๊อ อา ฮู๊ อา หม่าแหน่ เนอ ปา.
ฮู๊เนอ อาขว่าอาคยา, เป แหน่แบ่เจ่ เร๊อดื่อ เป แด๊โฉ่โด่แน โลเป่ เพรหยื่อเอ่ตู๊หมู่ตอกล๊อ เด๊อ อาโร เต๊เห่ เร๊อ ซีหรี่ซีแก. เบ๊อะซี ข่าเบ่ เตเมจาเมจือ เร๊อ เตแป่เตเช เต๊เห่ เบ๊อะเนอ, แด่ทูซิปล่อเบ๊ เร๊อ ซี โอ่หม่าโอ่กลอ เด๊อ ซี เตหยื่อเตแหน่ อากู อาขว่าอาคยา, เป แด่แถ่โล โม เกอเร๊อ แหน่เจ๊อ เป ซิปล่อ.
เมเตเฮ๊เรอ เหย่ซี อาเพออาโพ เด๋อ งย๊าเค เต๊เห่เนอ, อา เมจาเมจือ โทลอเฮ๊อ เพรโพร เต๊เห่ ฮู๊เนอ เฮ๊อ. เบ๊อะซี แม๊เถอะ เบ่เฮ๊อ ฮู๊เนอ ปา อาเบ๊อะเนอ, ซิครือซิลอ แลแค นี๋. เตซิครือซิลอ อี๊ฉ่าอี๊เปล๊อ แลแค นี๋, เมเตเฮ๊เรอ เด๊อ ซีเงเนอ, จอแปแหร่ แด่หนื่ออื่อ เป่เฮ๊อ ซี เตเหม่หนิคว๊าเก่ เด๊อ ม๊อขุ เนอ อาดุ หม่าแหน่ เจ๊อ.
ကြော်ငြာတွေ